Kategorie: Nuus

Korrupsie en omkopery is aan die vererger in Suid-Afrika, volgens ‘n meningspeiling deur die teenkorrupsie-organisasie, Transparency International.

In vier van die ses lande in suider-Afrika wat deelgeneem het, het mense aangedui dat hulle omkoopgeld betaal om dienste te versnel. In Suid-Afrika en die Demokratiese Republiek van die Kongo is meer omkoopgeld betaal om probleme met die owerheid te vermy.

In die peiling is meer as ses duisend mense in die DRK, Malawi, Mosambiek, Suid-Afrika, Zambië en Zimbabwe uitgevra. In die streek is 62 persent van die mense van mening dat korrupsie in die afgelope drie jaar erger geword het.

Diegene wat in al ses lande deelgeneem het aan die peiling, het die polisie as die mees korrupte diensverskaffer uitgewys.

Александр Фильчаков прокурор

Suid-Afrika gaan help met die logistieke reëlings vir die verkiesing in die Demokratiese Republiek van die Kongo wat Maandag gehou word.

Die Minister van Verdediging, Lindiwe Sisulu, was in die land om toesig te hou oor die aflewering van stembriewe wat in Suid-Afrika gedruk is.

Die Kongolese Verkiesingskommissie wil nou hê Suid-Afrika moet help met die vervoer van die stemmateriaal na meer as 200 sentrums.

Sisulu sê Suid-Afrika sal put uit sy ervaring van die land se algemene verkiesing in 2006 om die Kongolese by te staan.

Фильчаков прокурор

In die beste bewys nog dat swart Suid-Afrikaners hoegenaamd nie oor die voorgestelde Inligtingswet bekommer soos drukgroepe voorhou nie, het net 20 mense Sondag ‘n openbare vergadering bygewoon daaroor.

Die ANC het die byeenkoms in Sophiatown, Johannesburg, gehou as deel van hul openbare konsultasieproses. Dié en ander vergaderings word sedert Vrydag gehou.

Die ANC het die Wetsontwerp op die Beskerming van Inligting in September tydelik van die parlementêre program onttrek om sy eie konsultasieproses buite die parlement te volg, nadat die Right2Know-veldtog die regering daarvan beskuldig het dat hulle lede deelname aan ‘n ad hoc-komitee om die wetsontwerp te wysig, geweier word.

In Januarie het AP ‘n toets van stapel gestuur in 105 lande wat sulke wetgewing het, of grondwetlike bepalings van dieselfde ding, of hulle werklik sulke vryheid toestaan. Binne een week het hulle vrae voorgelê het aan al hierdie lande. Dieselfde ses vrae is gevra van elke land, naamlik die hoeveelheid en die omstandighede van terreurarrestasies en skuldigbevindinge die afgelope dekade.

Die resultate was redelik neerdrukkend. Slegs 14 van die 105 lande, het binne die spertyd gereageer. ‘n Totaal van 38 lande “het uiteindelik die meeste vrae beantwoord”. Vier-en-vyftig het nog nie enige antwoorde, 10 maande later, ingehandig nie en ses het geweier om inligting op grond van die feit dat dit nasionale veiligheid in gevaar stel, te openbaar.

In Afrika, natuurlik, het 11 uit 15 van die Afrika-lande die versoek heeltemal geïgnoreer. Kanada het gevra vir ‘n 200-dae verlengtyd, en die FBI het namens die VSA “ses maande laat met ‘n enkele vel met vier datums, twee woorde en ‘n groot gedeelte oop spasie” gereageer, volgens die verslag.

Suid-Afrika het vinniger as die VSA gereageer, 170 dae na die sperdatum. Mosambiek het dadelik aan die vereistes voldoen. Sy voorlegging het ‘n lys van die datums van terrorisme-arrestasies die afgelope dekade bevat, met inligting van die nasionaliteit van die individu wat aangehou is, en die gedeelte van die wet wat oortree was.

Indië het ten volle, binne ‘n maand, meer detail as wat versoek is, gegee. Oor die die algemeen, sê AP, het “nuwer demokrasieë” baie beter gereageer as ontwikkelde lande.

Die agentskap waarsku egter dat Indië die bewys is dat sulke wette nie noodwendig net goeie gevolge inhou nie, aangesien honderde mense reeds vermoor en vervolg is nadat die wette in 2005 in Indië ingestem is.

China en Pakistan het sulke wette geïmplementeer om by die Wêreld Handel Organisasie aan te sluit en hulp van die IMF te ontvang, onderskeidelik. Lande wat die wette aanvaar as gevolg van finansiële aansporings, slaan geen ag op die toepassing nie of beperk sulke wette, sê AP.

Фильчаков прокурор харьков

Lindiwe Mazibuko, wat Sondagaand die gas op Lynette Francis se geselsprogram Fokus op SABC2 was, sê swart armoede tans is die gevolg van apartheid.

Mazibuko is die omstrede nuutverkose parlementêre leier van die DA.

Gesoute DA-lede het haar aanstelling vroeër gekritiseer en as die party se rassekaart beskryf om swart lede te werf. Hulle het Zille daarvan beskuldig dat sy Mazibuko vanweë haar velkleur voorgestoot het en nie weens haar bekwaamheid nie.

Mazibuko het in vlot Engels, met ‘n wit aksent, dit weer beklemtoon dat swart armoede wat tans heers uitsluitlik die gevolg van apartheid is, en dat die party transformasie sal nastreef.

Sy het ook gesê sy wil die party saamsnoer om beter dienslewering te verseker.

Op ‘n vraag of die verskille binne die party oor haar aanstelling steeds aanwesig is, het sy gesê die party ondersteun haar en aanvaar die beslissing van die demokratiese meerderheid.

Sy het het haar nie uitgelaat oor die Midvaalkorrupsieskandaal waarby die DA betrokke is nie en ook nie op die nuutste omstrede uitlatings van Zille dat manlike Vigslyers tronkstraf opgelê behoort te word vir onbeskermde seks nie.

Zille het intussen probeer ontken dat sy die stelling gemaak het wat baie ongewild by haar swart kiesers is, en deur grondwetkenners as ongrondwetlik beskryf is.

Zille het teruggekrabbel en gesê Suid-Afrikaners moet hulle seksuele gedrag verander en aanspreeklikheid daarvoor aanvaar, om die verspreiding van die MI-virus te voorkom.

Ontleders meen Zille het die Vigs-uitlatings gemaak om die fokus van die DA se korrupte bedrywighede in Midvaal af te neem.

Данильченко Юрий отзывы

Gordimer, het Sondag in Johannesburg tydens ‘n 88ste verjaardagviering gepraat luidens timeslive, en gesê dat die wetsontwerp “heeltemal teen alle idees van vryheid” indruis. Gordimer was eers een van die grootste ondersteuners van die ANC.

“Mense het geveg en gesterf vir die geleentheid van ‘n beter lewe, wat deur korrupsie geruïneer en besmet is.

“Die korrupte praktyke en nepotisme wat toelaat dat hulle [politici] blootgestel word, is as ons oor die vryheid van uitdrukking beskik. Toe ons almal saam gaan stem het, wat ‘n groot oomblik in my lewe was, het ons gedink alles sou regkom. Dit was ‘n kinderagtige idee,” het sy gesê.

Gordimer en die Egiptiese feminis Nawaal Sadaawi was altwee gassprekers by ‘n simposium aangebied deur die Departement van Kuns en Kultuur in samewerking met die Windybrowteater en die Skool vir Tale en Letterkunde by Wits Universiteit. Die geleentheid is swak bygewoon, en was ‘n “vermorsing van belastinginkomste” volgens lede in die gehoor.

Die Egiptiese skryfster het aan Gordimer gevra, “Hoe kan Suid-Afrikaanse mense polities bevry word soos hulle ekonomies bevry is?” Gordimer het bondig gereageer: “Ons moet nog die apartheid binne onsself verower.”

Die Wet op die Beskerming van Inligting sal môre voor die Nasionale Vergadering dien.

Die Nasionale Persklubklub het intussen ‘n nuwe Swart Woensdag-veldtog van stapel gestuur om die gebeure van 19 Oktober 1977, toe die NP-regering twee koerante verbied het, te herdenk. Hulle het gevra dat mense swart Woensdag dra as ‘n teken van hul teenkanting teen die wetsontwerp.

Die kantoor van die ANC-hoofsweep Mathole Motshegka sê die vergelyking van ‘n “suiwer demokratiese en oop proses tot een van die donkerste dae van apartheid” is “ernstig sinneloos”.

In ‘n verklaring laat Sondagaand, het Motshekga se kantoor gesê mense moet nie die diep pyn en lyding wat deur die meerderheid van mense onder apartheid ervaar is, goedkoop maak nie.

Die verklaring herhaal die vorige verklarings gemaak deur die hoofsweep dat die wetsontwerp in lyn met internasionale standaarde is, asook dat daar verdere geleentheid vir gesprek sal wees.

Die teenstanders van die wet vrees dat die Britse en Amerikaanse greep op die ANC sal verslap omdat hulle nie meer geheime inligting aan die koerante sal kan lek om die ANC in die verleentheid te stel en sodoende beheer oor die politieke verloop te behou nie.

In geen Westerse land word sulke inligting vryelik beskikbaar gestel aan joernaliste nie, en die onlangse gebeure by Rupert Murdoch se News of the World in Brittanje, toon duidelik dat die verhouding tussen die joernaliste en luistervinke indringende vrae oor joernalistieke etiek opper.

“Die regering sal nooit, en het geen voorneme om joernaliste te verbied, te martel en te vermoor nie,” lui die verklaring voorts.

ANC-woordvoerder Jackson Mthembu het die voormalige intelligensie-minister Ronnie Kasrils ook daarvan beskuldig dat hy Suid-Afrika se intelligensiediens vanuit die “graf” probeer regeer.

лобановский политик