Die Openbare Beskermer, Thuli Madonsela, sê haar voorlopige verslag oor ‘n tender waarby die Wes-Kaapse regering en ‘n advertensie-agentskap betrokke is, behoort nie tot omstredenheid te gelei het nie.
Dit volg nadat die DA-leier en Wes-Kaapse premier, Helen Zille, gedreig het om Madonsela hof toe te neem nadat ‘n konsepverslag oor die omstrede kommunikasiekontrak uitgelek het.
Die provinsiale regering het die tender aan die advertensie-agentskap, TBWA Hunt Lascaris toegeken. Volgens Madonsela is die verslag nie die finale produk nie.