Die saak teen die 270 Lonmin-mynwerkers en lede van die publiek wat aangekla word van openbare geweld, ‘n onwettige byeenkoms en besit van gevaarlike wapens is in die Garankuwa landdroshof tot 20 Maart volgende jaar uitgestel.
Die regsverteenwoordiger vir die mynwerkers, advokaat Dali Mpofu sê ‘n aansoek gaan voor die hof gebring word om die saak uit te gooi, omdat dit nie suksesvol verhoor kan word nie.
Hy sê die saak moet teruggetrek word hangende die uitkoms van die Marikana-kommissie van ondersoek.
Die mense is in hegtenis geneem na die onbeskermde staking by die Lonmin platinum-myn by Marikana in Augustus verlede jaar. Vier-en-dertig mense is dood nadat die polisie op stakende werkers geskiet het.
Intussen hervat die Marikana-kommissie van ondersoek vandag sy werksaamhede nadat dit ‘n week lank verdaag het.
Die getuienisleier, Matthew Chaskalson sal voortgaan om die polisie se Duncan Scott te ondervra, terwyl 28 getuies nog voor die kommissie moet getuig.
Advokaat Dali Mpodu sal weer gearresteerde en beseerde mynwerkers verteenwoordig ná ‘n hofbeslissing dat die werkers se regskoste deur die staat betaal moet word. – RSG
… en intussen kos dit die belastingbetaler en Dali Mpofu se bankbalans groei …
In die eerste plek moes hierdie hooligans in ‘n hof verhoor word. Myns insiens is dis onnodig om ‘n ondersoek te las.
Willie en Trip
Ek verskil van julle oor hierdie een. Die ondersoek is meer as nodig. Dit gaan nog uitwys hoe die ANC sommer goedsmoeds op sy eie mense geskiet het. Ja Mpofu gaan ryk word hieruit maar ek gun hom daardie rykdom as die regering op sy baadjie kry.
Ongeag of die mense oor ‘n wettige rede gestaak het, het die regering sy hand oorspeel en ou Cyril se vuilwerk gedoen, net soos Smuts die mynbase se vuilwerk teen sy eie mense gedoen het.
Dankie vir jou inset R/K … natuurlik mag jy van my verskil, ek lees graag jou replieke – terloops, jy is nie net Rooikop nie, maar OOPKOP ook en ek lief dit.
Jy mag Rooikop en jy moet want dis hoe ons almal bymekaar leer. En jy doen dit op ‘n baie opgevoede manier. Ek wil jou graag krediet gee daarvoor.
Ek sê ook soos Trippie. Ek hou baie van jou insiggewende replieke.
Hier sien ek nou weer die anderkant soos jy dit geskets het.
Dankie daarvoor.
Dankie vir die kompliment.
Plesier, jy verdien dit.