Die president van Rusland, Wladimir Poetin, het sy stilswye verbreek na twee dodelike selfmoordbomaanvalle voor die Winterspele in Sotsji.
Hy het die stad Volgograd besoek nadat twee dodelike ontploffings deur vermeende Tsjetsjeense terroriste op agtereenvolgende dae die lewens van minstens 34 mense geëis het.
Poetin het ook met die veiligheidsdiens en die minister van binnelandse sake in die stad vergader om veiligheidsmaatreëls oor die hele Rusland te verskerp.
Hy het ‘n streng waarskuwing aan terroriste gerig dat hulle “totale uitwissing” in die gesig staar en dat hulle sonder einde gejag sal word.
“Liewe vriende, ons buig ons hoofde voor die slagoffers van wrede terreurdade . Ek is seker dat ons fel en konsekwent sal voortgaan met die stryd teen terroriste tot en met hulle totale uitwissing,” het Poetin gesê in ‘n ongewone TV-uitsending.
Met die komende Olimpiese Spele in Sotsji, is alle oë op Rusland gerig na Sondag en Maandag se selfmoordbomme wat 34 mense se lewens geëis het en nog 80 beseer het.
Volgens The Moscow Times, was die vermeende aanvaller ‘n Rus wat werksaam was as ‘n paramedikus by ‘n ambulansdiens en in 2011 by Dagestan se militante aangesluit het, na Islam bekeer is en sy naam verander het na Ansar Ar-rusi.
Prins Bandar, hoof van Saoedi-intelligensie, het President Vladimir Poetin in Moskou verlede jaar gedreig dat hy Tsjetsjeense terroriste sal loslaat by die Winterspele as Rusland nie sy steun vir Assad en Sirië laat vaar nie.
Hy het ‘n alliansie tussen OPUL en Rusland as ‘n aansporing aangebied om Poetin toe te laat tot die globale gas- en oliemonopolie. Poetin het dit van die hand gewys.
Bandar het by dieselfde geleentheid gespog dat hy Tsjetsjeense tereur befonds en bestuur na willekeur.
Prins Bandar was lank Saoedi-Arabië se ambassadeur in Washington, en hy is ook bekend onder die naam “Bandar Bush”, want hy is ‘n baie goeie vriend van die Bush-familie.
In die EU se Nasionale Intelligensie Raad ( NIC ) verslag getiteld “Globale tendense 2025: ‘n getransformeerde Wêreld” is die behoefte vir langtermyn strategiese denke oor beleidsake binne EU-instellings geformuleer as noue samewerking met die EU Instituut vir Sekerheidstudies om “die Atlantiese vennootskap te fasiliteer”.
Die VSA en die EU verwys nie amptelik na terroriste in die Noord-Kaukasus as sulks nie.
Die Carnegie Center in Moskou was voorheen betrokke in Rusland met verskeie politieke en ekonomiese doelwitte in die Noord-Kaukasus, deur veral gebruik te maak van 50 persent werkloosheid in Ingoesjetija en 30 persent in Tsjetsjenië.
Gebiede van hoë werkloosheid in die Moslem-wêreld bied goeie werwingsgeleenthede gefinansier deur Saoedi-Arabië, Katar, en die Emirate.
Dagestan word beskou as Rusland se “swakste skakel” in die Kaukasus.
Amerikaanse, Britse, en Noorse ondersteuning vir die Tsjetsjeense leier Akhmed Zakajef, wat ‘n goeie vriend van die nou-ontslape oligarg Boris Berezovsky was, is welbekend.
Die Noorse ministerie van buitelandse sake het by monde van Odd Skagestad Zakajef as die “wettige verteenwoordiger van die Tsjetsjeense ballingskapgemeenskap, maar ook van Tsjetsjene in Tsjetsjenië ” beskryf, alhoewel Zakajef op verskeie Interpollyste vir skakels met vermeende terrorsite verskyn.
Skagestad gesê Noorweë ignoreer Interpol se lasbriewe vir Zakajef.
Zakajef het ook beduidende steun van die regerings van Denemarke, Finland, en die Tsjeggiese Republiek, waar daar ‘n aktiewe Tsjetsjeense ballingskapgemeenskap woon.
Die Kawkaz-sentrum, geleë in Helsinki, Finland bedryf ‘n pro-Kaukasus- en Emiratewebwerf en bied ‘n belangrike openbare betrekkinge diens aan vir Doku Umarof, die Tsjetsjeense terroristeleier.
Anders as Suid-Afrika se mees patetiese president, het Poetin ook die slagoffers in hospitale besoek !
Hier is nou ‘n man met ruggraat !
As daardie minderheid vra vir ‘n klein deel van Rusland vir hulleself, sal hy dit aan hulle toestaan?
Dit is wat ons as Afrikaners hier in ZA vra – die kans dat enige regering in die wêreld so iets sal toestaan is bitter bitter klein.
Eintlik word minderhede erken in Rusland, met ‘n mate van godsdiensvryheid en taalvryheid. Die konteks van hierdie aanhaling is minderhede wat sjaria wette op die meerderheid wil afdwing
Ek verstaan dit so maar dit maak nie my vraag ongeldig nie – sal hy vir daardie minderheid hulle eie grondgebied afstaan? Ek twyfel, kyk maar na die oorloë in Georgië ens.
Tenspyte van hierdie kritiek dink ek Poetin is een van die min wêreldleiers wat se kop effens reg opgeskroef is – die res nou ja kyk maar na ons leiers as voorbeeld.
Nie onafhanklikheid nie, maar ja ten minste erken Putin minderhede in sy land, anders as die Britte wat maak asof almal in hulle Empire die Britse onderklas is, swart en wit. Dis duidelik dat Westerse oliebelange Rusland wil destabiliseer. As Putin die terros waarsku het Israel waarskynlik een van die dae groot probleme want hulle is die sponsors daarvan.
Stem saam.
‘n Tammeletjie hierdie een voorwaar. Putin het die Islam reeds ‘n waarskuwing gegee. Hy het ook aan hulle voorgestel dat hule na lande toe moet verhuis waar Sharia toegepas word, as dit onhoudbaar word in Rusland.
Sekerlik sal hy op geen manier aan die Islam binne Rusland onafhanklikheid gee nie. Dit is nie ‘n vaste Volks groep wat dit wil hê nie, maar sommer enige bliksem wat nou skielik ‘n Moslem geword het.
Waar gaan dit eindig. ??
Janee – swaai nou om na Moslem en wil dan jou eie stuk van ‘n land hê is een ding. Vir my gaan dit oor ons eie situasie in ZA. Ons vra ‘n stuk grondgebied waar ons ons Afrikanerskap kan uitleef as ‘n onafhanklike land en staat – Ons het egter reeds ‘n lang geskiedenis hier in ZA maar dit beteken nie dit gaan ons gegun word nie (ons het dit mos glo van hulle gesteel). Ons is ook al aangesê om terug te keer Europa toe maar in ons geval is dit verseker nie prakties en/of haalbaar nie.