Die Suid-Afrikaanse Menseregtekommissie (SAMRK) gaan bewerings van rassisme by ‘n Vrystaatse skool ondersoek.
“Daar was klagtes dat sommige leerders kaffers genoem is,” het Isaac Mangena, woordvoerder, Maandag gesê.
Die ou Suid-Afrikaanse vlag en ‘n foto van Julius Malema, voormalige leier van die ANC-jeugliga, hang glo langs dié van ‘n aap op ‘n klaskamermuur.
Die SAMRK het gesê hy het ‘n ondersoek ter plaatse by die Wilgehof-laerskool in Bloemfontein gedoen nadat ‘n wit leerder se ouer ‘n klag ingedien het.
Mangena het gesê klagtes van rassisme en ongelykheid word ondersoek.
Hy het verder gesê die SAMRK sal saam met die departement van basiese onderwys werk.