Dan Roodt, Author at praag.co.za

Stakers vasgevat

Sowat 22 lede van die die munisipale vakbond Samwu is Maandag in Kempton Park in hegtenis geneem vir openbare geweld, intimidasie en aanranding.

Volgens Zweli Dlamini, woordvoerder vir die Ekurhuleni-munisipaliteit, was die verdagtes glo deel van ‘n groep van sowat 100 stakers wat amok in die stad gemaak het.

“Geen voorvalle van boewery of vandalisme sal geduld word nie,” het Dlamini in ‘n verklaring bekend gemaak.

“Die munisipaliteit kan nie net terugstaan en kyk hoe werkers onregmatig optree en ander intimideer wat nie by die stakings betrokke wil wees nie.”

Na bewering is daar verskeie voorvalle aangemeld waar nie-stakende werkers geïntimideer is en vragmotors aan die brand gesteek is.

Dlamini het beklemtoon dat die munisipaliteit bereid is om onderhandelings met Samwu aan te gaan om die stakings te keer.

русская баня #ИМЯ?

Die Revolusie

Die uitgesproke maar skynbaar onstuitbare leier van die ANC-Jeugliga, Julius Malema, sorg dat die revolusiegedagte onder die ANC lewendig bly.

Tot dusver het hy redelik skotvry afgekom van sy “Skiet die boere, want hulle is verkragters”-liedjie. Hofsake hieroor is nog aan die gang of op appél, terwyl die ANC hom nou amptelik ondersteun daarin.

Malema klou ook hardnekkig aan sy eise dat myne genasionaliseer moet word. Die sogenaamde versekerings uit die ANC dat dit nie sal gebeur nie, word ook al hoe minder en flouer. Dis seker dié dat Malema nou meer gestalte begin gee aan die gedagtes daaroor. Hy eis nou sestig persent van die mynreus Anglo American op vir die ANC-Jeugliga. Dit lyk asof hy daardeur die boodskap wil deurgee: as die ANC dan nie die belange in myne wil hê nie, sal die jeugliga dit opeis. Ons kan net dink hoe positief dit ontvang kan word in ‘n organisasie met baie werksku-lede wat gaan begin dink aan ‘n maklike wyse van ryk word. Hulle het skynbaar nog nie tot die besef gekom nie dat dit uiteindelik die voorlopers, die Malema’s self, die uiteindelike vet katte is wat die room van alles afskep.

Die jongste in die Malema-verstommendheid is sy aanmoediging dat swartes meer kinders moet hê. In ‘n land wat reeds oorstroom word deur onwettige buitelanders wat sommer vinnig wettige burgers gemaak word, waar landbouvermoë daagliks verminder as gevolg van argaïese politieke agendas in plaas van ekonomiese beginsels, en waar waterbeskikbaarheid onder geweldige druk is, enersyds omdat Suid-Afrika ‘n water-arm land is, maar andersins omdat Malema se ouer broers van die ANC-regering nie in staat is om ons waterhulpbronne te beskerm teen vermorsing en vervuiling nie, is so ‘n uitspraak net ‘n vonk in ‘n kruitvat. Boonop is dit so dat die swart bevolking in Suid-Afrika in ieder geval nie gepla is met geboortebeperking nie. Waar dink Malema gaan daar vir sy teelprogram voedsel, water en blyplek vandaan gekry word?

Sy motivering is in ANC-terme natuurlik heel aanvaarbaar, en dit is dat daarmee die revolusie voortgesit word. Die ANC wil dus ook die blanke uitteel, soos ons ook oortuig is dat hulle ons met ‘n georkestreerde plan probeer uitmoor. Malema noem dit die ekonomiese revolusie.

Die revolusie-gedagte leef steeds in die ANC, en veral onder die jeug. Dit is so dat ‘n revolusie slegs deur ‘n teen-revolusie gestuit kan word.

Daarom is dit net nodig om te kyk na die definisie van ‘n revolusie. Dit is naamlik om ‘n bestaande orde om te keer. ‘n Revolusie hoef nie noodwendig met geweld gepaard te gaan nie, soos ook blyk uit Malema se teelprogram. Ons volk is met sy eie revolusie besig. As ons praat van die vestiging van ‘n onafhanklike volksrepubliek vir ons volk, kom dit neer op ‘n revolusie, want dit is ‘n verandering van die bestaande orde. As ons volkseie arbeid propageer, is dit ‘n ekonomiese revolusie wat in direkte stryd is met die ANC se verpligte “affirmative action”-beleid.

Ons is dus reeds met ons eie revolusie besig, sonder dat ons dit besef. Ook ons revolusie moet in intensiteit toeneem. En dalk gee Malema ons nog handige wenke: ook ons volk se wieg is te leeg. Om verstaanbare ekonomiese en politieke redes, is ons mense huiwerig om groot gesinne op te bou. Maar ook ons sal dit weer moet oorweeg om ook ons aanwas te verhoog om uiteindelik ‘n volk te bly vir die komende geslagte. Ten minste het ons al bewys te weet hoe om verantwoordelik om te gaan met water, voedselsekerheid en uiteindelik die opvoeding en opleiding van daardie groter gesinne. Want Malema se oproep gaan net groter werkloosheid onder ‘n groter massa onopgeleides beteken. Maar kom ons stuit die Malema-revolusie met ons eie teen-revolusie op elke terrein.

best jackpot

Zuma stel bruines gerus

Pres. Jacob Zuma het Maandag ná ‘n vergadering met Mildred Oliphant, minister van arbeid, bruines gerusgestel en gesê hule het niks te vrees oor voorgestelde wysigings aan die Wet op Billike Indiensneming nie. Solidariteit het onlangs gesê dié wetgewing kan 80% werkloosheid onder die Wes-Kaap se bruin bevolking veroorsaak.

Die wysigings dien tans voor die Nasionale Ekonomiese, Ontwikkelings- en Arbeidsraad (Nedlac).

Zuma het in ‘n verklaring gesê dit sal voortaan makliker wees vir werkgewers om aan die wetgewing te voldoen, asook makliker om meer werkgeleenthede vir voorheen benadeelde groepe te skep.

“Die wysigings wil werkgewers die vryheid gee om self te besluit of hulle streekdemografie of die nasionale demografie in ag wil neem,” het Zuma gesê.

Die ANC se alliansievennote, Cosatu en die SAKP, het eweneens kritiek teen voorgestelde wysingings uitgespreek en geëis dat die konsepwysigings onttrek en herskryf moet word.

Dr. Anthea Jeffery van die Suid-Afrikaanse Instituut vir Rasseverhoudinge, het vroeër gewaarsku dat Indiërs in KwaZulu-Natal ook benadeel sal word deur die nuwe voorstelle.

велосипеди дитячи Фильчаков прокурор

Die Malema-dilemma

Julius Malema se voorgenome nasionalisering van 60% van aandele in alle blanke besighede en maatskappye, verduidelik hierdie intellektuele dwerg se absolute gebrek aan kennis en insig, en bevestig dat hy die mees populistiese lyer(sic) van die ANC is. Maar die gevaar vir elke normale intelligente mens is, dat hierdie selfaangestelde touleier van die oningeligte en arm proletariaat te veel invloed verkry.

Malema gaan nog die president van Suid-Afrika word, en op hierdie stadium, deur die sogenaamde rewolusie lewendig te hou, trek hy baie weerlig van die regering af oor swak dienslewering. Deur sy herhaalde retoriek van blanke rykdom wat verdeel moet word, of gedeel word met swartes, verskuif hy baie subtiel die skuld vir swartmense se armoede weereens na die blankes toe.

Hy begin dus die rewolusie teen blankes van voor af, en volg die model soos dit in Rhodesië uitgespeel het. Die tydvak waarin dit gebeur, stem ook ooreen met die geskiedenis van ontwikkeling van die totale swart oorname en verval in daardie land.

Maar Malema se dilemma is die feit dat, soos Rhodesië se ekonomie en maatskaplike strukture in duie gestort het, dit ook in SA gaan gebeur, sou sy waansinnige drogplanne realiseer. Dit is duidelik sy doel dat swartmense uiteindelik die ekonomie in sy geheel moet oorneem, en nou ja, soos hulle van alles in die regering ‘n gemors gemaak het toe hulle dit oorneem, sal hulle van alle besighede en maatskappye ‘n gemors maak wat hulle oorneem.

Blankes in SA moet wakkerword vir die gevaar wat hierdie onnosele imbesiel vir die land inhou, en aanvaar dat hy dit regkry om ‘n nuwe rewolusie teen die blankes te ontketen, wat verreikende gevolge kan hê.

Sy steun lê duidelik by die onsigbare miljoene arm en werklose swartes, wie se vermoë om rewolusie te bedryf nooit onderskat moet word nie, want dit is daardie selfde groep wat vir Mugabe gedryf en ondersteun het tot waar hy vandag is. Ook pas dit baie mooi in by die kommunistiese strategie van misbruik van die armes en werkloses.

Hulle vraag oor wie verantwoordelik is vir hulle gebrek aan werk, geld en verbetering in lewenskwaliteit word beantwoord deur die persoon wat voorgee dat hy vir hulle veg, en sodoende word twee belangrike doelwitte deur die ANC bereik. 1) Die aandag word afgetrek van die regering se onvermoë om die land te laat werk tot voordeel van almal; en 2) die finale fase van hulle plan om van die blankes ontslae te raak, word bereik. Óf die swart massas gaan swig voor die druk, en die blankes begin aanval, en bates eenvoudig vat, óf die blankes gaan eenvoudig oorgee, en die aftog blaas deur die land te verlaat.

Hoe Malema en die ANC uiteindelik gaan verduidelik nadat die land finaal in duie gestort het, besorg hulle geen bekommernis nie, want dan is dit maar net nog ‘n Afrikaland, en het die kaders en hulle vriende reeds die beskikbare rykdom ingepalm.

‘Malema-uitsprake skaad ekonomie’ – VF Plus

“Die nuutste uitsprake van mnr. Julius Malema oor nasionalisering van Suid-Afrikaanse besighede, nie net myne nie, kan die ekonomie ernstige skade berokken deur buitelandse beleggers af te skrik en plaaslike sakevertroue te ondermyn. Die Vryheidsfront Plus gaan dr. Pieter Mulder, VF Plus-leier en adjunkminister van Landbou, Bosbou en Visserye versoek om die party se bekommernis hieroor na die Kabinet te neem,” het dr. Conrad Beyers, hoofwoordvoerder oor Finansies vir die Vryheidsfront Plus gesê.

Volgens die weekblad Rapport het Malema tydens ‘n dinee op Nelspruit uitsprake gemaak wat daarop neerkom dat alle besighede in Suid-Afrika met wit aandeelhouding ‘n teiken vir nasionalisering kan word.

“Malema se uitsprake eskaleer nou verder deurdat nasionalisering nie net op myne van toepassing is nie, maar op die totale ekonomie. Sodanige stappe sal ‘n katastrofiese uitwerking op die ekonomie hê, net soos wat in Zimbabwe onder leiding van Malema se held Mugabe gebeur het,” het Beyers bygevoeg.

In die mynbedryf begin Malema se uitsprake reeds sy tol eis. In ‘n peiling (deur die Kanadese Fraser Institute se Policy Potential Index) onder die hoofde van sowat 3 000 mynboumaatskappye het meer as 80% aangedui dat besorgdheid oor die rigting wat die regering met sy mynbeleid inslaan ‘n faktor is wat hulle van beleggings in Suid-Afrika afskrik. Sedert 2009 het Suid-Afrika se posisie as ‘n bestemming vir mynboubeleggings afgeskuif vanaf 49ste posisie tot 67ste posisie uit 79 gebiede.

Nasionalisering van die meerderheidsaandele in talle Suid-Afrikaanse besighede en die gepaardgaande ekonomiese ineenstorting sal tot massiewe werkloosheid in die land lei. Dit kan tot politieke onstabiliteit en selfs Egipte-tipe opstande in Suid-Afrika lei.

“Die VF Plus is besorg daaroor dat mense soos Malema juis wil sien dat die ekonomie vernietig word ten einde die land te destabiliseer. Malema se radikale ideologie van rassehaat weeg vir hom swaarder as die daarstel van ‘n vreedsame, suksesvolle land.

In Suid-Afrika, met sy komplekse en kwesbare sosiale struktuur, is dit maklik vir radikaliste om die vreedsame naasbestaan wat met groot moeite oor ‘n lang tyd heen opgebou is, af te breek. Daarom het dit tyd geword dat koelkoppe wat die land se belange op die hart dra – beide binne en buite die regering – hul stem moet dik maak teen rassistiese radikaliste soos Julius Malema en Jimmy Manyi”.

мультики игрушки

‘Kry meer swart babas,’ sê Malema

Suid-Afrika se bekendste jong politikus, Julius Malema van die ANC-jeugbeweging, het oor die naweek ‘n beroep op swartmense gedoen om meer babas te hê. Malema het ‘n stampvol sal by die Ehlanzeni- munisipale gebou toegespreek en hulle aangemoedig om meer babas te kry “om te verhoed dat die revolusie stoom verloor”.

“Om babas te kry, is ‘n revolusionêre idee. U moet voortplant! As ‘n mens ‘n swartman oor sy groot gesin probeer skaam maak, moet jy dadelik jou houding verander,” meen Malema.

Opstand teen blanke mans

Malema wil ook hê dat blanke mans hul aandeel in die ekonomie verder moet verloor. “’n Opstand gaan Suid-Afrika tref en die opstand sal nie teen die ANC gerig wees nie,” het Malema aan sy jillende skare ondersteuners gesê. “Die opstand gaan teen blanke mans en blanke monopolieë gerig wees. Dit sal nie teen blanke vroue gerig wees nie.”

Die leier van die ANC-jeugliga wil die myne nasionaliseer wat steeds deur blanke mans beheer word en nie genoeg van hul rykdom met swartes deel nie. “Deel daardie koek met ons. Moenie dit alles alleen eet nie!” het Malema uitgeroep, waarop hy luid deur die skare toegejuig is. Volgens hom is werkloosheid die oorsaak van onlangse onrus in swart woongebiede en is nasionalisering die enigste manier om dit op te los.

“Miskien is dit tyd vir die jeug om in die bestuurdersitplek van die motor in te skuif,” het Malema gesê. Nie alle blanke ondernemings moet oorgeneem word nie. “Ons wil net ons regverdige deel kry. As ons nie nasionaliseer nie, sal ons altyd arm bly. Die Oppenheimers hoef nie te bekommer nie, want ons wil net 60% van Anglo American se geld hê.”

Malema het die vergelyking met Botswana getref waar 51% van mynboubelange aan swartmense behoort. “Ons kan nie verstaan waarom hulle dit nie in Suid-Afrika wil doen nie. Hulle dink swartmense is idiote en hulle misbruik ons hier in Suid-Afrika.” Swartmense wat nie met die ANC hieroor saamstem nie “verkeer onder die invloed van kapitaliste,” het hy gesê.

“Wat Anglo American met die ander 40% van hulle onderneming doen, is hulle saak,” het hy gesê. “Ons wil net 60% hê,” het die swart jeugleier gesê.

топкарго

‘Islam hoort nie in Duitsland’

Net nog drie dae in sy pos, en Duitsland se nuwe minister van binnelandse sake het reeds ‘n herrie veroorsaak vir sy regering deur ‘n erg delikate debat uit te lok oor multikulturalisme.

Hans-Peter Friedrich meen Islam is nie ‘n belangrike deel van die Duitse leefwyse nie. Hy het gesê Islam hoort nie in Duitsland nie.

“Islam in Duitsland is nie iets wat ondersteun word deur die geskiedenis op enige punt nie,” het Friedrich Donderdag aan joernaliste gesê op sy eerste dag as Thomas de Maiziere se plaasvervanger.

Friedrich het in die konteks van ‘n ondersoek deur die Duitse owerhede na verlede Woensdag se dood van twee Amerikaanse vlieëniers op Frankfurtlughawe, gepraat. Die 21-jaar-oue Kosovaarse Arid Uka, wat die aanval eiehandig geloods het, is vermoedelik gemotiveer deur radikale Islamitiese oortuigings.

Friedrich se kommentaar was ‘n opsetlike woordspel. Hy het ‘n vorige opmerking wat ‘n paar maande gelede deur die Duitse president Christian Wulff gemaak is, woordeliks weerspreek. Wulff het by dié geleentheid gesê dat Islam nou “in Duitsland hoort” as gevolg van die 4 miljoen Moslems wat daar woon.

Friedrich se kommentaar oor die onderwerp van immigrante godsdiens en multikulturalisme is in harmonie met die kommentaar van ander Europese leiers onlangs. Die Britse premier David Cameron, het verlede maand gesê multikulturalisme het misluk in Brittanje en linkse jong Moslems is kwesbaar vir radikalisering.

Duitsland is die tuiste van Wes-Europa se tweede grootste Islamitiese bevolking na Frankryk. Die enkele grootste minderheid is Turks. In teenstelling met die situasie in Brittanje of Frankryk, waar rassespanning soms ontplof in geweld, is Duitse Moslems relatief vreedsaam, maar die gebrek aan integrasie bly vir die Duitsers ‘n probleem.

Opposisielid Dieter Wiefelsputz van die Sosiale Demokratiese Party het Friedrich se kommentaar as “gemors” beskryf en gesê die minister begin sy termyn met “swak oordeel.”

рукав пескоструйный

SA sal binne 15 jaar uitmekaarval

‘n Hoë-profiel Britse verskansingsfonds, Toscafund, sê SA sal binne die volgende 15 jaar heeltemal implodeer met erger nagevolge as wat Libië tans ervaar.

Die kommoditeit-ryke Rusland en Australië sal daaruit bevoordeel word.

Die hoofekonoom en vennoot Savva Savouri, wat navorsing gedoen het oor Suid-Afrika se ekonomie, het die emigrasie van professionele lui en die “tekort aan gesentraliseerde leierskap” hiervoor blameer, veral dit kom by die hantering van probleme soos die Vigs-epidemie.

“Die land ly aan sosiale, politiese en demografiese gebreke en sal binne die
volgende 15 jaar nie meer kan funksioneer nie. Dit sal dieselfde pad as die Midde-Ooste en Noord-Afrika stap, maar die gevolge sal baie ernstiger wees,” het Savouri verlede week in ‘n onderhoud aan Reuters gesê.

“Professionele wittes en swartes verlaat die land is groot getalle – die menslike kapitaal is besig om te verdwyn,” het hy gesê.

Savouri se kommentaar kom nadat die Libiese leier Kadhafi steeds sukkel om ‘n twee-week-oue gewilde opstand te onderdruk. Libië is die wêreld se 12de grootste olie-uitvoerder, en die onrus het Brent ru-olie reeds bo $115 per vat gedruk.

Die onrus in Noord-Afrika en die Midde-Ooste het ook die einde van die Egiptiese leier Hosni Mubarak en Tunisië-leier Zine al-Abidine Ben Ali aangekondig, sowel as protes in Bahrain en Saoedi-Arabië tot gevolg gehad.

Savouri het gesê ‘n “wanpresterende” Suid-Afrika, wat is die wêreld se grootste produsent van platinum en ‘n belangrike produsent van palladium saam met Rusland is, sal kommoditeitspryse hoër druk, tot voordeel mededingende kommoditeit-ryke lande.

“Dit is duidelik Rusland en Australië sal hieruit wen. Die oplewing in kommoditeitspryse sal hulle baat,” het hy gesê.

Savouri, wat vir sy uitgesproke voorspellings bekend is, het in Januarie gesê dat die finansiële dienstebedryf bykans “wetteloos” is.

to play

Ek is regtig keelvol vir apartheid

Ek is regtig keelvol vir apartheid. Net waar ek kom loop ek my vas teen apartheid. Ek sien dit, ek ervaar dit, ek lees dit en ek kry dit orals. Waarom in godsnaam apartheid?

Neem nou maar Genesis, waar alles begin het. Wat staan daar? God het elke ding op verskillende dae volgens die afsondelike reëls van apartheid geskep. Die skrywer van Genesis doen nogal moeite om te onderskei tussen dinge.

Die aarde is woes en leeg. Duisternis is op die wêreldvloed. En toe verdring lig die duisternis. Apartheid word gemaak tussen waters en waters en die land het tussen die oseane na bowe gekom. Nou kan ek al klaar sien hoe daar gestry gaan word wie eerste daar was en aan die wie landskap as eerstereg behoort!

Toe begin die neukery vir die boere: daar is gras, plante, bome – ja, alles en telkens volgens aparte soorte. Ek stap die vrugte- en groentewinkel binne en waarmee word ek gekonfronteer, met verdomde onnodige diversiteit. Wat moet ek nou koop: appels, pere, druiwe, ens. Waarom moet ek kies, want alles word tog in my mond fyngemaal en gaan met een sluk in.

Toe kom die Son en die Maan aan die uitspansel en asof dit nie genoeg is nie, neuk die mense, ja sommige mense, met spesifieke genepoele, Maan en Mars toe, terwyl ander nog nie eers ‘n boom op aarde geplant het nie.

Die waterdiere het begin wemel, weer elke ding volgens sy aparte soort. Selfs die bleddie visse byt nie aan dieselfde aas nie. En hoekom die radikale verskeidenheid? Verdomp, waarom kan ‘n walvis nie verlief raak op ‘n swart baber nie? Dis tog logies: hulle is visse. Die wilde diere het oor die wêreld versprei. Weer volgens aparte soorte en nou vreet die roofdiere die arme plantvreters op en jag die wildehonde in groepe uit pure banggeit om elkeen apart sy ding te doen.

Fokus ek op die Kosmos word ek gesê daar is verskillende sonnestelsels: elkeen met sy eie mane, planete en bane. Waarom al die moeite doen met ingeboude grense om my kosmiese nuuskierigheid hok te slaan? Bestudeer ek die natuur, die fisika, die wiskunde en die meetkunde, onder meer, word ek gekonfronteer met aparte natuurwetmatighede. Waarom dit so verdomp moeilik maak?

Aan die begin het die beskaafde mens aan die natuur aangepas en die natuur by sy lewenswyse aangepas en deur wetenskaplike innovasies, soos die wiel en die horlosie, objekte ontwikkel om die natuur te beheer. Maar, wat vind ons: daar is mense wat eenvoudig anders wil wees: hulle kap die bosse uit en verbrand die hout, hulle koop Westerse beskawingsmiddele in plastiese sakke en smyt dit neer, hulle doen hulle ding naby water en besoedel die water met estrogeen, hulle het geen beheer oor hulle drange nie en oorbevolk die landskap, en so kan ek aangaan.

Ek wil graag met diere eksperimenteer. Ek hou van muile, omdat dit beter as ‘n donkie en sterker as ‘n perd is, maar ek kan nie, want op een of ander manier wil muile nie teel nie. Iewers het iemand ‘n grens tussen ‘n donkie en perd ingebou. Hoekom is dit nou nodig? Dan kom ek in die Wildtuin en verwonder en verkyk my aan die diere wat saam wei, maar afsonderlik teel. Waarom is dit nou regtig nodig om die grense tussen die spesies te behou, want die ideaal is tog om die diversiteit op te hef?

Ek is veral vies vir bosluise wat die bloed van my stoetbeeste suig, vir hondeluise wat op die diere parasiteer, vir andersoortige parasiete wat my gesonde diere aanval, vir bek-en-klouseer en runderpes, bloutong en siekte oor die algemeen wat op ordelike, gesonde, beskaafde lewe teer. Ek het ook ‘n weersin in sommige gemeenskappe wat op ander parasiteer. Hoe gaan ek van hulle ontslae raak? Hulle teel en ons betaal uit emosionele oorweginge. So word die armoedeprobleem groter en groter.

Ek is eintlik behoorlik gatvol vir imperialistiese indringerplante, wat van elders kom en ingebring is en ons natuurlike habitat oorneem. Let wel: nie naas mekaar mag uitbalanseer nie, maar inheems plante verdring. Wat maak die Jakaranda en die Bloekom en die Blouwattel hier? Deur hulle genetiese andersheid bedreig hulle alles wat in kompetisie daarvan staan. Hulle deel nie hulle gene nie, maar hou dit vir hulleself apart.

Ek lag lekker in my mou oor die verskille tussen mans en vroue. Ek is ‘n man. Waarom is daar geneuk om vrouens te maak, want hulle is onvoorspelbare en onverstaanbare wesens. Hulle kan glo dinge doen wat mans nie kan doen nie. Hulle soek seks maar geniet dit nie, hulle wil kinders hê, maar die mans moet die lewensmiddele daarstel. Hulle praat ‘n gat in ‘n streepsak in sonder om veel te sê. As dit looptyd is en die mans staan alreeds by die motors en sommige sit reeds in die motor, begin hulle ‘n nuwe argument, of opper ‘n nuwe gedagte en idee. Waarom wil hulle apart wees en waarom is hulle nie soos mans nie, dan was alles minder kompleks, meer eenvoudig, rustiger en minder kompeterend.

Om dinge nog moeiliker te maak, skep die mens ‘n duisternis sosiale instellinge om sin aan die samelewing te gee. Godsdiensinstellinge het afsonderlike identiteite van staatlike instellnige. Wat van sportliggame, ekonomiese instellinge, gesondheidsdienste, ens.

As daar nou een ding is wat my besonder die moer inmaak, dan is dit die onnodigheid van verskillende rasse. Kom ons begin by die taalverwarring van Babel. Hoekom nou dit? Waarom het almal nie maar Afrikaans gepraat nie? Dit is tog ‘n beskaafde taal met ‘n wonderlike woorderykdom en literêre tradisie. Dit is ‘n hemelse taal. Nee, want hulle het ‘n rewolusie teen Afrikaans begin. Hulle wil anders wees. Hulle wil hulle eie tale praat, maar dan moet ons hulle tale vir hulle ontwikkel … of nog slegter, hulle wil Engelse taalimperialisme en taalkolonialisme op Afrikaanse praters forseer. Dit is ‘n vorm van apartheid.

Hierdie apartheid het geen en ken geen grense nie. In plaas daarvan dat alle mense die een ware God, Jahwe, aanbid, voeter hulle met ‘n duisternis van afgode. Afgode wat soms met natuurverskynsels verband hou. Soos die watergod en voorvadergeeste. Dan is daar die tokkelossie. En wat van die “beskaafde” Romeine wat die “sol invictus” aanbid het en later die Sondag as aanbiddingsdag op ons forseer het. Was hulle dan mal en apartheidgedrewe? Ja, hulle was apartheidmal want apartheid deursuur die skepping!

En, as daar nou een ding is wat my die berge opjaag, dan is dit die seksgedrewendheid van sommige volkere. Met hulle geslagsorgane oorwin hulle die wêreld en forseer hulle apartheid op ons af. Hulle sekslus maak hulle nogal apart. Dink daaraan: watter beskaafde mens slaan ‘n ou met ‘n byl dood en verkrag daarna sy vrou en dogters. Hoe op aarde kry ‘n mens ‘n ereksie midde van ‘n bloedbad? Ek weet nie! Hulle apartheid vervul my met afgryse. Ons moet hierdie soort apartheid met wortel en tak uitroei en hulle eenvoudig tot uniformiteit dwing. Hulle moet word soos ons: een-man-een-vrou, seks eenmaal per week, impotent op sewentig, ens.

Apartheid het selfs nie sosiale gebruike onaangeraak gelaat nie. Wat is nou eintlik reg? Ek weet nie, want as ek en my vrou stap, dan stap ek saam, maar onder die Zoeloes stap die man voor en die vrou agter, om van voor alle gevare af te weer. Kom ek by my Moslimvriende dan eet hulle met gepunte vingers, in plaas van met mes-en-vurk. En wat van die Chinese met hulle lang stokkies.

Wat ek buitensporig lastig vind is die kritiek van sosialistiese gemeenskappe wat in trosse saamboer en kritiek teen die Weste uitdeel maar dan sommer oornag hulle vrotsige plakkershuisies op my drumpel kom opslaan. Hulle apartheid is imperialisties. Hulle wil ons deel van hulle aparte lewenswyse maak.

Ek woon ‘n vergadering by en wat vind ek: daar is ‘n ander spreker ook, naas myself. Hy is vurig teen kolonialisme aan’t uitvare, maar wil die hele samelewing Afrikaniseer, deur “affirmative action”, want ons moet saam met hulle apart wees van die Westerse samelewingsorde. Dieselfde meneer wat net bokkerôl tot Westerse tegnologiese innovasies ‘n bydrae gemaak het of ooit sal maak, sit met ‘n Duitse goueraambril op sy oë, dra Franse sydasse, loop met Italiaanse volstruisleerskoene en dan is daar die Spaanse attachétas. Om wie te beïndruk?

Ek is gatvol vir apartheid. Ek is keelvol vir die diktatuur van andersheid, van apartheid, wat sedert 1993 op ons afgedwing word. Ek is geen Afrikaan nie. Ek is Eurokaan. Dit is al beskawingsvlak wat ek wil erken, want ek is nie ‘n ondersteuner van apartheid nie. Ek hou nie van treine wat nie werk nie, nie van boereplase wat oorgeneem word deur vreemdes en kakiebos nie, nie van erdvarkgate in teerpaaie nie, nie van taxibestuurders wat eerder met kruiwaens moes rondry nie, nie van diewe en moordenaars en verkragters nie. Daarom is my oproep aan alle afwykendes, andersoortiges, word soos ons en los die probleme van die wêreld op.

Kortom: ek is gatvol vir apartheid.

осушитель влаги topcargo отзыв

Swartes wat nie kan swem nie

So pas het die departement van sport aangekondig dat die nasionale skoleswemkampioenskap afgestel word “omdat daar 99% blanke swemmers is”.

Darwin het egter gesê, “wie ras ontken, ontken die biologie”. Met dié logika van kwotas vir skoleswemmers behoort die naelloopitems by die Olimpiese Spele, wat deur swartes van Wes-Afrikaanse afkoms oorheers word, kwotas vir blanke naellopers te hê. Of Amerikaanse basketbal mag nie oorheers word deur negers wat maar 12% van die VSA-bevolking uitmaak nie.

Feit is, net soos sekere swartes oor meer plofbare spierweefsel beskik wat hulle beter naellopers of basketbalspelers maak, is hulle beenstruktuur ook digter en dryf hulle nie so goed soos blankes in die water nie. Hoeveel swart swemmers presteer by die Olimpiese Spele? Weinig, indien enige, swartes het al ooit ‘n eindrondte in die swembad daar gehaal. Maar nou móét swart skoolkinders in SA net so goed soos blankes begin swem, omdat die ANC-regering so sê. Dit gaan nóóit gebeur nie, tensy hulle iewers in die wetenskapfiksietoekoms mense voor geboorte of by bevrugting geneties gaan begin manipuleer om almal gelyk te maak, à la George Orwell.

Ons enigste hoop is ‘n eie Olimpiese span vir Afrikaners en ‘n eie sportfederasie wat niks met die ANC-bewind te make het nie. Net dan sal sport van die ANC se rassedrome bevry kan word.

Maar natuurlik het liberale en linkse blankes jare lank die onwetenskaplike gedagte gepropageer dat alle rasse op alle gebiede oor dieselfde potensiaal beskik, terwyl die gemiddelde persoon met sy oë die fisieke verskille in bou, grootte, krag en ander eienskappe kan raaksien. Al is daar byvoorbeeld miljarde Chinese en ander Oosterlinge, gaan hulle nooit wêreldrugby oorheers nie, omdat hulle groot en sterk genoeg is om teen blankes en sommige ander rasse te kan meeding nie.

Wat vir Chinese en rugby geld, geld ook vir swartes en swem.

воронеж подъемники Александр Фильчаков