deur André Olivier
Vergeet maar van die Chinese inval wat die motormark aanbetref. Ja, hulle is op pad, maar nog geensins naby genoeg om die bestaande vervaardigers soos Toyota, Nissan, Renault of Volkswagen die skrik op die lyf te jaag nie. Die Koreane is ‘n heel ander saak.
Ons almal onthou nog die lelike goedkoop Koreaanse motors van die laat negentigerjare met name wat niemand kon uitspreek nie. Wel daardie dae is vir ewig verby want Hyundai is vandag al byna net so ‘n huishoudelike naam soos enige van die Europese of Japannese vervaardigers wat al dekades lank motors plaaslik verkoop. Die verskil is net dat Hyundai se motors nie net so goed soos die meer bekende vervaardigers is nie, maar in sommige gevalle beter en baie beslis mooier.
Ons het die voorreg gehad om twee van die nuutste Koreane onder hande te kry.
Hyundai i20 1.4 CRDi
Die i20 sit die “i”-benaming voort wat plaaslik deur die i10 begin is. Soos die naam aandui, skuif die i20 een trappie hoër as die i10 op die modelleer in. Enjins begin by ‘n 1.2-liter- viersilindereenheid, met ‘n 1.4-handrat en 1.4 outomaties as die volgende twee keuses op die modelleer. Die vlagskip van die i20-reeks is egter die 1.4 CRDi met ‘n dieselmeuletjie. Dit was dan ook die een waarmee ons vir ‘n paar dae rondgery het.
Die i20 het in wese die ou Hyundai Getz vervang, so die bakgrootte en vorm is aan Getz-eienaars bekend. Hierdie is nie ‘n groot motor nie, maar vyf mense kan gemaklik inpas en daar is net-net genoeg begasieruim vir die klompie. Die doel van die i20 is egter eerder om ‘n stadsmotortjie te wees wat elke dag se pendel gemaklik en vol selfvertroue met ‘n baie goeie brandstofverbruik en gerief aan te pak.
Ons was baie verbaas oor die gerief wat die i20 bied. Daar is byna elke opsie wat enige moderne gesin sou nodig hê. Donker veloerafwerking binne die kajuit met goeie gehalte plastiekomhulsels vir die instrumentepaneel, elektriese ruite, lugversorging, ‘n baie goeie klankstelsel wat oor MP3-kapasiteit beskik en ook bluetooth kan hanteer, is standaard. Al die nodige veiligheidstelses soos ABS-remme met EBD en lugsakke vir beide bestuurder en passasier is standaardtoerusting.
Luukshede soos ‘n paneelkissie wat verkoel is deur middel van die lugversorging sal koeldrank op die lang pad mooi koud hou. Die i20 is baie meer as wat die Getz van ouds was en selfs in die ry-ervaring het dit vir ons gevoel of daar meer ‘n generasiegaping tussen die twee motors is as ‘n blote opgradering. Wat die verrigting betref, is die i20 baie lewendig vir ‘n klein dieselmotortjie. Die enjin lewer 66 Kw en 220 Nm se wringkrag wat tussen 1500 en 2700 omwentelinge per minuut beskikbaar is. Die 6-spoedhandratkas is seepglad en baie sekuur, maar omdat dié ‘n stadsmotortjie is, sou ons die i20 met ‘n outomatiese ratkas wou sien. Dit maak net soveel meer sin, veral omdat daar byna elke dag iewers in die swaar verkeer van ‘n stad gery gaan word. Sou ‘n mens dan nog die gepaste “stop/aansit”-stelsel byvoeg sou hierdie i20 sekerlik een van die heel beste stadsmotortjies gewees het.
Brandstofverbruik is ‘n skrale 5,0 liter/100 km en Hyundai gee die CO2-uitlaatgassesyfer aan as 110g/km wat beteken dat die i20 nog ‘n baie skoon dieselmotortjie ook is. Elke Hyundai word verkoop met ‘n 3-jaar/60 000-diensplan, ‘n 5 jaar/150 000km-padbystandsdiens en ‘n 5 jaar/150 000 km-vervaardigerswaarborg. Teen R199 900 dink ons die i20 1,4 CRDi Glide bied uitstekende waarde vir geld.
Ons gee die Hyundai 4 uit 5.
Hyundai i30 1.6 Premium AT
Die nuwe i30 is eintlik ‘n Elantra met ‘n vyfde deur. Alhoewel die naam Elantra so ‘n sterk identiteit het, beweeg Hyundai nou met die nuwe i30 meer op die gebied van die Golf 7. Die nuwe i30 het ‘n onmiskenbare Europese ontwerp. Geïnspireer deur die vloei en die vorm van die natuur, kan ‘n mens duidelik sien dat die Koreane baie ernstig is oor waarheen hulle met die nuwe mortors wil gaan. Die oorspronklike i30 was ‘n belangrike motor vir Hyundai. Die i30 skuif bo die Accent, maar onder die Elantra in op die plaaslike modelreeks. Die indrukwekkende nuwe i30 neem nog ‘n groot stap vorentoe, in so ‘n mate dat dit nou ‘n ernstige alternatief vir die Ford Focus en selfs die Volkswagen Golf is.
Die stilering eggo die groter Elantra met ‘n byna identiese voorkant insluitend ‘n kenmerkende strook LED-dagryligte. Daarbenewens is dit ‘n baie netjies ontwerpte luikrug wat veel meer opvallend is as enige iets wat Hyundai tot dusver plaaslik bekendgestel het. Van groot belang is dat die nuwe i30 ‘n baie meer gehaltevoorkoms het. Dit is beslis wêrelde verwyder van die “waarde”-beeld waarmee Hyundai gewoonlik geassosieer word.
Natuurlik, is alle Hyundais beskikbaar met die vyf-jaar-150 000km-waarborg as standaard. Hyundai het daarin geslaag om met die vervaardiging van ‘n uitstekende veelsydige i30 ‘n uiters bekwame en ruim motor daar te stel wat boonop ‘n genot is om te bestuur. Gehalte en verfyndheid is in oormaat teenwoordig. Hyundai-produkte het bewys dat die Koreane baie betroubare motors kan bou en dan is die goed nog vrek mooi ook. Daar is baie klem op veral vir die bestuurder geplaas, terwyl die sitplekke uiters gemaklik en ondersteunend op al die regte plekke is. Sesvoetmanne soos ek sal genoeg kopruimte en meer as redelike beenruimte in die binneruim vind. Voeg daarby ‘n groot 378-liter-laairuimte – dit is 60 liter meer as ‘n Fokus en 25 liter meer as ‘n Toyota Auris – en jy het ‘n praktiese pakket met styl.
Hoe ry die i30? Wel, na my mening uiters gemaklik. Jy gaan nie die wêreld aan die brand kan ry nie, maar dit is ongelooflik gemaklik, verfynd en moeiteloos. Hantering en baie akkurate stuur, asook goeie padhouvermoë laat die i30 soos ‘n veel groter motor op die oop pad voel.
Interessant is dat al die modelle met Hyundai se nuwe Flex-stuurstelsel toegerus is wat drie modusse – “Comfort, Normal en Sport” – daarstel. Daar is ‘n knoppie op die stuurwiel wat verskillende vlakke van die kraghulp en terugvoer van die stuur verander. Jy sien die verskil, veral in Sport waar die stuur swaarder en meer ontvanklik vir bestuurdersinsette is. Maar die Normal-modus is meer as voldoende sodat die meeste mense die ander verstellings selde sal gebruik. Ons toetsmotor is toegerus met ‘n petroleenheid met ‘n 1,6 – literverplasing wat 95Kw met 157Nm se wringkrag ontwikkel. Daar is ook ‘n 6-spoed- outomatiese ratkas.
Ekonomie is nog ‘n sterk punt en iets waaraan Hyundai baie hard gewerk het . Ons toetsmotor het ‘n syfer van 6.8l/100km in die gekombineerde siklus aangeteken. Onthou die motor is redelik groot, outomaties en slegs ‘n 1,6 liter, dus is dit indrukwekkend. Wat die prys betref, was Hyundai nog altyd baie goeie waarde vir geld. Vegelyk ‘n mens die i30 met sy direkte mededingers, kan ‘n mens steeds dieselfde sê. Maar teen R260 000 dink ons dat Hyundai besig is om in te boet aan sy waarde-vir-geld-reputasie.
Ons gee die i30 4 uit 5.
Is onderdele redelik beskikbaar … die motor vertoon mooi, maar ek sal defnitief nie R260 000 betaal nie.
Hoekom nie?
Vorsprung durch technik – sit net ‘n paar Rand by en siedaar !
Ek het pas vir my nog ‘n Hyundai H100 bakkie gekoop. Prys R198,700
Die eerste een het R130,000 gekos ‘n paar jaar gelede.
Daar het weinig verander intussen. Dit maak dit maklik om onderdele te kry.
My vrou ry ‘n Hyundai Atos. Lekker motortjie en ook lig op brandstof. Het maar net R86000. nuut gekos.
My eie rondrits motor is ‘n Bantam. Ry en gedra hom soos ‘n sport motor.Lekker op langpad.
Trippie ek is ook mal oor Duitse motors. Jare gelede vir my een van die eerste Audi’s gekoop. Die een wat net na die DKW uitgekom het. Dit was gedoop as ; Audie Super 90. Stuurwiel was ovaalvormig. ‘n Blits vinnige motor, en het nog “Coulomb shift” ratte gehad.
Vat jy my jare terug met die DKW … was nog kind !
Arnie, ek het ‘n STOK-OU Audi TT, maar verruil hom nie maklik nie. Moet erken, hy SLUK petrol ! Gelukkig is my werk net 12 kilo’s van my huis af.
GROETNIS, ook vir jou, geseende middag. Altyd lekker om jou replieke te lees 😉
Bo die Audi Super 90.
Is dit hoe jou TT lyk Trippie??? onder.
Arnie, so bietjie ge”beauty:-sleep … my tjorrie kom saam met Noag uit die ark (2001 model … fototjie van ons twee …
Jy sal my nie glo nie. Ek was totaal en al onbewus van die bestaan van die Audi TT. Toe jy dit noem, het ek dit dadelik gaan google.
Dit trek nogal op sy neef, die Porche. Joune lyk nog pragtig.
Ek wil graag met jou gesels oor iets anders.
arnieann@lantic.net
Die “TT” was natuurlik die motief vir jou skuilnaam.
“Trippie Trip” Hehe.
Baie dankie.
Sal vir jou briefie in die pos gooi.
Daardie 1000cc DKW’s kon 100 myl per uur hardloop (160 km/u) en dan kon jy hom parkeer en koue water bo in gooi sodat niemand weet jy sopas 15 min van Kerkplein na Bronkhorstspruit gevlieg nie!!!
Ek ry maar met my Massey Ferguson 375 dorp toe as ek moet.
Matt het ook ‘n “Stokou” trekker waaroor hy bragg.
Ry jy nog met die ding???
Jy sê niemand wil hom hê nie.
Pos hom vir my. Ek kyk nie ‘n gegewe perd in die bek nie.
Sal jy dit vir ‘n Golf 7 betaal?
Vir seker !
Hoekom dan nie vir ‘n Hyundai nie? VW is soos Toyota baie oorprys! Die Golf 7 met net ‘n 1.4 enjin is R289 000, met minder toerusting en minder krag as die Hyundai. R39 000 duurder as die Hyundai.
Boertjie, seker ook maar te doen met “kwessie van smaak” …
Wat van die invoer van onderdele (prysgewys) en beskikbaarheid daarvan ?
Groetnis – Trippie
NS: Bietjie ydel van my, maar ek hou van my Duitse motortjie.
Niks fout met Duitse wa’s nie. Volgens my inligtigting is daar ook geen probleem met onderdele vir Koreaans tjorre nie, net soos die Franse is daai probleempie lankal opgelos. Die groot probleem met Franse sowel as Koreaanse karre is juis persepsies soos joune Trippie. Daarom die swak inruilwaardes van motors soos Renault, Peugeot, Citroen, Kia, Hyundai, SsangYong en selfs sekere Audi en Volvos. Persepsie dat Duitse en Japanese goed altyd beter is.
Dankie vir jou inset Boertjie. Rustige Sondagmiddag vir jou.
Plesier ou maat en daar ook!
Ek ry een van die Golf 6 1.4l 118kW Enjn :-)))))))) die baie glimlagte is vir hoeveel plesier die kar my gee. As ek my brandstofverbruik vergelyk met my kollegas met hulle i20s dan wen ek by verre – of dit nou vir die R40k prysverskil opmaak is natuurlik heeltemal debateerbaar maar ook in bougehalte is die Golf voor – ja hy is egter pes duur maar jy gaan sukkel om meer rygenot :-))))) te koop vir daardie hoveelheid geld.
Rooikop, die Golf 6 118KW is ‘n wonderlike motor, maar kan nie met die i20 vergelyk word nie. Hyundai se i30 is in die Golf se klas en dan ook die 90 KW weergawe. Dit is die 90 KW weergawe wat R289 400 rand kos. Ek stem saam met De Boer. Ek kan nie sien hoekom mense byne R40 000 meer moet betaal vir ‘n motor wat minder bied al is daar ‘n Duitse kenteken op die stert. Bougehalte, na verkope diens en beskikbaarheid van onderdele is glad nie meer ‘n probleem nie. En na my mening is daar ook niks verkeerd met enige van die vervaardigers wat tans besigheid doen in Suid Afrika nie. Ek sal met ‘n geruste hart enige van die Franse en Koreaanse motors koop en het al drie Hyundais, ‘n Renault en ‘n paar Toyotas en selfs ‘n Audi en ‘n Fiat besit. Niks probleme met enige van hulle gehad nie. Ek het meer vir my Getz gekry na twee jaar as wat ek vir hom betaal het, dieselfde vir my Fiat Palio en Fiat Uno, die Corollas het ek beide vir meer verkoop as wat ek betaal het. Die Sonata en Elantra het ek vir ‘n baie goeie prys verkoop en verrasend genoeg was dit die Audi A4 1.8T Multitronic waarop ek die meeste geld en tyd verloor het. Dit was egter ‘n wonderlike motor. My punt is met uitsondering van die Sjinese motors is daar nie eintlik iets waarvoor ons motorpublike moet wegskarm nie. Ek sal tot sover gaan as om GWM ook aan te bevel, Chery, FAW, Foton en MG is ek nog baie skepties oor.
Ek het die I30, 1.6L. Standaard toerusting vergelyk beter as met die duitse motors se standaard toerusting! En ek kon niks tot nou, amper n jaar later fout vind met die motor nie. Sal weer ene koop as dit moet.
Ander motors wat ons by die lysie kan voeg waarmee die Hyundai i30 meeding is die Toyota Auris XR CVT (R269 000), Citroen C4 VTi 120 outo (R266 900), Honda Civic 1,8i Elegance outo (R270 900), Kia Cerato 5-Deur outo (R206 995), VW Golf 1.4 TSi 90 KW DSG (R289 400), BMW 116i outo (R308 423), Audi A3 Sportback1.4T outo (R289 600) en kyk gerus na die R200 prys verskil tussen die Golf 7 en die Audi A3. Die Hyundai i30 is regtig baie goeie motor vir die prys!
Trippie wat onderdele se beskikbaarheid betref is daar na my mening glad nie ‘n probleem met verkrygbaarheid nie. Ek het self byna 6 maande vir ‘n agterste sitplekgordel meganisme vir my Audi A4 gewag. Beskikbaarheid en goeie diens hang baie af van die mense agter die toonbank. Jy kan met ‘n geruste hart vir jou enige Koreaanse en selfs Franse motor aanskaf sonder ‘n onderdele probleem. Self GWM het ‘n reuse pakhuis met onderdele vir hul produkte hier in Suid Afrika. Ek stem saam met De Boer oor die verkeerde indruk wat daar heers rondom Franse en Koreaanse motors! Gaan toetsbestuur volgende keer een voor jy vir jou ‘n duur Duitse motor aanskaf.
Met die swak rand is dit maar net $26 000.00
In 1967 het ek 70s vir ‘n $ betaal in Suid Amerika.
Ek het heelwat kollegas wat van hierdie motors ry – lyk of daar nie fout is nie.
My vrou het ‘n koreaanse kar gery (Daewoo) wat ongelukkig nie meer hier beskikbaar is nie en hoewel dit ‘n goeie en betroubare kar was, het ons na 10 jaar gesukkel met onderdele – sy het ‘n venster gebreek en daar was GEEN nuwe vensters beskikbaar nie – toe maar ‘n tweedehandse venster ingesit en die kar versmous.
Ek verstaan Hyundai se onderdele is meer geredelik besikbaar.
Nou ry sy ook Volkswagen.
Daewoo bestaan glad nie meer nie. GM het hulle jare gelede al oorgeneem. Die Chev Spark, Sonic en Aveo is almal eintlik nog maar Deawoos met Chev wapentjies op die neus.
Eendag as ek groot is, dan koop ek hierdie Hyundai Sonata.
Weggee prys. R299,900.00 Hehe.
Eendag as ek groot is, dan koop ek hierdie Hyundai Sonata.
Weggee prys. R299,900.00 Hehe.
Arnieann, jammer om vir jou die slegte nuus te bring, daar is net een model in die Sonata reeks beskikbaar, die 2.4 GDi en sy prys is R379 900. Jy sal iewer nog R80 000 moet kry vir so een!
Ek het net so vlugtig na die verskillende Hyundai’s gekyk toe ek die bakkie daar gekoop het.
Jy is reg, ek onthou dat die Sonata ver oor die drie R300,000. was.
Ek het net vinnig die kar deurgekyk en besluit om te wag tot ek eendag groot is.
Paar van hulle al op die pad gesien – PRAGTIG !
Ek het ‘n 2006 Merc 220 CDI. nuut gekoop vir R225,000 deur my swaer wat vir Merc. in Oos-Londen werk. Die voertuig het nou maar 21,000 km. op. Sal nie verruil vir enige ander voertuig nie. Diesel verbruik is 7.3L/100Km. teen 120kmu. Wat kos dieselfde voertuig vandag?
Julle het die hulle ding verkeerd.
1 word…..,Harley Davidson.
Jy het goeie smaak – en duur daarby !
Enige motor onder twee honderd duisend is mooi vir my. Meer as dit is ek net jaloers.
Wanneer almal ‘n Sondag middag slapie vat, dis wanneer ek die adrenalien opstart en vêr ry.
Pas hom op anders leen ek hom nie weer vir jou nie.
I don’t fear the bike, but rather the owner.
His arms tell me, he likes to play with steel.
doesnt he look a bit like…….FW? he he he sorry…….
Absolutely NOT!!
he he he he he he he he he maybe I had too much wha ha ha ha
Ja Ja geniet dit, ons moes maar weer die reen trotseer hier in die Kaap. Mooi stuk yster, Willy
xxx
Een van die dae kan julle die motor wat jul hart begeer, verniet gaan vat, maak net seker jy het brandstof. Vat maar verkieslik die 4X4’s gaan die job beter doen. Moenie nou nuwe goed koop nie.
Ek het n KIA gekoop met 18000 km op, vandag na 7 jaar staan hy op 91181 km, n mens sal dink wow dis nog n nuwe kar, ja, behalwe vir die feit dat ek al sy katalisator moes vervang met n “branch” en n nuwe gearbox moes koop vir die kar. Ek kon die gearbox net laat reg maak het en dit sou my R3000 gekos het, maar wat hulle nie vir jou se wanneer jy die kar koop nie is dat parte nie beskikbaar is nie en moet ingevoer word, dit sou my dan R8500 gekos het om die “spider gears” en “carrier”binne die ratkas in te voer want glo dit of nie, nie een KIA agent in SA het die onderdele nie, dit kos my toe om R5000 uit haal vir n recon gearbox met n 2 maande waarborg. Dit mense is nie kwaliteit nie, as jy eers so moet sukkel om net jou kar reg te maak val die waarde van die voertuig deur die mat. Kia en Hyundai is van dieselfde fabriek en ek waarsku julle, wees versigtig.
n Mens kan nie verwag dat n motor wat reeds 7 jaar oud is nog ‘n “nuwe” moet wees nie. Onderdele vir motors van 5 jaar gelede was ‘ n probleem. En dit was nie net Kia en Hyundai nie. Ek persoonlik het n nuwe Audi A4 gekoop. Dit was in 2001. Die motor het n rekenaar probleem ontwikkel en ek moes ook 3 maande wag vir Audi SA om die fout uit te stryk. Daarna het die Multitronic ratkas ‘ n probleem ontwikkel. Dit het die motorplan oor die R50 000 gekos om te herstel en weer was ek sonder wiele vir n maand. Toe later het die agterste sitplekgordel net styf gespan en wou nie weer los nie. Dit het 6 maande geneem om ‘n andereen te kry. Ek het die motor verkoop met slegs 54 000 km op die meter en dit na 5 jaar. My punt is, dit gebeur met enige vervaardiger nie net met Koreaanse produkte nie en huidiglik is al die onderdele probleme met die meeste vervaardigers uitgesorteer. Ek het ook ‘n Hyundai Sonata tweedehands gekoop. Minder as ‘n jaar later het die tydketting gebreek en die enjin basies verwoes. Hyundai het die motor se enjin vetvang en dit het my R3000 gekos en slegs 10 dae met ‘n leen motor van Hyundai af. My punt dus, goeie en slegte goed gebeur met al die vervaardigers.
Ek hoor wat jy se Andre, my probleem is nie die dat die rat kas gebreek het nie maar dat daar nie parte is om reg te maak nie en vir so n algemene probleem soos n ratkas sou dit my n 1/3 van die kar se waarde kos om reg te maak net om die parte in te voer en KIA trek hulle skouers op. Saam dit vind ek uit omdat ek n handrat rarkas het is dit soveel moeiliker om parte te kry want glo dit of nie, op jou picanto reeks kia is automaties die norm en hulle parte meer vrylik beskikbaar. My punt is dat voor ek weer n nuwe kar koop sal ek seker maak van sulke goed want ek belowe jou as jy n Toyota of Ford ry sal jy nooit sulke probleme he nie, elke tom, dick en harry het parte vir elke model omdat daar fabrieke is in SA en ogelukkig met jou koreaanse karre moet jy hoop die agente het of hulle voer dit in teen groot kostes. Op die stadium is my Kia picanto al langer as 10 jaar op die mark en nie een agent in SA het die onderdele wat ek soek nie, dit is nie n goeie vooruitsig vir toekomstige koreaanse vervaardeging nie
Ek is regtig jammer jy voel so daaroor. Het jy al gehoor van “Korean Motor Spares”? Hulle het take in Pretoria, Randburg, Edenvale en Johannesburg. Enige onderdeel van enige Koreaanse motor kan by hulle aangeskaf word.
Ek het 6 jaar terug vir my die Honda Civic 1800 outomaties gekoop en het sy pas sy 75000 km diens gehad. Die aankoop prys was in die omgegewing van R175000. Petrol verbruik so in die omgewing van 6.5 liter per 100 km, of te wel 15km per liter tenspyte daarvan dat ek hom soms looi. Wanneer ek vir hom kragspoed vra om n grootvoertuig verby te steek is hy daar. Hierdie motortjie van my sal ek vir niks op die aarde verruil nie. Ek moet net sy spoedmeter dophou want hy het n manier om vinniger te ry sonder dat jy dit agterkom of doelbewus wil.