Veiligheid by die land se grootste platinummyne in Rustenburg is opgeskerp nadat sowat 70.000 Amcu-lede vanoggend met ‘n onbepaalde staking begin het.
Veiligheidsbeamptes bewaak tans die ingange van die mynskagte.
Duisende werkers sal na verwagting later vanoggend by die Wonderkopstadion stroom waar die president van Amcu, Joseph Mathunjwa die stakers sal toespreek.
Produksie het gisteraand laat tot stilstand gekom.
Werkers het die skagte van die drie groot platinummyne Woensdagaand verlaat en nie vir die vieruurskof opgedaag nie.
Amcu-lede by goudmyne staak nie saam nie, nadat die Arbeidshof Woensdag uitspraak oor die staking voorbehou het.
Cosatu sowel as Fedusa en NACTU het ‘n NEDLAC-konferensie in Pretoria bygewoon om ‘n gesamentlike strategie te formuleer wat vyandigheide tussen vakbonde kan oplos.
Die president van Cosatu, Sduma Dlamini, sê vakbonde moet byeenkom en hulle verskille bylê.
Hy het ‘n beroep op Amcu gedoen om die konferensie by te woon om te fokus op werklike probleme.
As daar weer uit selfverdediging geskiet word is daar weer ondersoek op ondersoek en almal huil weer. Wonder wat is die planne om die veiligheid op te skerp?
Hmmm, Wonderkop ~0~ Wonderkop … nou wonder ek, gaan Malema ook een of ander tyd, dalk op ‘n ander dag, ‘n spreekbeurt kry ten einde die spulletjie verder op te stook ?
Ek wag vir die aankondiging dat die staat hierdie myne gaan nasionaliseer om die werkers se werk te red.