Suider-Afrika Archives - Page 640 of 888

Drie vas vir verkragting

Drie mans is vasgetrek in verband met die verkragting van en moord op ‘n 83-jarige Pretoriase vrou.

Insp. Duane Lightfoot het gesê die drie is Dinsdag in Ga-Rankuwa in hegtenis geneem deur ‘n taakspan wat opgerig is om die misdaad te ondersoek.

Die bejaarde vrou is op 25 Januarie in Nieuw Muckleneuk vermoor.

“Die drie, almal in hul mid-dertigs, is in Ga-Rankuwa en Atteridgeville vasgetrek,” het Lightfoot gesê.

“Hulle is steeds in aanhouding, en sal Donderdag in die Pretoriase landdroshof verskyn.”

Die Vryheidsfront Plus het vandag formeel ‘n klag by die Openbare Beskermer (OB) gelê teen Eskom weens die nutsmaatskappy se gebrek aan algemene en finansiële bestuursvaardighede. “Daar blyk soveel aanduidings van onreëlmatighede binne Eskom te wees dat dit ‘n onafhanklike en volledige ondersoek deur die OB regverdig,” het adv. Anton Alberts, parlementêre woordvoerder oor Energie, gesê. Die VF Plus het voorheen onderneem om die saak na die OB te verwys sodra Nersa se besluit bekend gemaak is.

Verdere impetus tot hierdie klag by die OB is verleen deur die bekendmaking van die feit dat Eskom elektrisiteit aan 138 onbekende maatskappye teen ‘n drastiese verlaagde tarief verskaf. Eskom weier blykbaar om aan die betrokke Ministers of die Parlement te openbaar wie die maatskappye is en wat die motivering van die lae tarief sou wees op grond van kontraktuele terme wat geheimhouding waarborg. Dit beaam weereens die VF Plus se posisie dat Eskom oormatig steun op die inkomste gegenereer van huishoudings en landbou en dit gebruik om ander industrieë in die geheim te subsidieer.

“In dié verband gaan die VF Plus ‘n aansoek aan Eskom, in terme van die Wet op Bevordering van Toegang tot Inligting 2 van 2000, rig om te openbaar wie die maatskappye is wat bevoordeel word, teen watter tarief, asook die terme van die kontrak in elke geval. Dit is die party se mening dat Eskom nie sal kan skuil agter die feit dat die kontraktuele terme van vertroulikheid Eskom inbind tot geheimhouding nie. Eskom is ‘n nutsmaatskappy wat besit word deur die staat namens die publiek en wat uitsluitlik verantwoordelik is om krag tot voordeel van die publiek te lewer. Daarom sal dit in die publieke belang wees om inligting te openbaar wat daarop dui dat Eskom nie tot voordeel van verbruikers optree nie,” het Alberts verder gesê.

Die VF Plus gaan ook verdere ondersoek instel na die geldigheid van Nersa se besluit in die lig daarvan dat Eskom ‘n wesenlike wanvoorstelling geskep het in sy tariefaansoek deur nie melding te maak van die gesubsidieerde kontrakte nie. Die kernvraag is hoeveel Eskom se inkomste verhoog kon word deur pariteit te skep tussen huishoudings en landbou se bydrae tot Eskom se inkomste en dié van die gesubsidieerde geheime maatskappye. Die VF Plus gaan nie die saak net hier los nie.

play casino table лобановский обыск

SUT-studente bekommerd oor taalbeleid

Die Vryheidsfront Plus poog reeds vir meer as ‘n jaar, sonder sukses, om ‘n afspraak met die Rektor van die Sentrale Universiteit vir Tegnologie-Vrystaat, prof. TZ Mthembu, te kry. Die VF Plus se tak aan die SUT ervaar verskeie probleme op studentevlak, waaronder die SUT se taalbeleid asook die proses wat gevolg word om die Studenteraad aan die SUT te verkies.

‘n Vergadering is tussen die VF Plus en die studentedekaan, mnr. Jan De Witt gehou, wat tot niks gelei het nie. Daarna is die registrateur, dr. MJG Vinger, se kantoor genader waarna die kampussekuriteit die VF Plus se studente wou verwyder aangesien die registrateur se kantoor aangedui het dat hy nie studente sien nie.

Die Rektor se kantoor is verskeie kere deur die VF Plus besoek en geskakel, wat keer op keer eenvoudig aangedui het dat die sake met die registrateur opgeneem moet word, wat self ontoeganklik is.

Hierdie ontoeganklikheid en die feit dat die taalbeleid nou stil-stil van dubbel-medium na slegs Engels verander is, gaan nou met die Kanselier opgeneem word. Die VF Plus gaan ‘n dringende skrywe aan die Kanselier rig waarin ‘n samespreking versoek word.

Die VF Plus het reeds in die verlede kommer uitgespreek oor die studente se rasse-samestelling en die feit dat wit studentegetalle dramaties afgeneem het en hul behoeftes nie meer geakkommodeer word nie. “Hierdie stap wat nou rakende die taalbeleid geneem is, gaan net tot verdere afname in wit studentegetalle lei,” het Jan van Niekerk, VF Plus-jeugleier gesê.

Hierdie is volgens die VF Plus diskriminerend teenoor studente wat in Afrikaans wil studeer. Die VF Plus steun die ontwikkeling van minderheidstale en is van oordeel dat onderrigtale nie verminder moet word nie, maar eerder moet vermeerder.

Die VF Plus oorweeg dit sterk om die saak met die Minister vir Hoër Onderwys, mnr. Blade Nzimande op te neem.

gladiator video

Nasionale vakansiedae gaan hersien word

Die departement van kuns en kultuur gaan in opdrag van die president nasionale vakansiedae hersien.

Dié nuus is tydens ’n voorlegging van die departement oor die Wêreldbeker-sokkertoernooi aan die parlementêre portefeuljekomitee gedoen.

Die direkteur-generaal van die departement van kuns en kultuur, Themba Wakashe, het Woensdag in die parlement gesê ’n verslag en aanbevelings sal oor die volgende drie maande voorberei word.

Suid-Afrikaners heg nie dieselfde waarde aan verskillende vakansiedae nie, aldus Peter Maluleka, waarnemende komiteevoorsitter

Een deel van die gemeenskap kla gereeld dat ’n ander deel van die gemeenskap nie aan Vryheidsdagvierings deelneem nie.

Wakashe sê Suid-Afrikaners verwys na Vrouedag en 16 Junie as vakansiedae nie as nasionale dae nie.

Protesteer teen ANC by die stembus

Die Vryheidsfront Plus het gesê dat die gewelddadige protesaksies oor nie-lewering van munisipale dienste en verbreekte verkiesingsbeloftes, ‘n bewys is dat die ANC se tyd in beheer van die Tshwane-metroraad en ander munisipaliteite begin uitloop.

Die VF Plus het gesê dat die party gaan poog om met die leiers van die protesoptrede in gesprek te tree rakende hulle probleme. Dit volg na die gewelddadige protesoptrede in Mamelodi-Oos.

Die VF Plus het ook ‘n beroep op opposisiepartye in die Tshwane-metroraadsgebied gedoen om in gesprek te tree oor hoe die ANC by volgende jaar se munisipale verkiesings verslaan kan word deur ‘n koalisie van partye.

Volgens dr. Conrad Beyers, VF Plus-raadslid, is die VF Plus gekant teen gewelddadige protesoptrede, maar het bygevoeg dat dit onafwendbaar is dat desperate inwoners se frustrasies sal oorkook wanneer basiese dienste soos lopende water en elektrisiteit nie gelewer word nie.

“Ons wil met die leiers van die protesaksies praat en vir hulle sê dat die enigste protesaksie wat tot ware resultate sal lei, by die stembus moet plaasvind. In die onlangse verlede ondervind ons dat mense gewelddadig protesteer teen die ANC se swak diensleweringsrekord, maar dan vir die ANC stem in verkiesings. Solank die protesteerders vir die ANC bly stem, sal hulle geen dienste, geen huise en geen elektrisiteit ontvang nie,” het Beyers gesê.

Die VF Plus het gesê dat die skuld vir enige ontwrigting van die 2010 Wêreldbeker voor die ANC-beheerde Tshwane-metroraad se deur gelê sal word.

справка в вуз Фильчаков Харьков

Burgemeester se openingsrede stel teleur

Cornelius Jansen van Rensburg, VF Plus-raadslid in die Tshwane-metroraad, het in ŉ verklaring in reaksie op dr. Gwen Ramokgopa, burgemeester van die Tshwane-metroraad se openingsrede gesê dat dit betreurenswaardig is dat die burgemeester nie gebruik gemaak het van die geleentheid om die verdelende kwessie van naamsveranderings aan te raak nie – dit terwyl sy ‘n beroep op samewerking in die stad gemaak het. Naamsverandering is tans ‘n polities verdelende faktor in die metroraad.

Die Burgemeester het in haar openingsrede op 7 spesifieke areas gefokus wat insluit infrastruktuurontwikkeling, -opgradering en -onderhoud, landbou-ontwikkeling, veiligheid en transformasie.

Alhoewel dit lyk of daar marginale vordering was in die voorsiening van toegang tot water en elektrisiteit, was dit opmerklik dat geen verwysing na ekonomiese opheffing gemaak is, ten einde armoede in die weste van Pretoria op te hef nie. Daar word steeds net gefokus daarop om een deel van die arm gemeenskap op te hef, terwyl arm Afrikaners in die koue gelaat word.

Geen aanduiding is ook gegee vir enige planne vir die metro om selfversorgend te raak ten opsigte van elektrisiteitsvoorsiening nie. Terwyl duisende krane geïnstalleer en elektrisiteitspunte verskaf word, is daar geen duidelike plan om toegang tot hierdie dienste op ŉ volhoubare basis te kan verskaf nie.

“Die VF Plus was teleurgesteld in die min fokus wat daar op die swak finansiële toestand van die metro geplaas is. Die raad sal meer moet doen as om e-posse en sms’e aan gebruikers van dienste te stuur. Die raad moet daadwerklike stappe neem om wanbetalers se toegang tot dienste te beëindig en ŉ groter poging moet aangewend word om die debiteure van die raad te verminder,” het Jansen van Rensburg gesê.

Alhoewel die metro beperk is in hul vermoë om te kan bydra tot die bekamping van misdaad, blyk dit dat daar groter erns is om korrupsie in die raad hok te slaan. Die verdubbeling in die aantal metro-polisielede in die metro-gebied is ook deur die VF Plus verwelkom.

Geen verwysing is oor die metro se gereedheid gemaak rondom die 2010 Wêreldbeker nie. Daar bestaan tans kommer oor die gereedheid van sekere spanne se basiskampe wat teen einde Februarie vanjaar nog steeds onvoltooid was.

Die ANC het weereens hul kans verbrou om weldeurdagte planne, aksies en resultaatmeting op die tafel te lê. Die toespraak was vergelykend met die van pres. Zuma vroeër vanjaar, waar baie gepraat is maar min gesê is. Die enigste konstante in die metro se politieke administrasie is die voortsetting van die ANC se vernietigende transformasie- en regstellende aksie-agenda.

осушитель Данильченко Харьков

Misdaadsyfers ‘n ‘wilde aanname’

Komm. Bheki Cele, nasionale polisiehoof., sê Suid-Afrika se misdaad is nie die ergste ter wêreld nie.

Hy het Dinsdag aan die portefeuljekomitee oor polisie gesê dit is ‘n “wilde aanname” dat meer misdaad hier as elders ter wêreld aangemeld word.

“Waar kom dié vergelyking vandaan? Waarop baseer mense dit as daar geen Interpol-statistieke is om dit te staaf nie? Dit is verkeerd!

Lees meer hier.

Polisie dood 367 in agt maande

Die Onafhanklike Klagtedirektoraat, OKD, het 367 klagtes ondersoek waar polisiebeamptes tussen 1 April en 31 Desember verlede jaar mense doodgeskiet het, het Nathi Mthethwa, minister van polisie, Dinsdag gesê.

In ‘n geskrewe reaksie aan ‘n parlementêre vraag deur Leonard Ramatlakane van Cope, het Mthethwa gesê 359 van die slagoffers was verdagtes waar die polisie hulself verdedig het. Agt van die slagoffers was onskuldige omstanders.

Hy het ook die bestaan van ’n beleid om te skiet om dood te skiet ontken en gesê dít is ‘n skepping van die media.

купить воронеж груза топкарго кидалы

Jonathan Jansen prys Malema se leierskap

Die rektor van die Universiteit van die Vrystaat, prof. Jonathan Jansen het tydens ’n lesing oor diversiteit en leierskap in Kaapstad gesê Malema is nie ‘n nar soos hy in die media voorgestel word nie.

Hy het ook gesê Malema staan ‘n goeie kans om president te word. “Moenie verras wees as hy eendag president word nie.”

Malema beskik volgens Jansen oor die insig om tersiëre onderwysprobleme te peil. “Dit is ’n fout om Malema bloot as ’n openbare nar te sien. Ek het hom ervaar as iemand met ’n diep begrip vir die kompleksiteite en uitdagings by universiteite.”

Jansen het Malema se politieke loopbaan tot dusver geloof. “Hy is ’n bewese politikus, anders sou hy nie vandag wees waar hy is nie.”

Jansen het Malema in November ook in die openbaar geprys. Malema het sy steun aan die rektor toegesê tydens ‘n optog teen die Reitz-4.

no deposit slot

Zuma se omstandighede is spesiaal

Die ANC het om verskoning gevra dat hulle president Jacob Zuma se sperdatum waarin hy sy belange aan die parlement moes verklaar het, nie gehaal het nie, maar hulle het gesê dat omstandighede in ag geneem moet word.

“Ons het ‘n spesiale taak in dié dat ons ‘n president met ‘n groot familie het en dus is dit nie maklik nie,” het woordvoerder Brian Sokutu Dinsdag gesê ná die onthulling dat Zuma die 60-dag spertyd verontagsaam het.

“Ons is jammer oor die feit dat die sperdatum nie eerbiedig is nie, maar soos ek voorheen gesê het, die omstandighede moet begryp word,” het Sokutu gesê.

“Wat verstaan moet word, is die feit dat die president meer as een vrou het en dat dit dus ‘n ander stel omstandighede is. En ons wil vra dat mense dit regtig moet respekteer. Hy het nie gesê dat hy nie gaan saamwerk nie.”

Zuma, wat 3 vroue en 20 kinders het, word deur prokureurs ondersteun in die saak nadat dit oorspronklik berig is dat sy kantoor gevoel het dat daar dubbelsinnigheid is in die wet oor die verklaring van sy belange.

no deposit betting

Kategorie: Suider-Afrika