Amerikaanse presidente verloor in hul tweede termyn heeltemal kontak met die werklikheid: Volgelinge en vertrouelinge span saam om die leier van die “vrye wêreld” te isoleer van wat in die wêreld gebeur. Die slegte nuus, en erger persdekking, word nie oorgedra nie en hulle knik instemmend vir sy elke opmerking, hoe absurd ookal.
Obama het slegs ‘n paar betroubare volgelinge, en lekkasies uit die westelike vleuel wys ‘n paranoïese president wat byna almal rondom hom van iets verdink. Uiters vol vertroue, oortuig deur die kruiperige volgelinge aan sy voete dat hy onaantasbaar is, verwerp Obama alle omstredenheid as partydige aanvalle deur ‘n oorywerige opposisie.
Elke president in die afgelope 60 jaar moes ‘n groot skandaal in Termyn 2 trotseer: Dwight Eisenhower die U-2 “voorval”, Richard Nixon Watergate; Ronald Reagan die Iran-Contra; Bill Clinton vir Monica (letterlik); George W. Bush Katrina (en die wapens-van-massavernietiging wat nooit gevind is nie). Hierdie president staar Benghazi in die gesig.
Maak geen fout nie: Benghazi is ‘n groot skandaal. Benghazi is ‘n skande van voor, tydens en ná die aanval deur die VSA se eie sekuriteit waarin vier Amerikaners dood is, insluitende ‘n ambassadeur.
Daar was meer as genoeg waarskuwings oor swak sekuriteit by die Amerikaanse konsulaat in Libië. Tydens die aanval, terwyl Amerikaners gesmeek het om hulp, het die Withuis hul pleidooie geïgnoreer en die weermag verhoed om in te gryp.
En daarna? Gekonfronteer met ‘n krisis, het die Obama Withuis paniekbevange verklaar: “Ons kan nie ‘n terroriste-aanval twee maande voor die verkiesing hê nie, dus … laat ons nie ‘n terroriste-aanval twee maande voor die verkiesing hê nie.”
So min is bekend oor wat gebeur het in Benghazi: Waar was die bevelvoerder? Geen foto’s van die situasiekamer nie. Waar was die Pentagon? Militêre spesialiste sê hulle was gereed – het gebrand – om te gaan.
En daardie berugte “spontane protes” oor ‘n anti- Islam video wat opgelaai is op YouTube?
Karnavalkeffer en Withuiswoordvoerder Jay Carney het amper asvaal gelyk Vrydag op die podium: “Die gesprek was gegenereer deur die intelligensiegemeenskap, deur die CIA.”
Kennelik ‘n CIA wat nog nie begryp het nie dat die meeste mense nou al weet dat Ambassadeur Stevens daarmee gemoeid was om wapens aan Al Kaida, die “terreurgroep” te verskaf. Bengazi is gebruik om die vermoorde kol. Ghadaffi se wapentuig na Sirië te skuif, en Stevens moes dit afhandel.
Dit is duidelik nogal ‘n gevaarlike werk, hierdie dubbelspel van die VSA om diegene wat hulle graag aan die wêreld as “terroriste” voorhou, van wapens en ammunisie te voorsien om nog ‘n land in die Midde-Ooste, hierdie keer Sirië, te gaan destabiliseer.
Soos Senator Rand Paul (Rep.) dit prontuit stel: “Obama werk saam met anti-Amerikaanse globaliste wat teen ons Grondwet komplotte smee.”