Die nasionale polisiekommisaris, Riah Phiyega is skerp gekritiseer omdat sy nie die agtergrond van Bethuel Mondli Zuma nagegaan het voordat sy hom as provinsiale kommisaris van Gauteng aangestel het nie.
Phiyega moes sy aanstelling terugtrek ‘n paar uur nadat sy dit aangekondig het.
‘n Woordvoerder van Agang, Moeketsi Mosola sê nadat dit aan die lig gekom het dat 1 488 lede van die Suid-Afrikaanse polisie misdaadrekords het, is dit verstommend dat Phiyega nie gekyk het na die agtergrond van ‘n kandidaat vir so ‘n senior pos nie.
Hy sê dit is nog ‘n terugslag vir die geloofwaardigheid van die polisiediens se leierskap.
Volgens berigte word twee strafregtelike sake teen Zuma ondersoek. Phiyega beweer dat Zuma haar nie ingelig het oor die sake teen hom nie. – RSG
Ek weet niks van die lid af nie, maar ek neem aan dat voordat hy as kommisaris aangestel was, hy ‘n redelike senior pos moes beklee.
Hoe kry hy dit reg om daardie pos te beklee as hy ondersoek word vir twee strafregtelike sake, en nie net beklee hy nog daardie pos nie, hy het homself beskikbaar gestel vir kommisaris en verder sou hy rustig as kommisaris diens gedoen het as hy nie uitgevang was nie.
Integriteit, eerlikheid en inbors was nog nooit iets wat NASPERS se edel barbaar gekniehalter het nie.
Ratel hy is tot Luit. Generaal bevorder en dit binne 20 jaar met net polisie kollege opleiding. Dit was voor 1994 heeltemal onmoontlik en bevorderings was van eksamens afhanklik. Daar is tans mense, met regs universiteit grade, met dieselfde diensjare en is luitenante en word nie verder bevorder nie. Rede BLANK.
Voor 1994 het jy nie mense met kriminele rekords in die SAP gekry nie.
Van Generaal-Majoor bevorder na Luitenant-Generaal beteken ‘n salarisverhoging van sowat R400 000 per jaar? Hy moet ten minste demote word na die rang wat hy voor sy aanstelling beklee het. Of beter nog, hy moet uit die Mag ontslaan word.
Ten eerste wat soek mense met kriminele rekords in die polisie. Indien daar kriminele klagtes teen ‘n lid ondersoek word behoort hy/sy geskors te word. Die polisie is nie in staat om die land se mense te beskerm nie. Hulle is kop in een mus met die misdadigers. Dankie aan die wat nog hulle werk doen.
Hy het die regte van. Dit was goed genoeg vir Riah. Dit was nie nodig vir verdere vrae nie.
Hierdie nasionale polisiekommisaris moet ook maar bedank. Sy vergewis haar nie met feite nie, soos toe die Marikana kommissie die vloer met haar gevryf het. En nou hierdie flater! Wonder met watse “damage control” kom sy weer voorendag?
“It takes one to know one”
n Kriminele rekord beteken net hoogstens dat jy uitgevang is en nie noodwendig verteenwoordigend van “vry van n kriminele daad” of soos in die geval van die NSA standaard – dade nie.