‘n Brand het groot skade aangerig by die Holy Family-kollege in Saxonwold, Johannesburg.
Nana Radebe, woordvoerder van die Johannesburgse nooddienste, het gesê niemand is in die brand beseer nie.
Die skoolsaal is volgens Radebe afgebrand.
“Die saal is heeltemal afgebrand en ander dele van die skool is ook beskadig,” het sy gesê.
Brandbestryders het ‘n paar uur lank gespook om die brand onder beheer te kry en om verdere skade te verhoed.