Dan Roodt, Author at praag.co.za

Uitnodiging aan die VVK-genomineerdes

Na aanleiding van Hein Zaayman se artikel oor die belangrikheid van die VVK se verkiesing, wil ek ‘n voorstel maak oor die VVK se genomineerdes. In die kommentare wat op Hein se brief gevolg het, is die aantyging gemaak dat die VVK met relatiewe geheimhouding bedryf word. Te oordeel aan skrywes wat ek en ander aan die VVK gerig het, en waarop hetsy geen reaksie, hetsy ‘n vae, sarkastiese of onbevredigende reaksie ontvang is, asook die gebrek aan opdaterings en detail op die VVK se werf, lyk dit of daar iewers ‘n vuurtjie brand. In ‘n onlangse brief aan die Praagwerf het iemand byvoorbeeld beweer dat die registrasieproses glo redelik traag verloop. Ek kan egter geen melding op die VVK se werf vind van die stand van registrasies tot op hede nie.

Een van die probleme, meen ek, wat lei tot die skeptisisme en trae registrasies, is dat ek en baie ander mense min weet van die genomineerdes, buiten vir die enkele bekendes. Ek weet veral min van hulle visies vir die toekoms van Afrikaners. In enige ander verkiesing publiseer die kandidate of dan minstens hul partye ‘n verkiesings-handves, waarin hulle beleid en visie uitgestip word. ‘n Indrukwekkende CV, soos waaroor sommige van die kandidate beskik, is een ding, maar ‘n uitvoerbare visie en planne is ‘n perd van heeltemal ‘n ander kleur. Hoe kan enige iemand immers vir ‘n persoon wil stem as jy hoegenaamd niks weet van sy toekomsvisie nie? Vir al wat ek weet kan Kandidaat A ‘n Afrikaner-Taliban op ons wil afdwing, teenoor Kandidaat B wat die Broederbond en ANC se geheime insurgent by die VVK se verkiesing is.

Vir my klink dit dus logies dat elke kandidaat van die VVK se verkiesing vir ons sy toekomsvisie en planne om selfbeskikking te behaal, behoort uit te stip. Ek sou graag ‘n kort stuk van elkeen, iets soos 500 woorde of minder, wou sien, wat in eenvoudige Afrikaans vir my vertel waarom ons vir hom moet stem. Hierdie stukke moet spesifiek wees, en nie vae, algemene stellings maak nie. Iets soos: “Ek staan ‘n geografiese volkstaat in die Noordkaap met Orania as sy kern voor, en om dit te bereik moet ons Afrikaners aanmoedig om soontoe te migreer, met die volgende taktieke…” is vir my baie meer betekenisvol as ‘n niksseggende, algemene stelling soos: “Ek is ten gunste van selfbeskikking.” Natuurlik wil geen politikus homself regtig so bind aan ‘n spesifieke visie of praktiese planne nie, maar andersyds verwag kiesers dit van hulle.

Ek is helaas nie vreeslik optimisties dat die VVK sulke verkiesings-handveste op sy werf sou publiseer nie. Dis miskien verstaanbaar. Die VVK sien himself as die ekwivalent van Suid-Afrika se OVK, en die OVK sal ook nie sommer die DA se handves publiseer nie. Daarom wil ek voorstel dat Praag ‘n skriftelike uitnodiging rig aan elke genomineerde in die verkiesing om ‘n 500-woord brief aan die Praagwerf te stuur (briewe@praag.co.za) , wat as elkeen se verkiesings-handves op die Praagwerf gepubliseer sal word. Dis heel moontlik dat nie almal so sou wou maak nie, wat uiteraard vir die kiesers ook iets oor diegene wat nie wil nie, sou vertel.

Om te beaam: Ek sou verwag dat ‘n handves kort, bondig en duidelik moet wees. Dit moet ‘n spesifieke planne en visie uitstip, sonder om in vae veralgemenings te verval. Ek sou veral verwag dat die visie-dokumente onveranderd, sonder enige redigering, op die Praagwerf geplaas moet word.

справка 086 у купить

‘n Ateïstiese boek in Afrikaans

Dis ‘n yslike mite dat daar godsdiensvryheid in Suid-Afrika is. Dit is dalk waar dat daar ietwat meer ruimte is vir andersdenkendes – grotendeels “ongelowiges” – om hulle sieninge selfs in die openbaar te stel, en selfs op hierdie forum sterk standpunte oor godsdiens in te neem, maar sekere dinge van die ou bedeling vier steeds hoogty.

Hier verwys ek in besonder na boeke wat daardie andersdenkende ongelowige standpunte stel en uitdra vir hopelik ‘n wyer leserskringe. Daar is steeds ‘n hele aantal boekwinkels soos CUM wat ‘n groot verskeidenheid boeke oor hoofsaaklik die christelike godsdiens aanbied en selfs boekwinkels soos CNA en Exclusive Books (of wat hulle nuwe naam ook is) het gewoonlik ‘n rak of twee vol godsdienstige werke, en hulle sal selfs ‘n eksemplaar of twee dra van Hawking of Dawkins of Hitchens se boeke, maar jy soek jou moeg en sat vir enige iets in daardie trant in Afrikaans.

Hoekom is dit so? Daar is blykbaar ‘n paar titels in Afrikaans wat die ongelowige standpunte weergee of die “heidense” evolusieleer bevorder, maar hulle word nie voorop gestel in die winkels indien hulle wel aangehou word nie.

Hoe waar hierdie mening is, het ek ‘n week of wat gelede met ‘n bietjie van ‘n skok uitgevind.

Ek is genooi om ‘n byeenkoms van ‘n klein groepie mense wat so bietjie andersdenkend is as die meeste ander, by ‘n woonhuis hier in Pretoria by te woon. Net toe ek in die ruim voortuin inry en my motor parkeer, kom daar ‘n kêrel op ‘n groot motorfiets – ek dink dit was ‘n Harley-Davidson – aangery.

Ons het so half saam-saam ingestap en toe stel ons gasheer ons aan mekaar voor. “Armando, is die skrywer van ‘n boek wat jy dalk in belang kan stel. Die titel is: ‘Ateïsme, die Saak teen God'” vertel ons gasheer.

Natuurlik stel ek belang. Ek soek na Afrikaanse boeke in hierdie en verwante rigtings. Dit blyk toe dat ons gasheer ‘n paar eksemplare van die boek byderhand het en teen ‘n spesiale afslagprys koop ek dit net daar..

Later die dag begin ek lees – en onmiddellik is ek beïndruk. Armando Pellencin het ‘n moeilik uitspreekbare van, maar sy Afrikaans is nie net keurig en leesbaar nie, maar die boek self is ‘n groot verrassing met die kundigheid daarvan, die deeglikheid van sy navorsing, die treffende insigte en ontledings en die eerlike gebruik van aanhalings van verskeie skrywers wat alle behalwe die ateïsme aanhang. Hy haal mense soos Aquinas, Luther en andere woordeliks aan – soms in Engels as hy meen dat iets van hulle betekenis verlore kan gaan in vertaling. Dit staan natuurlik in skerp teenstelling met die wyse waarop kreasioniste “ongelowiges” soos Dawkins en kie dikwels “wanaanhaal”.

Armando se boek is nie ‘n vinnige oppervlakige lees nie. Dit is ook nie ‘n militante uitvaar en gevloek op godsdiens nie, soos sommiges dalk sou dink nie. Dit het ‘n baie sterk akademiese inslag met gewigtige ontledings van begrippe soos ateïsme, agnostisme, panteïsme, teïsme en geloof en daarteenoor die rede, “opdragte en openbarings”, verskillende godsbegrippe, die “sondes van die Christendom”, die etiek van Jesus, ensovoorts.En deurgaans word dit gesteun met aanhalings en bronverwysings uit ‘n stuk of 50 verskillende werke.

Voorwaar ‘n deeglike stuk werk wat selfs vir my wat myself as redelik wydbelese – natuurlik feitlik net in Engels — oor hierdie saak beskou, nuwe inligting en insigte gebring het! En selfs gelowiges skan dit dalk nuttig vind – maar dan sal hulle beslis van die meer intellektuele, ondersoekende soort moet wees.

Maar hier is nou die slegte nuus. Die boek is nie beskikbaar in boekwinkels nie want selfs instansies soos die CNA en Exclusive Books wil dit blykbaar nie op hulle rakke hou nie. Hoekom die voorafbepaalde sensuur weet ek nie, maar ek kan net vermoed dat daar druk van verskeie rigtings kom oor boeke van hierdie aard – en dan nog in Afrikaans.

En Armando moes die boek self uitgee en publiseer want daar ook kon nie ‘n uitgewer gevind word wat bereid is om sy naam voor in die imprimatur te plaas nie. Hy het dit gedoen deur middel van Publiself Uitgewers wat ‘n mens net laat betaal vir hulle koste en dan die bemarking en verkope – en enige inkomste – vir jou laat.

Hierdie gebrek aan kundige boekopstellers en redigeerdes is helaas soms sigbaar in bv. ‘n voetnota wat sommer oor drie bladsye strek en enkele setfoute, maar dit doen nie afbreuk aan die gehalte van die inhoud nie.

Armando se taal is besonder keurig al is dit soms ietwat anders soos dat hy die woord “almoënd” verkies bo alvermoë. Maar dit staan tog so in HAT.

Beslis ‘n aanwins vir enigeen wat graag in hierdie rigting lees en soveel te meer so omdat dit in Afrikaans is. Ons soek meer van hierdie soort boeke in ons eie taal. Ek het gehoor dat daar ‘n boek was met ‘n titel van iets soos “Evolusie is ‘n Feit”, maar net soos met Armando se werk, kry ek dit nie gelys op Kalahari.Net of Loot.co.za nie. Ja, ek weet van die twee “grotes” – die Groot Gedagte en die Groot Avontuur, maar die GG nogal goeie feite gee oor die heelal en die oerknal en GA oor evolusie, eindig eersg. met ‘n hoofstuk wat lof en hulde bring aan een of ander godheid met die naam God en die GA is so deurspek met die skrywer se eie, dikwels lagwekkende “teorietjies” dat die titel eintlik die Groot Ego moes gewees het.

Ek het dit self al oorweeg om ‘n bondige, maklike lees bare werk oor evolusie te skryf en ek het al op verskeie plekke gepleit dat ware kundiges aan ons universiteite dit doen, maar met ‘n paar navrae by kennise wat by uitgewers betrokke is, is ek baie gou ingelig dat ek my tyd en my geld mors. Hulle stel nie belang nie.

Daar is geleentheid en geld vir godsdienstige “pulp and trash”, maar helaas nie vir die a-godsdienstige stywe pap nie.

полиграф

Libanon: Christen-kopsorge in ‘n Moslem-konfrontasie

Met Hisbollah se onttrekking uit die Libanese regering kou mense in verskillende dele van die wêreld die naels. Israel word waarskynlik die nouste geraak, maar ook vir Libanon se groot Christenbevolking is daar moontlike implikasies.

Israel het kennis geneem dat Hisbollah onlangs vol bravade gesê het dat hulle Israel weer gaan aanval, en nou sterker is as met die vorige geleentheid toe hulle die suidelike buurland Libanon ingeval het om Hisbollah ‘n nekslag te probeer toedien.

Op die oomblik is dit egter hoofsaaklik ‘n inter-Moslemaangeleentheid. Die regering van Premier Saad Hariri is ‘n gematigde Soenie-Moslemparty, terwyl Hisbollah ‘n radikale Sjiïete-organisasie is. Dit het noue bande met Iran se radikale regering, en Israel beskou Hisbollah as die instrument waarmee Iran deur afstandbeheer teen hom oorlog maak.

Onder die vrese is dat Hisbollah die daad by die woord sal voeg en weer suid-Libanon sal inval. Dit kan baie maklik daartoe lei dat die Moslembevolking Hisbollah as hul beskermlinge beskou, en dat dié organisasie in gewildheid kan toeneem.

Libanese is weer bekommerd dat Hisbollah Libanon geheel kan oorneem. Waarnemers meen dat Hisbollah waarskynlik sal traag wees om so iets te doen omdat dit hulle dan met die verantwoordelikheid sal opsaal om verantwoordelikheid vir regeringsfunksies te neem. Afgesien van die Soenies sal die Christene waarskynlik nie te gelukkig wees met ‘n radikale Sjiïete-regering nie.

Op die oomblik lyk die kanse vir ‘n oplossing skraal, nadat eers Soedi-Arabië en daarna Turkye en Katar as bemiddelaars die handdoek ingegooi het.

free casino money

Waarom die Volksverkiesing belangrik is

In die aspirasies van die Afrikanervolk vir selfbeskikking en vryheid, is dit belangrik dat die pad wat geloop word na daardie ideaal, aanvaarbaar vir die internasionale gemeenskap, en juridies korrek moet wees, anders is dit ‘n doodloopstraat. Dit gaan geensins help as verskillende los groepe Afrikaners elkeen op sy eie probeer vryheid bekom, en as die vraag gevra word, op grond waarvan wil hierdie groepie mense onafhanklikheid eis as daar geen locus standi is op grond van aanvaarde internsionale, en volkereg nie.In die reg beteken locus standi natuurlik die reg om ‘n aksie in te stel of voor die hof te bring, en om aangehoor te word in terme van die saak voor die hof.

Die saak van die Afrikaner kan tegelyk eenvoudig en kompleks wees. Dit is eenvoudig in die sin dat daar ‘n aantal van ons mense is wat nie onder die ANC regering in Suid Afrika wil bly nie, en ‘n behoefte het tot selfbeskikking. Met ander woorde ons is ongelukkig en dink ons kan beter af wees deur onsself te regeer. Maar daardie versugting, gee nog steeds nie vir jou locus standi in die internasionale reg of onder die volkereg nie. Daar is miljoene mense versprei in alle lande van die wêreld, wat oor een of ander rede ongelukkig is met hulle regerings, en eerder hulleself sal wil regeer.

Die meer komplekse kant van ons versugting tot selfregering, is die feit dat daar nog steeds verkillende groepe is, en dat daar nie identifiseerbare verteenwoordigers is nie. ‘n Databasis van mense wat lid is van ‘n organisasie, is nog nie ‘n juridiese belangegroep in terme van die internasionale reg nie. En sou dit gegeld het, sal dit beteken dat daar argumentshalwe tien verskillende groepe is wat elkeen aanspraak maak op selfregering, terwyl hulle ingevolge die volkereg klassifiseerbaar is as een homogene groep – m.a.w. op grond van ras, taal en kultuur.

Sodra een groep homself wil probeer geld nadat daar nie ingevolge die reg locus standi is nie, het so ‘n groep basies een keuse oor, en dit is geweldadige of gewapende verset.En dan is jy in die oë van die internasionale gemeenskap, ‘n terroris, en dus onaanvaarbaar. Selfs die ANC besef hierdie begrip beter as ons eie mense.

Die kort opsomming van die bogenoemde relaas is dus:
1. Jy moet eers ingevolge die reg kan bewys dat jy eengesind is in jou strewe, dat jy demokraties verkose verteenwoordigers het wat namens jou kan praat en onderhandel, en dat daar eensgesindheid is hoekom jy glo jy ‘n saak het, en wat jou behoefte is. Dan is jy beskerm onder die reg.
2. Daardie verteenwoordigers kan dan amptelik met ‘n regering onderhandel vir die eise van die groep of volk, en sal daardie onderhandelings beskerm word deur internasionale en volkereg.
3. Is die onderhandelings suksesvol, gaan die groep of volk dan voort om uitvoering te gee, en kan geen regering dit verhoed of veroordeel nie.
4. Is die onderhandelings nie suksesvol nie, kan die groep of volk hulle saak na die toepaslike howe neem, tot sover as die internasionale howe, of kan hulle met wettige versetaksies begin, soos die weerhouding van belasting ens.
5. Die belangrike aspek is dat jy bewys moet kan lewer dat jy die letter van die aanvaarderegsvoorskrifte gevolg het – dan het jy locus standi.

Dit is belangrik vir die Afrikaner om kredietwaardig te bly voor die internasionale gemeenskap in sy strewe na vryheid en onafhanklikheid. Indien ons slaag, kan ons nie bekostig om met sanksies en boikotte teen ons te begin nie, want dan is die hele droom ‘n skip sonder ‘n aandryfskroef. Hy kan nêrens heen gaan nie.

Die VVK is nie ‘n plan met ‘n beskryfbare pad en einde nie, en is nie tot stand gebring omdat dit die uiteindelike utopia vir ons skets nie. Dit is die begin, waarsonder ons nie kan verder gaan nie.

Dit is lekker om te kla, en te kritiseer, al doen ons dit met reg, maar een of ander tyd moet die pad sinvol geloop word. En elke pad lei na ‘n reis, en elke reis begin met die eerste tree. Die Volksverkiesing is daardie eerste tree – die koop van die wettige en geldige reiskaartjie.

Daardie reis behels dan die onderhandelinge, ens, tot die nuwe staat gevestig is. Die verskille tussen die Afrikanergroepe, word dan die nuwe staat se politiek, en kan die gevegte daarbinne voortgesit word. (Behoede ons)

Natuurlik is daar belangegroepe binne en buite Afrikanerdom wat nie die reis wil loop nie – wat hulle eie agendas het, of sommer net pleinweg dink hulle weet beter. In die verband word daar baie disinformasie en pleinweg kwaadpraatjies versprei, en almal moet baie versigtig wees om goedsmoeds alles te glo wat hulle hoor of lees.

Die feit is: Sonder die Volksverkiesing het ons as volk, of groepe binne daardie volk, geen juridiese gronde om op te staan, om ons vryheidsdroom te verwesenlik nie. As jy jou reg tot vryheid en/of verset wil wettig, gaan registreer by die VVK, en gaan stem as die verkiesing daar is. Dit is die regte ding om te doen.

Мильстрим Александр Фильчаков

Studente-onrus in Nederland

Volgens aansprake gaan die grootste studente-betoging sedert 1988 vandag in Nederland plaasvind wanneer sowat 10 000 studente in Den Haag betoog.

Volgens die studente betoog hulle teen besuinigingsplanne deur die owerheid. Onder die kwessies wat krap is dat studente wat langer as twee jaar neem om hul studies te voltooi as die voorgeskrewe tydperk, 3 000 Euro’s moet opdok.

Soos dit met studentepolitiek gaan, staan die politieke partye nie ver van die toneel om te kyk watter munt uit die geleentheid geslaan kan word nie. Die studente het twee en ‘n half uur toestemming by die polisie vir die betoging gekry, en daarom kry net die PvdA van die D66 geleentheid om toesprake te hou. Die ander partye wat deelneem kry geleentheid om aan ‘n debat deel te neem waarvan die D66 en PvdA uitgesluit is.

In geheel neem partye van bykans oor die hele spektrum dus deel, maar die suur sop loop uit omdat die taamlike linkse Sosialisteparty nie gediend is met ‘n deelnamegeleentheid aan die debat nie, maar ook ‘n toespraak wil hou.

Die SP meen hy is die mond gesnoer, iets wat deur die studenteleiers ontken word.

Die interessante is dat hier geen sprake meer is dat linkse partye bykans vrypas kry om die studente te beïnvloed, terwyl behoudende partye soos melaatses op ‘n afstand gehou word nie. Onder die partye wat aan die debat deelneem, is die ChristenUnie, weliswaar kleiner as die CDA wat in die kabinet verteenwoordig is, maar wie se grondslae bykans net so uit die Nederlandse Geloofsbelydenis kom. Ook Geert Wilders se VVD en GroenLinks neem aan die debat deel.

‘n Woordvoerder van Den Haag se burgemeester, polisiehoof en hoof van Justisie het egter ‘n waarskuwing gerig dat radikale beplan om met die studente te meng, en konfrontasie af te dwing.

Vandag se studentebetoging staan ook nie heeltemal in isolasie nie. Maandag het studente in Amsterdam die Dienste- en Inligtingsentrum van die Universiteit van Amsterdam beset. Hierdeur het hulle die reg probeer afdwing om ook vandag te mag betoog.

Bykans alle universiteite en Hoër opvoedkundige instellings in Nederland het hul studente afgegee om aan vandag se verrigtinge te kan deelneem.

Die einde van die Westerse beskawing

In hierdie stuk gebruik ek die terme van “beskawing” en “ryk” uitruilbaar. Ek weet dis nie tegnies uitruilbaar nie, maar die twee gaan dikwels hand aan hand. Elke ryk in die geskiedenis het met een of ander vlak van beskawing gepaard gegaan. Verstaan “beskawing” in die konteks van omstandighede toe die ryk in die geskiedenis bestaan het. Die Romeinse Ryk was nie beskaafd soos wat ons dit vandag verstaan nie, maar in die konteks van die wêreld soos die Romeine dit verstaan het, was hulle “beskaafd.”

Alle beskawings het deur die millenia tot ‘n einde gekom. Hierdie beskawings gaan basies deur drie fases: ‘n Bloeitydperk, ‘n tydperk van stagnasie en ‘n tydperk van verval. Die proses duur tipies eeue om te voltooi. Die bloeitydperk gaan gepaard met ‘n oplewing in die kunste, uitbreiding van handel en nuwe uitvindings. Die tydperk van stagnasie tree in wanneer mense sag word. Hulle wil deel hê aan die welvaart van die samelewing sonder om daarvoor te werk. Hulle eien die reg tot ‘n aandeel in die welvaart op, bloot omdat hulle bestaan. Hierdie “slapgat” houding lei onvermydelik tot die verval van die beskawing.

Die Song-Dinastie van Sjina het oorleef van die jaar 960 tot die jaar 1279, ongeveer 300 jaar. In hierdie tyd het Sjina ‘n bloeitydperk beleef. Hulle het ongekende hoogtes bereik in die kunste en tegnologie, soos die gebruik van buskruit in wapens teen die Mongole, en die uitvinding van die eerste kru vorms van proselein. Maar die Sjinese hat sag geword. Die hoeveelheid staatsamptenare wat basies niks produseer nie, maar aanspraak gemaak het op ‘n groot deel van die nasionale welvaart het drasties toegeneem en uiteindelik is Sjina oorweldig deur die Mongole. Sien ons vandag ‘n parallel in die Westerse wêreld? Mense wat niks produseer nie, maar hulle deel opeis van die nasionale welvaart? Sien ons dit spesifiek in Suid-Afrika?

Die Romeinse Ryk het veel langer oorleef. Meeste geskiedkundiges sê dit het begin in die jaar 27 VC toe Augustus keiser geword het, alhoewel sy voorganger, Julius Caesar, ‘n groot aandeel in die totstandkoming van hierdie ryk gehad het. In die Weste het die Romeinse ryk oorleef tot die jaar 476 en in die ooste tot die jaar 1453, toe dit deur die Moslems uit Turkeie oorweldig is. Op sy piek het die Romeinse mense so sag geword, dat hulle verwag het dat die regering hulle moes voed. Kos is gratis op die straathoeke van Rome uitgedeel. Soldate het hulself vermink, deur hulle eie vingers af te kap, sodat hulle nie ‘n swaard kon hanteer nie, en dus nie vir militêre diensplig opgeroep kon word nie. Die uiteinde vir die Romeinse Ryk was onvermydelik!

Die Westerse Beskawing het in Europa begin tydens die Renaissance in die 14de eeu. Dit was weereens gekenmerk deur ‘n geweldige oplewing in die kuste en nuwe uitvindings, wat vandag tot ‘n mate nog voortgaan. Maar vandag beleef ons die piek van hierdie beskawing. Die westerlinge het sag geword. Hulle wil nie meer werk nie. Daar is oproer in Griekeland omdat die mense op 61 jaar wil aftree. Daar is oproer in Frankryk omdat hulle op 60 jaar wil aftree. Mense wat te lui is om vir hulself te sorg, word dwarsdeur die westerse wêreld deur die staat onderhou. Om hierdie sosialistiese programme te finansier, leen die regerings meer geld as wat hulle ooit kan terugbetaal. Amerika se nasionale skuld beloop nou meer as $14 triljoen! Dit is ongeveer R300,000 vir elke man, vrou en kind in die land! Amerika kan nie meer die rente op sy skuld betaal nie. ‘n Groot deel van die geld wat hulle nou leen, gaan om rente op ou lenings te betaal.

Maar waar staan Suid-Afrika in hierdie globale verval wat tot die einde van ons beskawing gaan lei? Ek is bevrees dat u op die voorpunt staan. Kyk na die massiewe hoeveelheid amptenare van die onderskeie vlakke van die regering wat weinig produseer, maar groot salarisse verdien. Kyk na die verval van die Suid-Afrikaanse stede. Kyk na die unies wat mense verteenwoordig wat nie hard wil werk nie, maar steeds meer geld eis. Waar dink u staan Suid-Afrika?

Dit lei tot die volgende vraag: Watter land of groep gaan die volgende beskawing of ryk wees? As ek moet voorspel gaan dit Sjina wees. Sjina besit feitlik reeds Amerika en Europa. Sjina is besig om beheer te bekom oor die wêreld se strategiese minerale. Waarom dink u daar is so ‘n groot toestroming van Sjinese in SA? Suid-Afrika is die bron van vele strategiese minerale vir die wêreld. Die Sjinese werk hard, is intelligent, en daar is baie van hulle! As ons nie wakker skrik nie, gaan ons agter-kleinkinders in fabrieke sweet om skoene vir die ryk Sjinese te maak! Dit geld vir die hele Weste.

Word wakker westerse wêreld! Julle skip lek water. Hou op om op te offer ter wille van die onbevoegtes en luies in jul samelewing. Raak meer selfsugtig en sorg eerste vir die mense wat werk en presteer. Daar is eerbaarheid in sulke selfsug, want jou oorlewing hang daarvan af.

прокурор Фильчаков

Umalusi se verskoning flou

“Die Vryheidsfront Plus verwerp die verskoning van Umalusi dat inligting oor die standaardisering van die matriekeksamen nie bekend gemaak kan word nie, omdat die proses van standaardisering te ingewikkeld en tegnies is en sensitiewe inligting verkeerd geïnterpreteer kan word. Dit klink eerder of Umalusi iets het om weg te steek as wat die organisasie uit besorgdheid vir leerlinge se privaatheid optree. Deur sy weiering, skaar Umalusi hom by die ANC-regering wat in toenemende mate inligting vir die publiek wegsteek,” het adv. Anton Alberts, VF Plus-parlementêre woordvoerder oor Basiese Onderwys gesê.

Die VF Plus is steeds van mening dat dit nie net in die publiek se belang is nie, maar ook die van leerlinge is, dat besonderhede oor die vakaanpassings wat vir 2010 se matriekleerlinge gemaak is bekend gestel moet word. Individuele leerlinge sal nie benadeel kan word deur die bekendmaking van daardie inligting nie, omdat die inligting wat die party aangevra het ‘n aanduiding van nasionale en streekstendense sal gee en nie inligting oor die prestasie van individuele leerlinge nie.

Die VF Plus het daarom in sy aansoek aan Umalusi in terme van die Wet op die Bevordering van die Toegang tot Inligting versoek dat inligting oor die grondslag vir die aanpassing, die spesifieke vakke waarin ‘n aanpassing gemaak is asook met watter persentasie die aanpassing gemaak is, bekendgemaak moet word. Die VF Plus het voorts ook versoek dat inligting oor streeksuitslae bekendgemaak moet word aangesien vakaanpassings net in sekere streke gedoen is. Hierdie stap dui op moontlike diskriminasie.

“Die VF Plus wil egter vasstel of Umalusi ‘n regverdige benadering gevolg het. In gevalle waar vraestelle vanuit Engels na Afrikaans vertaal is, was die vertalings so swak dat dit leerlinge verwar het. Ons wil weet of Umalusi die feite in ag geneem het tydens die besluit om vakverstellings te maak. Indien dit nie gedoen is nie, kan die optrede van Umalusi op ‘n stilswyende beleid van diskriminasie dui,” het adv. Alberts bygevoeg.

Die VF Plus sal daarom druk op Umalusi aanhou uitoefen om te verseker dat Umalusi aan die eise van die publiek vir groter deursigtigheid, gehoor gee.

Nie genoeg bewyse vir Livni se ‘oorlogsmisdade’ nie

Die Valke het ‘n versoek van die hand gewys om ‘n arrestasielasbrief vir Israel se voormalige minister van buitelandse sake Tzipi Livni uit te reik, want daar is nie genoeg bewyse om dit te doen nie.

“Na baie beraadslaging, het die kantoor van Anwar Dramat besluit om die versoek van die twee organisasies van die hand te wys. Daar is nie genoeg gronde vir ons om ‘n lasbrief te bekom nie,” sê Valke-woordvoerder McIntosh Polela Woensdag gesê.

“Ons het besluit dat dit sou uiters onverantwoordelik wees vir ons om ‘n lasbrief te verkry sonder om die letter van die wet na te kom.”

Hy het gesê die Valke het wel die regsbevoegdheid om ‘n arrestasielasbrief soos versoek deur die Media Review Network (MRN) en die Palestynse Solidariteit Alliansie (PSA) te verkry.

Maar die wet vereis dat Livni ondersoek word oor die bewerings van oorlogsmisdade teen haar indien sy in die land is.

Livni sou Suid-Afrika hierdie week op uitnodiging van die SA Joodse Raad van Afgevaardigdes besoek. Haar reis is Woensdag uitgestel.

Die MRN en PSA wou haar in hegtenis laat neem en vervolg vir die rol wat sy gespeel het in die 2008/2009 Gaza-oorlog.

Na die oorlog het die MRN en die PSA ‘n dossier opgestel van sowat 3000-bladsye lank, en dit voorgelê aan die Nasionale Vervolgingsgesag. Livni word aangehaal in die dossier as een van die “sleutelargitekte” van die aanslag op Gasa se burgerlike bevolking.

Polela het gesê die bewyse wat gelewer is, was egter nie genoeg om voort te gaan met ‘n ondersoek nie.

“Dit bevat baie aannames en nie veel feite nie.”

Polela het gesê dat die ondersoek sou vereis dat die Valke Israeliese Kabinetrekords verkry om Livni se rol in die Gaza-oorlog duidelik te belig.

Die Suid-Afrikaanse Joodse Raad van Afgevaardigdes (SAJBD) het Woensdag aangekondig dat Livni haar Suid-Afrikaanse besoek agv ‘n arbeidstaking in Israel uitgestel het.

Kommunikasie hoof Charisse Zeifert gesê Livni se reis sal uitgestel word tot later vanjaar.

“Die Suid-Afrikaanse Joodse leierskap het Livni uitgenooi en haar reisprogram gereël.”

Zev Krengel, SAJBD-voorsitter, het beklemtoon dat die uitstel “niks te doen het met dreigemente deur die plaaslike anti-Israel aktiviste nie”.

“Eerder was dit geheel en al te danke aan tegniese administratiewe struikelblokke wat veroorsaak word deur Israel se arbeidsuniestaking wat verhoed dat die nodige reëlings gemaak kan word,” het Krengel gesê.

Die Suid-Afrikaanse Munisipale Werkersunie (Samwu) het gesê dat die besoek uitgestel is as gevolg van die oproepe vir Livni se arrestasie.

“Terwyl die Suid-Afrikaanse Sioniste Federasie sê dit [die uitstel] is as gevolg van probleme om te reis, is dit ook as ‘n gevolg van die toenemende druk van die pro-menseregte-aktiviste se oproep vir haar arrestasie,” het Samwu-woordvoerder Tahir Sema in ‘n verklaring gesê.

“As die koalisie vir ‘n Vrye Palestina, sal ons alles moontlik doen om te verseker dat diegene wat verantwoordelik is vir oorlogsmisdade, misdade teen die mensdom en skendings van menseregte nie voet in ons land sit nie, ongeag of die oortreder uit Israel of Swaziland kom.”

прокурор Фильчаков

Geen kaaskoppe hier

Die inwoners van Eindhoven in Nederland tel onder die slimstes ter wêreld. Dit blyk uit ‘n bevinding van die Intelligent Community Forum, ‘n internasionale dinkskrum. Ander streke met slim mense, wat by die kongres van Pacific Telecommunication Council in Hawai bekend gemaak is, is Chattanooga in Tenessee, Dublin in Ohio, Riverside in Kalifornië, Windsor-Essex in Kanada en Issy-les-Moulineaux in Frankryk.

Kubervraag

free no deposit