Die R33 tussen Piet Retief en Amsterdam in Mpumalanga is steeds gesluit ná ‘n toksiese chemiese storting op die pad.
Die roete is sedert Maandag vir verkeer afgesper. Volgens ‘n woordvoerder van die Mkhondo-munisipaliteit het ‘n vragmotor met natrium-sianiedbrikette omgeslaan.
‘n Spesiale span werkers moet die brikette glo met die hand verwyder.
Die vragmotor was na die Barbertonse goudmyne oppad waar die sianied in die prosessering gebruik word.
Daar word jaarliks ongeveer 650 000 ton sinaied vervaardig waarvan die meeste, ‘n driekwart, gebruik word in goudproduksie.
‘n Tipiese goudmyn gebruik sowat 1 600 ton per jaar om goud uit die erts te onttrek. Sianied is die gevaarlikste chemiese van al die giftige chemikalieë, soos arseen, lood, kwik, kadmium, chroom en swaelsuur, wat die mynbedryf gebruik.
Meer as 90% van die 2500 ton goud wat jaarliks geproduseer word regoor die wêreld, word onttrek deur middel van die gebruik van sianiedlogingstegnieke.
As ek na die foto kyk lyk dit of daar groente geproduseer word op daardie land – ek gaan maar dadelik by my plaaslike gevriesde groete afdeling alles leeg koop.