praag.co.za

Category: Algemeen

  • ‘n Oorlog van aftakeling

    Deur Jan Viljoen

    Dit verbaas my gladnie dat daar so vreeslike bohaai geskep word rondom die twee meisies wat hulleself as swartvrouens aangetrek het nie. Ons moet dit net begin sien vir wat dit werklik is.

    Hierdie voorval is ‘n mikropoging binne ‘n makro-aanslag en ek gaan probeer om dit te verduidelik soos ek dit verstaan. Hierdie voorval is deel van ‘n reeks poginkies om ‘n baie groter einddoel te bereik, en as ons dit kan insien en ons kan dit verstaan, dan sal dit vir ons makliker wees om dit te verwerk en om dit te negeer. Skadeloos te stel met ander woorde.

    Ek het in ‘n ander skrywe verwys na die “war of attrition”, die oorlog van aftakeling, en hierdie is ‘n goeie voorbeeld daarvan. ‘n Reeks klein aksies wat daarop gemik is om die slagoffer se moreel uit te put, en om hom uiteindelik te oorwin. Dit is daarop gemik om die slagoffer te ontstig, te ontstel en kwaad te maak sonder dat daar vir hom ‘n uitlaatklep aangebied word om van daardie frustrasies ontslae te kan raak. Soos ‘n stoompot wat stoom opbou maar nie ‘n veiligheidsklep het nie. Iets moet een of ander tyd gaan. Hierdie aanslaggies word keer na keer, sonder ophou geloods en die slagoffer weet later nie meer hoe om die morele aftakeling te verwerk nie. Daar is nie regtig ‘n vyand waarmee handgemeen geraak kan word nie want die regte vyand kan nie gedefinieer of geidentifiseer word nie, al wat die slagoffer weet is dat daar onreg teen hom gepleeg word en hy kan homself nie verdedig nie, want hy het niks om aan te val nie. Om dit verder te kompliseer is die aanvallers wat die slagoffer so meedoënloos aanval, skynbaar iemand wat aan sy eie groep behoort, met ander woorde, verraad wat uit sy eie geledere uit kom.

    Slegs ‘n baie sterk slagoffer kan ‘n meedoënlose aanval keer op keer die hoof bied sonder die luukse om te kan terugbaklei of selfs net effektief te kan verdedig en dan ook nog die bykomende onreg verwerk van die feit dat dit jou eie mense is wat jou so meedoënloos aanval. Dit neem of ‘n baie spesiale tipe mens, of dit neem iemand wat hoop op ‘n groter uitkoms en om dit te probeer illustreer moet ek eers die volgende vertel.

    Ek het jare terug as kind iets gelees wat my vir ‘n hele klomp redes nog altyd bygebly het, en dit is die manier van hoe een of ander Indiaanstam in die Amasone hulle gevange vyande vermoor het. Ek kan onthou hoe ongelooflik wreed, maar tog in dieselfde asem, hoe ongelooflik fassinerend dit vir my was. Ek kan vandag die ooreenkoms tussen daardie Amasone wreedheid en wat vandag teen die Afrikaner gepleeg word, duidelik waarneem. Dit werk so. Wanneer een stam tydens ‘n skermutseling met ‘n ander stam een van daardie stam se krygers kon gevange neem, is die kryger kaal uitgetrek en in ‘n bamboes- of riethok waarin hy nie kan juis kan beweeg nie, ingehok. Die hok is dan in die middel van die oorwinnaars se nedersetting in die lug opgehys totdat dit ‘n paar meter bokant die grond gehang het en die kryger het dus kaal in die hok gehurk gesit sodat hy aan alle kante, selfs van onder, deur die tralies ontbloot was. Die slagoffer was dus totaal weerloos in teenstelling met sy martelaars wat totaal in beheer was. Hulle het al die mag gehad, en die enigste mag wat die slagoffer gehad het was om vir genade te smeek of gedweë te aanvaar wat met hom gebeur.

    Almal, mans, vrouens en kinders het aan die marteling deelgeneem, en dit het die gevoel van verslaentheid en hulpeloosheid nog net verder by die slagoffer versterk; die feit dat hy hom selfs nie eens teen die normaalweg hulpelose kinders kan verdedig nie. Hy kon miskien een van die mees gevreesde krygers van sy stam wees, wat normaalweg vir homself ‘n pad sou kon oopbaklei, maar hier is hy hulpeloos oorgelaat aan die grille en drange van selfs die hulpeloosste en laagste op die sosiale ranglys van sy teenstanders, wat sonder enige provokasie of verduideliking hulle wrewel op hom kon uithaal. Min of meer soos wat die Afrikaner, met ons trotse geskeidenis van verset, nou gedweë moet toekyk hoedat ‘n vet kleptomaan met ‘n verhewe ego, kan besluit of watter bates ons moet prysgee en watter nie en hoe die land tussen hom en sy vriende opgedeel gaan word, want dit is wat op die ou einde gaan gebeur.

    Almal in die Indiaanse nedersetting sou vir hulle ‘n lang riet sny en die een punt daarvan skerp maak deur dit skuins af te sny. Die skerp punt was dan soos ‘n baie dun lemmetjie, net ‘n sentimeter of so breed. Enige tyd wanneer enige persoon so gevoel het kon hulle oorstap na die hok toe en die slagoffer, van ‘n afstand af, ‘n paar klein stekies met die riet gee, op enige plek waar sy liggaam ontbloot is, rug, bene, voetsole, gesig, enige plek, sonder dat die slagoffer kon keer, of sonder dat hy dit soms verwag het. Net ‘n paar klein diep stekies, keer op keer op keer. Hy het net genoeg vloeistof gekry sodat hy nie aan dors kon beswyk nie, en soms het hy een of ander vorm van verdowing in sy water gekry sodat dit die pyn net genoeg verswak het sodat hy nie kon uitpaas van die ewigdurende pyn nie. Hy moes regdeur die foltering by sy verhaal kon bly. Dit het dae en honderde of selfs duisende stekies geneem voordat die slagoffer aan trauma gesterf het. Tot groot vermaak en genoegdoening van die martelaars. Dit was meestal die kinders wat later aan die pret deelgeneem het terwyl die ouer garde in die agtergrond net die aanspoorwerk gedoen het. Die slagoffer het hulpeloos vir sy traumatiese dood gesit en wag terwyl hierdie onreg op ‘n daaglikse basis aan hom gepleeg is.

    Kan ons die ooreenkomste begin insien?

    As ons terugdink aan al die voorvalletjies by die Universteite, die Reitz voorval, die Nazi saluut en ander, elkeen van hulle ‘n oënskynlik onskuldige daad, wat deur mense gepleeg het sonder dat daar enige haatlikheid of kwaadwilligheid bedoel of betrokke by was. Dit was nie iets wat nog nie ‘n duisend keer, tot groot vermaak, op ander plekke gedoen is sonder dat daar enige iets anders as poetsbakkery of pret in gelees is nie. Youtube het letterlik duisende sulke voorvalle en in die flieks lag ons al te lekker daaroor. Of ons trek onsself soos Chinese aan en gaan hou Chinese braaie, of soos Mexikane, of soms soos iemand van die teenoorgestelde geslag. Dis pret en dis onskuldig, maar dit is skynbaar nie iets wat jy mag doen as jy op Universiteit is nie. Maar elkeen van hierdie onskuldige dade is deur die vyand gekaap en in ‘n skynbaar haatlike en kwaadwillige onreg teen die mensdom verander sodat dit ‘n skerp riet kon raak waarmee die Afrikaner gesteek kon word en vyande wat uiterlik ‘n Afrikaner is maar wat deur pandoere en volksverraaiers, soos Naspers, in die agtergrond beinvloed en beheer word, doen lustig mee. Dit word teen die mees weerlose van ons, ons dogters gemik, deur tiranne wat te veel mag het wat saam met die stoel kom waarin hy of sy vir die huidige sit. Teen wie moet daar nou baklei word? Is Nicolize Mulder, soos in die laaste geval, ‘n Afrikanerhater of is sy net ongelooflik stupid en ook maar net ‘n stuk gereedskap wat ‘n maandelikse inkomste verdien? In al hierdie gevalle is ‘n daad wat regtig nie eers die moeite werd was om in ‘n gesprek opgehaal te gewees het nie, geneem en tot ‘n nasionale ramp verklaar. Met ‘n baie goeie en voorbedagte doel, een waaraan Naspers en die media en ander volksvyande ewe hartlustig deelneem, en dit is die aftakeling van alles wat blank en baie spesifiek Afrikaans is.

    Voorval na voorval, wat elkeen op sy eie omtrent geen impak sal hê nie, word aanmekaar gesnoer en voorgehou as die totale prentjie waarmee die Afrikaner gekonfronteer kan word. As ‘n mens kyk na die storms wat hierdie niksseggende dade ontketen het, sê dit meer van die vervolgers as wat dit van die daders sê. Hoe op aarde die volksvyande dit kan regkry om so ‘n bohaai te kan maak oor iets wat bloot as pret en onskuldige aksies in enige gesprek gesien sal kan word, is iets om net oor verwonderd te wees. Hoe die volksvyande dit kan regkry om hierdie dade tot die hoogtes van rassisme en verraad teen die mensdom verhef te kry is net ongelooflik. Dit sou nie gedoen kon gewees het as die media en veral Naspers nie sorg dat dit die daaglikse blootstelling en afkeur kry, wat hulle glo dit behoort te kry nie. Deel van die doel om hierdie dade uit verband te ruk, is om die Afrikaner as ‘n ongerehabiliteerde rassis te kan brandmerk, en ons weet almal hoe ernstig die klag van rassisme is, want Naspers herinner ons elke dag daaraan, en verder is dit om ‘n meganisme te skep sodat Universiteite verder en vinniger kan “transformeer”, skynbaar om die Universiteit te probeer red van die rassistiese Afrikaner. Die blote feit dat die spul wat die Universiteit dan op die ou einde gaan erf, dit nie werd is nie, dat hulle geen aandeel aan die oprigting van daardie Universiteit gehad het nie, dat hulle dit met soveel gemak sal afbreek as wat dit hulle sal vat om middagete te eet, dat die Universiteit sal moet verander om by hulle gestremde fakulteite aan te pas en nie andersom nie, dat die Universiteit gaan verval in ‘n hool van korrupsie en onderprestering is egter nie ter sprake nie. Wat wel ter sprake is, is dat dit ‘n Afrikanerbate is wat weggeneem moet word van die regmatige eienaars deur onskuldige voorvalle op te hef as rassistiese dade teen die mensdom. Wanneer hierdie instelling dus tot ‘n Afrikanerbastion van rassisme verdoem is kan die steel van hierdie bate geregverdig word. Klein diep stekies. Aftakeling wat ongesteurd en sonder ophou voortduur, aangevuur deur leuens en verdraaiings, gepleeg deur volksvreemdes en wat regverdiging geniet in Naspers se poniekoerante. Die oorlog van aftakeling gaan ongestoord voor terwyl die Afrikaner magteloos toekyk hoedat een na die ander bate, skole, kerke, banke, weermag, polisiediens, poskantore, hospitale te veel om op te noem, stadig in die moeras van swart onkbeholpenheid en korrupsie wegsink.

    Ons sit in ons hok vasgekeer en ‘n spul kinders, die meeste van hulle, het die reg verkry om ons na willekeur te kasty soos wat hulle wil. Ons sit in ‘n hok wat vir ons gebou is en in stand gehou word deur Naspers.

    Wanneer ‘n volk onder hierdie tipe van druk verkeer, waar ons daagliks moet hoor hoedat ons doodgemaak gemaak word, retoriek wat deur enige iemand selfs die president van die land op ‘n gereelde basis, sonder enige vrees vir vervolging, in die openbaar ge-uiter word, is dit baie moeilik om gedissiplineerd en konsekwent te handel. En wanneer hierdie daaglikse moordmantras selfs nog verder gaan en in moordtogte wat teen meestal ongewapende en onskuldige volksgenote gepleeg word, manifesteer, is dit bykans onmoontlik om nie ontakties op te tree nie. Maar ons sal die riete vir eers moet verduur, want die omstandighede is nog baie vêr van reg af voordat ons enigsins daaraan kan begin dink om op te tree.

    Maar wanneer gaan die omstandighede dan uiteindelik reg wees, want hoe lank gaan ons nog die moordaanslag teen ons moet verduur voordat ons uiteindelik kan optree?

    Ek het nuus. Die omstandighede gaan nog vir so lank aangaan as wat dit ons gaan vat om dit te verander. Ons kan dit skynbaar net nie regkry om te begin verstaan dat die vyand nie die omstandighede vir ons gaan verander nie, ons sal dit self moet doen. En ons sal dit op die regte manier moet doen. ‘n Span speel slegs so goed as wat die ander span hulle toelaat om te speel. Ons sal vir ewig wag, of totdat ons heeltemal uitgeroei is as ons dink dat ons enige hulp van ‘n politieke kant af gaan verkry. Ek dink ons moet begin besef dat die politieke toneel vir ewig vir die Afrikaner verby is. As jy ‘n Afrikaner is, en jy neem aan die skynproses van demokrasie deel, dan doen jy dit as ‘n burger van Frikkie se Nuwe Vervalle Suid Afrika, ongelukkig nie as ‘n Afrikaner nie. Jou Afrikaner identiteit is dan in die kookpot van Jood, Kleurling, Engelsman en Swarte ingemeng in ‘n mengsel wat hulle Democratic Alliance of COPE of AGANG of so iets noem. Jy is dus ten volle deel van die groep wat kruisies trek in ‘n skynproses waar kruisies getel word om ‘n nuwe groep korrupte en kleptomaniese egomaniakke aan te stel wat met al die mag tot sy beskikking oor jou as Afrikaner sal heers.

    En dan het jy geen reg om te sê dat jy nie van die manier hou hoe daar oor jou geheers word nie, want jy was deel van die skynproses wat die heersers daargestel het. Dit is ongelukkig net so, en daar is te min Afrikaners, al sou almal saamstaan, om polities teen die oormag te kan stem. Ek sê weer, dis in elk geval nie hoeveel kruisies getrek word nie, dis hoeveel kruisies getel word. Politiek is vir ons verby.

    Hoe gaan ons dan uit die hok uitkom? Daar is twee maniere. Een is om die hok van binne af oop te breek en die ander een is om die hok van buite af oop te breek. Om die hok van binne af oop te breek het ons ‘n gesamentlike poging nodig. Een waar ons op almal in die hok kan staatmaak om saam te werk en dit, soos ek in my vorige skrywe genoem het, kan net gedoen word as ons leiers begin toenadering tot mekaar soek. Soek raakpunte en hou om om verdeelpunte as verskoning vir kohesie aan te voer. Daar is meer wat ons saamsnoer as wat daar is wat ons verdeel, soek dit en brei uit daarop. Ek is moeg om te hoor dat ons al vir mekaar sê dat die Afrikaner nie kan saamstaan nie, want dit is deel van Naspers se breinspoeling. Kom bymekaar in julle onderskeie splintergroepe en bring julle mense saam. Kyk of julle vriende, familie of vreemdes kan oortuig om van Sewende laan af weg te breek, of om minder rugby te kyk.

    Om die hok van buite af oop te breek moet ons kyk wat dit is wat ons nog beheer wat buite die invloed van die swart massas is. In Engels noem hulle dit “leverage”, in Afrikaans noem ek dit ‘n koevoet. Ons het baie koevoete wat ons as “leverage” kan gebruik. Dink aan hoeveel geld daar nog in Afrikaanse gemeenskappe is. Begin met jou geld praat. Naspers het so ryk geraak met Afrikanergeld. Die banke is met Afrikanergeld gestig in dae toe die Afrikaner bitter min gehad het. Kry ouens wat ekonomies geskool is om planne te maak. Daar is baie kennis daarbuite.

    Verder is daar buitelandse simpatie. Begin wyer as die grense van Frikkie se vervalle staat dink en maak planne om afvaardigings te loods. Ek wil nie eers hierop ingaan nie, want daar is te veel om te sê. Daar is soveel groepe regoor die wêreld wat absoluut gatvol is vir die stadige verval in hulle eie omgewings wat eintlik maar ‘n wêreldtendens is, nie net hier in Suid Afrika nie. Die blankes is ‘n minderheidsgroep in terme van wêreldbevolking, dink daaraan.

    Pas druk toe deur byvoorbeeld hierdie dogters wat nou in die moelikheid is op ‘n manier te probeer steun, geldelik, wetties of andersins. Die internet is daar, youtube is daar; gebruik dit.

    Die ironie is dat ons buite die boks waarin ons is moet begin dink. Daar is soveel om te sê dat hierdie spasie nie geskik is nie.

    Maar dat die volksvreemdes en die nuttige idiote enige riet gaan gebruik om ons mee te steek is so, en as daar nie ‘n riet is nie, sal hulle van enige onbenulligheid ‘n riet probeer maak.

  • Hoe werk die kleurrewolusie?

    Eva Colinger voer in ‘n artkel op 11 Oktober 2011 op Global Research aan in 1983 het ‘n strategie waarvolgens Amerika van ongemalike regerings ontslae raak genaamd “demokrasie-bevordering”, die lig gesien. Met behulp van ‘n reeks kwasi-private stigtings soos die Albert Einstein-Instituut (AEI), die National Endowment for Democracy (NED, die Internastional Republican Institute NRI), die National Democratic Institute (NDI) en Freedom House, en nog later die Center for Non-Violent Conflict CNVC), het Washington geld beskikbaar gestel en raad aan politieke partye en groepe buitelands gegee ten einde Amerika se agenda te bevorder maar terselfdertyd die betrokke lande en nasies te onderwerp.

    Agter al hierdie stigtings en institute is die US Agency for International Development (USAID), die geld-arm van die Amerikaanse departement van buitelandse sake. In 2009 het die sogenaamde “Interagency Counterangency Initiative” amptelike leerstellings van Amerika geword.

    Buitelandse sake se onderdepartemente is gerig op “oorgangsinisiatiewe”, heropbou (ook die SA Heropbou en Ontwikkelingsprogram, HOP), konflikbestuur, ekonomiese ontwikkeling, administrasie en demokrasie, hierdie aksies is die hoofkanale waarlangs miljoene dollar gefiltreer word na politieke organisasies, nro’s, studente-organisasies en bewegings ter wille van die wêreldwye Amerikaanse agenda.

    Waar ook al ‘n staatsgreep gebeur, is daar ‘n sogenaamde kleurrewolusie of regimeverandering ten behoewe van Amerika en is USAID en ‘n stroom Amerikaanse dollars aan die werk.

    Hoe werk ‘n kleurrewolusie? Die resep stem oral ooreen. Studente en jeugbewegings is aan die voorpunt, met ‘n vars gesig wat sy verskyning maak, en sodoende word volgelinge aangetrek asof ‘n mode skielik posgevat het.

    Daar is altoos ‘n embleem of logo, ‘n kleur en bemarkingstrategie. In Serwië het die groep OTPOR, wat meegehelp het om Slobodan Milosvich te onttroon, die strate ingevaar met t-hemde, plakkate en vlae in swart en wit as hul simbool van verset.

    In die Oekraïne was die kleur oranje, in Georgië ‘n rooskleurige vuis, in Venezuela oop hande in swart en wit om vir ‘n mate van verskeidenheid te sorg.

    Kleurrewolusies gebeur in state met strategiese en natuurlike hulpbronne: Gas, olie, militêre basisse en andersins van geopolitieke belang. En hulle gebeur altyd in lande van sosialistiese, anti-imperialistiese oortuigings.

    Die bewegings waaragter die Amerikaners sit is gewoonlik anti-kommunisties, anti-sosialities, pro-kapitalisties en pro-imperialsities. Verset en destabilisasie word gewoonlik rondom verkiesingsveldtogte beplan ten einde spanning te skep en vrae oor moontlike bedrog word op die voorgrond gebring ten einde die verkiesings te diskrediteer sou die opposisie verloor.

    Dieselfde agentskappe is altyd teenwoordig: USAID, NED, IRI, NDI, Freedom House, AEI en ICNC. Laasgenoende twee sorg vir die opleiding en toerusting aan jeugbewegings, soos aan die ANC-jeugliga. Die strategie beoog ontwrigting van die pilare van die staatsmag, die neutralisering van regeringsmagte en die skep van ‘n gevoel van sensasie, wanorde en onveiligheid.

    Kol. Robert Helvey, een van die grondleggers van die strategie en direkteur van AEI, verduidelik die oogmerk is nie die vernietiging van die gewapende magte en die polisie nie, maar eerder hul “bekering” – om hulle oor te haal om die heersende regering te verlaat en hulle aan die verstand te bring “daar is vir hulle plek in die regering van more”.

    Die jeug word ingespan ten einde die magte te verswak en dit moelik te maak vir die vasvat van oproer. Sordja Popovic, stigter van OTPOR, het onthul dat Helvey hulle geleer het “. . . om mense soos polisielede in die steslel te kies en aan hulle ‘n boodskap te stuur dat almal slagoffers is, hulle en ‘ons’, deurdat dit nie die werk van ‘n polisieman is om `13-jarige in hegtenis te neem deurdat hy ‘n versetter is nie, byvoorbeeld’…”

    In 2003 het AEI hom in Venezuela gevestig. Helvey self het ‘n negedaagse intensiewe kursus aan die Venezuela se opposisie aangebied oor hoe om “demokrasie” in die land “herstel”. Volgens AEI se jaarverslag, het opposisie politieke partye, nie-regeringsorganisasies, aktiviste en vakbonde deelgeneem aan die werkswinkel, om te leer van die tegnieke om ‘n “diktator omver te werp”.

    Dit was ‘n jaar ná die mislukte staatsgreep, waar straatgeweld, konstante destabiliseringpogings en ​​’n herroeping van die referendum plaasgevind het. Die opposisie het 60-40 verloor, maar gehuil oor bedrog. Die poging was nie suksesvol nie aangesien honderde internasionale waarnemers, insluitend die Carter Center en die OAS, die proses deursigtig, wettig en bedrog-vry verklaar het.

    In Maart 2005 het die opposisie en AEI weer kragte saamgesnoer, maar hierdie keer is die ou politieke partye en leiers vervang deur ‘n uitgesoekte groep studente en jeugdiges. Twee voormalige leiers van OTPOR het gekom van Belgrado, Slobodan Dinovic en Ivan Marovic, om Venezuela se studente in te lig oor hoe om ‘n beweging te bou om hul president omver te werp.

    Terselfdertyd, het USAID en NED se befondsing vir die groepe in Venezuela die hoogte ingeskiet tot sowat $9 miljoen. Freedom House het vir die eerste keer ooit aangeland, om saam met USAID en NED te help om die opposisie te konsolideer en voor te berei vir die 2006 presidensiële verkiesings.

    ICNC, gelei deur die voormalige Freedom House president Peter Ackerman, het ook begin om die jeug opposisie beweging op te lei, in intensiewe kursusse en seminare in regimeveranderingtegnieke.

    Daardie jaar, die nuut-opgeleide studente hul beweging geloods. Die doel was om die verkiesingsproses te belemmer deur ‘n scenario van bedrog, maar dit het misluk. Chavez het die verkiesings met 64% van die stemme ingepalm, ‘n groot oorwinning.

    In 2007 is die beweging hervat in reaksie op die regering se besluit om nie die uitsaailisensie van ‘n private TV-stasie, RCTV en ‘n stem van die opposisie, te hernu nie. Die studente het die strate met hul logo ingevaar en saam met die hulp van die hoofstroommedia, internasionale aandag getrek.

    Verskeie is deur die Amerikaanse agentskappe gekies en gestuur vir opleiding in Belgrado in Oktober 2007. ‘n Studenteleier Yon Goicochea het selfs ‘n halfmiljoen dollar ontvang vir opposisie-opleiding van die Cato-instituut.

    Vandag, is dieselfde studente die gesigte van die opposisie politieke partye, ‘n bewys van die bedrieëry om plaaslike bewegings te gebruik vir ander doeleindes. Die gekleurde revolusies in Georgië en die Oekraïne vervaag en die ontnugterdes se oë begin oopgaan. Die oënskynlike “outonome” bewegings se agenda is ontbloot en hulle besef hulle is geflous.

    Die gekleurde revolusies is niks meer nie as die rooi, wit en blou van Amerikaanse agentskappe, wat nuwe en innoverende maniere probeer vind om die Anglo-Amerikaanse Ryk af te dwing.

  • Ses sinnetjies, die kruks van Afrikaners se probleem

    deur Jan Viljoen

    ‘n Swart pamflet wat tans die rondte doen, bevat ses sinnetjies wat eintlik die kruks van die Afrikaner se probleem is.

    Die sinnetjies gaan een van die dae moontlik weer vergete wees, maar die ses sinnetjies is die oorsprong, die omvang en die manifestering van die vervalle Suid Afrika waarin die Afrikaner homself bevind. Hierdie pamflet beskryf presies waar ons is en hoekom ons hier is.

    In die pamflet – glo van SASCO – word swartes aangemoedig om die Universiteit van Noordwes terug te neem en om in die proses die Afrikaner en Afrikaans dood te maak.

    Die pamflet spreek boekdele en elke enkele sinnetjie is vir ‘n baie spesifieke doel gekies en is so bewoord dat dit klink asof dit reguit uit die ANC se Freedom Charter kom. Die mense wat die pamflet geskryf het weet wat hulle doen, en daarom is dit vir my moeilik om te glo dat dit deur ‘n paar halfgeletterde kwotastudente gedoen kon gewees het.

    Kom ons begin by die oproep tot geweld, die heel boonste sin en die sin wat gekies is om die aandag te trek naamlik, “ATTENTION COMRADES”.

    nwukill

    Ons is al ‘n bietjie meer as twintig jaar in Frikkie se Nuwe Suid-Afrika en daar is baie min van ons wat sal kan sê dat die mishoop van barbaarsheid en wetteloosheid waarin ons vandag verkeer, die utopie is wat Frikkie en sy trawante of NASPERS en sy mak werfbobbejane hulleself so angstig voor be-ywer het en wat hulle so bedrieglik belowe het. Ons lewe nou al twintig jaar of so onder die juk van die swart massas, en soos wat elke jonger generasie swartes hulle toetrede tot die samelewing maak, so word die eise en die afguns meer, die totale gevoel dat hulle al meer en meer geskuld word en dat hulle daarom op al meer en meer geregtig is sonder om ‘n teenprestasie te lewer word deel van hulle daaglikse mantra.

    Hulle het begin agterkom dat Bantu Education baie meer as vandag se skoolopleiding vermag het, want met Bantu Education was daar voorsiening gemaak dat hulle teen hulle eie pas en in hulle eiesoortige omstandighede vordering kon maak. Hulle het nie nodig gehad om teen blanke kinders te moes kompeteer nie, en voordat iemand sê dat BE ‘n ondergeskikte skoolopleiding was, hou net hierdie bietjie insig ingedagte. BE het tydens die donker jare van apartheid meer swart miljoenêrs en professionele swartes opgelewer as wat die skoolopleiding van al die swart Afrika lande saam kon oplewer.

    Dit is nie meer vandag so nie, want skoolopleiding in Frikkie se Nuwe Suid-Afrika het tot so ‘n aard verswak dat sommige lande op die swart kontinent hulle kinders eenvoudig net beter oplei. Maar ten spyte van, en nie as gevolg van die swak skoolopleiding nie, vaar blanke kinders deur die bank nog steeds beter as swart kinders. Vandaar die besef onder swart studente dat hulle nie vandag die mas kan opkom nie en dat enige omstandighede waar hulle nie op hulle eie fakulteite kan staatmaak om te kan kompeteer nie, as rassisties ge-ag kan en moet word. Die Universititeite skuld hulle een of ander vorm van nagraadse kwalifikasie want dit is wat nodig is om ‘n goeie werk te kan kry, waar ‘n mens baie geld per maand kan verdien en dan duur whiskies kan drink en elke dag Kentucky kan eet. Blanke kinders wat tot die Universiteite toetree het skynbaar nie ‘n probleem om kwalifikasies te kry nie, en dit is rassisties. Universiteite skuld hierdie kwalifikasies aan die swart studente, ongeag of hulle dit verdien en of hulle daarvoor gewerk het.

    Liberation before education het nie beter studente opgelewer nie, dit het swakker skoolopleiding tot gevolg gehad en dit skep ‘n reuse probleem. Wit studente neem die voortou op elke vlak en die swart massas staan hulpeloos en toekyk hoedat die sisteem net nie vinnig genoeg tot hulle oproep gehoor wil gee nie. Wat nou nodig is, is om die sisteem te verander, nie om die gesindheid te verander of deursettingsvermoë aan die dag te begin lê nie, of om te besef dat nagraadse kwalifikasie nie iets is wat jy kry net sodat jy ‘n goeie werk kan kry nie; dis iets wat jou toekom slegs as jy die inherente vermoë het en die toets en eise wat dit aan jou stel met sukses kon voltooi. Kortom, dit kom jou slegs toe as jy dit verdien.

    Om die sisteem te dwing om selfs vinniger te verander is daar dus drastiese stappe nodig. ‘n Ommekeer is nodig om die stelsel te verander, ‘n rewolusie dus. Suid Afrika het nog nie die rewolusie gehad waarop daar voor 1994 gehoop is nie, nie omdat die Mandelagod oorgeneem het nie, of omdat Frikkie en sy trawante ons land so skaamteloos en bedrieglik weggegee het nie om die swart massas te paai nie, maar omdat die Afrikaner destyds fisies, geestelik en ekonomies te sterk was en hulle net nie oor die vermoë beskik het om ons in ‘n rewolusie of gewapende opstand te kon verslaan nie. En ons is nog vandag nog steeds. Die rewolusie moet op een of ander manier afgedwing word en die generasies swartes van vandag, so militant, blatant skoorsoekerig, alwetend, agressief en domonnosel wat nooit die skerp kant van die Afrikaner beleef nie, raak by die dag meer oortuig dat hulle die Afrikaner met geweld kan verslaan. Iets wat hulle voorouers kon regkry nie.

    Volgens die huidige generasies swartes is die Afrikaner min of meer ‘n verslaande en oorwonne volk, en hulle oproepe tot vergelding en magsvergrype raak elke dag meer dringend en uitdagend. Daar is ‘n nodigheid dat die militante agressie wat voor ’94 geheers het, tot alle prys behou moet word en dat dit selfs versnel moet word, want die laaste van die Afrikaner is nog nie uit Frikkie se Nuwe Suid-Afrika verdryf nie, en ons het nog te veel oor waarop die swart massas graag hulle gretige hande wil lê.

    Om die rewolusie en die militansie aan die lewe te hou, is dit dus nodig om die taalgebruik van die terroriste van pre-’94 te gebruik want dit het toe gewerk en dit sal vandag weer werk. Daarom is dit van uiterste belang om die eerste sin, die oproep tot geweld, met “Attention Comrades” te begin. Om studente as “comrades” aan te spreek skep onmiddellik die indruk dat daar weer ge-struggle moet word en dat hulle almal deel van die nuwe struggle uitmaak.

    Die ou strategie word gebruik om die nuwe rewolusie tot lewe te roep. Die eerste sin is dus nie om dowe neute so verwoord nie, anders kon die skrywers van die pamflet bloot die woord “attention” of “attention fellow students” gebruik het. Maar om die woord “comrades” te gebruik, dui op ‘n oproep tot militansie, so reg uit die Karl Marx-manifes van hoe om ‘n rewolusie byeen te kry. Die eerste sin skep dus al klaar die toestand van dit wat gaan volg.

    Dan kry ons die volgende sin, “Time to take back the NWU.” Hierdie sin spreek boekdele, en dit impliseer dat die Universiteit van Potchefstroom by die massas gesteel is. Ons gaan nie in die geskiedenis van Potchefstroom Universiteit ingaan nie, bloot omdat dit nie nodig is nie, daarom sal ek net hierdie enkele sin uit Wikipedia aanhaal, sodat ons darem ten minste weet waar ons staan.

    “Potchefstroom University developed out of the Theological School of the Reformed Churches in South Africa (Gereformeerde Kerke in Suid-Afrika in Afrikaans, abbreviated as GKSA), which was founded on 29 November 1869 in Burgersdorp, Cape Province.” (Toevallig op my familie se familieplaas staan die klipkerkie as gedenkteken vandag nog steeds. So entjie met die grondpad af, verby die grondtennisbaan waar die boere in my kleintyd altyd kom tennis speel het.)

    Die blote feit dat dit nie waar is dat die Universiteit by die massas gesteel is nie, is nie van toepassing nie. Dit is slegs nodig om dit te sê, want dit rui die emosies onmiddelik op en ons weet dat massa-emosie ‘n verskynsel is wat maklik gebruik kan word om ‘n skare idiote tot uiterste geweld te kan opsweep. As die spul eers in ‘n massakranksinnigheid geraak het, word alles voor die voet afgebreek, vernietig en geplunder, soos ‘n skool pirhanas op ‘n vreettog.

    Die sin is dus gekies vir sy waarde om die massa op te sweep. Dit is presies dieselfde taktiek wat Malema gebruik; om sy massas met leuens en retoriek op te sweep en opgesweep te hou. Hierdie is ‘n ou foefie wat regdeur die wêreld gebruik is om rewolusies en omverwerpings van orde en wettigheid te berwerkstellig, en dit verbaas my nie dat hierdie retoriese leuen gebruik word om die emosies van die nuttige idiote te manipuleer, sodat die individue in een enkele redelose dier kan verander nie.

    Kyk wat sê die ANC se freedom charter. … “that our people have been robbed of their birthright to land, liberty and peace by a form of government founded on injustice and inequality;” Alles is skynbaar gesteel en die persepsie moet ten alle koste lewend gehou word. Die magte agter die ANC het jare terug al die taktiek gebruik om die massas met retoriek op te sweep, soos wat Malema vandag nog steeds doen en soos wat die skrywers van die PUK-pamflet ook doen. Die sin impliseer dat die Afrikaner alles wat hy het van die vreedsame swartes gesteel het en dit impliseer verder dat die swartes dit kan terugvat, met geweld indien nodig want die geweld was eerste teen hulle gepleeg. Dit verontskuldig hulle dus indien hulle tot geweld oorgaan en dit is al wat hulle nodig het om ‘n geweldsorgie te pleeg. Volgens die sin is geweldadige optrede regverdig omdat die onreg eerste teen hulle gepleeg het, en verder is dit nodig om die Universiteit terug te vat want dit is histories hulle s’n. Die skrywers van die pamflet weet dat dit ‘n leuen is, en verder weet hulle ook dat dit nie tot die voordeel van die swart studente is dat die Universteit in ‘n swart mishoop van wanbestuur en korrupsie verval nie. Die doel is slegs om die Universiteit te vernietig sodat dit nie meer Afrikanerstudente kan oplei nie en sodat dit nie meer ‘n Afrikaner-bate is nie. Die leuen is dus nie tot voordeel van die swart studente nie, dit is uitsluitelik tot nadeel van die Afrikaner. Dit bevestig verder die vermoede dat hierdie pamflet nie deur halfgeskoolde swart studente geskryf is nie, maar deur iemand wat konflik wil veroorsaak om Afrikanerbates te vernietig.

    Dan kom ons by die sin, “KILL the Boer.”, met die woord “kill” in hoofletters, met ander woorde ‘n opdrag. Ons hoef nie veel te sê oor hierdie sin nie, behalwe dat dit bewys dat die pamflet nie soseer teen die Universiteit gemik is nie, maar teen die hele Afrikanervolk, en let wel, slegs die Afrikaner. Nie die Jood, of die Engelsman of enige ander volksgroep nie, slegs die Afrikaner, anders sou daar gestaan het, “Kill the Whites.” Maar dit is teen die vernietiging van die Afrikaner gemik en slegs die Afrikaner.

    Nie dat dit veel sal help om te probeer proklameer dat jy ‘n liberale Engelsman is wanneer die geweld teen jou as persoon gepleeg word nie, want wanneer massasotlikheid eers beheer van die skare geneem het, raak die vernietigingsdrang iets wat alleen met ewe veel teengeweld gestop kan word. Dan is dit altyd lekker om te sien hoedat die spul mekaar doodtrap om te probeer wegskarrel, elkeen ewe skielik vir homself, en elkeen ewe skielik ewe veel onskuldig in die geweld van flussies. So die doodmaak word teen ‘n groep, die Afrikaner, verkondig en nie teen studente nie en dit bewys dat die totale aanslag teen die Afrikaner verskerp word en elke geleentheid word benut om die Afrikaner te probeer vernietig.

    Dit bring ons by “KILL the Racist.” Weer ‘n opdrag. Om die woord rassis in ‘n sin te gebruik is om die argument te wen, of om die aksie wat teen “rassiste” gemik word te regverdig. Soos wat dit deesdae gaan, danksy Naspers en die media se voorliefde van gonswoorde wat nie uit volksgeheue mag verdwyn nie, want om as ‘n rassis gebrandmerk te word is ‘n oortreding skynbaar erger as moord. Die terme “rassis”, “Boer” en “Afrikaner” is natuurlik onderling uitruilbaar. Dit verleen dus regverdiging aan die aksie, sou dit plaasvind, om die rassistiese Afrikaner uit te moor, want deur slegs net ‘n Afrikaner te wees verdien jy dus die geweld teen jou.

    Ons moet onthou dat die gemiddelde swart student nie noodwendig die room van die studentemassa is nie. Hierdie tipe taalgebruik en opsweping is gerig op diegene wat vatbaar is daarvoor. Dit kos nie veel inspanning van ‘n paar beswaarde swart enkelinge nie om in ‘n een tierende organisme te verander wat daar en dan van alle rede afsien.

    Dan kom ons by “KILL Afrikaans.” Nie “Stop Afrikaans,” of “Reduce Afrikaans” of “Out with Afrikaans” nie, maar om die taal dood te maak. Om dit te vermoor. Regte rewolusietaal en ‘n taal waarmee die politiek en die sogenaamde demokrasie in Suid Afrika te gemaklik mee omgaan. En ook ‘n taal wat heeltyd net teen een bevolkingsgroep gemik word. Waar in die ganse wêreld moes een klein minderheid al ooit gedweë staan en toekyk en elke dag in die publiek moes aanhoor dat hulle vermoor moet word?

    Selfs die Presidente van die land, die Mandelagod inkluis het dit op een of ander stadium bepleit. Die blote absurditeit en totale surrealitiet van die situasie en hoe ons dit elke dag gedweë aanvaar sou lagwekkend wees as dit nie so ‘n ongelooflike bedreiging ingehou het nie.

    Maar ten minste is daar nog rugby, en af en toe, soos wat ek in ‘n vorige skrywe gesê het, een of ander vorm van minderwaardige erkenning wat ons weer stertswaaiend na ons swart oorheersers toe laat terugkruip. Of eintlik moet ek sê, soos wat Naspers dit wil hê ons moet doen. Nee, Afrikaans moet vermoor word, dit is al waarmee die komende rewolusie tevrede gaan wees, tesame met die totale uitwissing van die Afrikaner en alles wat vir hom kosbaar en dierbaar is. Hierdie pamflet gaan nie soseer oor die Universiteit van Potchefstroom nie, hierdie pamflet is ‘n teken van hoe donker dit nog vir die Afrikaner in sy eie land gaan word.

    Ons sal iets anders as Kumbaja om die kampvuur moet begin sing. As ons sogenaamde leiers dan nie in staat is om ons in die regte rigting te lei nie, moet ons van hulle begin ontslae raak. Die tyd begin aanbreek waar ons nie meer die luukse het om sotlike leiers en hulle brose ego’s te probeer pamperlang nie. As jy nie die vermoë het om ‘n verskil te maak en jou groep op die regte manier en in die regte rigting in te lei nie, moet jou groep van jou ontslae raak en vir hulle ‘n leier gaan soek wat wel iets werd is.

    En verder moet ons sogenaamde leiers nou begin besef dat die Afrikanergroepe nie hier is sodat elke groep sy leier kan verafgod en sy persoonlike mishoop beskerm nie. Dis tyd om die groepe in een groterwordende groep met ‘n gesamentlike visie te begin saamsnoer, en daar is net een manier om dit te doen. Dit is om jou eie oogklappe ‘n bietjie wyer te maak en die groter prentjie te begin raaksien, want alleen gaan ‘n klomp verskillende groepies nie die toets deurstaan nie. As jy dit nie wil of kan doen nie, gee die leisels vir iemand wat toenadering tot ander groepe kan soek, wat raakpunte eerder as verdeelpunte tussen die groepe kan raaksien, sodat daardie een die groep na ‘n beter posisie toe kan lei. As jy dit nie kan of wil doen nie, hoort jy in dieselfde kamp as verleiers soos Naspers. Ons verbeel ons dat ons jare se tyd het om iets te doen en dat iemand anders dit in elk geval sal oplos. Die tyd om verward rond te kyk het opgehou. Leiers moet begin lei, in die regte rigting.

    Ek kan hoor hoedat mense vra, maar hoe sou jy dit gedoen het? Dis maklik, ek is nie ‘n leier nie, maar ‘n mens hoef nie ‘n kok te wees om te weet dat iemand se kos lekker is nie, so ek kan sien wat gedoen moet word. Begin ten minste by die begin, en kry groepe wat naby aan jou groep is eerste om te probeer bepaal wat julle namekaar toe kan bring. Begin om rolle en funksies vir die onderskeie groepe, onder die sambreel van ‘n gesamentlike inklusiewe liggaam af te baken. Trek groepe in en behou hulle identiteite as dit moet, maar reik hande uit. Doen dit eers en wanneer daar kohesie is, bring jou ondersteuners, al is dit skoppend en skreeuend in die proses in. As hulle nie hou van waarmee jy besig is nie, moet of hulle of jy die groep verlaat sodat iemand anders kan kyk of hy die mense kan oortuig. Afrikaners is hardkoppig en onafhanklik, maar het nog altyd na wyse en sterk leiers geluister. Die tyd het aangebreek dat ons wyse en sterk leiers begin ondersteun. Ons oorlog gaan nie teen halfgeskoolde kinders op ‘n vergete Universiteit wees nie, hulle gaan slegs die kanonvoer wees. Ons oorlog gaan teen ‘n baie slinkser en agterbakse gebroedsel wees en alhoewel almal dit kan insien kan ons blykbaar nie die vrymoedigheid en wil bymekaarskraap om in die regte rigting te begin trek nie.

    Dit bring ons by die laaste sin, “Uhuru Anakuja.” Vryheid is aan die kom. Die swart massas in Suid-Afrika se gemiddelde lewensduur is baie hoër as die res van Afrika, maar skynbaar is die vlak van beskawing wat hulle in Frikkie se mislukte land verduur, nie goed genoeg nie. Hulle wil nog vryer wees, vry van die Afrikaner se ekonomie, vry van wette en reëls wat sy kreatiwiteit aan bande lê, vry van relatiewe eens goeie mediese sorg, vry van moraliteit en vry om te vat en te gebruik wat hy wil. Hierdie vryheid gaan skynbaar ‘n onuitputlike bron van genietinge en oorvloed van wêreldse genot beteken. Almal gaan na hartelus kan steel, moor en roof terwyl die leiers in die minderwordende oorvloed van die koloniale tydperk baai. Wanneer dit op is gaan die werkilikheid begin posvat. Wanneer die een diktator na die ander van al hoe meer geweldadige metodes gebruik begin maak om aan ongebreidelde mag te probeer vasklou, gaan die werklikheid van Frikkie se Nuwe Suid Afrika tot selfs die gehardste vrygewordende begin deurdring. Maar dit is nie my probleem nie.

    My probleem lê daarin om te probeer keer dat dit nie gebeur nie, want hierdie sogenaamde vryheid gaan slegs ten koste van die Afrikanervolk en ons eens geliefde land gebeur.

  • Om deur stroop te beweeg

    Deur Jan Viljoen.

    Ek het redelik baie gesê in die vorige stuk wat ek geskryf het, maar om die waarheid te sê het ek maar eintlik net aan die oppervlak geraak. Daar is soveel meer om gesê te raak en dit sal meer as net een skrywe vat om die boonste lagie van Frikkie en sy trawante se Nuwe! Verbeterde! Suid Afrika weg te krap om te sien wat alles daaronder weggesteek word.

    Ek onthou nog baie goed hoedat die koerantplakkate teen die lamppale belowe het dat die Afrikaners hulle skole, kerke, woongebiede en kultuur gaan behou. Ons moes almal ja stem vir Frikkie se Nuwe! Verbeterde! Suid Afrika, en vandag weet ons dat dit net ‘n set was. Die leuen is so maklik verkondig, dit is so gemaklik belowe sonder om eers te vrees vir die gevolge van wat sou gebeur, twintig jaar later, as ons almal agterkom dat alles ‘n infame rugstekery was. Die Afrikaner is doelbewus bedrieg, soveel so, dat hy twintig jaar later omtrent al alles aan die swart massa afgestaan het. Net soos wat dit belangrik is om te weet waar ons tans is, is dit belangrik om te probeer verstaan wat dit is wat ons so gedweë in hierdie omstandighede vashou.

    In my vorige skrywe het ek gepoog, op my manier, om ‘n bietjie lig te werp oor waar ons staan. Ek sê nie dat ek reg was in my analise nie, maar te oordeel aan die kommentaar wat op my skrywe gelewer is, voel ek dat ek dit miskien op ‘n manier reggekry het om te kan verwoord wat soveel van ons eintlik maar geweet het.

    Waar die eerste stuk gegaan het oor wat met ons besig is om te gebeur, wil ek hierdie skrywe wy aan die hoekom ons voel dat ons in stroop beweeg, asof ons dit nie kan regkry om te ontsnap nie. En ook hoe en hoekom die vyand dit reggekry om ons land weg te gee sonder dat ons eintlik veel opposisie gepleeg het. Hoe het hulle daarin geslaag om ‘n hele volk sonder slag of stoot sover te kry dat alles wat dierbaar en kosbaar is, self die lewens van vrouens en kinders, goedsmoeds sal gaan staan en weggee? Want dink mooi daaraan. Ons het eintlik maar net opsy gaan staan en ons staan gedweë en toekyk hoedat die grootste onregte teen ons gepleeg word, sonder dat ons dit kan regkry om eers naastenby ‘n plan van teenaksie te kan formuleer.

    Ons sien elke dag hoedat dinge gebeur wat in ons wildste drome van twintig of dertig jaar terug, soos ‘n nagmerrie sou lyk. Maar vandag aanvaar ons hierdie dinge asof dit normaal is en ons trek ons skouers op. Ons besef nie meer dat ons in ‘n barbaarse mishoop van ellende en verval bly, waar moord, verkragting, diefstal en onreg die norm is nie. Ons hoor elke dag hoe gelukkig ons moet wees, want dit kon erger gewees het. As Frikkie skynbaar nie die land weggegee, en van die polisie en weermag ontslae geraak het om die Afrikaner weerloos teen die swart massas te laat het nie, kon dit klaarblyklik erger gewees. Erger op watter manier? Hoe kan dit enigsins erger wees as was dit nou is, met weerlose Afrikaners wat met gereelde klokslag op die wreedaardigste maniere vermoor word? Is ons bly omdat daar nog televisie is, of sport, of winkelsentrums, of die skyn van ‘n beskaafde land? Kan ons nie sien dat hierdie vergunnings, soos om nog steeds ‘n springbok op ‘n rugbytrui te kan dra, wat af en toe soos krummels goedgunstiglik wanneer dit ons swart oorheersers behaag, na ons toe uitgestrooi word, nie naastenby vergelyk kan word met wat ons verloor het, en wat ons nog steeds gaan verloor nie? As ons by die illusie van ‘n beskaafde land kan verbykyk, sal ons sien hoedat die land stadig maar seker in ‘n maalkolk van derdewêreld standaarde verval, waarin die Afrikaner stadig maar seker na derderangse burgers toe gereduseer word. Anders as wat die lamppale dit twintig jaar terug uitbasuin het, het ons nie meer eie ons skole, woongebiede of kerke nie.

    Om die waarheid te sê is dit teen die wet om ‘n patriot teenoor jou eiegoed soos jou taal, kultuur, opvoeding en lewensstyl te wees, en die wat my nie glo nie, probeer gerus maar om ‘n voorstad af te baken waar net blanke Afrikaners mag bly, of ‘n hospitaal op te sit waar net blanke Afrikaanse doktors mag werk vir blanke Afrikaanse pasiënte. Jy is ook nie geregtig om jou lewe of die lewens van jou familie met geweld te probeer beskerm nie want die een wat op sy aanvallers skiet sal in hegtenis geneem word soos wat ons telkemale sien gebeur. Jy is selfs nie eens geregtig om eers kapsie te maak teen die onregte wat teen jou gepleeg word nie, want dan is jy ‘n “verregse rassis wat hunker na apartheid”.

    Dieselfde ou papegaaitaal en gonswoorde waarmee die wêreldoorheersers alles wat teen hulle opstaan mee wil verdelg, word daagliks teen ons gebruik. Intussen gaan die moord, verkragtings en barbaarsheid ongestoord voort terwyl ons maar net groter mure en sterker heinings bou en hoop dat ons nie geteiken word nie. Ons hoop dat die laaste bietjie Afrikaans wat op televisie is, nie ook weggevat word nie. Ons hoop teen alle hoop dat die Springbokspan nog ‘n bietjie langer die kwotastelsel gaan vryspring. Ons hoop dat ons kinders tog net hulle skoolloopbaan kan klaarmaak voordat die skole gedwing word om net Engels, of erger nog, net swart tale, in die klaskamer te gebruik. Ons het twintig jaar terug ooit gedroom dat so-iets miskien eendag kan gebeur nie en die van ons wat destyds gesê het dat dit ons voorland is, is uitgekryt as doemprofete en rassiste wat nie ons pragtige nuwe grondwet die kans wil gee om te ontluik nie.

    Vandag is dit meer so vêrgesog nie en baie mense sê vandag prontuit dat hulle bitter jammer, skaam en spyt is dat hulle ooit ja gestem het. Ons hoop vir dit en ons hoop vir dat terwyl die land besig is om rondom ons inmekaar te stort, maar ons kan of ons wil dit nie raaksien nie. Ons word opsetlik aan die slaap gehou en ons word opsetlik met mooi woorde gesus en gepaai en ons weet nie wat regtig besig is om te gebeur nie. Ons is weerloos want ons weet nie dat ons weerloos is nie, en ons is totaal onbewus van alles waarvan ons onbewus is. Ons weet nie hoeveel is al van ons af weggeneem nie, en erger nog ons besef nie eens naastenby wat alles nog weggeneem gaan word nie. Ons weet nie dat uiteindelike doel die totale uitwissing van die blanke Afrikaner is nie. Om dit te besef hoef ons net te besin oor waar ons slegs ‘n klompie jare gelede was tot waar ons nou is, en teen die pas waarmee die vervolging plaasvind, waar ons oor nog ‘n twintig of dertig jaar van nou gaan wees.

    As alles aangaan soos wat dit op die oomblik aangaan, sonder dat daar een of ander vorm van intervensie gaan wees, dink ons dat die Afrikaner nog oor twintig of dertig jaar nog in die land gaan wees? Die liberaliste en die met geld sal eenvoudig net wegtrek. Die van ons wat agterbly sal eenvoudig net geen politieke of ekonomiese mag oorhê nie, en sal slegs ‘n onderskrif iewers op papier wees. Die Afrikaner is al klaar ‘n derderangse burger in sy eie land en die sterkste moondheid op Afrika, slegs ‘n paar jaar gelede, het die muishond van Afrika geword, en dit gemeet teen Afrikalande met Afrikastandaarde. Selfs net om so ‘n stelling te maak, alhoewel dit waar is, is genoeg om jou die grimmigheid van die polities korrekte brigade op die hals te haal. Politieke korrektheid, die muilband waarmee patriotte se monde stilgehou moet word, is slegs gonswoorde so reg uit die woordeboek van die internasionale geldmag, en wat deur die politieke korrektes gepapegaai word wanneer hulle iets hoor waarvan hulle nie hou nie.

    As jy nie dink soos hulle wil hê jy moet dink nie is jy verkeerd, jy is nie korrek nie, jy is polities inkorrek en ‘n ongerehabiliteerde rassis wat nog steeds na apartheid hunker. As apartheid dan kos op die tafel gesit het vir die hele bevolking, as dit beteken dat almal, wit en swart, beter daaraan toe was gemeet aan die ellende van vandag, as dit beteken dat mense nie op die wreedaardigste manier vermoor word nie, as daar wet en orde is, die lewensverwagting vir wit en swart hoër is, as daar werksgeleenthede en goeie hospitale en skole is, as ons met die bestes in die wêreld op verskeie gebeide kan meeding, as daar nie korrupsie en verval in die heersersklas is nie, hoekom sal dit dan die nie-korrekte opsie wees? Omdat dit vir ons so vertel word. Omdat ons nie meer anders weet nie want ons het nie meer die vermoë om vir onsself te kan dink nie. Ons dink dat ons vry is en dat ons vir onsself dink, en dit is presies hier waar die groot gevaar lê. Niemand is so gebonde soos die wat valslik glo dat hulle vry is nie.

    Een van Amerika se grootste liberaliste en anargiste, Emma Goldman, het eenkeer gesê : “The most unpardonable sin in society is independence of thought.” Die grootste sonde wat nie vergewe kan word nie is om onafhanklik te kan dink. Om vir jouself te kan dink met ander woorde. Mense wat vir hulleself kan dink is nie goeie skape nie, en dit kan nie toegelaat word nie, want hulle kan nie beheer word nie. Die ironie is dat ons wat onsself as stemmig en konserwatief beskou, met hierdie liberalis moet saamstem, maar dit wys ons hoedat die situasie 180 grade omgekeer het.

    En dit bring my by hoe ons dit kon toelaat dat alles met ons kon gebeur, hoe het die situasie so ‘n groot ommeswaai beleef het en hoe op aarde dit gebeur het dat ons eenvoudig net opsy gestaan het en gedweë begin aanvaar het dat die grootste onregte teen ons gepleeg kan word sonder dat ons ‘n plan van teenaksie kan formuleer.

    Dit is omdat ons persepsie verloor het. Ons het geen teeninligting om die propaganda wat elke dag deur soveel kanale aan ons gevoer word, aan te toets nie. Ons het nie ‘n teenpool nie omdat ons nie aan ‘n ander opinie as die huidige wêreldmag Naspers-opinie blootgestel word nie, want die Afrikaanse dagblaaie en tydskrifte word almal deur dieselfde geldmag beheer. Ons verwysingsraamwerk maak nie meer voorsiening dat ons krities na ‘n situasie kan kyk nie, “independent thought” soos Goldman sê, en ons veronderstel onmiddelik dat ons verkeerd is wanneer daar ‘n opinie anders as ons s’n in die media verskyn. Ons bevraagteken nie die media of inligting nie, maar ons bevraagteken ons eie persoonlike persepsie van die inligting. Wanneer ons geen waarde meer heg aan ons eie oordeel nie, is iemand anders se oordeel en insig altyd beter as ons eie. Ons het gekondisoneer geraak om die abnormale omstandighede rondom ons as die norm te aanvaar.

    Naspers het ons bron van inligting geword en het ons denkwyse en ons opinies totaal ondergrawe. Ons kry nie ‘n ander weergawe van die waardheid as slegs dit wat Naspers aan ons as die waarheid voorhou nie. En onmiddelik kan ek hoor dat daar mense is wat sê dat hulle al lankal opgehou het om die Beeld of die Burger te koop, want hy kry sy inligting op die internet. Maar dieselfde persoon het Multichoice, of lees die Huisgenoot en lees sy daaglikse nuus op News24 of hy lees sosiale nuus en sport op Mediazone. Net vir interessantheid, kyk ‘n bietjie in die lys hieronder of die publikasies, of tydsktifte wat jy so graag lees, of websites wat jy so graag besoek, hierin voorkom. Want hierdie is die inligtingsbronne wat elke dag deur miljoene Suid Afrikaner gelees word om te weet wat rondom hulle in die land aan die gang is. Dit is om die waarheid te sê makliker om die publikasies en dienste wat nie aan Naspers behoort nie, te lys, want daardie lys sal korter wees. Kan ons nou begin insien hoekom ons sekere omstandighede nie meer bevraagteken nie?

    DIT
    Drive Out
    Drum
    Fair Lady
    FINWEEK
    Fit Pregnancy (South African Edition)
    Golf Digest (South African edition)
    Huisgenoot
    InStyle
    Kick Off (magazine)
    Maxpower
    Men’s Health (South African edition)
    My Week
    Runner’s World (South African edition)
    Sarie
    Shape (South African edition)
    Sports Illustrated (South African edition)
    TOPbike
    True Love Babe
    True Love Magazine
    Weg!
    Woman’s Value
    YOU
    Beeld
    Die Burger
    City Press
    Daily Sun
    Rapport
    Volksblad
    The Witness
    24.com
    ACL Wireless (India)
    Allegro.pl
    Ancestry24
    Avito
    Bixee.com (India)
    BuzzCity (Singapore)
    Fin24
    Food24
    Gadu-Gadu S.A.
    GoTravel24.com
    Health24
    ibibo.com (India)
    kalahari.com
    LIVECHAT Software
    Mail.ru
    MediaZone.com
    Movile
    MWEB
    Mxit Lifestyle (South Africa)
    News24
    Nimbuzz (Netherland)
    OLX
    Prom.ua
    Property24
    QQ
    Auksjon Norge AS
    redbus.in
    Sanook (Thailand)
    Souq.com[13]
    Tradus (UK & Switzerland)
    Vatera (Hungary)
    Wheels24
    Women24
    yourbus.in

    Ons het nog nie eers begin praat van Mail.ru, Tencent, Groupon, Zynga en Facebook waarin Naspers of al die aandele of ‘n gedeelte van die aandele besit nie. Maar hierdie is ‘n oefening vir mense met meer insig en kennis as ek. Hierdie katnes van volksvreemdes agter Naspers is ‘n onaardigheid om te probeer uitpluis en iemand soos Albert Brenner wat al uitstekende skrywes hieroor gehad het, moet maar uithelp. Kortom, Naspers is nie meer ‘n Afrikanerinstansie met die Afrikaner se heil op die hart nie. Dit is ‘n internasionale konglomeraat met ‘n wêreldvisie en die Afrikaner is nie deel van daardie visie nie. Die enigste eienskap wat die Beeld en die Burger met Afrikaners deel is die feit dat die koerant in Afrikaans uitgegee word, dit is al. Die feit dat hierdie geldmagmondstukke Afrikaans praat, beteken nie noodwendig dat dit ‘n koerant vir die Afrikaner is nie.

    As ‘n mens die Afrikaner wil breinspoel gaan jy tog nie vir hom ‘n Xhosa koerant of ‘n Engelse koerant gee om te lees nie. Die breinspoeling moet in sy eie taal wees anders gaan hy dit nie lees nie. Maar die “Beeld en die Burger” soos wat ons lief is om na Naspers te verwys, is keffertjies wat deur werfbobbejane beheer word, gemeet teen die magtige internasionale Naspers en is slegs net ‘n klein gedeelte van die Naspers portfolio. Maar dit is die klein jakkalsies wat die wingerd opvreet.

    Maar dit is nie altyd die propaganda wat deur die media gevoer word, wat mense se opinies en denke beinvloed nie.

    Wat baie meer gevaarlik is die goed wat nie in die koerante genoem word nie, of net bolangs aangeraak word en wat stelselmatig, nadat dit gelees is, in die geheue verdwyn. Ek het drie kategorieë vir media breispoeling. Die goed waarop elke dag op gehamer word, die daaglikse boetedoening, soos dat dit rassisties is om patrioties teenoor jou kultuur te wees. As Steve die Stem sing word elke Afrikaner, die saamsingers en die wat daarvan hou, op ‘n platvloerse, kras en totaal onbeskaafde manier aangeval en verguis. Terloops, moenie probeer om dieselfde platvloerse woorde ter verdediging kwyt te raak nie, want anders gaan die die normale sangkoor van “…tipiese verregse brandewyn-en-coke-taalgebruik en ongeskiktheid…” aangehoor moet word, tot vervelens toe.

    Dit is net die verligte, liberale, jenewer-en-vodka suiplappe soos Zietsman byvoorbeeld wat die soort taal mag gebruik omdat sy ‘n ander dimensie aan sulke taalgebruik verleen. ‘n Tipe van gesofistikeerdheid aan sulke woordeskat wat sy blykbaar daaraan kan verleen omdat sy “spesiaal” is. Omdat sy deel is van die Spesiale Groepie nuttige idiote, wat soos wat ek vroeër gesê het, spesiaal vir daardie doel aangehou word. Dit is die daaglikse mantra van boetedoening-tipe van propaganda, en ook van hoe gelukkig ons moet wees om die Nuwe! Verbeterde! Suid Afrika te kan lewe met ‘n skynbare oorvloed van alles.

    Soms word daar liggies toegegee dat alles nie honderd persent pluis is nie, maar dit word onmiddelik gebalanseer met hoe erger dit kon gewees het as FW nie die land vir die swart massas gegee het nie. ‘n Ander voorbeeld is om iemand, ‘n persoon of groep, heeltyd in die nuus en op die voorblaaie te hou sodat daardie persoon of groep later nie anders as belangrik ge-ag kan word nie.

    Malema is ‘n goeie voorbeeld en dit is al ‘n uitgemaakte saak dat Malema een of ander tyd die presidentskap sal oorneem, want as ‘n mens so baie in die nuus is, moet daar mos substansie aan sy uitlatinge wees. Die media berig dat hy al selfs as “meneer die president” aangespreek word. Kan ons die subtiele breinspoeling hierin sien? Hy het sy eie spesiale platform waarmee hy, amper daagliks, sy volgelinge kan opsweep en met hulle kan kommunikeer. Hy bly op almal se lippe omdat die media hom op almal se lippe hou.

    Daar is geen Afrikaanse leier van statuur wat ooit kan hoop of droom om dieselfde blootstelling te kan geniet nie.

    Dit is die daaglikse breinspoeling en daar is legio meer voorbeelde, te veel om op te noem. Ons noem dit maar ons daaglikse gonswoorde, papegaaiwoorde of clichés. Hiermee saam gaan die briewekolom waar briewe selektief geplaas word sodat daar ‘n skewe indruk geskep kan word om die koerant se opinie te ondersteun. As die media ons leer om met ‘n aangeleerde gemaklikheid in die verval en barbaarsheid van die oomblik te kan lewe, is daar niks om voor te droom te nie en daar is niks beters om na uit te sien nie. Ons het dan in alle totaliteit slawe van ons media en die base daaragter geraak. Ons kan dit mos nie toelaat nie. Wat gaan van ons nageslag word?

    Verder is daar die inligting wat eenvoudig net nie weggesteek kán word nie, soos plaasmoorde en ander uiterste vergrype wat teen Afrikaners gepleeg word, en koerante moet dit ongelukkig berig, maar dit word gewoonlik iewers in ‘n onopvallende beriggie êrens in die koerant obskuur geplaas. Malema se volgelinge wat rooi oorpakke dra sal op die voorblad wees. Dit is die tweede kategorie van breinspoeling. Om slegte nuus of nuus wat die vyand in ‘n swak lig kan stel of nuus wat die Afrikaner mag ontstel, met voorbedagte rade onopvallend weg te steek, en as daaroor kommentaar gelewer word, word daar gewoonlik geprobeer om dit te temper of af te water, of as dit nie help nie, word dit in die briewekolom verswelg deur selektief geplaaste briewe van ander sogenaamde “Afrikaners”, en selfs hier is daar ook altyd net ‘n paar name wat gewoonlik baie te sê het, en wie se briewe amper daagliks in die koerant verskyn. Nog ‘n paar nuttige idiote. Ons moet begin leer wat die verskil tussen ‘n opinie en ‘n feit is. Naspers se koerante by uitstek, is amper net opinies en ‘n opinie is nie beter as die enkele persoon wat daardie opinie geskryf het nie.

    Papier is geduldig. Tim du Plessis, Leopoldt Scholtz of Ferdi Greyling se opinies is dikwels nie die papier werd waarop dit geskryf is nie en ons vergeet dat dit maar die opinie van ‘n enkel persoon is, wat ‘n betaling ontvang om sy opinie te uiter. Die feit dat hy anti-Afrikaner is maak van hom die geskikste persoon om daardie opinie te lewer en die feit dat hy eintlik nie veel het om oor te gorrel nie, is nie die oorweging nie.

    Die laaste kategorie is wat in Engels “omission” genoem word. Hierdie is ‘n uiters laakbare manier van nie-beriggewing, want sekere belangrike nuus word eenvoudig net doodgeswyg. Nuus wat elke persoon raak of wat, as daaroor berig word, ernstige skade aan die vyand se agenda kan beteken. Die regering, groot besighede en banke se ernstige vergrype val gewoonlik in hierdie kategorie, en sekere groepe en mense beweeg vêr bokant die wet en word met opset weggehou van enige nadere ondersoek. Wanneer hierdie groepe aksies of dade pleeg wat die burgery nader daaraan bring om totaal oorwin te word, die gekonkel agter die skerms en in die donker vertrekke, word dit met opset van die gewone mens weggehou sodat hulle ongestoord kan voortslaap.

    Op hierdie noot, hoekom is Suid Afrika nie meer ‘n Republiek nie? Is ons nog, en hier sal iemand met meer kennis dalk moet uithelp? Ek dog ons is ‘n demokrasie met ‘n grondwet en elke ding, maar hoekom is Suid Afrika op die U. S. Securities and Exchange Commission as ‘n maatskappy saam met ander maatskappye soos Barloworld Ltd, ABSA, Anglo American, BOE Ltd, en ander maatskappye geregistreer? Hier is die amptelike benaming. “REPUBLIC OF SOUTH AFRICA CIK#: 0000932419 (see all company filings)”.

    Is ons nog ‘n demokratiese republiek of is ons ‘n maatskappy en wie is die aandeelhouers? Wie kan aandele koop? Daar is ‘n miljoen vrae en ek wil die Praaglesers vra om uit te help met hierdie ondersoek. Ek het nie die nodige maatskappykennis om die ding tot op die been oop te vlek nie. Hoekom was hierdie toedrag van sake nie in die media uitgelig nie? Ons moet vir geen oomblik dink dat daar nie dinge gebeur wat gewone mense raak, en waaroor daar nie berig word nie. Dit is hoekom weglating so ‘n laakbare vorm van nie-beriggewing is, want dinge wat uiters noodsaaklik is om te weet, word nie oor berig nie, en die mense word gerustellend aan die slaap gehou. As ons nie weet nie, weet ons nie dat ons nie weet nie. En daarom is dit so belangrik dat elke persoon hom of haarself moet oplei om verder te gaan soek na inligting en informasie wat nodig is om te weet. Ons moet wakker skrik en ons moet die mense rondom ons wakker maak.

    As ons nie uit ons salige droomwêreld waarin die media en veral Naspers ons gevange hou uit wakker skrik nie, gaan dit dalk te laat wees. En as ons weet wat met ons gebeur en ons kan ons eie opinies vorm, gaan ons dalk net een van die dae daartoe in staat wees om ons eie teenstrategieë te kan uitwerk. As ons weet van die planne wat teen ons gesmee word kan ons optree, en as ons goed ingelig is, sal ons weet wat die gekonkel teen ons behels.

  • Die ongelooflike en vreesaanjaende Duitsers

    Die Brit Max Hastings beskryf sy “Europese neefs”, hul industrie en hul drinkgewoontes.

    Lees verder.

  • ‘Vrymesselaars het saad van apartheid geplant’

    ‘Vrymesselaars het saad van apartheid geplant’

    masoniclodgeOp gronde van die Parlement, naby Tuynhuys in die hart van Kaapstad, staan die Losie De Goede Hoop agter ‘n parkeerterrein vol duur ministeriële motors versteek.

    Dit is ‘n ou, wit, gepleisterde gebou, skryf City Press.

    Slegs die Vrymesselaarsimbool op die venster en die ster van Dawid bo die groot houtdeure wys dat dit nie net nog ‘n parlementêre gebou is nie.

    Daar is baie samesweringsteorieë, beweerde bande met moorde, en diegene wat glo dat die Vrymesselaars “die saad van apartheid geplant het”.

    Die gebou is as die eerste Masonic Temple in Suid-Afrika in 1803 ingewy en word steeds daagliks gebruik deur sy lede.

    Hierdie week, het City Press ‘n toer van die tempel onderneem met die nuutaangestelde Grand Master van die SA Vrymesselaars, Geoff Edwards.

    Op ‘n tafel in die voorportaal is ‘n vierkant en ‘n passer – bekende simbole van die geheime organisasie. Op die muur is ‘n gegraveerde lys van die name van die voormalige meesters en die muur langs die voordeur is versier met ‘n geraamde foto van Watty Watson, voormalige DA-hoofsweep en uittredende Grand Master.

    Die eerste Vrymesselaar losie is in 1772 in Kaapstad gestig en die tempel is ongeveer 30 jaar later gebou.

    Die Kaapse regering van destyds en die Vrymesselaars is so nou verweef dat die Kaapse Parlement die banketsaal gebruik het tussen 1854-1884 totdat die ou Volksraad voltooi is.

    Twee kunsmatige menslike skedels gee ‘n koue ontvangs.

    Die mees fassinerende kamer in die Losie De Goede Hoop is ongetwyfeld die middelste. Die kamer is donker, selfs in die middel van die dag. Hier word seremonies gehou in die nag in die pikdonker.

    Die organisasie is oop vir alle rasse maar nie vroue nie.

    “In ons losie het ons lede van die Parlement van drie verskillende politieke partye en hulle het kom almal baie goed oor die weg,” spog die Groot Kokkedoor.

    Lees verder.

     

  • Voorstelle om bates teen die staat te beskerm

    Voorstelle om bates teen die staat te beskerm

    International_Property_Rights_Index_2007Dawie Roodt skryf onlangs dat eiendomsreg gerespekteer moet word, maar dat die staat dikwels nie daartoe verbind wil wees nie.

     

     

     

    BESKERM JOU BATES TEEN DIE STAAT.

    Dawie Roodt is hoofekonoom van Efficient Group en hy het die volgende die afgelope naweek geskryf:

    Moet jy dalk huur eerder as koop? Dawie Roodt sê waarom jy dit kan oorweeg.

    Ek beskou private eiendomsreg, en daarmee bedoel ek die baie breë definisie daarvan, as die enkele belangrikste reg in ‘n vrye ekonomie.

    Die beskerming van private eiendomsreg behoort een van die primêre funksies van die staat te wees. Daarom is dit ironies dat dit juis die reg is wat regerings self dikwels ondermyn.

    Onlangse ontwikkelinge in SA dui reeds daarop dat die staat ten doel het om private eiendomsreg ernstig te ondermyn.

    ‘n Verskeidenheid wette en voorgestelde wetsontwerpe wat eiendomsreg bedreig of ondermyn, het die afgelope twee jaar die lig gesien of is in die proses om wet en beleid te word. Baie ironies word van die wette die “beskerming van eiendomsreg” genoem, terwyl alles behalwe die beskerming van eiendomsreg beoog word.

    Die werklikheid is dat regte aan die staat toegeken is wat die veiligheid van eiendomsreg in Suid-Afrika onder verdenking geplaas het. Om alles erger te maak, het die konstitusionele hof onlangs uitspraak gelewer wat onteiening nie net vergemaklik nie, maar dit in werklikheid selfs sonder vergoeding moontlik maak.

    Kortliks kom die verskeie wette en regulasies daarop neer dat private eiendomsreg verder beperk word en, belangriker, dat dit vandag vir die staat baie makliker is om private eiendom te onteien (lees: steel). Alle eiendom word hierdeur geraak: vaste eiendom, finansiële instrumente, pensioenfondse, ontasbare bates – selfs geld in jou spaarrekening!

    Dit is ook onvermydelik so dat wanneer politici toegelaat word om burgers se regte te ondermyn, die dag uiteindelik sal aanbreek dat hulle tot dié stap sal oorgaan. Daarom is dit nodig dat jy jou posisioneer sodat jy jou en jou bates soveel moontlik teen moontlike staatsdiefstal beskerm.

    Ek het ‘n paar voorstelle oor hoe om dit te doen. Maar voordat ek dit neerpen, eers dit: Ek probeer nie spoke opjaag nie en ek stel voor almal doen self navorsing oor die aangeleentheid en kom tot sy eie gevolgtrekking. Heelwat instellings, soos die Instituut vir Rasse-aangeleenthede, die Vryemarkstigting en AfriSake, het al oor die onderwerp geskryf.

    My voorstelle is dalk nie geldig of van toepassing op almal nie. Ek is nie ‘n finansiële adviseur, regskenner of belastingkonsultant nie. Elke persoon moet sy eie situasie ontleed en kenners se hulp kry.

    En laastens: Moet om hemelsnaam nie môre die een of ander radikale ding gaan doen nie. Moenie bedank, jou huis vir minder as die markprys verkoop of onnodig skuld maak net omdat jy dink die staat gaan alles skielik nasionaliseer nie. Wees nugter, rasioneel en pragmaties, en onthou, selfs in moeilike omstandighede is daar baie moontlikhede!

    Met dít in gedagte, ‘n paar voorstelle:

    * Belas jou inkomstegenererende eiendom tot die maksimum perk wat uit ‘n belastingsoogpunt voordelig is en dan kry jy die bykomende beskerming dat die bate nie so aantreklik vir onteiening sal wees nie.

    * Diversifiseer jou portefeulje. Maak seker ‘n deel van jou bates is in die buiteland waar die kans skraler is dat politici hul hande daarop kan lê.

    * Probeer verseker dat jou bates so likied moontlik is sodat aanpassings aan jou batestruktuur vinnig gemaak kan word as die politici enige wetgewing tot jou nadeel verander.

    * Huur eerder as koop. Oorweeg byvoorbeeld enige aanbod waar die geleentheid bestaan om eiendom teen ‘n billike prys te verkoop en dan te huur.

    * Kry buitelanders as sakevennote. Onteiening sal moeiliker wees indien buitelanders se bates ook gesteel word. Hul regering kan beswaar maak.

    * Diversifiseer jou beleggings deur diskresionêre strukture te gebruik en nie net pensioen- of voorsorgfondse nie. Kry die advies van ‘n finansiële adviseur.

    * Moenie enige wette oortree nie en sorg dat jou belasting op datum is.

    * Sluit aan by ‘n organisasie wat hom beywer vir die beskerming van persoonlike eiendomsreg.

    Moet egter nie halsoorkop besluite neem nie en wees pragmaties.

     

  • Straatboef Brennan besoek Kiëf in geheim

    Straatboef Brennan besoek Kiëf in geheim

     

    john-brennanDie direkteur van die Amerikaanse CIA, John O. Brennan het onlangs in die geheim na die Oekraïne gereis.

    Brennan se geheime besoek aan die Oekraïense hoofstad was om die opstand wat Oos-Oekraïne teister, te bespreek met die staatsgreepleiers, sy bondgenote.

    Dit is gerapporteer deur verskeie Europese nuusagentskappe dat Brennan op 12 April in Kiëf aangeland het met ‘n diplomatieke paspoort onder ‘n vals identiteit. Die CIA self wou nie sy besoek bevestig of ontken nie.

    Brennan het, na wat berig word, planne bespreek om pro-Russiese Oekraïners in die ooste met uiterste geweld uit te dryf.

    Brennan en ander Amerikaanse regeringsamptenare is ook verantwoordelik vir die etiket “terroris” vir diegene wat na onafhanklikheid streef in die ooste van die land.

    Dit is deel van ‘n groot Amerikaanse en Westerse propaganda-oorlog teen die oostelike Oekraïene en die Russiese regering.

    Die intelligensie vir Brennan se geheime besoek aan Kiëf het glo hoofsaaklik gekom van staatsgreep-lojaliste sowel as die Oekraïense Kommunistiese Party wat nog steeds dien as lede van die Oekraïense parlement.

    Dit is ook betekenisvol dat Brennan getroud is met Kathy Pokluda, van Tsjeggiese afkoms.

    Brennan se bande met die Tsjeggiese Republiek se huidige leiers wat giftig anti-Russies is, kan ook verduidelik waarom hy so gretig is om spanning met Moskou aan te blaas.

    Die voormalige Tseggiese president, Vaclac Klaus, egter, het sy ontsteltenis oor die VSA en Europa se inmenging teen Rusland se grens rugbaar gemaak.

    Die Verenigde State en Brittanje noem die leiers van die gewelddadige opstand in Februarie “vryheidsvegters” en “pro-demokrasie kragte”.

    Die Weste se “vryheidsvegters” het oudergewoonte ‘n aantal burgerlikes doodgeskiet sowel as polisiebeamptes in die hoop dat dit vyandighede sal skep wat op ‘n burgeroorlog sal uitloop. Dit sou die VSA se verskoning wees om “in te gryp”.

    Die CIA, met behulp van George Soros se frontorganisasies en media reik aanmekaar die sogenaamde “talking points” oftewel besprekingspunte uit wat hul bedrywighede as bevorderlik vir die mense van die land uitbeeld. Niks kan verder van die waarheid wees nie.

    Brennan se pro-Saoedi bande is ook welbekend. Hy het trouens voorheen die bynaam “Sjeik Brennan” verwerf. Hy het klaarblyklik geen kwellinge oor die ondemokratiese welstand van Saoedi-Arabië nie en ontferm homself slegs oor lande by Rusland se grens.

    In reaksie op Brennan se teenwoordigheid in die Oekraïense hoofstad, het die Russiese minister van buitelandse sake Sergei Lawrof ‘n verduideliking van Washington geëis, maar nog geen antwoord ontvang nie.

    Die CIA het ‘n lang geskiedenis van inmenging om hul gunstelinge aan die mag te kry, en vanaf sulke pionne se politieke opgang tot hul val gebeur niks toevallig nie.

    Voorbeelde soos die diktator Mobutu Sese Seko, die Dominikaanse Republiek se Rafael Trujillo, Panamese diktator Manuel Noriega en Nicaragua se Anastasio Somoza is ‘n paar bekendes wat deurgeloop het onder hul hande.

    Kiëf kan begin bekommer want die CIA raak gou moeg vir hul vriende. Die bogenoemdes is almal vinnig uit die samelewing verwyder toe hul nut opgeraak het.

    Die Oekraïense Kommunistiese partylid, Vladimir Golub, het aan RIA Novosti vertel dat die geheimediens van sy land pas volledig ‘n eenheid van die CIA geword het.

    Brennan, wat bekend is as ‘n “platvloerse straatboef” by sy kollegas, is nie die mees welkome figuur in die Oekraïne as die owerhede daar werklik uitsien na ‘n vreedsame uitkoms nie.

    Die VSA het pas aangekondig dat hulle troepe na Oos-Europa gaan stuur, oënskynlik vir “oefeninge”, maar dit is duidelik dat die soldate eintlik bestem is vir die Oekraïne.

  • Snelweg van de toekomst

    Snelweg van de toekomst

    sneeuvlokEen slimme snelweg, die licht geeft en bestuurders via blauwe sneeuwvlokken waarschuwt voor gladheid. Of neem een rijstrook die elektrische auto’s al rijdend oplaadt. Klinkt futuristisch? Nu al worden deze technieken in Nederland ontwikkeld en beproefd.

    Wie begin 2014 over de N329 bij Oss raast, ziet geen lantarenpalen. Toch is het er niet volledig donker. ’s Avonds wordt het asfalt opmerkelijk genoeg verlicht door lichtgevende strepen op de weg. “Een stuk asfalt, dat alleen geschikt is om over te rijden is hopeloos ouderwets. Auto’s zitten vol met de nieuwste technologie, maar de weg zelf is nog grotendeels zoals in de middeleeuwen”, zegt Daan Roosegaarde van innovatiebureau Studio Roosegaarde.

    Hoog tijd dat dit verandert, volgens Roosegaarde. Hij ontwikkelt daarom samen met het Nederlandse bedrijf Heijmans lichtgevende strepen voor op de weg. Het zijn ogenschijnlijk dezelfde strepen als die nu al de weg in rijstroken verdelen. Maar ’s nachts geven de nieuwe exemplaren ook licht. Roosegaarde: “Overdag worden ze opgeladen door de zon en daarna geven ze acht tot tien uur licht.”

    De strepen zijn gemaakt van een speciale verf en gebaseerd op glow-in-the-dark sterren. “Die had ik vroeger op mijn plafond”, zegt Roosegaarde. “We hebben die stickers op korrelniveau geoptimaliseerd en mixen het met technologie die ook gebruikt wordt bij het maken van zonnepanelen. De patentaanvraag loopt nog, dus ik kan niet teveel over de techniek uitleggen.”

    Studio Roosegaarde en Heijmans ontwikkelen nog vijf van dit soort toepassingen. Het meest in het oog springen verder nog sneeuwvlokken, die zichtbaar worden bij kans op gladheid. “Daarvoor gebruiken we verf dat van kleur verandert door de temperatuur. Zodra het bijvoorbeeld twee graden wordt, lichten daardoor sneeuwvlokjes op het wegdek blauw op.”

    “Een andere mogelijkheid is om een warmtesensor in het wegdek in te bouwen, die de verlichting van de verf in- en uitschakelt. Datzelfde in- en uitschakelen van verf kan strepen op de weg ook dynamisch maken. Zo kan je van losse strepen een doorgetrokken streep maken en vice versa.”

    Naast lichtgevende strepen wordt er nog een veelbelovende technologie voor de slimme snelweg ontwikkeld: het al rijdend opladen van elektrische auto’s. Een groot struikelblok om een elektrische auto aan te schaffen is dat er vaak maar een beperkte afstand (rond de 100 kilometer) mee kan worden afgelegd. Daarna dient de batterij weer gevoed te worden. Rijdend opladen maakt een einde aan die grens, doordat de accu continu opgeladen wordt.

    De techniek van rijdend laden wordt ontwikkeld door Pavol Bauer van de faculteit Elektrotechniek, Wiskunde en Informatica aan de TU Delft. “De auto wordt draadloos opgeladen via een korte afstand dankzij inductieladen. Diezelfde soort technologie gebruiken we nu al voor elektrische tandenborstels”, zegt Bauer die onlangs drie wetenschappelijke artikelen schreef over rijdend opladen.

    Inductieladen werkt zo: Onder het asfalt worden magnetische spoelen in de vorm van lange kabels gelegd. Die wekken een elektro-magneetveld op. Die energie wordt getransformeerd naar een hoge frequentie van een paar honderd kilohertz en zo getransporteerd naar de auto. Bauer: “In de auto zitten ook een transformator en een spoel die het elektro-magneetveld oppikken. We halen een rendement van 85 procent. Wij willen een magneetveld creëren dat als een golf mee reist onder de auto.” Een oud-promovendus van Bauer is het bedrijf Optimos Apto begonnen, die de kabels al kan leveren, hetzij voor een andere toepassing.

    Bij uitstek geschikt
    Bauer rekende uit dat dertig procent dekking op de Nederlandse wegen afdoende is. “Nederland is bij uitstek geschikt voor elektrische auto’s en rijdend opladen. De afstanden zijn hier nooit echt groot.” Bovendien is het een voordeel dat onze snelwegen druk zijn. “Nederland heeft een goede dichtheid van auto’s op de wegen. Vanaf tienduizend auto’s per dag is het betaalbaar. Naar een eerste schatting kost een kilometer vermoedelijk rond de driehonderdduizend euro.”

    De futuristische technologie die Bauer en Roosegaarde ontwikkelen hebben gemeen dat ze beide gebruik willen maken van kleine windmolens en zonnepanelen langs de weg. Die moeten de elektrische weg laden en bijvoorbeeld dynamische strepen activeren. “Wij willen een integraal groen en oplaadbaar systeem ontwikkelen”, zegt Bauer. Ook zonnepalen in het wegdek, die TNO momenteel ontwikkelt, kunnen daarvoor gebruikt worden.

    Niet alleen in Nederland maar ook in het buitenland is al veel interesse voor het onderzoek van Roosegaarde en Bauer. “Met name in Zuid-Korea en Singapore is men al ver. Daar investeren ze miljoenen in deze technologie.” Roosegaarde krijgt ook veel aandacht in Mumbai en Afrika. “Daar is op veel afgelegen plaatsen geen elektriciteit. Zodra de zon ondergaat is het daar pikkedonker. Lichtgevende strips zouden een goede oplossing zijn, zodat er toch verlichting is op de weg.”

    Volgens Roosegaarde zijn de huidige wegen in drie tot vijf jaar aan te passen. Wat de aanschafkosten zijn, geeft hij niet aan. “Maar het is op termijn goedkoper dan lantarenpalen. Energie wordt heel kostbaar en lantarenpalen zijn bedacht toen het nog goedkoop was.”

    Roosegaarde denkt ook al over nieuwe toepassingen na. Bijvoorbeeld de maximumsnelheid die op het asfalt zelf verschijnt. “Dan kan iedereen overzichtelijk zien hoe snel hij mag rijden. Bovendien is het mogelijk om verschillende snelheden weer te geven, afhankelijk van weers- en verkeersomstandigheden. Nu staan er vaak borden die vertellen dat je maximaal negentig mag als het regent. Als de zon schijnt is dat bord niet relevant. Verkeers-, informatie- en matrixborden zijn overal, behalve waar ze moeten zijn: op de weg.”

    Bron: Kennislink.nl

  • Selfs ‘n skietgebedjie help vir selfbeheersing

    Selfs ‘n skietgebedjie help vir selfbeheersing

    gebedDie jongste studie deur die Duitse sielkundiges by Saarland Universiteit en die Universiteit van Mannheim, het bevind dat gebed mense help met selfbeheersing.

    ‘n Skietgebedjie kan die selfbeheersingsuitputtingseffek omkeer, het die span bevind. Die bevindinge is in die Journal of Experimental Social Psycology aanlyn gepubliseer.

    “Hierdie resultate is in ooreenstemming met en dra by tot ‘n groeiende liggaam van bevindinge wat getuig van die positiewe effekte van gebed op selfbeheersing.”

    Gebed is reeds in die verlede gekoppel aan laer vlakke van ontrouheid en alkoholverbruik.

    Die Duitse skrywers het 79 mense, waarvan 41 is Christene is, 14 ateïste, 10 agnostici en 14 van ander godsdienste, gevra om deel te neem.

    Deelnemers was elkeen alleen gelaat vir vyf minute en gevra om óf te bid of vrylik oor een ding so intens as moontlik te dink.

    Volgende het hulle almal gekyk na grappige filmuittreksels met die helfte wat normaalweg reageer het en die ander helfte probeer het om hul emosies te onderdruk en hulle gesigsreaksies te beheer.

    Ten slotte, het hulle aan Strooptoetse deelgeneem waar woorde kleure beskryf maar verskyn in verskillende kleure ink, soos die woord blou geskryf in rooi ink.

    Vorige bevindings het getoon dat wanneer mense hard probeer om hul emosies en gedagtes te beheer, hulle die risiko van aggressiewe uitbarstings en ​​drankmisbruik of ooreet verhoog.

    Deelnemers moes reageer op die inkkleur, nie die geskrewe woord nie, wat selfbeheersing vra.

    Diegene wat vrylik in die eerste deel van die toets gedink het en toe probeer het om hul emosies tydens die filmstrokies te onderdruk het gesukkel met die Strooptaak.

    Maar dit was nie die geval vir die deelnemers wat aan die begin van die studie gebid het nie.

    Hulle het hoë vlakke van selfbeheersing tot aan die einde getoon.

    Die skrywers het ook bevind dat diegene wat die eers gebid het net so hard probeer het om emosies tydens die filmstrokies te onderdruk, maar het nie uitgeput geraak daarvan nie.

  • Afrikaans al hoe meer verwaarloos by Stellenbosch

    Afrikaans al hoe meer verwaarloos by Stellenbosch

    willie
    Willie weet nie…

    Ek het onlangs die volgende oor Willie Esterhuyse berig: “Hy verkwalik Leopold Scholtz omdat laasgenoemde twyfel uitgespreek het oor die mate waarin Russel Botman die heil van Afrikaans aan die Universiteit Stellenbosch bevorder” (Praag 10 deser). ‘n Brief van Geen Grys Skoene van Stellenbosch, wat pas in Die Burger (18 deser, p 10) gepubliseer is, lui in sy geheel soos volg:

    “Wanneer ‘n mens die taalbeleid van die Universiteit Stellenbosch (US) google, staan daar: Die kern van die beleid: Die universiteit is verbind tot die gebruik en volgehoue ontwikkeling van Afrikaans.

    “Die realiteit in die klaskamers is egter baie ver verwyderd van die beleid. In ‘n gesprek met opvoedkunde-studente wat vanjaar graad kry, vertel hulle dat in die vier jaar van studie tussen 75% en 80% van al hul onderrig in Engels plaasgevind het. Geologie-studente het opgemerk: ‘Jy kan nie droom om jou vraestel in Afrikaans te beantwoord nie, want baie van die dosente kom van oorsee en verstaan geen woord Afrikaans nie. Jy sal jou kanse om deur te kom, verongeluk as jy in Afrikaans antwoord.’

    “‘n Nagraadse opvoedkunde-student was baie ontsteld dat ‘n opvoedkunde-dosent aan hul M.Ed-klas, wat hoofsaaklik uit Afrikaanssprekende onderwysers bestaan, gesê het hulle moet dit nie eens oorweeg om hul M.Ed-verhandelings in Afrikaans te skryf nie. Sy woorde was: ‘Don’t even consider it, it is not an option.’

    “Prof. Russel Botman se positiewe wens dat die dogter van die plaaswerker dieselfde toekomsgeleenthede moet kry as die seun van die plaaseienaar, sal moeiliker realiseer wanneer studente van hul eerste jaar af by Maties in byna net Engels moet klasloop en kommunikeer.

    “Wanneer gaan die US die realiteit van die praktyk in lyn bring met sy taalbeleid?

    “Mense wat gerus is oor Afrikaans by die US is net soos liewe Lulu wat nie bekommerd was toe die stootwaentjie met haar baba daarin teen die afdraande afry nie, want sy het mos geweet dat daar onder ‘n stopteken is!”

    Myns insiens het die US-rektor, Russel Botman, geen probleem met onderrig wat hoofsaaklik in Engels geskied nie. Die praktyk sal vorentoe nie in lyn met die huidige taalbeleid gebring word nie. Die teenoorgestelde gaan gebeur: Die beleid gaan in ooreenstemming met die praktyk gebring word.

    Michael le Cordeur, die voorsitter van die Afrikaanse Taalraad, is ‘n dosent in die US se fakulteit opvoedkunde. Wat doen hy aan hierdie situasie? Wat doen ‘n oud-US-dosent soos Willie Esterhuyse vir Afrikaans, behalwe om Leopold Scholtz vir die waarheid te verkwalik? Wat doen ‘n huidige US-dosent soos Anton van Niekerk aan die situasie, behalwe om te bely dat hy Afrikaanssprekend is?

    Leon Lemmer

  • Rassetransformasie moet diep sny – Jonathan Jansen

    Rassetransformasie moet diep sny – Jonathan Jansen

    Jonathan Jansen
    Jonathan Jansen

    Vandeesweek het prof. Jonathan Jansen ‘n rubriek in Afrikaans en Engels in Beeld, Die Burger en The Times gepubliseer waarin hy wesentlik die regering se plan steun om van blankes op universiteit ontslae te raak, op enkele voorbehoude na. In die openbare belang en omdat Leon Lemmer ook daarna verwys, plaas ons enkele uittreksels daaruit:

    ’n Ontstellende dokument gaan universiteite binnekort tref, naamlik die verslag van die transformasie-oorsigkomitee wat deur min. Blade Nzimande ingestel is om die omvang van verandering in die 23 openbare universiteite te onthul.

    Die doel van die ondersoek is korrek. Ons het universiteite nodig wat waarlik oop is vir die volle spektrum van talent hier en in die buiteland. Dit beteken ons het meer swart en vroue-akademici en studente nodig; dat meer gestremdes toegang moet kry; en dat meer wit studente op tradisioneel swart kampusse nodig is. Ons het normale universiteite nodig wat nie gedefinieer word deur ’n tragiese geskiedenis van uitsluiting nie.

    Wat ons nié nodig het nie, is ’n verslag wat die kompleksiteite van transformasie beperk tot ’n gelykheidsindeks waarin die getal swart personeellede of studente getel, universiteite van die beste tot die swakste gerangskik en sommige tot meer getransformeerd verklaar word. So ’n denkwyse wat transformasie tot velkleur beperk, is bloot die keersy van apartheidsdenke. Ironies genoeg is dié verslag ’n terugslag vir transformasie.

    Boonop hoef ’n universiteit wat met ’n swart instelling saamgesmelt het en nou as “getransformeer” bekend staan niks te gedoen het om dit te bewerkstellig nie.

    Maatskaplike geregtigheid verg dat swart studente en akademici, wat deur voormalige wit universiteite uitgesluit is, in groot getalle toegelaat word. Maar transformasie strek veel dieper. Dit behels diep, kwalitatiewe veranderings in verhoudings, waar mense oor vorige verdelingslyne heen omarm word.

    Dit beteken dat universiteite menslike plekke is wat na minderbevoorregtes uitreik. Dit veronderstel ’n diep transformasie van die kurrikulum wat kennis buite die eng beperkings van ons blywende koloniale en apartheidsepistemologieë oopstel. Dit verg intellektuele ruimtes op kampusse waar ortodoksie bevraagteken en kritiese teorieë en navorsingsmetodes bevorder word.

    Dit beteken nie dat histories wit universiteite uit die pekel is nie. Dit is onverskoonbaar dat ’n universiteit se personeel steeds oorweldigend wit is. ’n Universiteit met ’n oorwegend wit kampus dien duidelik nie studente of die land goed nie. Dit moet verander.

    Die meeste universiteite (nie almal nie) probeer baie hard om inklusiewer in hul werwing van studente en personeel te wees. Dit is nie altyd maklik nie. In die soeke na ’n swart dekaan in die regte, ’n swart hoof van aktuariële wetenskappe of ’n swart hoof van forensiese wetenskappe wat ’n topgeleerde én ’n bekwame bestuurder is, bie die een rektor hoër as die ander vir die dienste van die een of twee beskikbare kandidate.

    Dit is moeilik om, veral wat top- akademiese talent betref, inklusiewer te word en dit lyk of die verslag glad nie gaan help om dié doelwit te bereik nie. Daarbenewens gaan die moniteringspolisie losgelaat word op dié wat probeer.

    Op lang termyn is die enigste oplossing om nog duisende talentvolle swart mense in meesters- en doktorale studies in te sluit en die beste onder hulle vir akademiese loopbane te koester – sy aan sy met hul talentvolste wit kollegas.

  • Ondersteun praag asb. dringend

    Ondersteun praag asb. dringend

    sluitaan300Geagte leser,

    Soos u waarskynlik gesien het, word daar geen meer Google-netwerkadvertensies op hierdie blad vertoon nie, weens kwaadwillige klagtes wat deur fanatici teen ons by Google aanhangig gemaak is. Van die Suid-Afrikaanse adverteerders, wat groot maatskappye insluit, is geïntimideer en vertel dat hulle advertensies op ‘n “ongewenste” webblad verskyn.

    Tans is ons besig om die saak met Google op te neem, asook regsaksies teen die klaers te loods. Omdat vele van hulle dit anoniem gedoen het en ook ‘n anonieme blad op Facebook bedryf, maak dit ons taak soveel moeiliker.

    Die verlies aan inkomste verteenwoordig vir ons ‘n sware slag wat selfs die voortbestaan van dié webblad en van PRAAG in die gedrang bring. Maar die optrede van kwaadwillige Afrikanerhaters wat ons stem wil uitdoof, is des te meer kommerwekkend omdat dié metodes om webblaaie en internetjoernaliste te beswadder gebruik kan word om alle kritiek jeens die huidige bewind in Suid-Afrika stil te maak. Nie net adverteerders nie, maar ook diensverskaffers kan geteiken word en sodoende sal niemand meer bereid wees om innoverende webblaaie met inligting en menings buite die hoofstroom op hul bedieners te huisves nie.

    Daarom doen ons ‘n beroep op u, ons lojale lesers en ondersteuners, om dringend ‘n debietorder of PayPal-subskripsie (indien u oorsee woon) uit te neem. Dit sal ons onafhanklik van adverteerders maak en ons sal ook sorg dat ons ons bediener buite Suid-Afrika in ‘n jurisdiksie aanhou waar ons nie sonder ‘n hofbevel in daardie land stilgemaak kan word nie.

    Onthou dat die huidige bestel deur middel van terreur, halssnoermoorde, propaganda en leuens tot stand gekom het. Omdat ons waag om die waarheid en kritiek op geweld en korrupsie te publiseer, word ons nou deur ekstreemlinkses en fanatici geteiken. Hulle speel ook die rassekaart teen ons, omdat dit al “argument” is waaroor hulle beskik.

    Gewoonlik vra ons mense om R60 per maand by te dra, wat veel goedkoper is as die R99 wat ander Afrikaanse webwerwe vereis. Maar as die ekonomie knyp, kan u selfs R30 bydra.

    Help ons om op die lug te bly!

    U kan ook ‘n splinternuwe skootrekenaar wen! Die eerste 100 persone wat van vandag af ‘n debietorder uitneem, kwalifiseer vir ‘n trekking vir ‘n skootrekenaar ter waarde van R4000.

    Vul asb. die vormpie hier in:

    praag-debietorder

    Dan Roodt

  • Appèl aan Afrikaners

    Appèl aan Afrikaners

    prinsevlagGeagte mede-Afrikaner,

    As u die nuus en kommentaar op die praag-webwerwe volg, sal u sien dat ons lank reeds voorspel dat Suid-Afrika op ‘n breekspul afstuur. Die spanning by ons is gekoppel aan die internasionale konflik tussen die VSA en ander moondhede, in Afganistan, Sirië en elders.

    So pas het Julius Malema sy hofbevel oortree en die liedjie “Skiet die Boer” gesing. Hy dreig openlik met ‘n Zimbabwe: grondbesettings en dergelike meer.

    Ek het ook al male sonder tal gesê dat as die De Klerk-gesinde Naspersmedia se oghe eendag oopgaan, dan sal dit al amper te laat wees. Vanoggend praat hul noordelike Kruiperkaner-mondstuk,  Beeld, van ‘n “gevaarlike baba” wat met Malema se party gebore word.

    De Klerk en Naspers het ons hierdie Oemghoenghoendloewoe ingelei en die generaals is lankal afgedank. Mense het ook tou gestaan om hul eie wapens by polisiestasies te gaan inhandig.

    Ons word met ons broeke op die knieë gevang.

    Maar dis nog nie te laat nie. Die jongste gebeure bewys dat praag se ontledings nog altyd korrek, realisties en versiende was.

    Die NP het nie die stryd teen die ANC weens ‘n gebrek aan middele verloor nie, maar weens ‘n gebrek aan insig. Hy het nie die vyand, sy denke of sy oogmerke verstaan nie. De Klerk was ‘n plattelandse prokureur wat op Potch gestudeer het in die dae toe studente nie mog dans nie. Sy kennis van geskiedenis, linkse ideologie en internasionale politiek is hoogs verdag.

    Die situasie is nou omgekeer: ons het die insig, maar nie die middele nie.

    praag is ‘n gemeenskapsmedianetwerk vir Afrikaners en geen weerstandsbeweging nie. Die stryd wat tans woed, gaan egter in ‘n groot mate oor ons wíl om te oorleef en om ons oorblywende bates soos plase, huise, spaargeld, beleggings, ens., te behou. Die vyand poog om ons wil af te breek tot op die vlak waar hy, in ‘n herhaling van die ’94-fiasko, alles net kan vat sonder om ‘n skoot te skiet.

    Net vanoggend kontak ‘n dame elders in die land my en skryf die volgende:

    Ek is al die afgelope paar jaar baie bekommerd. Tot so ‘n mate dat ek nie eers wil kinders hê nie, want ek is te bang oor wat moontlik met hulle kan gebeur. Wens baie keer ek is in ‘n ander tyd gebore. Weet ek moet hierdie in die gesig staar, maar ai…ek wil net eintlik ‘n vreedsame bestaan voer.

    Ongelukkig is Pandora se doos in 1994 geopen en die revolusie begin nou eers spoed optel.

    praag en mnr. Jaap Kelder het twee jaar gelede, teen baie teenkanting in, ‘n vergadering van alle Afrikaanse organisasies gehou, waaruit die Strategiese Komitee gebore is en wat steeds maandeliks vergader. Ongelukkig vorder daardie komitee te stadig, terwyl Malema en ander met rasse skrede (woordspel bedoel) besig is om hul bose planne ten uitvoer te bring.

    Ons sal voortgaan om Afrikaners te probeer saamsnoer, maar ons het ‘n voorhoede van wakker mense nodig wat ons kan help met bewusmaking en organisasie, waar nodig. Plaas dus asseblief u naam op ons lys van vrywilligers deur die volgende vormpie in te vul:

    Word ‘n praag-vrywilliger (klik)

    Ons vir jou!

    Dr. Dan Roodt