Nuus Archives - Page 1007 of 1583

Werkloosheid oorsaak van sosiale verval

Die Vryheidsfront Plus het gesê dat werkloosheid nie net armes se probleem is nie, maar dat dit alle Suid-Afrikaners affekteer omdat dit onderliggend is aan misdaad en ander sosiale probleme in die land. Die party het gesê dat dit in alle Suid-Afrikaners, hetsy wit of swart, arm of ryk, se belang is dat hierdie fundamentele probleem die hoogste prioriteit vorm van die regering se beleidsrigtings en inisiatiewe.

Werkloosheid erodeer die sosiale onderbou van die Suid-Afrikaanse samelewing, soos stabiele gesinne en gemeenskappe, en het die geneigdheid om soos ‘n kruipende woestyn ook die werkende deel van die samelewing oor tyd heen aan te tas.

Volgens dr. Conrad Beyers, VF Plus-hoofwoordvoerder oor finansies, is sosialistiese regeringsbeleid die hoofoorsaak van die werkloosheidsprobleem.

“Die regering se sosialistiese beleid van basiese inkomste-toelaes, asook verskeie ander toelaes, skep ‘n kultuur van afhanklikheid en dit smoor die insentief om te werk. Die regering se striemende arbeidsbeleid soos BEE hou talle potensiële besighede, wat werk kan skep, kunsmatig uit die ekonomie. Verder word buitelandse beleggers afgeskrik deur die regerende party se gevaarlike flirtasie met die idee van nasionalisering,” het Beyers gesê.

Die land se werkloosheidsyfer (uitgebreide definisie) staan tans op 35.8%. Statistiek Suid-Afrika (SSA) vererger die probleem deur ‘n kunsmatige en eng definisie vir werkloosheid te gebruik en om op grond daarvan te sê dat werkloosheid verminder het (volgens SSA se nuutste syfers).

Die land se werkloosheidsprobleem gaan nie opgelos word deur mense wat opgehou het om werk te soek net eenvoudig nie meer as werkloos te beskou nie. Ekonome beskou SSA se definisie van werkloosheid as twyfelagtig. Suid-Afrika se werkloosheid is die hoogste van die 61 lande wie se werkloosheid deur die nuusdiens Bloomberg gemonitor word. Die arbeidsmag het in die vierde kwartaal met 207 000 op ‘n jaargrondslag tot 17,3 miljoen gekrimp.

Die VF Plus het gesê dat dit onvolhoubaar is dat die krimpende belastingbasis die regering se sosialistiese programme, wat werkloosheid vererger, moet befonds.

no deposit topcargo

Transformasie voor veiligheid stel lewens in gevaar

“Die Polisie mag nie mense se lewens in gevaar stel deur transformasie voor die veiligheid van landsburgers te stel nie,” het Jan van Niekerk, Vryheidsfront Plus-LPW in die Vrystaat, vandag gesê.

Dit volg nadat die Bloemfonteinse blitspatrollie na bewering verbied word om enigsins van hul roetes af te dwaal om lewensgevaarlike situasies op te los. Die VF Plus gaan op ‘n dringende basis hieroor met die Provinsiale Direkteur vir Polisie in die Vrystaat skakel om vas te stel wat die redes agter hierdie beweerde situasie is.

“Die feit dat blitspatrollie-beamptes verbied word om met ‘n persoon van dieselfde ras en kollegas wat hulle vertrou na misdaadtonele te mag uitgaan, is verregaande en skend die grondwetlike regte van hierdie beamptes. Dit is alombekend dat polisiebeamptes mekaar ten volle in ‘n noodsituasie moet kan vertrou en mekaar se lewens moet beskerm. Dit kan die effektiwiteit van hierdie beamptes nou negatief beïnvloed,” het van Niekerk bygevoeg.

Die VF Plus beskou hierdie stap as teenproduktief en eis dat dit onmiddellik ondersoek en reggestel moet word. Die publiek se lewens asook dié van polisiebeamptes is nie onderhandelbaar nie.

бани под прокурор Фильчаков

VF Plus se reaksie op staatsrede

Die VF Plus verwelkom president Zuma se aankondiging van ‘n fonds om te help met die skep van nuwe werkgeleenthede asook die belastingtoegewings vir nuwe beleggings. As die president egter in dieselfde toespraak aankondig dat nuwe strenger arbeidswetgewing ingestel gaan word, dan stuur hy botsende boodskappe aan die privaatsektor, die landbougemeenskap en moontlike beleggers.

Die beste aansporingsmiddels vir die skep van werk sou die verslapping van beperkende arbeidswetgewing, veral op klein en medium-grootte ondernemings gewees het. Hiertoe was hy nie bereid nie. Die gevolge gaan wees dat in plaas daarvan dat werkgewers op groot skaal nuwe werkers in diens neem, hulle juis meer versigtig gaan wees.

Die VF Plus verwelkom die R800 miljoen wat vir slagoffers van die vloede bewillig is. Dit is belangrik dat die fondse nou op ‘n regverdige basis tussen alle rampslagoffers verdeel word ten einde te verseker dat veral die plattelandse gebiede se ekonomieë volledig in belang van kommersiële landbouers, plaaswerkers, inwoners en sakemanne herstel. Omdat die skade tans op meer as R2 miljard bereken word, sal verdere hulp in die toekoms nodig wees ten einde te verseker dat die rampgebiede se infrastruktuur weer na normaal kan terugkeer.

President Zuma het op korrekte wyse die probleme met dienslewering op munisipale vlak as ‘n probleem geïdentifiseer. Tog het hy geen spesifieke planne of voorstelle aangekondig wat dit gaan verbeter nie.

play free slots Лобановский Харьков

Gallup se Moslem gay-opname: 0%

Slegte nuus vir gay mense. Volgens ‘n onlangse opname, vind Britse Moslems homoseksuele dade totaal onaanvaarbaar.

Gallup het telefoon- asook aangesig-tot-aangesig onderhoude met 500 Moslems in die Verenigde Koninkryk, Frankryk en Duitsland gevoer.

En raai wat? “Die mees dramatiese kontras is gevind in houdings teenoor homoseksualiteit,” het die studie bevind. “Nie een van die 500 Britse Moslems waarmee onderhoude gevoer is, het geglo dat homoseksuele dade moreel aanvaarbaar is nie.”

Merkwaardig. Hulle kon nie ‘n enkele Britse Moslem kry wat in die openbaar ondersteuning vir homoseksuele wou uitspreek nie. Nie een nie.

“In vergelyking het 35% van Franse Moslems gedink homoseksuele dade kan aanvaarbaar wees,” is vervolgens bevind. “‘n Vraag oor pornografie het ook verskillende reaksies uitgelok, met Franse en Duitse Moslems wat meer geredelik as Britse Moslems glo dat die kyk of lees pornografie moreel aanvaarbaar is.”

Daarsy! Die heerlikheid van multikulturalisme deur Gallup aan die kaak gestel. Soos al die liberale filosofieë: Heeltemal te veel beloftes en word daar eintlik dramaties ondergepresteer by die lewering.

Enige gay persoon wat Islam nog steeds ondersteun moet asseblief onverwyld terugklim in die kas.

светильников в

Plaasmoorde is gewone misdaad sê AgriSA

Die ANC het Woensdag die boere se gemoedere probeer kalmeer ná die grusame moord op Frik Herman, bejaarde boer van Limpopo, Dinsdag in sy plaashuis naby Alma.

Die ANC het ‘n verklaring uitgereik waarin hy die “koelbloedige moord ten sterkste veroordeel” en het gesê dit is skrikwekkend dat plaasmoorde gepleeg word.

“Die land is beroof van ‘n persoon wat die grootste gedeelte van sy lewe aan boerdery gewy het – ‘n kritieke sektor vir ekonomiese groei envoedselsekerheid,” het Jackson Mthembu, nasionale woordvoerder, gesê.

Die vermoorde is die oom van dr. Dirk Hermann, uitvoerende adjunkhoof van Solidariteit. Hermann het sy waardering teenoor die ANC uitgespreek. Hy het gesê hy hoop die sterk verklaring lei tot ‘n nuwe fokus op plaasmoorde.

Die voorsitter van Agri SA se nasionale landelike veiligheidskomitee, André Botha, het gesê die ANC “lei ‘n nuwe era” van verhoudinge tusssen lanbou en die regering in.

Volgens Botha distansieer Agri SA hom van groepe wat plaasmoorde verpolitiseer en is misdaad nie alleen tot plase beperk nie.

“Die meerderheid plaasmoorde is gewone misdaad. Boere is sagte teikens en hulle is goedgelowig.”

‘Berei voor vir totale aanslag’

In een van sy laaste optredes het die Israeli weermag se uittredende stafhoof Maandag gewaarsku dat die groeiende radikalisering in die streek, Israel sal dwing om gereed te maak vir ‘n totale aanslag.

Gegewe onlangse veranderinge in die Midde-Ooste, sal Israel moet voorberei vir ‘n geveg op verskeie fronte, het uitgaande IDF-stafhoof Gabi Ashkenazi Maandag gesê by die Herzliyakonferensie.

“Die verbinding tussen die verskillende spelers veroorsaak dat ons te make het met meer as een front,” het hy gesê.

Die radikale kamp in die Midde-Ooste is besig om te groei, het Ashkenazi gewaarsku, en bygevoeg “die gematigde kamp onder die tradisionele Arabiese leierskap is aan die verswak.” Hy het ook melding gemaak van wat hy gekenmerk het as die “boeiendste verskynsel” waardeur mag verskuif na die mense van die streek te danke aan sosiale Internetnetwerke.

Die weermaghoof het gesê in die lig van die groeiende bedreiging van radikale Islam onder Israel se bure, die verdedigingsbegroting verhoog sal moet word in die komende jaar. Die belangrikste verandering is die uitgebreide spektrum van bedreigings, het hy gesê.

“As gevolg van hierdie spektrum, moet ons voorberei vir ‘n konvensionele oorlog … dit sal ‘n fout wees om voor te berei vir ‘n nie-konvensionele oorlog of beperkte konflikte en dan verwag om oornag gereed te wees vir ‘n totale aanslag,” het hy gesê.

Hezbollah en Hamas verstaan die IDF is op die klassieke slagveld dodelik, en is gerig daarop om stedelike gebiede te beheer, het die weermaghoof bygevoeg.

Ashkenazi ook vol lof vir Israel se jongklomp en het gesê hulle beskik oor indrukwekkende kwaliteite ten spyte van hul nederige beeld. Die weermaghoof het ook beklemtoon dat daar ‘n groeiende behoefte onder jongmense bestaan om in Israel se stryd by gevegseenhede aan te sluit.

“Ons gaan na die skole, en ek wil julle vertel hierdie jongmense, met die oorringe en tattoe’s of wat ookal jy dit noem, is gemobiliseer,” het hy gesê. “Dit is ongelooflike hoëgehalte jeugdiges.”

купить игрушку

Reaksie op hemel-uitlatings ‘kinderagtig’

Die reaksie van opposisie partye op president Jacob Zuma se uitlatings oor die hemel en die hel die afgelope naweek was “kinderagtig”, het Gwede Mantashe, sekretaris-generaal van die ANC, Dinsdag gesê.

“Ons is baie geskok deur die kinderagtige reaksie van opposisie partye in hierdie oop en vrye samelewing,” het Mantashe aan die media in Johannesburg gesê.

“Ek verstaan nie die ophef nie…ek verstaan nie die bohaai nie…is hierdie die selektiewe toepassing van regte?”

Zuma het die afgelope naweek gesê dat ‘n stem vir die ANC jou tot in die hemel sal kry, terwyl ‘n stem vir die opposisie jou in die hel sal laat beland.

Hierdie uitlating het hewige reaksie ontlok onder politieke partye en Suid-Afrikaners wat dié opmerking as godslasterlik beskryf het.

Jackson Mthembu, woordvoerder vir die ANC, het Dinsdag gesê die president se bedoeling tydens sy toespraak, was “metafories”.

VF+ kan uitkoms in Pretoria bepaal

Die Vryheidsfront Plus in Pretoria gaan oor ‘n wye spektrum gesprekke begin voer rakende ‘n moontlike regerende koalisie in die metroraad na die 2011-munisipale verkiesing.

Die party het met die VF Plus se leier in Pretoria, mnr. Philip van Staden aan die stuur, “skadu-raadslede” in alle wyke in die Tshwane-metroraadsgebied aangewys.

Die VF Plus in Pretoria gaan tydens die verkiesing fokus op gebiede waar daar ‘n beduidende teenwoordigheid van die Afrikanergemeenskap is, maar die party gaan ook sy vlerke sprei om alle kiesers wat die party se kernwaardes steun te verwelkom. Hierdie kernwaardes sluit in groepsregte, Christen-demokratiese waardes, maksimale afwenteling van mag en die bemagtiging van plaaslike gemeenskappe (ten einde meer sê te hê oor die aanwending van hulle belastinggeld).

Volgens dr. Conrad Beyers, VF Plus-raadslid en ondervoorsitter van die party se Groter Pretoria-streek, bestaan daar ‘n beduidende kans dat die ANC in die Tshwane-metroraad minder as 50% in die verkiesing sal behaal.

Dit sal die VF Plus in staat stel om die magsbalans te vorm en om te help om die stad se munisipale regering saam te stel, byvoorbeeld ‘n breë koalisie van opposisiepartye. “Indien die VF Plus die magsbalans vorm sal ons koalisievennote kies wat ons kiesers se belange die beste sal dien. Ons sal so ‘n koalisieregering ‘n billike kans gee om sy mandaat uit te voer, maar as hy dit nie doen nie sal ons dit tot ‘n val bring en ‘n nuwe stadsregering help aanwys,” het Beyers gesê.

Volgens Beyers sal die VF Plus slegs deel van ‘n koalisie vorm wat bereid is om die party se kernwaardes te akkommodeer.

Die party het verder gesê dat ‘n stem vir die VF Plus ‘n wyse kan wees waarop kiesers werklike protes teen die status quo in die metroraad kan aandui. Al wat ‘n stem vir ander partye sal beteken is “meer van dieselfde”.

полиграф в суде Фільчаков прокурор

Waar is die Jeugfeesgeld heen?

Die Nasionale Jeugontwikkelingsagentskap (NYDA) het vandag aangekondig dat die omstrede Wêreldfees vir Jeug en Studente wat tydens Desember 2010 deur die agentskap in Pretoria aangebied is, se kostes R100 000 000,42 beloop het. “Dit is verregaande dat hierdie fees se kostes ‘n R100 miljoen was. Die NYDA het aanvanklik aangedui dat die kostes R69 miljoen was. Dit is onaanvaarbaar dat daar soveel onduidelikheid oor hierdie kostes en die befondsing daarvan bestaan,” het Wouter Wessels, VF Plus-jeugwoordvoerder gesê.

Die VF Plus eis dat die NYDA bekendmaak waar hierdie R100 miljoen vandaan gekom het. Daar is voor die fees gesê dat die Nasionale Lottery Raad R40 miljoen, die Presidensie R27 miljoen en die departement van Kuns en Kultuur R3 miljoen vir die aanbied van die fees bewillig het. “Dit is die belastingbetaler se geld wat op so ‘n fees gemors is en daarom het die publiek die reg om te weet waar presies die totale bedrag vandaan gekom het en waarop dit spandeer is,” het Wessels gesê.

Die VF Plus het op 17 Januarie 2011 ‘n klag by die Openbare Beskermer (OB) ingedien, waarin gevra word dat die beweerde ongerymdhede rakende die NYDA en die Wêreldfees ondersoek word. Die OB het reeds ontvangs van hierdie klag erken. Die VF Plus gaan die addisionele R31 miljoen by die klagte voeg vir ondersoek. Dit is nou van kritieke belang dat hierdie agentskap ondersoek word en dat daar ingegryp moet word.

“Die NYDA het ‘n R100 miljoen bymekaar gekry om ‘n fees aan te bied – hoekom kan hul nie met dieselfde ywer hul mandaat wat jeugontwikkelling behels, uitvoer nie?” het Wessels gevra.

vibia ameba

Piekolie is hier, volgens WikiLeaks

Die Amerikaners vrees dat Saoedi-Arabië, die wêreld se grootste ru-olie uitvoerder, dalk nie oor genoeg reserwes beskik om stygende oliepryse te keer nie, het vertroulike kommunikasie uit die ambassade in Riyadh gewys.

Die kommunikasie, wat vrygestel is deur WikiLeaks, vra Washington om ‘n waarskuwing ernstig op te neem van ‘n senior amptenaar in die Saoedi-regering dat die koninkryk se ru-olie reserwes dalk oorbeklemtoon word met soveel as byna 40%.

Dié opspraakwekkende feit kom terwyl die olieprys die hoogte ingeskiet het in die afgelope weke tot meer as $100 per vat agv globale vraag en spanning in die Midde-Ooste. Baie ontleders verwag dat Opul se kartelvennote meer olie sal pomp om stygende pryse die hoof te bied.

Maar Sadad al-Husseini, ‘n geoloog en voormalige hoof van eksplorasie by die Saoedi-oliemonopolie Aramco, het die Amerikaanse konsulgeneraal in Riyadh in November 2007 vertel dat Aramco nie die 12.5m per dag, die kapasiteit wat benodig word om pryse laag te hou, kon bereik nie.

Volgens die kommunikasie tussen 2007-09, sê Husseini dat piekolie dalk so vroeg as 2012 die wêreld sal tref.

Husseini het gesê op daardie punt sal Aramco nie in staat wees om die styging in globale olie-pryse te keer nie aangesien die Saoedies voorheen hulle oliebronne oorbeklemtoon het om buitelandse beleggings te stimuleer. Hy het gesê dat Aramco die tyd wat nodig is om nuwe oliebrone te ontgin, erg onderskat het.

Die Amerikaanse konsul waarsku Washington voorts: “Terwyl al-Husseini die Aramco-maatskappy basies weerspreek, is hy nie oordeelsdagteoretikus nie. Sy opvoeding, ondervinding en vooruitskattings maak dat sy voorspellings ernstig oorweeg behoort te word.”

In die afgelope twee jaar, het ander senior energie-ontleders Husseini gerugsteun. Fatih Birol, hoofekonoom van die Internasionale Energie-agentskap, het verlede jaar aan die Guardian, die linkse Britse koerant, gesê dat konvensionele ru-uitset in 2020 ‘n plato kan bereik, ‘n ontwikkeling wat “nie goeie nuus” inhou vir ‘n wêreld nog baie afhanklik van petroleum nie.

Jeremy Leggett, sameroeper van die Britse Taskforce on Peak Oil and Energy Security, het gesê: “Ons gaan met die broek op die knieë gevang word: Ons kies om ‘n bedreiging vir die globale ekonomie wat so erg soos die kredietkrisis kan wees, en heel moontlik erger, te ignoreer. “