Dan Roodt, Author at praag.co.za

Boere vlug nie, politici jaag hulle weg

Die Minister van landbou is slegs deels korrek as sy beweer dat boere die land verlaat as gevolg van die misdaad. “Sy is egter totaal verkeerd as sy beweer dat boere nie die land verlaat nie, maar vlug. Ons boere was nog nooit en is nie bang nie,” sê mnr. Ben Marais, president van TLU SA.

“Suid-Afrika se tradisionele kommersiële boere sien al vir eeue kans om die wispelturige klimaat te trotseer, vreesloos. Ons boere-voorouers was bereid om vir hulle grond en vryheid oorlog te maak teen die grootste wêreldmoondheid van daardie tyd. Om ons as vlugtelinge te wil brandmerk, is ‘n belediging vir elke boer,” sê mnr. Marais.

TLU SA moedig boere aan om in Suid-Afrika te bly en die land van voedsel en vesel te voorsien.; “Ons boere kan dit doen, want hulle het kundigheid oor dekades en geslagte heen opgebou.”

Mnr. Marais wys daarop dat die misdaad en plaasmoorde inderdaad ‘n saak is wat die boere erg grief. “Maar ons boere is toenemend besig om hulle daarvoor te staal, met beter veiligheidsmaatreëls, strenger keuring van arbeiders en die vorming van plaaswagstelsels. Maar daar is ander sake wat boere laat kyk na ander geleenthede, soos:

· Die onsekerheid oor grondhervorming

· Dreigemente van onteiening sonder behoorlike vergoeding

· Permanente verblyfreg van vreemdes op plase

· Verkrummelende infrastruktuur

· Werkgewer-onvriendelike arbeidswetgewing

· Buitensporige belasting op landbougrond

· Besoedelde water vir landbou-doeleindes

· Belasting op water wat God geskep het.

As na hierdie en ander sake gekyk word, raak dit soms te veel vir boere. Terwyl TLU SA besig is om landbou-kundigheid in Georgië te verskaf en hy oorval word met navrae van individuele boere wat geleenthede daar wil ondersoek, bly TLU SA by sy standpunt dat Suid-Afrikaanse, en by name Afrikanerboere, in Suid-Afrika hoort. “Maar ons het begrip daarvoor dat boere die politieke onsekerhede en gevare as die grootste bedreiging vir landbou sien en vroegtydig na moontlike alternatiewe wil begin kyk.

“Die moontlike uitvloei van kundige boere uit die Suid-Afrikaanse landbousektor, kan slegs deur die regering gestuit word. Die minister moet dus die hele landbouspektrum in oënskou neem, en nie net misdaad blameer vir vertrekkende boere nie,” sê mnr. Marais.

topcargo кидалы

Verkragting van Britse toeris barbaars

Mnr. Abrie Oosthuizen, nasionale voorsitter en provinsiale leier van die Vryheidsfront Plus in die Vrystaat, het vandag die soveelste verkragting in die provinsie as onmenslik en barbaars veroordeel. Die feit dat die twee verkragters die Britse toeris van R300,00 en haar selfoon beroof het en haar verkrag het dien as bewys van hoe min respek sulke oortreders vir ander mense en die reg het.

Die VF Plus doen reeds ‘n geruime tyd ‘n beroep op die provinsiale regering om ernstige aandag aan die reeks verkragtings, wat in Bloemfontein voorkom, te gee. Hierdie is weereens ‘n bewys dat die provinsiale regering nie beheer oor misdaad in die provinsie het nie en indien dit sou voortgaan, sal die nasionale regering moet begin oorweeg om self beheer oor die situasie te neem.

Buitelanders besoek Suid-Afrika oor die natuurskoon van Suid-Afrika en die VF Plus betreur die feit dat gebeure soos hierdie ‘n besliste negatiewe invloed op toerisme in die Vrystaat en die land sal hê. Geen regering kan hierdie tipe van optrede goedpraat of ignoreer nie.

Die feit dat dit so kort na die Dewani-moord gebeur het, plaas Suid-Afrika weereens in ‘n negatiewe lig in die buitelandse media.

сауна купить

Voedselprysskok wag op wêreld

Die wêreld het ‘n stap nader aan ‘n voedselprysskok geneem ná die Amerikaanse regering handelaars verbaas het deur voorspellings vir sleutelgewasse hoër aan te pas. Dit het koring- en sojaboonpryse tot die hoogste vlak in 30 maande gedruk.

Die prysverhoging kom nadat die VN se Voedsel-en Landbou-organisasie verlede week gewaarsku het dat die wêreld ‘n herhaling van die 2008-voedselkrisis kan sien as pryse verder styg. Die tendens is besig om ‘n groot bron van kommer in ontwikkelende lande te raak.

Terwyl amptenare troos dat ‘n stabiele rysprys, sleutel tot die voeding van Asië, heers, waarsku hulle dat ‘n volgehoue tydperk van hoë pryse, veral in grane soos koring, armer lande sal tref. Voedselprysstygings het reeds gelei tot onluste in Algerië en Mosambiek.

Die president van AgResource, ‘n weervoorspeller in Chicago, het bygevoeg: “Daar is net geen ruimte vir foute nie meer nie. Met enige soort van weerprobleem in die komende seisoen sal ons ‘n nuwe rekordhoogtepunt in koring en soja, en tot ‘n mindere mate koringtermmynkontrakte sien.”

Landbouontleders waarsku dat die jongste hersiening beteken daar is geen verdere ruimte vir weerprobleme nie. Die gewasse in Argentinië en Brasilië, wat binnekort ge-oes word, lyk broos weens droogheid.

Handelaars is veral bekommerd oor die koste van groente-olie, sleutel vir ontwikkelende lande soos China, waar ‘n opkomende middelklas meer kookolie koop. Die Amerikaanse Departement van Landbou het gesê dat die verhouding van die globale voorraad-tot-vraag later hierdie jaar sal daal na “vlakke van die middel-1970’s”, agv ‘n versnelde tempo van groente-oliegebruik vir kos en brandstof.

In Chicago, het die prys van sojabone met soveel as 5,2 persent tot $ 14,20 ½ gestyg, die hoogste sedert die einde van 2008. Die USDA het gesê dat binnelandse voorraad-tot-vraag sal daal tot die laagste punt in byna ‘n halwe eeu.

Koring pryse het opgeskiet met 5 persent na $ 6,37, die hoogste vlak sedert Julie 2008.

Die VSA is die wêreld se grootste koringprodusent, met meer as die helfte van die wêreld wat daarvan invoer. Koring is ‘n belangrike bestanddeel in veevoer, en die mark weerspieël gedeeltelik die groeiende lus vir vleis in ontluikende markte. ‘n Rekord etanolproduksie in die VSA sal ook byna 40 persent van die Amerikaanse oes insluk.

Die oplewing in die landboupryse het die vooruitsigte van die landbousakesektor in die VSA gelig. Cargill, die wêreld se grootste handelaar van voedselkommoditeite, het gesê sy wins het verdriedubbel gedurende die tweede kwartaal van die boekjaar.

Die aandele van Deere & Co, die wêreld se grootste vervaardiger van trekkers en stropers, het gestyg met 2,3 persent. Maar die voedselmaatskappye soos Nestlé het gesê hulle sukkel steeds.

Indringende vrae aan Partye

Ek verwys na Helen Zille (DA-leier) se artikel in Beeld (12 Januarie 2011) met titel “Ja,ja,ja, o nee”.

In die lig van die naderende verkiesings in 2011 en feit dat elke party die Grondwet van SA, aan die hand van die “Beperking-Van-Regte-klousule” (a.36 van die Grondwet) binne ‘n eie ideologiese konteks re-interpreteer, sal dit nuttig wees as die DP en ander partye soos die ANC, Christen-demokratiese partye (bv. CDP) en VF+, spesifieke antwoorde gee op die volgende vrae, onder meer voorbeelde:

Mbt a.6 hoe gelyke taalberegtiging van die amptelike tale verwesenlik sal word?

Mbt a.9(2) watter standpunt oor “affirmative action” ingeneem word?

Mbt a.11 oor die reg op lewe, die standpunt oor die doodstraf en aborsie?

Mbt a.15 die standpunt oor ‘n akte (a.234) vir die bevordering en beskerming van die reg op godsdiens, eie oortuiging en mening (a.15)?

Mbt a.19 oor politieke regte die standpunt in sake proporsionele verteenwoordiging, van gelyke deelname aan verkiesings sonder finansiële bevoordeling en gelyke spraakvryheid in die wetgewers?

Mbt a.21 oor vryheid van beweging, hoe so ‘n party die willekeurige massaverskuiwings van gemeenskappe van een deel van die land na ‘n volgende gebied gaan orden en beperk?

Mbt a.24, oor ‘n omgewinsbeleid, hoe die besoedeling van lug en water teengewerk sal word?

Mbt a.25, oor eiendom, oor waarborge vir die reg op persoonlike eiendom?

Mbt a.29(3) die standpunt oor die subsidiëring van onafhanklike onderwysinstellinge?

Mbt a.30 oor die aanvaarbaarheid van ‘n kultuurakte (a.234) vir etniese gemeenskappe?

Mbt a.31(1)(b) waarborge vir die selfbeskikking van instellinge van die burgerlike samelewing?

Mbt. a.33 oor regverdige administratiewe optrede, die persoonlike juridiese aanspreeklikheid van amptenare in sake hulle posbeskrywing?

Mbt a.35 oor beskuldigde persone in sake die howe se reg om lyfstraf toe te kan, al dan nie?

Mbt hoofstuk 8 oor wyses en maniere om die howe vry te maak van politieke inmenging?

Mbt. hoofstuk 9 hoe die werksaamhede van die Openbare Beskermer (a.182) opgeskerp, die Menseregtekommissie (a.184) verbeter, die Kommissie vir die Bevordering en Beskerming van die Regte van Kultuur-, Godsdiens en Taalgemeenskappe (a.185) funksioneel gemaak kan word en hoe al die mekaar-dupliserende menseregte-instrumente gerasionaliseer kan word?

Mbt a.185 en 235 die standpunt oor die reg op selfbeskikking van taal-, godsdiens- en kulturele gemeenskappe?

Bogenoemde aspekte is van kardinale belang in die burgerlike uitoefening van demokratiese keusevryheid, in plaas van ‘n gegorrel van woorde, soos bv. die onlangse toespraak van president Zuma en antwoord van mev. Zille.

Groen longe, bosslapers en toerisme

Ter wille van die gesondheid van stedelike inwoners word groen longe uitgelê. Dit sluit ontwikkelde parkies, soms met swaaie en skoppelmaaie vir kinders, begraafplase, koppies met wisselende vlakke van bewaringsstatus en vele meer in.

Die persentasie oppervlak wat vir groen longe benodig word, hang van verskeie faktore af soos die reënval, die heersende winde, of die stad ‘n deel van die jaar onder ‘n sneeukombers lê, bewoningsdigtheid, vlakke van elektrisifisering en nog ander faktore af.

Die gebiede word gewoonlik geïdentifiseer tydens die beplanning vir dorpsuitleg, deur areas te identifiseer wat te kleiagtig vir die bou van woonhuise is, waar te veel geraasbesoedeling plaasvind, die verspreiding en dit sal immers dwaas wees om ‘n begraafplaas op ‘n klipbank uit te lê.

Bloemfontein is in verskeie opsigte ‘n unieke stad, met ‘n wildtuin op ‘n koppie in die middel van die stad. Hierdie koppie, en ander koppies in die omgewing, het hoë statusse as bewaringsgebiede wat ontwikkeling tot die allernoodsaaklikste beperk. Talle historiese en moontlik selfs argeologiese verskynsels kom in dié areas voor.

Dit bied die ideale geleentheid vir ekotoerisme. Wandelpaaie word onder meer ontwikkel, en stedelike bewareas het al in verskeie Suid-Afrikaanse stede ontstaan.

Dit bied egter ook ‘n heenkome aan bosslapers. Van die koppies in woongebiede is naby die bosslapers se slaapplekke so van menslike slagysters gesaai dat daar van wandel min sprake is. Wippe word gestel waarin ook mense uit die omgewing se troeteldiere aaklig tot hul einde kom.

En nou is dit groot voorbladnuus dat ‘n Britse toeris tydens ‘n staptog op ‘n wandelpad vlak voor die voordeur van die Vrystaatse premier verkrag is. Dadelik is daar groot kommer oor wat die insident aan die streek se toerisme gaan doen. Die vrou is gek oor die buitelug en het al dwars oor die wêreld soortgelyke ekskursies geniet, net om in die hartjie van Suid-Afrika deel van die verkragtinghoofsetel van die wêreld se statistiek te word.

Dalk meer as net statistiek, want Suid-Afrika tel onder die hoogste Vigs-syfers ter wêreld en ‘n verkragting kan ook ‘n doodsvonnis behels. Gelukkig is anti-retrovirale behandeling beskikbaar.

Die owerhede sit met ‘n dilemma. Deur besoekers afdoende teen gevare te waarsku is sleg vir toerisme. Verskeie strandoorde aan riviermondings het aanvanklik e-Coli-tellings as waarskuwing vir besoekers daagliks bygehou. Toe dit skadelik vir toerisme blyk te wees, is ‘n algemene waarskuwing opgerig dat die water besoedel mag wees. Oplaas is die borde verwyder. Die probleem is egter nie verwyder nie. Dit verhoog trouens die kanse van regsaanspreeklikheid.

Die beste oplossing bly om die probleme te nie net te verwyder nie, maar op te los.

free slotscasino games Фильчаков

Matriekslaagsyfer van 2010 is bekook

Die matriekslaagsyfer van 2010 is bekook.

In aanloop tot die landwye stadsraadsverkiesing vanjaar, is dit vir die ANC-regering van uiterste belang om ‘n sy beeld te poets en is dit hoogs waarskynlik dat die matriekslaagsyfer bekook is.

Met ‘n styging van 7 persentasiepunte in die matriekslaagsyfer maak hy baie mense gelukkig. Veral die 2010 matrieks en hulle ouers en natuurlik die swart onderwyser vakbond Sadou met sy meer as 200 000 lede.

Na verlede jaar se uitval tussen die ANC-regering en Sadou oor ‘n salaris geskil, sal dit daarom baie onwys wees om die geskil verder te dryf met ‘n swak matriekslaagsyfer. En dit is natuurlik in die minister van onderwys se mag om die syfer te bekook deur Umalusi.

Sadou is ‘n lid van die vakverbond Cosatu wat op sy beurt ‘n alliansie vennoot van die ANC is. Dié vakverbond is letterlik die ANC se organisasie op voetsoolvlak. Sonder die steun van Cosatu (en Sadou) in die stadsraadsverkiesing vanjaar, is die ANC se hande en voete afgekap.

Stadsrade is onbevoeg.

Die regerende party het reeds talle probleme as gevolg van kaders in stadsrade wat weens hulle onvermoë, onbetroubaarheid en laksheid in gebreke bly om dienste te lewer aan hulle kiesers.

Tans word 38 munisipaliteite in Noordwes, Mpumalanga, Gauteng en die Oos-Kaap ondersoek vir beweerde ongerymdhede. In Suid-Afrika se hoofstad, Pretoria het die Tshwane-munisipaliteit besluit om mnr Kiba Kekana te beloon met ‘n goue handdruk van R2,3 miljoen na die beweerde onbehoorlike hantering van dié raad se geldsake en kontrakte.

In die Madibeng-munisipaliteit (Brits/Hartbeespoort) kry die voormalige munisipale bestuurder mnr Philemon Mapulane nog steeds R1,1 miljoen salaris per jaar nadat hy meer as ‘n jaar gelede geskors is. En so gaan dit aan.

Mnr Sicelo Shiceka, minister van samewerkende regering, het in Desember 2010 onthul dat dit kos R4 miljoen om 1km in die Noord-Kaap te teer terwyl die belastingbetaler in Gauteng R17 miljoen per km opdok!

Die ANC-regering het dus nodig om sy beeld by die kiesers van Suid-Afrika te poets, ook in die lig van die ongemaklikheid tussen die alliansie vennote Cosatu en die SAKP.

Die onmin tussen die swart onderwys vakbond Sadou en die minister van basiese onderwys, Angie Motshekga, het duidelik na vore gekom toe Sadou by die aanvang van die 2010 matriekeksamen ‘n verklaring uitgereik het waarin hulle gesê het dat “indien die matrieks swak vaar in die eksamens vanjaar” dit nie hulle skuld is nie, maar die regering s’n. Dis natuurlik na aanleiding van die meer as twee weke lange staking vir hoër salarisse verlede jaar wat die onderwys erg ontwrig het bo en behalwe die lang sokker vakansie.

Met dié staking het die onderwysers alle openbare skole ontwrig – selfs die wat nog al die jare ‘n nul slaagsyfer het. Daarby het hulle getoon dat hulle nie ‘n greintjie respek het vir hulle professie of die toekoms van hulle leerlinge nie en dat hulle ‘n salaris eis wat nie ooreenstem met hulle produktiwiteit nie, maar met hulle behoeftes.

Die dag na Sadou se verklaring het Motshekga ook ‘n verklaring uitgereik (in antwoord op Sadou s’n) waarin sy gesê het dat mense nie bekommerd moet wees nie aangesien die matrieks goed sou vaar en die slaagsyfer 65% sou wees.

Dit is nie vêr van die 67,8% wat sy verlede week met groot fanfare bekend gemaak het nie.

Is sy heldersiende?

ANC rampokkerbende.

Die antwoord is nee. Want eintlik het ons te doen met ‘n rampokkerbende wat die land tans regeer en hulle sal enige iets doen om in die mag te bly.

RW Johnson skryf in sy boek SOUTH AFRICA’S BRAVE NEW WORLD (p562) dat 30% van die tagtig lede van die ANC se nuwe Nasionale Uitvoerende Raad (NUR) wat in 2008 in Pietersburg tydens hulle Polokwane Konferensie verkies is, “… either were or had been in trouble with the law for one reason or another”.

Dink maar aan die wapen skandaal waarby talle hooggeplaastes van die ANC betrokke was en wat alles deur die ANC-regering gedoen word om dié skandaal toe te smeer – ook deur ons geagte president mnr Jacob Zuma. Nou ja, almal is innocent till proven guilty.

In 2005 is die sogenaamde Travelgate skandaal onthul toe ‘n forensiese verslag 330 Parlementslede (LP’s) (uit ‘n totaal van 400) geidentifiseer het wat onregmatige voordele ontvang het. Van die DA LPs was net een, mnr Craig Morkel, by die skandaal betrokke.

Destyds het die DA 50 setels gehad, wat beteken dat 329 skuldige individue onder die ander 350 LPs getel het. Feitlik die hele ANC parlement elite – ingesluit talle ministers – was skuldig. Dog was minder as 30 ANC LPs vervolg en die in hooggere stoele kon ooreenkomste sluit om vervolging vry te spring.

Die ANC hoofsweep, Mbulelo Goniwe, wat hierdie ooreenkomste agteraf gereël het, was self bevoordeel deur so ‘n “ooreenkoms”. Hy het egter sy werk kort daarna verloor nadat hy skuldig bevind was aan herhaalde seksuele teistering.

Harry Charlton, finansiële hoof van die Parlement, het net begin om verdere reisskandale oop te rakel van R55 miljoen toe daar van hom ontslae geraak is deur nietige aanklaggies…

Sifiso Nkabinde, die ANC voorvegter in Richmont, het nadat hy in die tronk beland het in die negentigerjare weens ‘n uitval met die ANC-leiers in Natal, onthul dat talle top ANC persone betrokke was by baie bankrowe en transito rowe. Sy lewe was daarna kort geknip.

Onderwys het ontspoor

Graeme Bloch, ‘n onderwyskenner, het in sy boek met die titel The Toxic Mix gesê dat die onderwys in Suid-Afrika ontspoor het. Verder het hy gesê dat dit dertig jaar sal neem om dit te herstel indien die regte persone dadelik in beheer geplaas sou word. Dit het nie gebeur nie.

Vir die voorafgaande 5 jaar het die slaagsyfer van die openbare skole elke jaar gedaal met ‘n persentasie punt of twee tot op 60,6% in 2009.

Die groot oorsaak hiervan is te wyte aan die sogenaamde uitkomsgebaseerde onderrigmetode (UGO) ook bekend as die PASS ONE PASS ALL metode wat deur Sadou enkele jare gelede ingevoer is om die een of ander ideologiese rede. Motshekga het aan die begin van verlede jaar (heeltemal te laat vir die 2010 matrieks) aangekondig dat UGO gestaak word.

Basiese vaardighede soos lees, skryf en somme maak was deur die jare agterweë gelaat.

Soos bewys is met Progress in International reading and literacy study (Pirls) geletterdheidstoetse waaraan Suid-Afrika het in 2006 deel geneem het. Uit 40 lande en 45 onderwysstelsels het die Suid-Afrikaanse leerlinge laaste gekom.

Uit navorsing in 2007 waaraan 42 000 graad ses leerlinge uit 2 250 skole in 14 lande deelgeneem het, was getoon dat in Afrika, Suid-Afrikaanse skole die swakste is.

Matrieks neem basies sewe vakke in graad 12. Om matriek te slaag moet ‘n leerling ses vakke deurkom: drie met 40% en drie met 30%. Lewensoriëntering wat een van die 7 vakke is, word intern geëvalueer en is dit derhalwe makliker om 40% daarin te kry.

Dis dan ook opmerklik dat die slaagsyfer in dié vak toegeneem het van 65,5% tot 74,6%. Dit is ‘n styging van 9,1 persentasiepunte.

Wiskunde geletterdheid het met 11,3% van 74,7% tot 86% gestyg en fisiese wetenskap met 11% van 36,8% tot 47,8%. Bostaande stygings is abnormaal hoog en vra om verduideliking.

Prof. Kobus Maree, onderwyskenner van die Universiteit van Pretoria (UP), het aan Beeld gesê daar is nêrens “sistemiese bewyse” van drastiese beter onderwys nie. Hy reken dat die antwoord vir die hoë styging dalk eerder gesoek moet word in vraestelle wat wyd in omloop was en beter afrigting vir die eksamen.

Desnieteenstaande alles, het 33% van verlede jaar se matrieks wat in 7 vakke eksamen geskryf het, nie geslaag nie. Dit is skokkend.

En om te dink dat 90% Afrikaner kinders wat tans in die openbare skole is, deel is van hierdie bestel waar standaarde gestel word sodat ‘mense’ met ‘n IK van 60 ook kan slaag.

Gee ons skole terug!

Ons is vasgevang in en deur hierdie demokratiese bestel en uitgelewer aan die mag van die swartes en verswaktes, rampokkers en ongeletterdes.

Ons moet daaruit kom.

Onderwys is ‘n eie saak en die Afrikaner sal, indien hy sy selfrespek wil herwin en om te kan oorleef in hierdie land, agiteer vir sy eie openbare skole – die model C skole wat ons voorouers met hulle belasting geld opgerig het en in stand gehou het. Dié skole moet onder beheer kom van ‘n selfverkose Onafhanklike Afrikaner Onderwysowerheid wat ook beskerming sal verleen aan tersiêre inrigtings en opleidingsentrums asook tuisskoling en privaatskole soos die BCVO indien hulle dit sou verkies.

Die Afrikanervolk kwalifiseer by uitstek vir minderheidsregte wat wêreldwyd erken word. Ons het ‘n reg en ‘n verantwoordelikheid om ons eie kinders op te voed en te onderrig in skole waar ons kultuur en waardes beskerm sal wees en ook oorgedra word aan die volgende geslag.

Ons eis gehalte moedertaalonderrig vir ons kinders en kleinkinders.

Laat ons wekroep vanjaar wees: Gee ons skole terug!

André Alkema
Voorsitter
Genootskap vir die Handhawing van Afrikaans.

flower bridal headband Данильченко Харьков

Nuwe wetgewing wat landbou raak

TLU SA se Dagbestuur het met kommer kennis geneem van ingrypende wetgewing wat gedurende die vakansietydperk gepubliseer is.

Tydens die laaste Dagbestuursvergadering van 2010 het TLU SA homself op gereedheidsgrondslag geplaas aangesien daar verwag is dat die reeds omstrede sogenaamde Groenskrif op Grondhervorming gepubliseer sou word.

Dit wil nou voorkom of van die knypendste bepalings wat in die uitgelekte Groenskrif bespreek is, in ander wetgewing ingeskryf word. Dit het tot gevolg dat die invloed wat in die Groenskrif beoog is, selfs wyer gevoel sal word aangesien dit in verskeie wette opgeneem word.

In die voorgestelde arbeidswetgewing is daar sekere bepalings wat ingrypend gaan inwerk en op veral landbou van toepassing gaan wees. Die feitlik terselfdertyd gepubliseerde wetgewing oor verblyfsekerheid, hang nou saam met die arbeidswetgewing en is ‘n aantasting van die boer se eiendomsreg.

TLU SA deel die kommer van die groeiende aantal ekonome wat van mening is dat Suid-Afrika se arbeidswetgewing in die pad staan van betekenisvolle investering deur die buiteland. Eweso staan daardie wetgewing, en veral ook die nuwe wysigings, in die pad van noodsaaklike investering in landbou.

Die Verblyfreg konsep bied die potensiaal dat boere nie meer doeltreffend en sinvol op hulle plaas sal kan boer nie. Bowendien is daardie konsep besig om baie verantwoordelikhede van plaaslike owerhede na boere te verplaas.

TLU SA is tans besig om beide wette volledig te ondersoek en ‘n regsmening daaroor te verkry. ‘n Voorlegging sal aan die tersaaklike Portefeuljekomitees v oorgelê word. Intussen wil TLU SA die volgende aspekte as ‘n saak van uiterste dringendheid onder alle kommersiële boere se aandag bring vir moontlike optrede:

· Die gepubliseerde konsepwette, saamgelees met die uitsprake van die ANC-president tydens die ANC se 99-jarige herdenking, is ‘n duidelike teken dat die skroef in die komende jaar op die boere aangedraai gaan word.

· Ten einde maksimale wringkrag op te bou om boere se belange te beskerm, hoort geen boer meer onverskillig te staan teenoor georganiseerde landbou nie, en wil TLU SA ernstig pleit dat onbetrokke boere onmiddellik sal aansluit by georganiseerde landbou. Dit is uiteindelik ‘n belegging met goeie opbrengs.

· Boere moet hulle vergewis dat hulle in lyn is met bestaande arbeidswetgewing, waarvan die belangrikste is om ‘n behoorlike dienskontrak met elke werker in plek te hê, asook ‘n dissiplinêre kode.

· Boere moet dringend ondersoek na alternatiewe verblyfmoontlikhede vir hulle werkers, wat ook en veral voordelig vir werkers sal wees in terme van beskikbaarheid van klinieke, skole en begraafplase en ander dienste.

play clue classic

Arresteer Winnie!

“Me. Winnie Madikizela-Mandela behoort dadelik gearresteer te word vir dwarsboming van die gereg. Haar optrede getuig van minagting teenoor wetstoepassing en skep die indruk dat sy verhewe is bo die reg. Sou enige ander lid van die publiek so opgetree het, sou die lid summier gearresteer gewees het. As lid van die Parlement (LP) moet sy ‘n voorbeeld stel, maar haar gedrag is ‘n verleentheid vir ander parlementslede. Die Vryheidsfront Plus gaan die minister van Polisie, mnr. Nathi Mthethwa, vra vir ‘n ondersoek na die aangeleentheid,” sê Pieter Groenewald (LP) en hoofwoordvoerder van Polisie vir die Vryheidsfront Plus.

“Die optrede van Gauteng se provinsiale kommissaris, lt.genl. Mzwandile Petros, getuig van bevoordeling en bevoorregting teenoor Winnie Madikizela-Mandela. Hy is veronderstel om sy lede te beskerm, maar sê hulle moet verskoning gaan vra. Dit plaas ‘n vraagteken oor sy integriteit as kommissaris in Gauteng. Ons sal ook vra dat dit ondersoek word,” het Groenewald gesê.

Plaasmoorde – Een swaeltjie bring geen somer

“Suid-Afrika kan nie bekostig om een boer te verloor nie.”

So het die minister van Landbou, Tina Joemat-Pettersson tydens ‘n besoek aan ‘n Vrystaatse nuwelingboer gesê. Sy het voorts daarop gewys dat boere in effek weens die gevare waaraan hulle blootgestel is, uit die land vlug.

Plaasaanvalle is egter nie rasgemotiveerd nie, aldus die minister.

In teenstelling hiermee oorhandig Praag vandag ‘n brief aan verskillende afdelings van die Suid-Afrikaanse regspleging om daarop aan te dring dat aanhitsing tot volksmoord soos die volkereg en die plaaslike wetgewing bepaal, ook as volksmoord hanteer moet word.

Aan die bod is die ANC se appèl teen die verbod, as haatspraak, van die liedjie “Maak dood die boere.”

Die minister is reg as sy meen die afgesonderdheid van boere dra by tot die aanvalle op hulle. ‘n Mens kan hier byvoeg persepsies van wapens en geld wat die boere in hul opstalle sou aanhou.

Dit sal haar egter ook loon om kennis te neem dat haar eie party appèl aanteken teen die verbod op die sing van die liedjie, “Maak dood die boere.” Dit sal haar ook loon dat van haar kabinetskollegas hulle al aan uitlatings skuldig gemaak het oor boere wat hul werkers nie net swak behandel nie, maar ook mishandel. Iets wat die georganiseerde landbou ontken, en tevergeefs op bewyse van spesifieke voorbeelde wag. Trouens, ‘n paar ondersoeke deur die regering, sommiges peperduur, het dadels opgelewer.

Maar steeds kom hierdie uitsprake, wat in effek die boere vrybuit van plaasaanvallers maak.

Benewens die grootlikse afwesigheid van praktiese en doeltreffende meganismes om die land se landbouers te beskerm, hoekom so uiters selde plaasaanvalle, en selfs plaasmoorde te veroordeel? Wat het die meeste impak: Anti-boer-retoriek deur ministers en ander hooggeplaastes, of die seldsame veroordeling van plaasaanvallers? Een swaeltjie maak nie ‘n somer nie.

‘n Konsekwente duidelike boodskap gerugsteun deur praktiese stappe wat sal verseker dat nie net plaasmoordenaars nie, maar ook ander plaasaanvallers gevang word en aan die pen ry, is wat die land nodig het.

how to get Фільчаков прокурор

Onderskeid tussen staat, regering, meerderheidsparty en kerk

Dr. Pieter Mulder tref in ‘n brief in Beeld (10 Januarie 2011) ‘n sinvolle onderskeiding tussen die SA-staat en regerende party. Vir Mulder is dit ongewens dat die jeugleier Malema by staatskole bekers uitdeel, so asof hy ‘n staatlike funksie beklee.

Mulder se onderskeid moet breër uitgewerk word. Daar moet onderskei word tussen staat, regering-van-die-dag, regerende party teenoor instellinge van die burgerlike samelewing (soos bv. ‘n godsdiensinstelling).

Die SA-staat word deur staatswetenskaplikes getipeer as ‘n grondwetlike/konstitusionele staat. Hiervolgens is die Handves van Regte (Hoofstuk 2) voorskriftelik en bepalend vir die staat self, vir die regering-van-die-dag, vir die regerende party en ook vir instellinge van die burgerlike samelewing.

Die aard en inhoud van die SA-staat word deur die inhoud van die Grondwet (1996) bepaal. Die dilemma is dat nie net die ANC (die meerderheidsparty) nie, maar ook die VF+, die DA of selfs die SA Kommunisteparty die land in terme van dieselfde grondwet kan regeer. Hoe so? Dit is omdat Hoofstuk 2 van die Grondwet ‘n “beperking van regte”-klousule bevat. Dit beteken dat ‘n reg in die Handves van Regte kragtens ‘n algemeen geldende regsvoorskrif beperk kan word, mits die beperking redelik en regverdigbaar is in ‘n oop en demokratiese samelewing. By naderende ondersoek blyk dit dat ‘n bepaling in die Handves deur ‘n wet van die Parlement beperk word. Dit is ook so dat ‘n instelling van die burgerlike samelewing die Handves binne ‘n eie dogmatiese raamwerk eiesoortig kan vertolk.

Die regering-van-die-dag (in hierdie geval die ANC wat die president en kabinet aanstel) gebruik artikel 36 van die Grondwet om ieder en elke artikel van die grondwet te interpreteer en wel binne sy eie ideologiese raamwerk.

‘n Voorbeeld: artikel 11 van die Handves lees “elkeen het ‘n reg op lewe”. Die ANC interpreteer die artikel sodanig dat die doodstraf daarmee afgeskaf, maar aborsie by wyse van wetgewing gewettig word.

Sou die VF+ aan bewind kom is dit goedskiks moontlik dat, in terme van die beperking-van-regte-bepaling, artikel 11 so geïnterpreteer sal word dat aborsie onwettig is (want lewe onstaan by konsepsie) en dat die doodstraf ingebring word (want, volgens die regstaat mag die staat die swaardmag gebruik om lewe te beskerm).

Ook ‘n godsdiensinstelling sou kon redeneer dat die reg-op-lewe-artikel aborsie onwettig maak en dat die doodstraf binne die konteks van ‘n bepaalde Heilige Geskrif regverdigbaar is.

Die regering-van-die-dag regeer ingevolge sy eie interpretasie van die grondwet, maar is nie gelyk aan die staat nie. Insgelyks sou ‘n godsdiensinstelling kon redeneer dat hy die grondwet, binne die konteks van sy Heilige Geskrif, anders lees en verstaan. Vandaar die behoefte van Godsdiensinstellinge om ‘n akte vir die bevordering en beskerming van die reg op godsdiens te formuleer – soos onlangs gebeur het.

‘n Ander voorbeeld is die Handves se omskrywing van die reg op gelykheid (artikel 9). Voorstanders van die liberale standpunt maak nogal veel van die nominale gelykheid tussen die geslagte. ‘n Godsdiensinstelling sou artikel 9 anders kon interpreteer. Gelyke beregtiging van man en vrou beteken nie dat man en vrou geskik en toeganklik vir alle ampte is nie. In so ‘n geval is daar sprake van gedifferensieerde gelykheid van die ampte binne verskillende kontekste. Nog belangriker: die grondwet [a. 9(2)] bepaal dat spesiale maatreëls getref mag word wat ontwerp is “vir die beskerming en ontwikkeling van persone of kategorieë van persone wat deur onbillike diskriminasie benadeel is”. Vir die ANC het die “affirmative action”-klousule op die Swartes betrekking. Klaarblyklik vir tyd en ewigheid, omdat daar nie ‘n tydsbeperking daaraan gekoppel is nie. ‘n Godsdiensinstelling of party soos die VF+, wat ingestel is op barmhartigheidsdienste, sien artikel 9(2) waarskynlik as ‘n artikel wat die owerheid onder plig plaas om alle agtergeblewe gemeenskappe binne alle kontekste op te hef.

Die regerende party is ook nie die owerheid/regering nie, omdat die owerheid ‘n eie struktuur en funksies het. Die regering-van-die-dag regeer in die algemene (publieke) belang en nie in die belang van die ANC nie. Alhoewel die ANC as politieke entiteit sekere ekstreme bepalinge in die Freedom Charter ingesluit het, het hulle as regering-van-die-dag (nog) nie elke letter en bepaling van die Freedom Charter deurgevoer nie. Eenvoudig omdat dit ‘n rewolusie sal ontketen.

Die onderskeid tussen meerderheidsparty en die owerheid-van-die-dag moet dus gehandhaaf word. Derhalwe het ‘n funksionaris van die regerende party, soos Malema, nie sonder meer funksies binne die owerheidsektor en staat nie.

Die ANC maak hierdie onderskeide moeilik, omdat die ANC fundamenteel ‘n magstaat nastreef, ingevolge waarvan die grense tussen staat, regering en party stelselmatig uitgewis word.

Dr. Mulder is dus reg dat die vermenging van staat, party en etnisiteit, soos hy dit stel, “van die grootste probleme (is) wat demokrasie in Afrika laat misluk”. Wat ‘n godsdiensinstelling moet doen – soos in die godsdiensakte verwoord is – en wat ‘n party soos die VF+ behoort te doen is om sy interpretasie van die Grondwet kundig te maak en sinvol met die ANC-standpunt te kontrasteer.

велосипед детские