‘n Nuwe tussentydse regering in Egipte is ingesweer te midde van hernude geweld tussen veiligheidsmagte en ondersteuners van die afgesette president Mohammed Morsi.
Sewe mense is in die jongste geweld dood en meer as 400 betogers is in die hoofstad Kairo in hegtenis geneem.
Die tussentydse regering staar ‘n reuse uitdaging in die gesig om die land weer onder burgerlike heerskappy te bring en om die ekonomie te red.
Die regering bestaan uit 33 hoofsaaklik liberale en tegnokratiese lede, terwyl nie een van die belangrikste Islamitiese groepe verteenwoordig is nie.