praag.co.za

Stalinistiese afgodbeelde

Written by

Dan Roodt

in

,

delport_manfred_600

deur Manfred Delport

[followbutton username=’ManfredDelport’ count=’true’ lang=’en’ theme=’light’]

Volg Manfred op Facebook.

Die mensdom is nou maar eenmaal lief vir sy standbeelde. Die volk Israel het vir Moses ernstig beswaard gehad toe hulle ‘n standbeeld van ‘n goue kalf gemaak het, toe Moses vir veertig dae op die berg Sinaï verdwyn het. Die volk en die Israeliet Aäron se standbeeld van die goue kalf het vir Moses só onstig dat hy die twee tablette waarop die Tien Gebooie geskryf was, stukkend gegooi het. Wonder terloops wat ‘n Afrikaner-Moses in die jaar 2013 sou gesê het, as hy die klakkelose afgodediens aan Sint Mandela sou gadeslaan.

Lank vóór Moses, het jou en my voorouers in Europa standbeelde gemaak van moederlike figure. Daar is byvoorbeeld ‘n sogenaamde Venus in Willendorf, Oostenryk, gevind, wat na bewering terugdateer na 26 000 jaar vC. Dié se liggaamsbou herinner aan ’n wafferse Angie Motshekga, met formidabele dye, boude en borste.

Die Grieke en Romeine het die kuns van standbeelde na ‘n hoogtepunt gevoer. As ek Azaniese taxibestuurders sien, wat so met die een arm by hul voertuie se vensters uithang, herinner hulle my aan die armlose Griekse standbeeld van die godin van liefde, Venus, wat in sowat 100vC geskep is, ter ere van die godin van liefde, wat in die Louvre staan.

Tydens die Renaissance het Michelangelo sy Dawid-meesterstuk geskep. Later het die Franse vir die Amerikaners die Statue of Liberty geskenk, en in 1903 is die meerminstandbeeld in Kopenhagen opgerig.

Politieke standbeelde is eweneens nie ‘n nuwe verskynsel nie. Die Romeine en Egiptenare was bekend vir hul standbeelde van hul adel en keisers. Gaius Julius Caesar se gevreet is aan ons almal bekend, as gevolg van verskeie borsbeelde en standbeelde tot sy eer, wat deur die Romeine aan ons nagelaat is. Ná Abraham Lincoln se dood is ‘n standbeeld van ‘n sittende Lincoln in Washington opgerig, wat strak oor die Washingtonse National Mall uitstaar. Ook in Suid-Afrika het ons ons politieke standbeelde gehad. Van Riebeeck en sy vrou pryk in Kaapstad. JG Strijdom se standbeeld het oor Strijdomplein in Pretoria gekyk. Verwoerd se standbeeld moes na Orania verskuif word.

Die meesters van groteske, politieke standbeelde was egter die kommuniste. Veral standbeelde van Stalin was berug vir hulle obsene verering van die anti-held, Stalin. ‘n Kenmerk van Stalin se standbeelde was hul enorme grootte. Hoe groter, hoe beter, was die riglyn vir kommunistiese beeldhouers; ‘n tipe hiperrealisme. Jan van Riebeeck se amper-lewensgrootte standbeeld en JG Strijdom se standbeeld is beskeie, gemeet aan die oordadige afmetings van tipiese kommunistiese standbeelde.

stalin_statue
Die eertydse standbeeld van Stalin in Praag, tans Tsjeggië

Die mees berugte voorbeeld hiervan was ‘n massiewe granietstandbeeld van Stalin in Praag, wat tussen 1955 en 1962 in Tsjeggo-Slowakye gestaan het. Díé groteske beeld was 15m hoog (sowat 5 verdiepings) en was sowat 22m lank. Op sy dag was dit die grootste standbeeld in Europa. Dit het die beeldhouer, ene Otokar Svec, sowat 5 jaar geneem om te voltooi. Dit het Stalin uitgebeeld, vooraan ‘n ry van figure, wat op spottende wyse die “tou vir vleis” deur die inwoners van Praag genoem is, in ‘n siniese verwysing na die kenmerkende toue vir kos in kommunistiese regimes. Mettertyd het Stalin egter selfs vir kommunistiese bewinde ‘n verleentheid geword, en díé standbeeld is in 1962 dmv 800kg springstof vernietig. Otokar Svec het die dag voor die onthulling van die standbeeld, selfmoord gepleeg. Kennelik het sy gewete hom gepla.

Suid-Afrika, synde een van die laaste vestings van die kommunisme, naas Kuba en Noord-Korea, het egter nog nie die lesse van die geskiedenis ter harte geneem nie. ‘n Enorme, 6m hoë, stalinistiese standbeeld van Mandela is in 2004 in Sandton Square opgerig. Tot vandag toe neem toeriste foto’s voor dié stalinistiese standbeeld in Sandton Square, salig onbewus van die feit dat die ikoon Mandela ook ‘n toegewyde kommunis was – hy het byvoorbeeld ‘n traktaatjie, How to be a Good Communist, geskryf, en die SAKP het onlangs op aanspraak daarop gemaak dat Mandela vanaf 1962 ‘n lid van die SAKP was. Ek het geen rede om van die SAKP te verskil nie – die KGB-kolonel en SAKP-lid, Joe Slovo, het sekerlik geweet waarvan hy praat. Daarom hoef ons nie verbaas te wees dat daar ook in Suid-Afrika ‘n stalinistiese verering van Mandela sou plaasvind nie.

Die jongste voorbeeld van die heersende neo-stalinisme in Suid-Afrika, is die onlangse onthulling van ‘n selfs groter stalinistiese standbeeld van Mandela as die obsene gedrog in Sandon Square – dié een is 9m hoog – by die Uniegebou. President Zuma het die opgrigting hiervan afgekondig nadat Mandela oorlede is. Met geweldige ironie is hierdie standbeeld, nes dié van Stalin in Praag, ook nie deur Mandela se volksgenote geskep nie. Otova Svec was nie ‘n Georgiër soos Stalin nie, en die skeppers van die stalinistiese beeld van Mandela was ook nie Xhosas soos Mandela nie. Nee; hulle was Afrikaners: André Prinsloo en Ruhan Janse van Rensburg.

G’n mens weet wat dié twee besiel het om aan ‘n stalinistiese standbeeld aan ‘n dooie kommunis te werk nie, buiten miskien geld. Ek hoop maar vir hul eie onthalwe dat hulle tot besinning kom, voordat hulle gewetens hulle ook, nes Otoka Svec, opkeil, en hulle miskien insgelyks selfmoord pleeg wanneer hulle besef wat hulle gedoen het. Stalin was ook ‘n held in 1955, maar skaars sewe jaar later is sy standbeeld met trinitrotolueen opgeblaas, toe hy ‘n verleentheid geword het. Sewe jaar is ‘n lang tyd in die politiek; ek droom van die blye dag wanneer die afstootlike standbeelde van Mandela, nes Stalin en Saddam s’n, vernietig word.

[followbutton username=’ManfredDelport’ count=’true’ lang=’en’ theme=’light’]

Volg Manfred op Facebook.

Comments

7 responses to “Stalinistiese afgodbeelde”

  1. Trippie Avatar
    Trippie

    Manfred, nog ‘n puik artikel uit jou pen !

    Moontlikheid is natuurlik groot dat hierdie twee Afrikaners self Mandela tot ‘n “god” verklaar het (soos duisende ander blankes), en dan ook, finansieel daarby gebaat het.

    Hierdie opgerigte afgode-drek sal dalk nie in ons leeftyd vernietig word nie, maar ja, dit sal ‘n blye dag wees.

    1. david ras Avatar
      david ras

      Dalk kom die weerlig hom by Trippie. Die gedoente is glo van brons en kan net dalk weerlig aantrek.
      (“a man can dream can’t he ?)

      1. Trippie Avatar
        Trippie

        David, ek sal nooit ophou droom nie.
        Dankie ook vir jou bydraes hier op Praag, altyd moeite werd om te lees.
        Groete, Trippie

  2. Gert Kruger Avatar
    Gert Kruger

    Onderstaande kommentaar oor die Afrikaner se vermoeë tot veranderlikheid en aanpasbaarheid is reeds op 13 Julie ’04 uitgereik. Na aanleiding van die skrywer se kommentaar hierbo oor die twee Afrikaners wat verantwoordelik is vir die skepping van ‘n stalinistiese standbeeld van Mandela, plaas ek dit graag hieronder omdat Mandela homself daaroor verwonder het! – G.K.

    DIE “MADIBA” VERWONDER HOM OOR DIE WITMAN SE VERMOë OM TE VERANDER EN AAN TE PAS!

    Tydens die “Madiba” se openbare optredes het hy baie opmerkings en uitlatings oor die witman gemaak. Een daarvan het hy gedurende sy ampstermyn as president van die “nuwe SA” gemaak. Hierdie was een van die dinge wat die VVO nog altyd oor gewonder het. Vroeg in die jaar 1998 het hy o a die volgende gesê:

    “WHEN THE WHITE MAN CHANGES, HE REALLY CHANGES!”

    Hierdie uitlating is nogal baie insiggewend want vanuit die kultuur waarin hy opgegroei en groot geword het was dit sekerlik vir hom vreemd en miskien ‘n skok om te ervaar en te aanvaar dat alles waarvoor jy gestaan en gestry het sommer so weggegee en oorgegee kan word, soos wat die witman onder leiding van P W Botha, F W de Klerk en diegene wat saam met hulle in hul onderskeie parlemente gesit het asook die witmense wat vir jare vir die “leiers” se veranderinge gestem het, gedoen het. Geen wonder dat hy ooglopend geen respek het vir die witman nie en toegelaat het dat hy uitgemoor, sy huise en besittings geroof word, sy vrouens en dogters verkrag word, sy skole geïntegreer en ver-Engels word, sy taal afgeskaal en tot nil gedegradeer word en met al die mag tot sy beskikking nie ‘n duim verroer het om hierdie opsetlike en sinnelose aanslag teen die witman te keer nie.

    Dit moet seker vir die “Madiba” baie eienaardig en snaaks gewees het dat dit juis hy, die swartman, moes wees wat hierdie beleid van selfmoord wat die witman teen en op homself begin het, ten uitvoer moet bring! Enige witman met ‘n mate van selfrespek, beginsels en erkenning vir wat reg is, sal toegee dat Mandela eintlik erkenning behoort te kry vir sy standvastigheid en standpunt want hy bly ten minste by dit waarin hy groot geword, geleer en opgegroei het en sal tot vandag toe niks doen om daardie beginsels te verkrag nie. Soos wat hy jare gelede in sy boek “How to be a good Communist” geskryf het, so bly hy tot vandag toe ‘n “goeie kommunis” en bly hy by daardie standpunt staan! Die witman kan dus wat hierdie aspek betref baie by die swartman, maar spesifiek by Mandela, leer!

    So was dit juis dit witman wat tydens die destydse hofsaak van SARVU waarin Mandela moes getuig het, bekommerd was dat daar ‘n presedent geskep sal word wanneer die swart “president” in ‘n hof moet getuig. Wat die witman waarskynlik nie besef nie is dat ‘n presedent reeds geskep is by name “president” Nelson Mandela! Hy was waarskynlik die grootste presedent wat ooit deur ‘n witman, by name F W de Klerk en Kie, geskep is! Terwyl die witman, De Klerk, met ‘n uitlander en Griek, geflankeer het, het hy toegelaat dat sy land en volk aan ‘n swartman oorhandig word. (Nou weet ons ten minste hoekom die naam VERWOERDBURG na ‘n uitheemse, Griekse en Romeinse naam, nl CENTURION, verander moes word!) Dit is moontlik omdat die liggewig witman, Roelfie Meyer, destyds nie in staat was om te besef, of moontlik nie by magte was om te keer, dat die swartman alles oorneem nie. Hierdie proses van kapitulasie van die witman het soos mens kan verwag, die argwaan en minagting vir die witman by die swartman laat ontwaak. Die toppunt daarvan het tot uiting gekom toe die swartman ‘n klompie jare gelede gedurende ‘n debat in die hoogste gesagsliggaam, nl die Parlement, vir die witman geskreeu het: “JOU WITHOND!” Dit was die begin van die openbare haatveldtog teen die witman en wat later sou uitkring tot moorde en aanvalle op wit boere op plase en witmense in dorp en stede!

    Die hele storie is inderwaarheid te snaaks om te glo. Stel jou voor: die swartman, Mandela, wil die witman se regering ongeveer veertig-vyftig jaar gelede deur geweld en bomme omverwerp. Hy word deur die witman gevang en vir veilige bewaring in “gevangenis” gehou sodat hy na ongeveer dertig jaar se gevangenisskap deur die witman F W de Klerk, en op die witman se heilige dag, die Sondag, die Sabbat, op televisie en ten aanskoue van die hele wêreld as die “Madiba”, die “groot verlosser”, vrygelaat word! En die witman kan nie laag genoeg buig en kruip om Mandela en diegene wat saam met hom losgelaat en ontban is, ter wille te wees nie! Daar word agter die skerms deur die witman samesprekings met hom en sy kommunistiese meelopers gevoer en beding sodat wanneer hy aan bewind kom daar darem voorsiening vir ‘n volkstaat in sy grondwet gemaak sal word. Die een dag stel ‘n sekere groepering van die witman se leiers hulle wit volgelinge tevrede dat daar nie aan die sg demokratiese verkiesing van April 1994 deelgeneem sou word nie, die volgende dag registreer hulle ‘n politieke party en kondig, strydig met dit waartoe hulle die vorige dag in ‘n groot vergadering van wit-ondersteuners ingestem het, aan dat daar nou aan ‘n demo(n)kratiese verkiesing waarin hy vir sy eie ondergang gaan stem, deelgeneem gaan word!

    Wat nog eienaardiger en by verre die mees eienaardigste is, is dat die swartman, Mandela, vir dekades in veilige bewaring in die tronk gehou was en deur die witman aldaar toegerus word om die witman se regering oor te neem en tot ‘n “president” verhef te word! Daar sit hy rustig sit op die koste van die witman se belastinggeld, en word met telefoon, faksmasjien en alle moontlike kommunikasietoerusting en ander luukse voordele toegerus. Lank voor hierdie tyd en om in te pas by ‘n plan waartoe hy waarskynlik ingestem het, word die witman se groot leier, dr H F Verwoerd, deur ‘n geestelik versteurde wat nie kon aanvaar dat hy ‘n baster is nie, ‘n skelm en bedrieër, ‘n selferkende buite-egtelike tussen ‘n Griekse pa en ‘n nie-Blanke Portugeuse vrou,’n rondswerwende uitlander en kommunis, ‘n sluipmoordenaar wat op bedenklike wyse as bode deur wit politici in die wit parlement aangestel is, vermoor! Daarna word die politiek strydig met wat die witman, Verwoerd, be-oog het, met opset deur wit politici soos B J Vorster, P W Botha, F W de Klerk en tydgenote, verliberaliseer en in ‘n rigting gestuur wat later sal blyk op selfmoord vir die witman neerkom! In die tussentyd word die swartman, Mandela en sy ANC-kommunistiese vriende, vir die witman voorgehou as die groot gevaar en elke verkiesing baklei die witman onder mekaar oor of die swartman, Mandela, vrygelaat moet word en of die ANC/SAKP ontban moet word, al dan nie. Dan hoor jy uitroepe dat indien dit, of dat, gebeur sal daar oorlog wees! Geen witman sal dit wat be-oog word toelaat nie! Toe alles gebeur waaroor die witman vir dekades onder mekaar baklei het en Mandela uiteindelik uit die tronk is, kon die witman nie vinnig genoeg kruip en laag genoeg buig, om sy guns te wen nie.

    Geen wonder nie dat ‘n konserwatiewe Amerikaanse blad, INSTAURATION, soos volg skryf: “Dit is te laat vir blank Suid-Afrika”. Hierdie blad wat die Boere/Afrikaner in SA nog altyd goedgesind was en groot bewondering vir Afrikanernasionalisme gehad het sê dat hulle nie veel hoop vir hierdie witvolk aan die Suidpunt van SA het nie! Hulle sê: “Daar sal geen blanke tuisland kom nie, wat slegs deur onderhandelings vanuit ‘n posisie van mag sou kon bereik gewees het. Die blanke het nie langer enige magsposisie nie. Wat daar wel sal wees is ‘n uittog vanuit die donkerwordende punt (“darkening tip”). Die finale drama sal plaasvind sodra die onvermydelike ineenstorting van die land plaasvind, die ekonomie in duie stort en gefrustreerde swartes wraak sal neem op enige blanke wat nog daar sal wees.”

    “In navolging van die finale gruwelikhede, sal SA sy plek inneem naas lande soos Nigerië, Soedan, Oeganda, Rwanda en die ander mislukte state van swart Afrika”.

    Dit is inderdaad tragies dat die witman en mede-patriotte van oorsee hierdie toestand van insinking, agteruitgang en kapitulasie by die witman van SA kan insien maar dat die witman alhier nie kan besef dat hy op ‘n pad van selfmoord en uiteindelike uitdelging is nie! Of is dit ‘n geval van: hy kán, maar hy wíl nie omdat die murg van sy stoere en dapper voorvaders nie meer in sy beendere is nie en hulle bloed nie meer in hul are vloei nie? En die skrif vir die voltrekking van bg voorspelling kom elke dag nader en nader. En die wit politici oorreed die wit kierserspubliek om maar elke keer weer aan ‘n komende diaboliese verkiesing(s) te gaan deelneem! Nadat hulle ons aan Mandela se swartmag oorhandig het moet ons nou ‘n sg magsblok teen hulle vorm. Nou is saamstaan en eendragtigheid baie belangrik want die witvolk bevind hom nou weer in die toestand waarin hy was gedurende 1902! En die wit kieser glo weer eens die wit politici wat ons in die afgrond van ellende laat beland het. Asof deelname aan sodanige verkiesings ons posisie gaan verander!

    Het die witman dit nie beleef dat ‘n eens dapper wit generaal, soos menige van sy voorgangers, voor die swart “presedent” kapituleer nie? Toe ons dink dat hier darem een van die “dapper generaals” met ‘n klompie “klein kommandantjies” is wat gaan vasskop, toe skop hulle uit en buig voor Mandela! Hierdie is maar nog een stap verder op die pad na die voleinding van die visioen van die vorige swart Minister van Verdediging, Joe Modise, wat al die mag van die witman verkry het om die witman te onderdruk, toe hy voorspel het dat hy die weermag gaan transformeer na ‘n uitsluitlike swart instelling wat hoofsaaklik deur oud MK’s beheer gaan word. Sy visioen was nog skaars bekend gemaak toe hy die “groot (wit) generaal” Meiring aansê om die nodige stappe in dié verband te neem en terselfdertyd sommer opdrag gegee het dat die wit generaal dit vinnig moes doen. Mens kan die “groot generaal” ook nie alleen beskuldig dat hy die bietjie volksbesit en hoop op weerstand van wit/blanke Afrikaners in die weermag sonder ‘n sweempie van skuldgevoel weggegee het nie. Nee, daar is die “klein kommandantjies” wat saam met hom uit die “loopgraaf van hoop” klim en sommer net die teken van oorgawe omhoog hou!

    Alles het natuurlik destyds begin toe ‘n ander wit “groot generaal” nl Magnus Malan, tydens sy uittreerede op 31 Januarie 1993 as minister van Verdediging, vol bravade erken het dat hy hom reeds sedert 1976 beywer het om apartheid in die weermag af te skaf. En dit terwyl hy en sy party in verkiesing na verkiesing, ja, tot 1989 nog, hulleself voorgedoen het as die groot kampvegters vir “apartheid” deur “eie sake”, “eie skole”, “eie woongebiede”, ens., vir die witvolk wat hom in die posisie geplaas het en ‘n mandaad gegee het om dit wat hy en sy party belowe het, ten uitvoer te bring. Slegs twee jaar na bg verkiesing, tydens die referendum van 1992, verloën hy en sy party die witvolk wat hom aan bewind gestel het, en verfoei hulle apartheid en sê hulle dat daar “iets anders” in die plek daarvan moes kom. Met bg referendum doen hulle ‘n oproep tot die witvolk wat die grootste persentasie “Christene” verteenwoordig, om vir hulle misleiding en bedrog te stem. Toe stem die grootste persentasie van hierdie wit, blanke, “Christenvolk”, “JA”, en gee daarmee toestemming dat F W de Klerk en sy NP hierdie wit blanke “Christenvolk” aan ‘n swart kommunistiese regering kan oorhandig!

    Nog soveel snaakser en eienaardiger as alles hierbo genoem, moes dit seker vir die “Madiba” gewees het toe die aanname gemaak is dat ongeveer 70% van die land se inwoners Christene is en hierdie “Christene” waarvan die grootste gedeelte blank/wit is, strydig met dié EEN wat hulle as hul Verlosser belei, nl JESUS CHRISTUS, en vir hulle uitdruklik in Sy Woord gesê het: “Moet nie in dieselfde juk trek as die ongelowiges nie, want watter deelgenootskap het die geregtigheid met die ongeregtigheid, en watter gemeenskap het die lig met die duisternis?” (2 Kor 6:14), gegaan en gestem het sodat hulle deur ‘n ateïstiese kommunistiese swart heidendom geregeer kan word. Hierdie blanke/wit “Christene” verkies vandag nog om deur ‘n heidendom met Kommuniste en Moslems in hul regeringstrukture geregeer te word, eerder as dat blanke/wit konserwatiewe volksgenote wat GOD DRIE-ENIG in hul konstitusie en grondwet bely, dit doen.

    In die proses het hierdie blanke/witvolk darem een ding reggekry en wat in die “BOOK OF RECORDS” opgeteken behoort te word, en dit is nl dat hulle in die geskiedenis van die ry van volkere in die wêreld waarin hulle eens met trots as ‘n afsonderlike volk kon staan, die enigste volk is wat bereid was om hulle vryheid wat deur hul voorgeslagte met bloedoffers verkry is, sonder slag of stoot weg en oor te gee aan ‘n anti-Christelike barbaredom!

    Ja, presedent Mandela, jy is reg: “WHEN THE WHITE MAN CHANGES, HE REALLY CHANGES! Maar die witman se vergewensgesindheid is oneindig en hy sal jou steeds vergewe en tegemoetkom omdat jy en jou swart mede-regeerders die land nie behoorlik kan regeer nie, omdat jy uit die bos kom, soos jyself op ‘n tydstip gesê het! Hulle sal jou nog aanbid as die Modimo as jy net so sê! Hulle sal jou ook steeds vergewe omdat jy nie ‘n volkstaat, soos wat jy vóór die 1994-verkiesing, en selfs daarna aan hulle belowe het, aan hulle wil “skenk” nie! Inteendeel, jy is reg as jy die witman uitdaag om redes aan te voer en te bewys waarom hy op sodanige “volkstaat” geregtig is terwyl hy dit prysgegee het toe hy dit gehad het!

    Gert Kruger
    (Changes)

    1. Krisjan Lemmer Avatar
      Krisjan Lemmer

      Hierdie skrywe van Gert moet as n artikel op PRAAG gepubliseer word. Op die man af , reguit onaanvegbaar,in kort die waarheid.

    2. henkst Avatar
      henkst

      Verwys, “WHEN THE WHITE MAN CHANGES, HE REALLY CHANGES!”
      Mandela het aan “vrye wil” geglo, terwyl die gereformeerde Afrikaners aan lotsbeskikking glo.
      De libero arbitrio diatribe sive collatio was written expressly to refute Martin Luther and his teachings, specifically on the question of free will.
      http://en.wikipedia.org/wiki/De_libero_arbitrio_diatribe_sive_collatio

  3. henkst Avatar
    henkst

    Die oudste standbeeld van ons stamland Nederland is die van Desiderius Erasmus Roterodamus. Die eerste beeld is al in 1549 gemaak, 13 jaar na die dood van Erasmus in 1536, ter ere van die besoek van prins Philip en landvoogdes Maria van Hongarye.
    Die beeld is ‘n paar keer vervang. In 1572 is dit deur die invallende Spanjaarde van ʼn brug in die Steigergrag gegooi.Die stadsbestuur het ‘n plaasvervanger beeld van hout gemaak, en aan die einde van die sestiende eeu staan ​​daar weer ‘n klipbeeld op die Markplein. In 1622 is die klipbeeld vervang deur ‘n bronsbeeld. Die bekende beeldhouer Hendrick de Keyser het in opdrag van die stadsbestuur die bronsbeeld van Erasmus gemaak wat eeue lank op die markplein gestaan ​​het.
    Gedurende die twintigste eeu het die standbeeld ‘n paar keer verhuis. Toe die beeld van Erasmus die bombardement van Mei 1940 ongeskonde oorleef het, is dit veiligheidshalwe in die tuin van Museum Boijmans Van Beuningen, begrawe. Na die oorlog vind die beeld eers ‘n plek op die Coolsingel, voordat hy sy finale plek op die Grotekerkplein gevind het.

Leave a Reply

More posts