Dit is moeilik om te besluit wanneer ‘n mens genoeg van ‘n debat gehad het. Blykbaar is daar nog voldoende belangstelling in die Flip Buys/Lina Spies-debat. Dit gaan immers om belangrike Afrikanersake. Pieter Hunter van Hermanus se brief (Die Burger, 7 deser, p 8) is nie sonder verdienste nie. Dit is met die opskrif “Moet jy swyg oor korrupsie en waardes?” gepubliseer. Ek haal dit in sy geheel aan.
“Lina Spies het dit teen Flip Buys se ‘retoriek van ‘n verbygegane era.’ Haar opmerkings getuig egter van ondeurdagte ongeduld.
“Soos sy, is Buys geregtig op ‘n mening. Dit is deel van wat NP van Wyk Louw die ‘aristokratiese lewenshouding’ noem wat hy beskryf as ‘die verantwoordelikheidsgevoel teenoor ‘n mens self, dit is die geloof aan ewige geestelike goedere en die geloof dat hul waarde onafhanklik van die goed- of afkeuring van die mense is.’ As Buys dus as pleitbesorger vir tradisionele Afrikanerwaardes optree, is dit nie net sy goeie reg nie, hy verwoord ook die standpunt van duisende Afrikaners wat steeds daardie waardesisteem wil handhaaf. As dit nie by die moderne, liberale denke aanklank vind nie, moet die boodskapper nie geskiet word om die boodskap te smoor nie.
“Spies sal ‘n konstruktiewer bydrae lewer as sy as akademikus saam wil dink oor die handhawing van Afrikanerwaardes in ‘n tydperk waar die individu ten koste van tydlose waardes verafgod word. Sy vra: ‘Wat is die “goeie saak” waarvoor nou gestry moet word en waarvoor ons niks opeis wat ons ander nie gun nie?’ Weet sy nie dat haar moedertaal, Afrikaans, onder beleg is nie? Weet sy nou nog nie dat onderwysstandaarde in staatskole tot onaanvaarbare vlakke gedaal het nie? Moet almal, om politiek korrek te wees, stilswyend toekyk hoe korrupsie toeneem en beskaafde standaarde en oorgeërfde waardes tuimel?
“Van Wyk Louw het ook gesê: ‘Opstand is net so noodsaaklik in ‘n volk as getrouheid. Dit is nie eens gevaarlik dat ‘n rebellie misluk nie; wat gevaarlik is, is dat ‘n hele geslag sonder protes sal verbygaan.’ Wil Spies en haar geesgenote die wortels waaruit sy stam, misken ter wille van ‘ons multikulturele samelewing en die globale werklikheid’?”
Na aanleiding van kommentaar wat op Praag gelewer is, moet ek billikheidshalwe noem dat Spies, anders as haar opvolgers (die huidige dosente in die departement Afrikaans aan die Universiteit Stellenbosch), bereid was (en sekerlik is) om onomwonde vir Afrikaans as tersiêre onderrigtaal in die bres te tree.
Leon Lemmer
Vir my is dit gaaf dat Afrikaners met mekaar begin gesels al
is daar verskille en hulle minder aan die hopelose regering se twak steur. Op n
manier het die verwarde Afrikaners se prioriteite van gesprek verander na eie
sake. Die Afrikaners was so oordonder deur hulle verlies dat daar baie stadiums
van aggressie moes verwerk word. Vir my dui dit beslis op n belangrike geestelike
prioriteits verandering en vir ons ou volkie kan dit beter dinge inhou. Perslot
van rekening weet ons reeds presies waar ons staan met die huidige regering –
verander sal en kan hulle nie. Dit merk vir ons nou tyd uit om aan ons eie sake
wat werklik saakmaak te werk. Al moet beide hierdie persone nog n pad stap om
hulleself te bewys dat Afrikanerbelange hulle hoogste prioriteit is.
Innige meegevoel met jou Leon, met jou rol as Klaas Wakie (‘n ander ou as Klaas Vakie, die ou wat sand in die oë strooi), daar in die Kaap van Geen Storms. Dis da’m ‘n paar flou perde wat jy moet kats gee om iets uit die spul te kry, ek meen, Flip Buys, Lina Spies, daai Du Preez-ou en nou dié Hunter-kêrel.
As ek da’m nie ‘n hele paar jaar in die Kaap gewoon en van beter geweet het, sou ek gesê het hokaai, laat staan, laat die winterwaters maar vanself oor die winterakkers daar agter die druiwegordyn loop. Nee, daar is kêrels wat uit taai hout gesny is, hoekom jy nie van hulle hoor nie is deurdat hulle lankal, vir jarre, nie notisie neem van briewe in DB en Rapport nie, dan kan jy netsowel belangstel in die weerprogram vir Alaska.
In elk geval: Dis die jaar 2014 en jy wil die gange van die land se droewe politiek met behulp van dié vier karakters optel skuins voor die Reiger, die Tyger en die Titanic by die Union-Hotel (waar was dit nou weer? Worcester, Hangklip of Hartswater?), vasgemeer het?
Al wat ek kan skryf is dat as ons die dag vir Flip Buys uit Solidariteit, Danie Langner uit die Voortrekkers, Willie Spies uit Radio Pretoria, Koos Bekker uit die Naspespulpkartel… geskop het en die Vierkleur oor Stellenbosch wapper, sal ons ‘n aanbeveling aan die Dagbestuur doen dat jy ‘n medalje vir lankmoedigheid moet kry. Werda!
Piet Hurter
Boetie van formaat wat laaaaank t’rug die boeties se Aucklandpark posbusse en kantore vanuit België se Koeltier kantore besig gehou het…
En so stappie tyd aan…
🙂
Thumbs up !
huh!
LoL – dit was op jou plasing van so flussies, ek het per abuis dieselfde artikel nou dubbeld gelaai. TSK !
Sal volgende week vir jou terugvoer gee.
Baie interessant, ek ken Pieter Hurter persoonlik. Was eers woonagtig in Pretoria, en daarna verhuis na Hermanus.
Ds Pieter Hurter? Interessant?
Nee, hy is nie ‘n predikant nie, in elkgeval nie waarvan ek bewus is nie. Ken hom reeds 32 jaar.
Tensy dit baie toevallig is dat daar 2 Pieter Hurter’s is wat tans woonagtig is in Hermanus. Sodra ek terug is op kantoor, sal ek hom skakel en vra of hy die persoon is wat die brief in die Burger geplaas het. Sal terugvoering gee volgende week.
Eintlik baie maklike oplossing. Voorheen in België???
🙂
Die Pieter Hurter van Hermanus wat ek ken, het lank in Pretoria gewerk – vroeer in die Invoer/uitvoer-besigheid (dalk ‘n arm van die ou NI) en toe as ‘n aandelemakelaar.
Indien daar nog ‘n Pieter Hurter op Hermanus bly, moet hulle asb. tussen hulle die saak uitmaak hoe daar onderskeid tussen hulle bydraes in die media getref kan word.
Die Piet wat ek ken het soms snaakse idees, maar in wese is hy ‘n Afrikaner.
Kan ons nou maar klaarkry met die hierdie non-debat, asseblief Praag? Flip Buys verteenwoordig nie tradisionele Afrikanerwaardes nie. Hy het ingekoop by die ANC net soos Naarpers en is ‘n bewonderaar van Madiba. Hierdie kamtige “menings” is die Broeders se poging om Buys te herverpak as konserwatief en dis duidelik georkestreer. Dis vervelig en dit hoort nie op Praag nie. Buys is ‘n agent en ‘n totale liggewig en na sy dom uitsprake oor “rassiste”, net soos Spies s’n moet daar nou skadebeheer kom van FW se kornuite. Ek hoop dis nou die laaste van die “debat”.