Amculede is van plan om op te hou werk by Impala Platinum (Implats), die tweede grootste platinumprodusent in die wêreld, ná ‘n stem ten gunste van ‘n staking oor lone.
Die vakbond het Maandag ‘n 48-uur-stakingskennisgewing aan die mynmaatskappy uitgereik.
Amcu is vroeër toestemming gegee van ‘n staatsbemiddelaar om arbeidsaksie van stapel te stuur by Implats, Anglo American Platinum en Lonmin.
Gelyktydige stakings by al drie platinum maatskappye sal ten minste die helfte van die globale produksie van die metaal tref en kan soveel as twee-derdes van Amplats se gesamentlike ondernemingsbedrywighede raak.
Die president van die mynwerkersvakbond Amcu, Joseph Mathunjwa het vakbondlede in Noordwes gevra om nie die vakbond te verlaat nie. Hulle dreig om uit die vakbond te onttrek weens beloftes wat wat die voorsitter glo nie nagekom het nie.
Mathunjwa is vroeër deur vakbondlede by Impala se Skag Ses ontbied, weens die ontevredenheid oor beloftes van verhogings en ‘n landwye staking.
Hy het egter aan die meer as vierduisend werkers ‘n sertifikaat gewys wat hulle toelaat om te begin staak. Verdere vergaderings word vir dié week beplan.
‘n Woordvoerder vir Amcu, Jimmy Gama, wou nie sê hoeveel die werkers vra nie en of hulle gaan afsien van hulle eis dat die basiese loon verdubbel moet word nie.
Mathunjwa sê intussen die beskuldigings teen hom is ongegrond en kwaadwillig, en Amcu sal veg vir ‘n beter salaris vir sy lede.
Die Rand kan onder verdere druk geplaas word weens die salarisstaking by Implats.
Bye bye Platinum bedryf….
Die perfekte geleentheid vir Malema se bynbou kapings planne.
Daar sal vanuit ANC geledere groot pogings aangewend word om hier tussenbeide te tree. Wie wat ookal doen, dit gaan nie almal tevrede stel nie. Van nou af gaan dit wees oor wie doen wat vir die meeste stemme, en te hel met die myne se toekoms.
Ek verheug my daarin dat die mynbase, op watter manier ookal,aan die kortste ent gaan trek.
En dalk is hierdie die begin van Oom Siener se voorspelling dat hierdie stakings landwyd gaan begin.
Nie net die myne nie.