06:42:54 Volgens die besoekende Walliese afrigter Warren Gatland, praat die nuwe Suid-Afrikaanse breier Peter de Villiers baie maar sonder om werklik iets te sê.
Gatland het De Villiers daarvan beskuldig dat hy een ding in die pers op een dag kwytraak en dan iets anders die volgende dag. Hy weet nie mooi wat die Suid-Afrikaanse afrigter van hulle as besoekers verwag nie.
Vir Saterdag se wedstryd teen die Springbokke op Bloemfontein, het Gatland 'n sterk pak voorspelers gekies wat fisies teen die Suid-Afrikaners sal kan meeding.
In die mansenkelspel het Roger Federer die plaaslike Franse aanspraakmaker Julien Benneteau met 6-4 7-5 7-5 pawiljoen toe gestuur en sodoende vir die vierde agtereenvolgende jaar tot die kwarteindronde deurgedring.
In die vrouespel, het Safina op 'n stadium toe sy 5-2 in die tweede pot agter was haar raket in die rooi grond ingeslaan. Na dié emosionele uitbarsting het sy egter 'n spelpunt oorleef, ingehaal en die pot ingepalm.
Die Amerikaanse veteraangholfspeler, Kenny Perry, het gister die Jack Nicklaus-herdenkingstoernooi in Ohio gewen.
In sy laaste rondte gister het Perry 'n 69 aangeteken wat drie onder die baansyfer is. Die ander spelers was besig om foute te maak en sodoende het Perry daarin geslaag om die voortou te neem. Sy finale telling oor vier rondtes was 280, oftewel agt onder die baansyfer.
Sy prysgeld is $1,08 mijoen dollar, waarmee hy ook 1080 punte vir die Ryder-beker verdien.
Ernie Els en Trevor Immelman het ook aan die toernooi deelgeneem.
Daar is vier Suid-Afrikaanse spelers in die toernooi, waaronder die Afrikanersterre Ernie Els en Trevor Immelman. Immelman is sewe houe agter die voorloper op 72 en Els net agter hom op 73.
Ander spelers wat goed vertoon, is die Amerikaanse veterane Kenny Perry en Jerry Kelly wat gesamentlik tweede lê op 66 houe.
Tot op hede het die nuwe Springbokafrigter, Peter de Villiers, nog nie besluit waar hy die talentvolle François Steyn in die span gaan aanwend nie. Dieselfde geld vir Ruan Pienaar wat as losskakel reeds met Australië se Stephen Larkham deur die voormalige Springbokafrigter, Jake White, vergelyk is.De Villiers het gesê dat hy vertroue in albei spelers het en dat beide waarde tot die span toevoeg.
Dit was gister egter duidelik dat Steyn in die nabye toetswedstryde as senter langs Jean de Villiers ingespan gaan word met Pienaar se posisie nog onseker.
Hy het gister tydens sy begrotingstoespraak in die parlement gesê dat beroepe om die onlangse sukses van die Springbokspan as 'n katalisator vir transformasie te gebruik, het op dowe ore geval.
Stofile het ook oor krieket gekla en meen die samestelling van die onlangse span na Bangladesj en Indië was 'n bewys dat daar mense bestaan wat teen transformasie in sport gekant is.
Volgens Stofile moet spelers en administrateurs begryp dat die transformasie van sport in die land nie onderhandelbaar is nie – dit maak deel uit van die grondwetlike en regeringsmandaat.
Volgens 'n verklaring op Els se webtuiste, sou hy aanvanklik die naweek vry gewees het, maar hy is gretig om deel te neem en het daarom besluit om in die toernooi te speel. Volgens hom is dit een van sy gunstelingtoernooie.
Vijay Singh het hom egter daaraan onttrek weens 'n ribbesering. Desnieteenstaande sal sewe uit die toptienspelers ter wêreld aan die Jack Nicklaus-herdenkingstoernooi deelneem.
Die Rus, Maria Sharapova, is weer eens nommer een op die WTA se wêreldtennisranglys, en het Justine Henin onttroon. Henin se besluit om uit te tree uit professionele tennis met onmiddelike effek, beteken dat sy van die ranglys verwyder sal word.
Sharapova, tans die wêreld se nommer twee speler, sal die eerste plek nou vir die vierde keer beklee. Die Belg, Henin, het 117 weke in totaal in die eerste plek deurgebring, 'n uitsonderlike prestasie en eenwat net ses vroue nog kon behaal.
Sharapova het haar spelmaat geprys maar gesê dat die 25-jarige se besluit heeltemal verstaan.
Die Krieketraad van Engeland en Wallis gaan dringend ondersoek doen na die inval van Suid-Afrikaners in graafskapskrieket. Tydens 'n graafskapskampioenskap vroeër dié week, was daar nie minder nie as vyf Suid-Afrikaners in elke span nie.
Hennie Otto het die Italiaanse Ope in Milaan, Italië, gewen en daardeur sy eerste Europese Toertitel ingepalm. Hy het 'n drie-onder-syfer vir 69 oor die naweek behaal om Oliver Wilson met een hou in die finale rondte te klop. Otto het met 25-minder-as-baansyfer geëindig met 'n telling van 263.Die kampioen was oorstelp met sy sege. Otto sê hy het die afgelope tyd baie hard op sy setwerk gekonsentreer en het nog nooit soveel lang sette ingekry in sy loopbaan soos wat hy by die toernooi reggekry het nie.
Peter de Villiers, die nuwe Springbok-rugbyafrigter, het 'n beroep op Suid-Afrikaanse rugby-ondersteuners gedoen om hulle obsessie met ras te laat vaar. Vier dae voordat De Villiers veronderstel is om sy eerste span vir die jaar aan te kondig, word daar bespiegel dat hy 'n ongekende aantal swart spelers gaan insluit.
“Ons kan 'n baie goeie span kies, ons kan eintlik drie goeie spanne kies,” het hy verder gesê. “Ek weet nie hoekom ons van alles 'n swart-en-wit storie wil maak nie. Dit is die enigste ding wat mense sien. Ek sien net mense. Of 'n ou nou swart of wit is, sy waarde bly dieselfde."
De Villiers se kommentaar volg 'n dag nadat Oregan Hoskins, president van die SA Rugby-unie, herhaal het daar geen kwotas in die nasionale span sal wees nie. Op 'n vraag of dit belangrik is om vyf of tien swart spelers in toekomstige Springbokspanne te hê, het hy bloot gesê: "Dit is baie belangrik om 15 rugbyspelers in die span te hê. Daarsonder kan mens nooit kompeterend wees nie. Ons het 'n wonderlike nasionale span, uitstekende spelers, kompeterende ingesteldhede.”
De Villiers sal komende Saterdag na afloop van die wedstryd tussen die Chiefs en die Sharks die name van sy Bokspan bekendmaak.
Die 17-jarige sal in alle waarskynlikheid Suid-Afrika in hierdie jaar se Paralimpiese Spele in Beijing in Augustus verteenwoordig.
Shireen is deels verlam nadat sy in 'n waterski-ongeluk op die Vaal beseer is. 'n Motorboot het oor haar gevaar en haar pelvis is vergruis.
Sy wou egter nog altyd mededingend swem.
Haar moeder het gisteraand gesê dat sy 'n ongelooflik postiewe lewensuitkyk het.
Agt Suid-Afrikaanse krieketspelers wat aan die Indiese Krieketliga gaan deelneem, is uitgesluit van deelname aan plaaslike
krieket. Hulle is: Andrew Hall, Johan van der Wath, Justin Kemp, Nicky Bojé, Dale Benkenstein, Lance Klusener, Nantie Hayward en Nic Pothas.
Tony Irish, die hoofbeampte van die Suid-Afrikaanse Krieketvereniging, het gesê hulle word nie verbied om aan Suid-Afrikaanse krieket deel te neem nie, maar daar bestaan 'n ooreenkoms tussen die verskillende unies om hulle nie vir spanne te kies nie.
Die Indiese Krieketliga is een van die twee Twintig-twintigkompetisies wat 'n hele klompie topspelers na Indië gelok het. Anders as die Indiese Premierliga, geniet die Indiese Krieketliga egter geen erkenning deur die Internasionale Krieketraad nie.
Die Ernie Els-uitnodigingsgholftoernooi sal nie in Desember vanjaar plaasvind nie omdat die toernooiskedule te vol is, het Els se sakebestuurder, Phill Cotton, aangekondig. Ernie Els het op sy beurt gesê dat die 2007 Ernie Els-uitnodingstoernooi die beste ooit was en heel geslaag, sodat dit jammer is dat die datums vir vanjaar so moeilik geblyk het.
Veral die SAL-Ope kampioenskap wat op 21 Desember klaarmaak, het 'n probleem geskep. Daar is egter planne om 'n eendagfondsinsamelingstoernooi op die Maandag net na die SA Opekampioenskap te hou.
Die byeenkoms sal ten gunste van die Ernie Els en Fancourt-stigting plaasvind. Fondse sal ook gebruik word vir 'n bewusmakingsveldtog oor outisme. Ernie se seun, Ben, is ook met dié toestand gediagnoseer.
Die Els-uinodigingstoernooi sal weer in Desember 2009 plaasvind aangesien die Sonskyntoer se rooster weer plek sal hê daarvoor.
