Die onderwysvakbond SADOU is daarvan beskuldig dat hy pogings in die wiele ry om gehalte-onderwys te lewer.
Die uitvoerende direkteur van die Sentrum vir Ontwikkeling en Onderneming, Ann Bernstein, sê die invloed waaroor die vakbond beskik, sal ingekort moet word, indien Suid-Afrika sy standaard van onderwys wil verbeter.
SADOU het voorheen die skuld gekry vir onderwysers se apatiese houding en onverwagse stakings. Bernstein het tydens die bekendstelling van ‘n verslag met die titel ” Onderwyshervorming is Moontlik” in Johannesburg gepraat.