“Ons museums moet omskep word om sentrums van erfenis en kundigheid te wees wat al die volke en kulture respekteer,” het Zuma gesê in ‘n toespraak wat voorberei is vir die herbegrafnis van Klaas en Trooi Pienaar in Kuruman.
Die liggame van die egpaar, wat Khoisan-nasate was, is opgegrawe en gestuur na Wene in 1909 deur die Oostenrykse wetenskaplike Rudolph Pöch.
Hulle was werkers op die plaas Pienaarsputs, en het van malariakoors gesterf Mei of Junie daardie jaar. Hul lyke is opgegrawe in Oktober 1909, in linne toegedraai en in ‘n groot vat gesit, wat gevul was met sout om dit te bewaar.
Zuma het gesê prosesse is aan die gang om die nalatenskap van rasse-wetenskap in museums aan te spreek.
“Geen museum moet ‘n versameling of materiaal vertoon ‘n gedeelte van ons bevolking as koloniale voorwerpe voorhou nie, veral die inheemse bevolking.”
Hy het gesê die Iziko Museum in Kaapstad het reeds ondersoek ingestel na die etiek van sy versameling.
“Die museum het besluit dat alle menslike oorskot van grafrowers gekoop of verkry vir rasnavorsing is oneties en moet teruggestuur word.”
Kuns en Kultuur sal saamwerk met die museumsektor om te verseker dat dit gebeur in lyn met nasionale beleid, het Zuma gesê.