Twee lede van die Tshwane Metropolisie wat daarvan aangekla word dat hulle ‘n motoris van R500.000 kontant beroof het, verskyn vandag in die Pretoria-Noord landdroshof.
Na bewering het die twee die motoris op die N-1 naby Hammanskraal weens ‘n spoedoortreding vasgetrek.
Terwyl hulle die motor deursoek het, het hulle op die kontant afgekom en die voertuigbestuurder gedreig dat hulle hom vir geldwassery in hegtenis gaan neem.
Volgens die woordvoerder van die Tshwane Metropolisie, Isaac Mahamba het hulle ‘n deel van die geld geneem en die bestuurder beveel om te ry. Die twee staar ook skorsing in die gesig. -RSG
Liewe ouers, wie ry met daardie bedrag geld sommer so in sy motor ?
Tshwane Metropolisie – julle is wragtig ‘n helse verleentheid vir die land (en in meer as net sommige gevalle, enige motoris se nagmerrie). Nietemin, ek is bly die motoris het dit aangemeld.
SKORS HULLE !
Ai Trippie, wie ry met die geld rond? vra jy….die metro polisie
Moet net sê ek was bietjie, nee, BAIE verbaas dat hulle nie alles gevat het nie, dit was seker te veel werk om so heen en weer te loop. PT toetse is ook nie meer wat dit was nie.
Middag Andrea, jong, as jou agterstewe gelyk het soos meeste van hulle sin, sou jy ook nie baie beweeglik gewees het nie … LoL !
En nou wil Eric hulle in ‘n i10 druk! Sal mos nooit werk nie!
Hoe kry jy 20 Politici in n i10?……………. gooi n boks KFC daarin
En dis hier waar Gustav nuwe materiaal kry vir BODEM 7. – Die Stormloop
kiep, kiep, kiep, kiep….