Die Suid-Gautengse hooggeregshof in Johannesburg het uitspraak voorbehou in ‘n dringende hofaansoek wat deur die Tsjeggiese voortvlugtige, Radovan Krejcir se prokureurs gebring is om hul kliënt vir mediese behandeling te laat neem.
Die hof het tot in die vroeë oggendure betoë van die staat aangehoor waarom die aansoek nie toegestaan moet word nie, het RSG berig.
Krejcir beweer dat hy in polisie-aanhouding gemartel is. Die regter sal Maandagmiddag ‘n beslissing gee.
Krejcir is Vrydag in Bedfordview in hegtenis geneem na ‘n voorval wat na bewering in Junie plaasgevind het.
Dit is steeds onduidelik of die Tsjeggiese voortvlugtige in die Palm Ridge landdroshof sal verskyn. Vroeër is berig dat hy saam met ‘n medebeskuldigde in die Albertonse landdroshof aan die Oos-Rand sal verskyn.
Een van Krejcir se prokureurs, Ulrich Roux sê ‘n dokter het Krejcir ondersoek nadat hy blykbaar elektriese skokke toegedien en gewurg is.
Die dokter het bevind dat Krejcir se bloedmonsters tekens van spierskade en moontlike nierversaking toon.
Die staat sê egter hy is bewus van Krejcir se kroniese siekte en dat hy in polisie-aanhouding daarvoor behandel kan word.
Die besonderhede van waar Krejcir aangehou word, word steeds geheim gehou, aangesien die polisie volgens die kommissaris, Riah Phiyega sy veiligheid wil verseker.
Jackie Selebe, Shabir Shaik in wording, of het ek dit verkeerd?
My vermoede bestaan steeds dat daar samespanning tussen hierdie vuiluil en SAPD is. Geld wat stom is maak reg wat krom is.
Sy arrestasie en marteling is seker omdat een van die outjies toe nie hulle hap gekry het nie???
JAVR, ek dink hy is nie hard genoeg gemoker nie. Dis nie onmoontlik wat jy sê nie. Ek wil glo daar is meer betrokke, selfs die Valke en Zuma ook?
Nee – dit is gedoen sodat hy ‘n ontsnap kans kan kry.
Siekte toestande ?? Alweer ??? Is daar dan nou geen gesonde kriminele oor nie?
Volgende lees ons van ‘n Krejcir besig om golf te speel, of goed op dreef by een of ander Mall.
Nee wat, Selebi en Schaik gaan soos vulletjies lyk teen die ou.
Wie het nou weer gese “he is my friend finish en klaar” hier gaan ons alweer.