Die regering sal in Februarie aanstaande jaar begin om entstowwe teen servikale kanker by skole toe te dien.
Die minister van gesondheid, Aaron Motsoaledi sê die regering hoop om te onderhandel oor laer pryse vir die entstof teen die menslike papilloomvirus, wat servikale kanker veroorsaak.
Die entstof sal toegedien word aan nege- en tienjarige meisies, aangesien die entstof slegs doeltreffend is voordat meisies seksueel aktief begin raak.
Motsoaledi het ‘n beroep op mediese fondse gedoen om vir die entstowwe te betaal. Hy sê servikale kanker raak sesduisend Suid-Afrikaanse vroue per jaar, en bykans die helfte van hulle sterf jaarliks daaraan.