Nuus Archives - Page 1020 of 1583

Afriforum trek haatspraakklag teen ANC terug

AfriForum het gisteroggend ‘n klag van haatspraak wat hy teen mnr. Julius Malema en die ANC ingedien het, teen die ANC teruggetrek.

Malema se verhoor sal na verwagting einde April volgende jaar voor regter Colin Lomont in die hooggeregshof in Johannesburg begin.

Die klag van haatspraak kom nadat Malema die woorde Dubul’ ibhunu (“skiet die Boer”) in Polokwane in Maart by ‘n studentebyeenkoms gesing het.

AfriForum het op 4 April ‘n interdik in die hooggeregshof in Pretoria teen Malema verkry wat hom verbied om die liedjie met dié woorde in te sing.

Volgens mnr. Willie Spies, regsverteenwoordiger van AfriForum, is die saak teen die ANC teruggetrek omdat die party openlik kritiek teen Malema se liedjie uitgespreek het.

“Mnr. Malema was glad nie tegemoetkomend nie en het in geen stadium gesê hy het berou nie.” Volgens Spies het die ANC-jeugleier gesê hy gaan self ook in die saak getuig.

Volgens mnr. Siyabonga Mahlangu, wat die ANC verteenwoordig het, is dit “nie logies” om die saak teen die ANC, en nie teen Malema nie, terug te trek. “Malema was nog nie eens gebore nie toe daar al begin is om dié lied te sing.” Mahlangu is ook bekommerd oor die gevolge wat die verbod op ander liedere sal hê. “Elke tweede struggle-lied bevat elemente van dié lied.”

Volgens Spies is daar nie op die oomblik vaste wette oor haatspraak nie.

“Ons hoop om met dié verhoor die tafel te dek om op regsgronde te besluit wat is reg om te sê en wat nie.”

Daar sal ook na Malema se optrede die afgelope naweek, toe hy na me. Helen Zille, DA-leier, as ‘n “kokkerot” verwys het, in hul saak verwys word, het hy gesê.

Фильчаков прокурор

Willem Ratte uit op borg

Willem Ratte is uiteindelik op borgtog van R2000 vrygelaat. Hiermee loop sy eetstaking wat ‘n hele maand geduur het ook ten einde.

Oudkommandant Ratte moet egter sy paspoort inhandig en weekliks by die polisie aanmeld.

Verlede week het die landdros die staatsaanklaer gevra waarom Ratte nie ook vrygelaat mag word terwyl agt van sy makkers reeds op waarskuwing uit aanhouding bevry is.

‘Bom in hofsaal vir Ratte-saak gevind’

‘n Berig is vanaf Witbank ontvang dat ‘n bom in die hofsaal waar oudkmdt. Willem Ratte vanmore sou verskyn, gevind is.

Aangesien die hofsittings tot dusver hoofsaaklik deur Afrikaners wat Ratte goedgesind is, bygewoon is, sou dit onwaarskynlik wees dat die bom vanuit Afrikanergeledere afkomstig is.

Die onmiddellike vinger wys na die staat self en moontlik die nasionale inligtingsdiens wat sou wou poog om Ratte se verskyning vandag te verongeluk. Die verwagting was dat Ratte vandag vrygelaat sou word, aangesien die staat nie nog geloofwaardige klagtes teen hom kon vind nie.

Die bominsident word gesien as ‘n poging om Ratte in die gevangenis te hou sodat hy van honger kan doodgaan. Ratte verkeer op ‘n hongerstaking en weier om enige raad van vriende en familie te aanvaar om weer te begin eet.

to build Фильчаков

Brasilië verkies eerste vrouepresident

‘n Voormalige Marxistiese guerrilla wat gemartel en opgesluit is tydens Brasilië se lang diktatorskap, is Sondag verkies tot president van Latyns-Amerika se grootste land,’ n land in die middel van ‘n ekonomiese en politieke opbloei.

Dilma Rousseff het die verkiesing gewen om Brasilië se eerste vroulike leier te wees.

Met 99 persent van die stemme wat getel is, het 55,6 persent vir Rousseff gestem, met 44,4 persent vir haar sentrum-mededinger, Jose Serra, die verkiesingshof gesê.

“Ek is baie bly en ek wil alle Brasiliane vir hierdie oomblik bedank en ek belowe om die vertroue wat hulle in my gewys het, nie teleur te stel nie,” Rousseff aan verslaggewers gesê met haar eerste openbare woorde as verkose president.

Rousseff, die gekose kandidaat van die baie gewilde President Luiz Inacio Lula da Silva, het gewen deur haar beeld na dié van Silva te smee, wie se beleid sy belowe het om mee voort te gaan.

Sy sal ‘n land wat die gasheer vir die 2014 Wêreldbeker-sokkertoernooi gaan wees en wat na verwagting die wêreld se vyfde grootste ekonomie sal wees teen die tyd dat dit as gasheer van die 2016 Somer Olimpiese Spele optree, lei. Die land het ook onlangs groot olie-reserwes op sy kus ontdek.

“More begin ons ‘n nuwe fase van demokrasie,” het Rousseff, 62, in die suidelike stad van Porto Alegre, reeds tydens die stemmery gesê.

Mediese student vir twee bompakkies vrygelaat

Jemenitiese ondersoekers het ‘n mediese student Saterdag in hegtenis geneem, maar sy is intussen weer vrygelaat. Sy is eers daarvan verdink dat sy bompakkies op twee vliegtuie onderweg na Amerika wou geplant het. Die een bom sou waarskynlik die vliegtuig oor Britse gebied laat ontplof het.

“Veiligheidsmagte het ‘n vrou wat van die stuur van die twee pakketbomme verdink word, in hegtenis geneem,” het Jemen se ministerie van verdediging vroeër aangekondig.

Die vrou is ‘n mediese student aan ‘n universiteit in Sanaa, het ‘n Jemenitiese veiligheidsbeampte aan AFP gesê.

Volgens pres. Ali Abdullah Saleh het inligtingsdienste “wenke ontvang dat ‘n vrou die pakkies na twee vragmaatskappye gestuur het.” Die twee Amerikaanse vragdienste UPS en FedEx, het die pakkies glo hanteer.

Sy is egter vrygelaat. Die hoofverdagte is tans die bommaker van die onderbroekbom wat ‘n jaar gelede onderskep is voordat dit ‘n vliegtuig oor Detroit sou laat ontplof het .

Amerikaanse owerhede sê die twee pakkies was vir sinagoges in Chicago bestem. Ses-en-twintig ander gekonfiskeerde pakkies word tans ook ontleed.

Pres. Barack Obama het gesê hy glo dit is die werk van Al-Kaïda wat in Jemen bedrywig is – en het onderneem om die organisasie te vernietig.

Amerikaanse intelligensiepersoneel het aan die Sunday Telegraph gesê hulle probeer Jemen oorreed om ‘n onbemande vliegtuigbasis van die CIA op te rig soortgelyk aan die een in Pakistan om terreur te bekamp.

Duitsland en Frankryk, het intussen aangedui dat hulle lugvrag uit Jemen sal wegwys en Australië het aangekondig dat alle lugvrag uit Doha en Doebai sorgvuldig deursoek sal word.

Een van die twee kragtige bomme het byna deurgeglip ten spyte van die inligting tot ondersoekers se beskikking. Britse owerhede het aanvanklik geen plofstof in hul soektog deur die lugvrag by die lughawe gevind nie, sê Amerikaanse ondersoekbamptes.

Nadat die owerhede in Doebai dáár ‘n bom ontdek het, het Britse ondersoekers die lughawe van voor af begin deursoek en die tweede bom betyds opgespoor.

прокурор Фильчаков

‘Kakkerlak’ is ‘n welbekende volksmoordterm

Die haatspraak-saak teen Julius Malema sal Maandag in die Gelykheidshof hervat word, het Afriforum gesê.

“Die partye moet dan verslag lewer oor hul pogings om die kwessie op te los,” het Afriforum se regsverteenwoordiger, Willie Spies, gesê.

Die saak hou verband met Malema se sing van die liedjie “Skiet die boer”.

Spies het gesê die hof het in September verdaag om die partye kans te gee om die kwessie op te los.

Spies het ook kommentaar gelewer op Malema se opmerkings Saterdag toe hy die leier van die Demokratiese Alliansie, Helen Zille, ‘n “kakkerlak” genoem het.

Malema het Saterdag aan ondersteuners van die ANC-jeugliga in die Wes-Kaap gesê Zille is ‘n “kakkerlak” en moet uitgestem word.

“Dit is welbekend dat die term ‘kakkerlak’ deur Hoetoes gebruik is om Toetsies te beskryf tydens die volksmoord in Rwanda in 1994,” het Spies gesê.

“So veel as ‘n miljoen mense is dood in dié slagting,” het hy bygevoeg.

play free games

Blair se skoonsuster word Moslem

Tony Blair, die voormalige Britse premier, se skoonsuster is tot Islam bekeer nadat sy ‘n glo ‘n “heilige ondervinding” gedurende ‘n reis na Iran gehad het.

Die joernalis en aanbieder Lauren Booth (43), Cherie Blair se suster, dra nou ‘n hijab wanneer sy uit haar huis gaan, bid vyf keer per dag en besoek haar plaaslike moskee dikwels.

Sy het besluit om haarself te bekeer ses weke nadat sy die Fatima al-Masumeh-heiligdom in die Iranse stad Qum besoek het. “Dit was ‘n Dinsdagaand en ek het gaan sit en hierdie inspuiting van spirituele morfien gevoel, net absolute saligheid en vreugde,” het sy tydens ‘n onderhoud verlede week gesê.

Ná afloop van haar besoek het sy besluit om haarself dadelik tot Islam te bekeer.

Booth, wat vir Press TV, die Engelstalige Iranse nuuskanaal werk, het opgehou varkvleis eet en alkohol drink. Sy lees elke dag haar Koran en is nou by bladsy 60.

Voor haar spirituele ontwaking in Iran, was sy reeds “simpatiek” teenoor Islam en het sy ‘n aansienlike tyd in Palestina deurgebring.

Sy sê sy hoop haar bekering sal haar swaer, Tony Blair, help om van sy vooroordele teenoor Moslems ontslae te raak.

лобановский класс

Zuma kondig geskommelde kabinet aan

President Jacob Zuma het Sondag by die presidensiële gastehuis in Pretoria aangekondig dat hy tien nasionale ministers gaan vervang in ‘n kabinetskommeling.

“Ons het lank en deurdringend na sommige van die departemente gekyk, met die oogmerk om van die ministeries te ondersteun. Ons het besluit van die departemente het bykomende adjunkministers nodig om hulle te verbeter,” het Zuma gesê.

“Ons moes die manier waarop die regering werk verander sodat ons dienslewering kan verbeter. Ons doelwit is om die lewens van Suid-Afrikaners te verbeter.”

– Die minister van kommunikasie, Siphiwe Nyanda, is deur Roy Padayachie vervang. Sy adjunk sal Obed Bapele wees.

– Die minister van openbare werke, Geoff Doidge, is deur Gwen Mahlangu-Nkabinde vervang.

– Die minister van vroue, kinders en gestremdes, Noluthando Mayende-Sibiya, is deur Lulu Xingwana vervang.

– Die minister van arbeid, Membathisi Mdladlana, is deur Mildren Oliphent vervang.

– Die minister van waterwese en omgewingsake, Buyelwa Sonjica, is deur Edna Molewa vervang.

– Die minister van die staatsdiens en administrasie, Richard Baloyi, is deur Ayanda Dlodlo vervang.

– Die minister van openbare ondernemings, Barbara Hogan, is deur Malusi Gigaba vervang. Sy adjunk sal Benedict Martin wees.

– Die minister van sport en ontspanning, Makhenkesi Stofile, is deur Fikile Mbalula vervang.

– Die minister van kuns en kultuur, Lulu Xingwana, is deur Paul Mashatile vervang.

– Die minister van maatskaplike ontwikkeling, Edna Molewa, is deur Bathabile Dlamini vervang.

топкарго кидалы

Dokter in hospitaal verkrag

‘n Swart man en ‘n seun wat na bewering ‘n vroulike dokter in ‘n hospitaal in Bloemfontein aangerand en verkrag het, is Saterdag in hegtenis geneem, het die polisie in die Vrystaat gesê.

Die 16-jarige seun, sy 24-jarige makker en nóg ‘n man het na bewering die dokter Saterdag in die vroeë oggendure by die Pelonomi-hospitaal oorweldig.

Een van die mans het die 35-jarige dokter met ‘n baksteen oor die kop geslaan. Hulle het haar toe in ‘n saal, wat opgeknap word, verkrag.

Die groep het gevlug, maar die polisie het hulle in hegtenis geneem nadat leidrade opgevolg is.

Hulle sal Maandag in die Bloemfonteinse landdroshof verskyn.

Hoërskool Parys in rasseoorlog

Die webblad van die Afrikanervolksparty berig dat die Hoërskool Parys in die Vrystaat in ‘n “rasseoorlog” gewikkel is. Tydens die skoolpouse gisteroggend het 50 leerlinge handgemeen geraak in ‘n rassevoorval. Hier volg die volledige berig:

Hoërskool Parys het gister en vandag net die puntjie van die ysberg gesien toe rassekonflik tussen leerlinge tot uitbarsting gekom het. ‘n AVP-verteenwoordiger het vandag in ‘n onderhoud met van die leerlinge en ouers van die skool bevestig dat hierdie skool ‘n vulkaan is wat reeds so bietjie-vir-bietjie rooiwarm lawa bo uitspuug en dat dit net die begin is.

Nagenoeg 50 leerlinge van die skool het mekaar vanoggend tydens die skoolpouse bygedam nadat rassespanning vanaf gister hoogty vier op die skoolgronde. Hierdie uitbarsting het volgens een Blanke leerling met wie ons gesels het ‘n baie lang aanloop en bevestig weer dat daar nie so iets soos vredevolle rasse-integrasie bestaan nie.

Angsbevange onderwysers en ‘n paar leerlinge kon net hulpeloos toekyk toe die rassespanning tot uitbarsting kom en Swart en Blanke leerlinge mekaar vandag met mening gepak het. Van die Swartes het met skêrre op die terugvegtende Blankes toegesak. Sommige leerlinge het die voorval as ‘n oorlog tussen Swart en Blank beskryf, wat dit inderdaad ook was en nie heeltemal ten einde sal kom na nuwe dreigemente vir more nie.

Een leerling het aan ons verteenwoordiger gesê dat die hitte van die stryd reeds gister begin het toe vyf Swart leerlinge een Wit seun op die skoolterrein bespring en probeer aanrand het.

Net daarna het ‘n soortgelyke geval buite die terrein plaasgevind toe Swartes (nogal almal van die vroulike geslag) ‘n dreigende kring rondom ‘n ander Blanke gr 8 seun gevorm het, dít nadat hulle eers genoeg skêrre onder mekaar uitgeruil het.

Die arrogansie van die Swart leerlinge gaan glo alle verstand te bowe, dit het die onderwysers ook beleef. Een onderwyseres het dit gewaag om ‘n Swart leerling wat in die klas aanmekaar met sy selfoon besig was, te gebied om dit aan haar te oorhandig waarop hy botweg geweier en selfs ‘n dreigende houding ingeneem het. Sy moes maar die aftog blaas.

Vanoggend se oorlog tydens pouse het begin toe vyf Swartes ‘n derde Blanke seun en weer onbetrokke by die vorige voorvalle, dreigend omkring het waarop sy maats hom te hulp gesnel het. Soos dit met die Swart nasie gaan was daar in ‘n ommesientjie honderde Swartes rondom hierdie geveg wat lustig ingeklim het waarop die meerderheid Blanke seuns in die skool toe besluit het om ook te gaan help. Volgens een graad 10 leerling is daar ongeveer 500 leerlinge in die skool waarvan Swart ‘n baie groot deel uitmaak, en het dit gelyk asof amper die hele skool in die geveg betrokke was.

Hoe die spul uitmekaargemaak is, is nie heeltemal duidelik nie maar die dreigemente van die Swartes dat hulle ná skool vir die Wit kinders buite die skoolterrein sou wag het gemaak dat onderwysers en ook die hoof self by die skooluitgang tydens huistoegaantyd waggestaan het om te probeer voorkom dat geweld nie weer uitbars nie.

‘n Swart seun wat vroeër vandag ook van die Blanke meisies aangerand het sal glo more verhoor word. Volgens die meisies behoort hy onmiddellik geskors te word maar of geregtigheid sal seëvier is ‘n ander saak.

Een van die meisies het aan die AVP-verteenwoordiger gesê dat hulle ernstig bekommerd is oor more en al die dae hierna omdat hierdie spanning oor ‘n baie lang tyd opgebou het en nie sommer sal gaan lê nie.

топкарго развод