Eskom het vandag gewaarsku dat die organisasie sekere van sy tyd- en kosteteikens in sy infrastruktuuruitbreidingsprogram gaan misloop.Volgens dié organisasie wat daar reeds 36 polities gemotiveerde moorde en 2 000 geweldslagoffers sedert die eerste ronde van die verkiesing aan die einde van Maart.
Volgens die verslag het president Robert Mugabe se Zanu PF-party oorgegaan tot 'n polities gemotiveerde veldtog van plundery en vernietiging, met diere wat geslag word, kos en eiendom wat gesteel word, asook die afbrand van wonings.
Ontwortelde buitelanders is onlangs deur die VN vertel dat hulle nie Westerse lande sal kan gaan om politieke asiel te vra nie.
Die groep het op die rotse gaan sit en vir die hooggety gewag om hulself te verdrink.
Die Nasionale seereddingsinstituut het drie reddingsbote en 'n landreddingsgroep na die toneel gestuur. Een of twee buitelanders het ingespring, maar hulle is weer terug na die strand gebring.
Volgens die leier van die Onafhanklike Demokrate, Patricia de Lille, is die situasie in Soetwater besonder gespanne.
In die Ooskaap het hernieude spanning tussen plaaslike inwoners en die buitelandse burgers opgevlam, met een man dood en verskeie winkels in Port Elizabeth wat geplunder is.
President Thabo Mbeki het 'n algehele laagtepunt in sy gewildheidskoers bereik.
Die jongste meningspeiling wat deur TNS-navorsingsopnames gepubliseer is, toon dat Mbeki slegs die steun van 37% van die bevolking geniet.
Nie so lank terug nie, in April 2005, het Mbeki se steun op 66% gestaan.
Intussen het die ANC-president Jacob Zuma ook 'n taamlik lae 36%-koers van die Suid-Afrikaanse publiek ontvang vir sy pligte as leier van die regerende party.
Van alle swart taalgroepe, steun die Zoeloes Mbeki die minste.
City Press het Sondag berig dat regterpresident John Hlope na bewering twee regters van die Grondwethof gevra het om ten gunste van die ANC-president Jacob Zuma te bevind indien hulle 'n toekoms op die regbank wil hê.
Volgens die koerant het Hlopa aan die twee regters genoem dat hy die volgende hoofregter gaan wees.
Bess Nkabinde en Christopher Jafta is individueel in hul kantore genader.
Verskeie grondwethofregters het toe gedink, nadat die twee hulle op hul beurt genader het, dat Hlope se optrede 'n ernstige oortreding was wat na die Geregtelike dienskommissie verwys behoort te word.
Bill Henriksen by die McMurdo-navorsingstasie sê dat byna 16 500 kondome verlede maand voor die koms van die donker afgelewer is.
Dit sal gratis aan personeellede beskikbaar gemaak word ten einde die moontlike verleentheid te vermy dat hulle dit moet koop.
Gedurende die wintermaande beskik die basis oor slegs 'n kernpersoneel van 125.
Die eerste sonsopkoms sal weer op 20 Augustus plaasvind en die personeel sal in September tot 1 000 toeneem vir die somermaande.
Die universiteit van die Vrystaat gaan R4 miljoen aan 'n privaatmaatskappy betaal om dit te help om koshuise te integreer.
Die iGubu-leierskapsagentskap het 'n driejaarkontrak verkry om aanbevelings aan die universiteitsraad te maak.
Rudi Buys van iGubu het gesê dat sy organisasie samesprekings met studente gaan voer om uit te vind wat die konflik veroorsaak het.
Buys het gesê dat hulle gevind het dat studente wat gedurende vakansies huis toe gaan blootgestel word aan die ou taal van apartheid en rassisme.
Verlede week het die universiteit aangekondig dat Reitz op 20 Junie vanjaar gesluit sal word om die Diversiteitsinstituut te word.
Die prys van ru-olie het vanmore in die Verre Ooste effens laer gesak na die grootste styging ooit. Vrydagaand in New York het dit met 'n ongehoorde elf dollar per vat gestyg en die rekordprys van $139,12 behaal.
'n Swak dollar en kommentaar deur 'n Israeli minister oor 'n moontlike aanval op Iran, die wêreld se vierde grootste olieprodusent, het die koopkoors laat posvat.
Volgens die Amerikaanse beleggingsbank Morgan Stanley, kan ru-olie binne die volgende maand tot $150 per vat styg. Sedert die begin van die jaar die prys reeds met veertig persent toegeneem.
Die tweede gekeurde Spaanse tennispeler Rafael Nadal het gister die Franse Ope gewen teen die Switser Roger Federer. Nadal het die wedstryd gewen sonder om 'n stel af te staan, met 6-1, 6-3 en 6-0.
Slegs in die tweede stel het dit vir 'n oomblik gelyk asof Federer kon herstel toe hy byna op Nadal se afslaan deurgebreek het met die telling 3 elk, maar die Spanjaard het hom nie van stryk laat bring nie en verder 'n meesterlike vertoning gelewer.
Na Bjorn Borg wat van 1978-1981 vier keer die Roland Garros-beker gewen het, is Rafael Nadal slegs die tweede speler in die geskiedenis wat dit kon regkry.
Die eiendomsmagnaat Sol Kerzner het so pas 'n dakwoonstel in Kaapstad aan 'n Londense sakeman vir R110 miljoen verkoop.
Volgens mnr. Ian Slot van die eiendomsmaatskappy Seeff, is dit beslis die hoogste prys wat nog ooit vir 'n Suid-Afrikaanse eiendom betaal is en beslis die hoogste vir 'n woonstel.
Die vorige rekord vir 'n dakwoonstel by die Waterfront in Kaapstad was R30 miljoen en die vorige rekord vir 'n huis was R106 miljoen vir die Goede Hoop historiese landgoed in Noordhoek, ook in die Kaap.
Die identiteit van die koper sal egter geheim bly.
