Jaques Els, (39) van Thabazimbi, is ook deur die Makhado-landdroshof Maandag beveel om die Groen Skerpioene R1 miljoen te betaal , het Beeld berig.
Els is intussen op borgtog van R300 000 vrygelaat, in afwagting van sy voorneme om appèl aan te teken. Hy sal weer op 2 Junie in die hof verskyn.
Els se vonnis val saam met die departement van omgewingsake se besluit om beheer van alle inligting en statistiek oor renosterstropery oor te neem.
Albi Modise, direkteur van kommunikasie by die departement van omgewingsake, het gister gesê dat die stropery van renosters ‘n krisispunt bereik het, het Beeld berig.
Verskeie organisasies is baie ongelukkig oor hierdie besluit, en het gesê die regering probeer inligting toesmeer of manipuleer, het Modise gesê.
“Die enigste rede waarom inligting oor renosterstropery gesentraliseer word, is omdat die saak ‘n krisis bereik het. Ons wil ‘n enkele boodskap aan die burgerlike samelewing oordra.”
Die Rhino War-nuusbulletin, wat deur Tim Condon bedryf word, ‘n voormalige KwaZulu-Natalse wildbewaarder wat nou in Kanada woon, het Maandag berig dat 109 renosters sedert die begin van 2012 in Suid-Afrika gestroop is.
Modise het gesê die minister van omgewingsake Edna Molewa sal die naweek joernaliste oor die kwessie toespreek.