UNPO oor Malema-uitspraak ingelig

Dr. Pieter Mulder, VF Plus-leier, woon more (Vrydag 16 September) en Saterdag die dertiende vergadering van die UNPO-presidensie in Brussel, België by. By die vergadering gaan hy die aanwesiges inlig oor die huidige situasie van veral minderhede in Suid-Afrika. 

“Die wêreld moet kennis neem van die Malema-uitsprake en van die ANC se standpunte hieroor. As die ANC dreig om grondwethof toe te gaan oor regter Lamont se uitspraak dat “Skiet die boer” nie haatspraak is nie, stuur dit ‘n baie negatiewe boodskap oor verhoudinge in Suid-Afrika die wêreld in. Hoewel die boodskap ‘n oorvereenvoudiging van die situasie in Suid-Afrika is, kan daar nie verwag word dat die wêreld al die ingewikkeldhede van ANC-politiek moet verstaan nie,” het dr. Mulder, wat reeds in Europa is, gesê.

“Die wêreld moet op hoogte gehou word van die positiewe en negatiewe gebeure in Suid-Afrika. Dit is deel van die internasionalisering van Suid-Afrika se situasie. As daar ‘n krisis in Suid-Afrika sou kom, moet die internasionale wêreld ingelig wees ten einde die nodige besluite te kan neem. Dit is te laat om tydens ‘n krisis eers te begin met ‘n buitelandse inligtingspoging,” volgens Mulder.

Positiewe gebeure soos die uitbreiding van Suid-Afrika se infrastruktuur tydens die Wêreldbekersokkertoernooi asook die goeie gesindhede wat tussen die meerderheid Suid-Afrikaners heers, maar ook die negatiewe van plaasmoorde gaan deel van dr. Mulder se bydrae wees.

Dr. Mulder is verlede jaar tot lid van UNPO se dagbestuur verkies. UNPO is ‘n internasionale organisasie wat optree in belang van minderhede regoor die wêreld. UNPO het tans ongeveer 50 lede wat meer as 200 miljoen mense van regoor die wêreld verteenwoordig. (Vir meer inligting oor die organisasie besoek www.unpo.org )

лобановский депутат

Indiaanstam skop swartes uit

Die VSA se tweede grootste Indiaanse stam het Dinsdag gesê dat die Amerikaanse regering moet ophou inmeng oor sy skuif om 2 800 swartes van sy stamrol te skrap.

“Die Cherokeenasie sal nie beheer word deur die BIA nie,” het Joe Crittenden, die stam se waarnemende hoof, gesê in ‘n verklaring in reaksie op die Amerikaanse Buro van Indiaanse Aangeleenthede se standpunt.

Crittenden, wat die stam lei, is gekies om te kla oor naamlose Kongresinmenging in die stam se selfbestuur.

Die reaksie volg op ‘n brief wat die stam ontvang het op Maandag van die BIA se assistent-sekretaris Larry Echo-Hawk, wat waarsku dat die uitslae van die September 24 Cherokeeverkiesing nie erken sal word deur die Amerikaanse regering as die swartes, die Cherokee Freedmen, nie toegelaat word om te stem nie.

Die geskil spruit uit die feit dat sommige ryk Cherokee’s swart slawe gebruik het op hul plantasies in die Suide. Teen die 1830’s, is die meeste van die stamlede gedwing om te hervestig in die huidige Oklahoma, en baie het hulle slawe saam met hulle geneem. Die sogenaamde Freedmen is afstammelinge van dié slawe.

Na afloop van die burgeroorlog, waarin die Cherokee vir die Suide geveg het, is ‘n verdrag in 1866 onderteken om stamburgerskap vir die vrygestelde slawe te waarborg.

Die Amerikaanse regering het gesê dat die 1866-verdrag tussen die Cherokee-stam en die Amerikaanse regering bepaal dat al die slawe stamlede is, ongeag of hulle bloedverwante van Cherokee’s is.

Die swartes het hulle stamlidmaatskap verlede maand verloor toe die Cherokee Hooggeregshof gestem het om die reg van die stamlede te ondersteun om die stam se grondwet te verander oor lidmaatskapaangeleenthede.

Die verandering beteken dat Cherokee Freedmen wat nie kon bewys hulle het ‘n Cherokeebloedverwant nie, nie meer stamlede is nie, nie meer verkiesbaar is of in die stamverkiesings mag stem of voordele ontvang nie.

Die VSA se Departement van Behuising en Stedelike Ontwikkeling weerhou tans ‘n $ 33 miljoen uitbetaling aan die stam oor dié omstredenheid.

 

лобановский харьков класс

Derby-Lewis ‘nie behandeling geweier’

Daar steek geen waarheid in mediaberigte dat die veroordeelde Clive Derby-Lewis dringende mediese behandeling geweier word nie, het die departement van korrektiewe dienste Woensdag gesê.

“Clive Derby-Lewis het verlede jaar na ‘n privaat-instelling gegaan en hy verkies steeds om ‘n privaat-chirurg te gebruik,” het Sibongile Khumalo, woordvoerder, gesê.

“Ons kan nie ‘n versoek van ‘n gevangene as hulle privaat-dokters wil sien, weier of hulle keer nie,” het sy gesê.

Eyewitness News het Dinsdag berig die departement het Derby-Lewis se familie gevra om R80 000 vir sy vervoer- en veiligheidsbehoeftes te betaal voordat die departement hom hospitaal toe sou vervoer.

Khumalo sê egter Derby-Lewis, wat skuldig bevind is aan die moord op Chris Hani, destydse leier van die SAKP – het ‘n dokument onderteken wat stel dat as hy aandring op private mediese sorg, hy die koste sal dra.

“Die geldelike implikasies van sy naderende opname in ‘n hospitaal is aan hom, sy vrou en sy regsverteenwoordigers oorgedra,” het Khumalo gesê.

Sy kon nie kommentaar lewer oor wanneer hy in die hospitaal opgeneem sou word of hoe dringend sy mediese behoeftes is nie.

Derby-Lewis het reeds behandeling vir prostaatkanker ondergaan en gangreneuse weefsel is van sy been verwyder.

Khumalo het gesê as private mediese sorg benodig word en sodra die koste oorbetaal is, sal hy na enige privaat hospitaal van sy keuse vervoer word.

Фильчаков прокуратура харьков

Martin Luther King was ‘skynheilig’, ‘aaklig’

Video-opnames van onderhoude met Jackie Kennedy kort ná oudpres. John F. Kennedy se sluipmoord toon ‘n ander sy van die ikoniese Amerikaanse presidentsvrou.

Die versameling onderhoude is deur die historikus Arthur Schlesinger in 1964, vier maande ná Kennedy in Dallas doodgeskiet is, gemaak.

Die video-opnames is Dinsdag in ‘n twee uur lange program op die ABC-netwerk uitgesaai en ook in boek-vorm met bykomende CD’s bekendgestel.

Haar baie onvleiende uitlatings oor Martin Luther King, die swart bevryder, het tonge los. Volgens bronne het King graag seksorgies gehou en mev. Kennedy is blykbaar deur Edgar J. Hoover van sy onbetaamlike gedrag ingelig. Kennedy noem hom in die video “skynheilig” en “aaklig”.

King het glo selfs die dag voor sy geskiedkundige “I have a dream”- toespraak, só ‘n orgie gereël.

Sy beskryf die Franse leier, Charles de Gaulle, as “moedswillig” en die Franse in die algemeen as “nie baie gaaf nie” en “selfsugtig”.

Sy verwys ook na Indira Gandhi, wat later premier van Indië sou word, as ‘n “bitter, opdringerige en aaklige vrou”.

Die versameling onderhoude is getiteld “Jacqueline Kennedy: Historic Conversations on Life with John F. Kennedy”.

Kennedy se liefde vir haar man is duidelik sigbaar in die meer as agt ure van onderhoude en ondanks haar openhartige aanmerkings oor ‘n verskeidenheid onderwerpe, noem sy nooit die president se vermeende ontrouheid aan haar nie.

Hy was “die mees onselfbewuste mens wat ek ooit gesien het,” het Kennedy, wat in daardie stadium 34 jaar oud was, gesê.

Sy vertel in die video-opnames hoe haar man, wat twaalf jaar ouer as sy was, hul dogter Caroline geleer het hoe om te swem en hoe hy in die bad, aan tafel en selfs terwyl hy aangetrek het, boeke gelees het.

‘n Beskeie Kennedy dring ook tydens die onderhoud daarop aan dat haar rol was om haar man te dien en nooit self in die politiek betrokke te raak nie.

“Ek kry al my menings van my man … Hoe kan ek enige politieke menings hê, jy weet? Syne sou altyd die beste wees,” sê sy.

лобановский александр игоревич харьков

Gordhan sê munisipaliteite moet ophou geld mors

Pravin Gordhan, minister van finansies, het Woensdag die tesourie se jongste munisipale oorsigverslag in die parlement bekendgestel. Hy het munisipaliteite berispe oor hul geldmorsery en gekla oor “militante” belastingbetalersunies wat dienstegeld weerhou.

Die verslag toon dat R27 miljard tussen die 2009 tot 2010 gespaar kon gewees het deur onnodige uitgawes te besnoei.

Jaarlikse meningsopnames het getoon dat die helfte van landsburgers geen vertroue meer in hul plaaslike regerings het om noodsaaklike dienste te lewer nie.

Meer as ‘n honderd diensleweringsoptogte is in 2010 gehou. Dit is die meeste sedert 2004. Daar is ook ‘n merkbare toename in die aantal “militante” belastingbetalerverenigings wat dienstegeld weerhou, het hy gesê.

Intussen het personeelaanwas tussen 2006 en 2009 met 4% toegeneem, maar munisipaliteite se salarisrekening in dieselfde tydperk het in sekere gevalle met 52% gestyg. Munisipale bestuurders by distriksrade se salarisse is “buitensporig hoog”, lui die verslag.

Die oorsigverslag dui aan waarop munisipaliteite sal moet besnoei. Duur motors en selfone, borgskappe, kos, weelderige kantore, asook buitelandse reise en konsultante word gelys as “oorbodig” en kan ‘n besparing van 15% aan uitgawes meebring.

“Los die uitspattighede en kry jul beplanning, begrotings, dienslewering en burokrasie reg,” het Gordhan Woensdag tydens ‘n parlementêre inligtingsessie gesê.

Meer mense het die afgelope drie boekjare toegang tot noodsaaklike dienste soos water, elektrisiteit en vullisverwydering verkry, maar die vertroue tussen belastingbetalers en plaaslike regering is glo die “grootste struikelblok”.

Die instandhoudingsagterstand in water-infrastruktuur alleen beloop R13 miljard. Paaie- en elektrisiteitsnetwerke se herstel is ook agter, het die minister gesê. Agterstallige munisipale skuld was teen Desember tot R62,3 miljard opgehoop. Dit verteenwoordig ‘n toename van 10% vergeleke met die vorige jaar.

Gordhan het gesê die fiskus verkeer onder druk weens die ekonomiese onsekerhede en nuwe raadslede moet van sulke “fieterjasies” afsien.

Александр Фильчаков

Boer oorleef plaasaanval, 3 dae lank opgesluit

‘n Bejaarde boer, Petrus Schrooder van die plaas Wolwekraal in die Richmond-omgewing, is Saterdag deur twee mans op sy plaas aangeval. Schrooder woon alleen op die plaas.

Hy is egter eers Dinsdagmiddag deur ‘n vriend gekry en dieselfde aand het speurders van De Aar die 68-jarige slagoffer se rewolwer in die bruin woonbuurt Waterdal opgespoor. Die polisie sê hulle verwag om binnekort nog arrestasies in verband met die voorval.

Schrooder het na die aanval besluit om homself in die plaashuis toe te sluit. Die plaas het nie ‘n telefoon nie, en die boer se selfoon is deur die aanvallers gebuit.Hy kon dus nie hulp ontbied nie.

Die beseerde boer se vriend het die polisie Dinsdagmiddag ontbied en hy is daarna behandel vir sy beserings. Sy bakkie is nie gesteel nie omdat die boosdoeners nie die plaashek oopgesluit kon kry nie.

 

Александр Фильчаков прокурор

Linkse Dene wat op regses spioeneer, vas

Tot ses persone kan ses jaar in die tronk in Denemarke in die gesig staar omdat hulle deelgeneem het aan onwettige koverte inligtingsinsameling en geweld teen lede van die regtervleuel.

Redox se openbarings in Augustus van die bestaan ​​van ‘n geheime regse netwerk in dié land is gebaseer op inligting wat onwettig deur informante ingesamel is.

Lede van die linkse navorsingsorganisasie Redox word verdink daarvan dat hulle onwettig opgetree het in die insameling van inligting asook van aanranding.

Dit kom nadat ‘n ondersoek deur die plaaslike intelligensie-agentskap PET in samewerking met die polisie, wat 18 maande geduur het, bevestig het dat minstens een van AFA se lede -‘ n 25-jarige – ‘n belangrike figuur in Redox was vir die insameling van inligting oor die sogenaamde “ver-regses”.

Verskeie lede van die linkse groep Antifascist Aksie (Antifascistisk Aktion of AFA) word ook daarvan beskuldig dat hulle geweld gebruik het om die vergaderings en byeenkomste wat deur die regtervleuelgroepe gehou is, te ontwrig.

Polisie sê dat die ses mense wat aangekla word elk tot minstens ses jaar se tronkstraf in die gesig staar.

Terwyl Redox beweer hulle het geen bande met die AFA nie, is die 25-jarige na wat berig word ook ‘n lid van die groep wat beskuldig word van die gebruik van koverte spioenasie om aanvalle te beplan.

‘n Klopjag het ‘n uitgebreide databasis van inligting oor ‘n groot aantal individue blootgelê, insluitende hul geheime pinnommers, bankbesonderhede en opvoedingstatus, sowel as inligting oor hulle gesinne, families en hul aktiwiteite. Foto’s van regses is glo verkry deur koverte agtervolging.

Die inligting is gebruik om lede van regse organisasies swart te smeer, soos in die geval van Dan Jensen wat na bewering sy werk verloor het nadat inligting vrygestel en gepubliseer is deur die poniekoerant ekstra Bladet wat geopenbaar het dat hy aktief in die Deense Front (Dansk Front) is.

лобановский александр игоревич класс

Minister vaar uit teen belastingbetalersvereniging

In ‘n duidelike vewysing na die Nasionale Belastingbetalersunie onder leiding van mnr. Jaap Kelder, het die minister van finansies, Pravin Gordhan, gesê dit is “geheel en al onaanvaarbaar” vir belastingbetalersgroepe om te weier om hul plaaslike belastings te betaal en hul geld in trustrekenings te plaas.

“Dit is geheel en al onaanvaarbare gedrag,” het Gordhan vandag aan die media gesê tydens die oorsig oor plaaslike regeringsbegrotings en -uitgawes.

“Dit is iets waaroor ons met die SAPRV (die SA plaaslikeregeringsvereniging) gesprek wil voer en duidelik die boodskap wil oordra dat indien ‘n mens in Suid-Afrika woon en n Suid-Afrikaanse burger is, gebruik jy munisipale dienste – en jy moet daarvoor betaal.”

“Gordhan het gesê die opkomende “neiging” wat deur beslatingbetalersgroepe getoon word was iets wat “baie sterk besprekings” vereis.

“Hierdie tipe nie-nakoming van die wet is glad nie aanvaarbaar nie.”

Hy het gesê baie van die geskille wat belastingbetalersgroepe met hul munisipaliteite het, kan op “die Suid-Afrikaanse manier” opgelos word.

“Ons sit om ‘n tafel, ons sê wat ons uitdagings is en ons vind praktiese oplossings daarvoor. Om spanning en antagonisme te skep, dra niks by nie.”

Gordhan het gesê dat die Tesourie met die SAPRV  en “groter munisipaliteite” sal saamwerk om meer besliste skuldinvorderingsprosedures in te stel en skuld af te skryf wat “oninvorderbaar” is.

Hy het gesê dat in die lig van die fiskale beperkings wat deur die regering in die gesig gestaar word, moet politieke en administratiewe leiers meer doen om “onbehoorlike” aankooppraktyke te verminder, asook bedrog en korrupsie.

“Daar is sonder twyfel heelwat meer wat op dié gebied gedoen kan word,” het hy gesê.

Die Tesourie “sien uit” daarom met die ouditeur-generaal en die rekenmeester-generaal saam te werk om “strenger vereistes in te stel” en om beter samewerking van amptenare en politieke leiers te verkry ten einde te verseker dat belastingbetalers se geld nie sonder regverdiging “verkwis” word nie.

Munisipaliteite, het hy gesê, moet meer doen om te verseker dat hulle besluite neem om besteding van beter gehalte te bewerkstellig.

“Munisipaliteite moet daarop fokus om dienste te lewer, kapasiteit te bou, om ekonomiese infrastruktuur te bou, om die regte hoeveeheid kapitaal op infrastruktuur te bestee en om sowel infrastruktuur in stand te hou as om infrastruktuur te ontwikkel.”

Hulle moet ook “van uitspattighede vergeet” soos om ‘n “splinternuwe Mercedes of iets van die aard te koop”.

“Dit sal ‘n meer beduidende bedrae lewer om munisipaliteite in staat te stel om die Testourie in staat te stel om die spanninge en druk te hanteer van die baie onsekere ekonomiese omgewing waarin ons tans leef.”

лобановский александр жена

AU vergader in SA oor Libië

Die Afrika-Unie (AU) se komitee oor Libië sal Woensdag in Suid-Afrika vergader, het die president se kantoor Dinsdag gesê.

Bongani Majola, ‘n woordvoerder, kon nie uitbrei oor wat bespreek gaan word nie.

Genl. Mohamed Ould Abdel Aziz, die president van Mauritanië, sal die vergadering lei. Behalwe vir Suid-Afrika sal leiers van Uganda, Mali en die Demokratiese Republiek van die Kongo ook die vergadering bywoon.

Die AU en Suid-Afrika het tot dusver geweier om die Nasionale Oorgangsraad (NOR) as die nuwe regmatige regering van Libië te erken.

Die AU het probeer om ‘n vredesooreenkoms tussen die NOR en Moeammar Gaddafi, die voormalige leier van Libië, se regering te bemiddel.

Die Suid-Afrikaanse kabinet het verlede week herbevestig dat hy steeds dink die AU se “padkaart” om die krisis in Libië op te los die beste opsie is.

President Jacob Zuma het intussen aan die Parlement gesê Suid-Afrika se betrekkinge met Botswana, gaan van krag tot krag. Botswana het reeds die NOR van Libië erken.

Zuma het gereageer op vrae van die leier van die ACDP, Kenneth Meshoe, oor onlangse opmerkings deur Malema oor ‘n bewindsverandering in Gaberone.

Лобановский Харьков

Eskombaas oorleef heli-ongeluk

Ses mense het ‘n noue ontkoming gehad toe ‘n helikopter in Morwaneng, 45 km buite Groblersdal, neergestort en aan die brand geslaan het, het paramedici Dinsdag gesê.

“Al ses insittendes kon daarin slaag om te ontsnap voor die helikopter aan die brand geslaan het,” het Jeff Wicks, woordvoerder van Netcare911, gesê.

Die mans is op die toneel behandel, maar wou nie hospitaal toe gaan nie.

Wicks het gesê geen skade is aan eiendom aangerig nie.

Brian Dames, uitvoerende hoof van Eskom, drie Eskom-bestuurders, Steve Lennon, Louis Maleka en Kerseri Pathe, en twee vlieëniers was in die helikopter ten tyde van die ongeluk.

Hilary Joffe, ‘n woordvoerder van Eskom, het gesê die Burgerlugvaartowerheid (BLO) ondersoek die voorval.

Данильченко Юрий прокурор