"Tony Blair was ‘n ramp vir Groot Brittanje en ons het hom etlike jare lank ondersteun," het sy bygevoeg. "Ek het dit gesê die oomblik toe hy verkies is: Dis ‘n klein windmaker wat ons in die moeilikheid gaan laat beland en hy het."
"Sover dit Bush aangaan, is hy ‘n wêreldwye ellende. Almal is sat vir daardie man. Hy is òf dom òf regtig baie slim." Die onderhoud met die Spaanse koerant is ‘n dag voor haar verjaarsdag gepubliseer. Sy het Maandag 88 jare gevier.
Sy het ook gesê dat Bush uit ‘n sosiale stand kom wat reeds baie voordeel uit oorloë getrek het. Lessing werk tans aan ‘n boek wat oor oorlog handel. Sy is die oudste persoon tot nog toe om die prys te wen.
Die Sweedse Akademie het die prys aan haar toegeken omdat sy blykbaar "deur die vroulike ervaring met skeptisisme, vuur en visionêre krag ‘n verdeelde beskawing aan ondersoek onderwerp het."