Dan Roodt, Author at praag.co.za

Woonwaens gaan tolhekke aanvat

Die Vryheidsfront Plus gaan na aanleiding van die aankondiging deur SANRAL dat e-skyfies te koop is en dat die tolstelsel wel geloods gaan word in Februarie 2012, nou begin beplan vir publieke protes teen die stelsel.

“Die regering speel kat en muis met die publiek en dis nou tyd dat die padgebruikers in Gauteng opstaan teen immorele belastings en heffings soos toltariewe. Daarom gaan ons nou begin beplan vir publieke protes,” het adv Anton Alberts, VF Plus-parlementêre woordvoerder oor vervoer, gesê.

“Intussen het die Suid-Afrikaanse Woonwa en Kampeerklub Federasie (SAWKF) waarby die Suid-Afrikaanse Woonwa Assosiasie (SAWA) geaffilieer is, aangedui dat hulle die VF Plus se aksie gaan ondersteun. Dit is benewens die meer as 100 000 handtekening wat die party alreeds deur sy aanlynpetisie by www.tolhekpetisie.org.za ontvang het. Dit dui net weereens aan dat die publieke weerstand teen hierdie heffings baie groot is en die regering ‘n groot fout gaan maak met die implementering daarvan,” het Alberts bygevoeg.

Die SAWKF het 6500 lede. Die VF Plus en die SAWKF sal in begin Desember vergader om hulle plan van aksie te bespreek.

прокурор Фильчаков

Kleinfonteiner vermoor nadat hy wou help

‘n Jong man van Kleinfontein, Chris Conradie (23) is Vrydagaand in koele bloede doodgeskiet toe hy en twee vriende naby die swart plakkerskamp, Diepsloot, langs die N14-hoofweg tussen Krugersdorp en Pretoria stilgehou het om ‘n gestrande voertuig se insittendes te help.

Sy vriend Quintin Dekker (24) het met hom na ‘n hospitaal gejaag, terwyl Werner Buhr (25) die wonde probeer toegedruk het.

Conradie, Buhr en Dekker was omstreeks middernag op pad van Krugersdorp na Pretoria toe hulle by die R511-afrit stilgehou het omdat hulle gedink het dis ‘n ongeluk.

‘n BMW wat die linkerbaan gedeeltelik versper het, se ligte het geflits.

Nadat Conradie gaan ondersoek instel het, is daar op hulle geskiet. Hy het teruggehardloop na die kar maar skote is deur sy venster geskiet en hy is twee keer in die bors getref.

Buhr is in die been getref deur die agterruit. Dekker het van die toneel weggejaag na ‘n hospitaal. Hy het die polisie in die ry ontbied.

Dekker het aan Beeld gesê: “Ek het net probeer wegkom, want die skote het aanhou kom en kom en kom. Die Here het ons gelei om daar weg te kom, want ons al drie moes daar doodgegaan het.”

Conradie was by sy aankoms by die Unitas-hospitaal in Centurion reeds dood.

Conradie laat sy ouers en twee broers agter. Sy begrafnisdiens sal môre om 09:30 in die Kleinfontein-gemeenskapsaal in Kleinfontein, buite Pretoria, gehou word.

Conradie en Buhr werk albei in Zambië en was met vakansie in Suid-Afrika. Hulle sou Dinsdag terugvlieg om hulle werk by ‘n myn daar te hervat.

Enorme swaai na regs in EU en elders

Die hele Europa swaai na regs soos ‘n nuwe generasie jong, manlike internetondersteuners harde nasionalisme en anti-immigrasiebeleidsrigtings omhels, het ‘n omvattende studie aan die lig gebring voor ‘n vergadering van politici en akademici in Brussel om die verskynsel te ondersoek.

Navorsing deur die Britse dinkskrum Demo’s het vir die eerste keer die houding onder ondersteuners van sogenaamde verregse groepe aanlyn ondersoek. Deur gebruik te maak van advertensies op Facebook-groepe, het hulle meer as 10 000 volgelinge van 14 partye en straat-organisasies in 11 lande gekry om gedetailleerde vraelyste in te vul.

Die studie toon ‘n kontinent-wye verspreiding van ‘n harde nasionalistiese sentiment onder die jeug, veral mans. Hulle is diep sinies oor hul eie regerings en die EU, en hul vrees oor die toekoms is gefokus op kulturele identiteit, met Moslemimmigrasie as die grootste bekommernis.

“Ons is by ‘n kruispad in die Europese geskiedenis,” sê Emine Bozkurt, ‘n Nederlandse parlementslid wat die anti-rassisme lobby in die Europese Parlement lei. “In vyf jaar se tyd sal ons ‘n toename in ultra-nasionalisme, xenofobie, Moslemhaat en antisemitisme sien.”

Data vir die studie is hoofsaaklik in Julie en Augustus versamel, vóór die verergering van die eurosone-krisis. Wat Bozkurt in vyf jaar sien gebeur is dus waarskynlik reeds ‘n werklikheid ná die Griekse skuldkrisis.

Die verslag beklemtoon die voorkoms van die anti-immigrante gevoel, veral teen Moslems. “As antisemitisme ‘n verenigende faktor vir die verregse partye in die 1910’s, 20s en 30s was, is Moslemhaat die samebindende faktor in die vroeë dekades van die 21ste eeu,” sê Thomas Klau van die European Council on Foreign Relations, wat Maandag se konferensie bygewoon het.

Partye met ‘n anti-immigrasiebeleid het buite die tradisioneel regse vestings in Frankryk, Italië en Oostenryk ontstaan, selfs in die liberale Nederland en Skandinawië en is nou as beduidende parlementêre blokke in agt lande geanker.

In lande buite die kontinent is die opkoms van nasionalistiese straatbewegings soos die Engelse Defence League (EDL) ook van belang. Maar, sê kenners, stemlokale en optogte is slegs ‘n deel van die prentjie: Aanlyn is ‘n nuwe generasie van hierdie organisasies besig om idees uit te ruil, veral deur Facebook. Vir die meeste partye is die getalle aanlyn aansienlik groter as hul formele lidmaatskapgetalle.

Frankryk se Front National, was altyd ‘n belangrike krag in die land se politiek vir 25 jaar lank, maar is tans ‘n realistiese uitdager in aanstaande jaar se presidensiële verkiesing.

Nóg ‘n Franse organisasie, Bloc Indentitaire, is veral bekend vir hul “identiteitsop” van varkvleis vir hawelose mense in Frankryk.

Skandinawiese partye wat in die afgelope paar jaar gefloreer het, kombineer linkse welsynsbeleid met heftige teenkanting teen alle vorme van multikulturalisme.

Jeug, is ‘n gemeenskaplike faktor. Facebook se eie reklame-instrument het Demos in staat gestel om data van byna 450 000 ondersteuners van die 14 organisasies te verwerk. Byna twee derdes is onder die ouderdom van 30, en manlik.

Hulle voer aan dat Islam eenvoudig die antitetiese van ‘n liberale demokrasie is, ‘n standpunt wat deur Geert Wilders, die leier van die PVV, verwoord word. Wilders het, slegs ses jaar nadat sy party gestig is, die derde grootste krag in Nederland se parlement geword.

Hierdie groepe sê aan kiesers dit is nie rassisties om jou te verset teen ander groepe as jy doen dit vanuit die oogpunt van jou eie waardes nie. Dit is die rede waarom mense soos Geert Wilders bondgenote in die hoofstroom politieke establishment en die media het, sê selfs linkse kommentators.

Terwyl die stembus wys dat ekonomie ‘n minimale rol speel, glo ontleders die eurosone-krisis is waarskynlik ‘n sleutel tot die groei van regse sentiment.

Die verskynsel het nou veel verder as bloot ‘n protesstem gevorder, sê kenners, met baie ondersteuners wat bekommerd voel oor nasionale en etniese identiteit. Dié kwessie word tot dusver grootliks geïgnoreer deur die hoofstroom-partye.

Jamie Bartlett van Demo’s, die belangrikste skrywer van die verslag, het gesê dit is belangrik om kennis te neem van die verspreiding van sulke houdings onder die nuwe generasie van aanlyn-aktiviste wat veel meer as formele lidmaatskap van sodanige partye behels. “Daar is honderdeduisende van hulle oor die hele Europa. Hulle is ontnugter met die hoofstroompolitiek en die Europese politieke instellings en bekommerd oor die erosie van hul kulturele en nasionale identiteit, en draai na populistiese bewegings, wat hulle voel hierdie kommer aanspreek.

“Hierdie aktiviste is grootliks uit die gesigsveld van hoofstroompolitici, maar is gemotiveerd, aktief, en groei in grootte. Politici regoor die kontinent het nodig om regop te sit, te luister en daarop te reageer.”

‘n Politieke party, met tienduisende aanlyn-ondersteuners is een ding, maar die vertaling van hierdie steun in werklike stemme is ‘n heel ander. Die Demo’sopname het bevind dat net 67% van die regse Facebook-ondersteuners in die mees onlangse verkiesing gestem het.

Verdere analise het bevind dat vroulike ondersteuners meer geneig is om ondersteuning te omskep in ‘n stem. Regse manlike ondersteuners dink waarskynlik aan ander maniere as die stembus om invloed te kan uitoefen…

Данильченко

Groenskrif oor grondhervorming

Die basis vir die Groenskrif oor grondhervorming is steeds die ANC se Nasionaal Demokratiese Rewolusie, die NDR.

Getrou aan die NDR verklaar die Groenskrif dat “alle anti-koloniale strydaksies in hul wese oor twee aangeleenthede gaan: herbesitneming van grond wat deur mag of misleiding verloor is; en die hervestiging van die sentraliteit van inheemse kultuur.”

Maatskaplike navorsing wat die onlangs tyd onderneem is, toon ook aan dat die persepsies van wit en swart inwoners toenemend is dat wittes die grond by swartes “gesteel” het. Dat die ANC en hul mondstukke in die gedrukte media ‘n suksesvolle bewusmakingsveldtog gelei is, is gewis.

Daarom verklaar die Groenskrif dat “….die debat oor landboutransformasie, grondhervorming en landelike ontwikkeling” begin met “nasionale soewereiniteit”, aangesien nasionale soewereiniteit in terme van grond gedefinieer word.

Die ooglopende gevolgtrekking is dus dat nasionale soewereiniteit nie herstel kan word alvorens ‘n genoegsame hoeveelheid grond deur swartes oorgeneem word nie. Hierdie “fundamentele veronderstelling” oortref blykbaar alle ander oorwegings, ook ” doeltreffende grondhervorming, en voedselonafhanklikheid en -sekuriteit”.

Heel duidelik gaan manna uit die hemel neerdaal om Suid-Afrika te voed, want voedselsekerheid is beslis nie ‘n bepalende oorweging binne die raamwerk van die NDR nie.

Die “wreedaardigheid” van kolonialisme en apartheid; en die “sistematiese uitdunning en verarming van die Afrika-bevolking,” is soos gewoonlik die ANC se bedenklike morele basis vir hul uitsprake. Dat die lewensverwagting van swart Suid-Afrikaners na benede getuimel het ná die afskaffing van apartheid, skeel die ideologiesgedrewe grondhervormers min.

Die Groenskrif prys swartes se enorme kapasiteit om blankes te vergewe ten spyte van “die woede, bitterheid en pyn van diegene wat aan hierdie wrede behandeling onderwerp is”. Die beswaardes waarsku egter dat “hierdie welwillendheid nie as vanselfsprekend aanvaar behoort te word nie, omdat dit nie ‘n onuitputbare maatskaplike bate is nie”. Dit moet natuurlik lees: “As julle wittes die grond oorhandig sal ons julle ophou doodmaak”.

Organisasies soos AgriSA het konsekwent bewys dat hulle grondhervorming ondersteun en dat hulle bereid is om met die regering hieroor saam te werk, want hulle verstaan volgens die FW de Klerk-stigting die “ware refleksie van die diep pyn wat swart Suid-Afrikaners steeds oor die verlede ervaar”.

Dié soetsappige meelewing hou nie daar op nie. Die De Klerk-stigting meen “Suid-Afrikaners was ongetwyfeld onregverdig van eiendomsreg ontneem en verhoed om grond buite die tuislande te besit. Dit is presies oor hierdie rede dat ons grondwetlike akkoord voorsiening maak vir ‘n gebalanseerde proses van restitusie en grondhervorming.”

Nie ‘n woord oor die algehele mislukking van die sogenaamde grondrestitusie nie, die talle navorsingstukke wat aantoon dat verstedeliking veroorsaak dat swartes nie in boerdery belangstel nie en les bes, die foutiewe en kwaadwillge aanname van die Stigting dat plaasmoorde op wit boere eintlik geregverdig is vanweë die “diep pyn” wat swartes ervaar oor die verlede.

Volgens die Stigting het “vele Suid-Afrikaners” wel historiese, wettige en morele aansprake op landbougrond. Let wel, dis net nie wit Afrikaners nie, wat ironies genoeg in die volksmond deur vriend en vyand ‘Boere’ genoem word.

Die voorgestelde nuwe grondeiendomsregstelsel gaan onder meer ‘n Grondbestuurskommissie; ‘n Grond Waardeerder-generaal en ‘n Grondregte Bestuursraad insluit. Dit sal gepaard gaan met die implementering van die Grondbesit Sekuriteit Wet, 2010.

AgriSA se samewerking om die swartes se “diep pyn” te verlig het dus gesorg dat swart plaasbewoners en hul afhanklikes onbeperkte en omvattende regte gegee word ten opsigte van veeboerdery en oesverbouing, dienste, opleiding, behuising en paaie.

Dis ongetwyfeld ‘n verbetering op apartheid in dié sin dat die oordrag van hulpmiddele nou feitlik onbeperk sal wees. En die verpligtinge sal op die privaatpersoon geplaas word, maw, ‘n geprivatiseerde vorm van apartheid!

Die rooi gevaarligte flikker vir voedselproduksie in Suid-Afrika. Grondhervorming gaan volgende jaar by die ANC-konferensie in Mangaung die sentrale vraagstuk wees en dit behoef geen siener om te weet wat op ons boere wag nie.

Die Groenskrif kan slegs geïmplementeer word deur die Grondwet te wysig. Gugile Nkwitini – die Minister van Grondhervorming en Landelike Ontwikkeling – sê prontuit hy oorweeg só ‘n stap.

топкарго отзывы

PRAAG verwelkom Nederlandse steun vir taalstryd

Die Pro-Afrikaanse Aksiegroep (PRAAG) het die steun van die Nederlandse Partij voor de Vrijheid (PVV) vir die Afrikaanse taalstryd verwelkom. “PRAAG werk reeds lank daaraan om die taalstryd te internasionaliseer en daarom verteenwoordig die PVV se versoek aan die Nederlandse Taalunie vir ons ‘n deurbraak,” het dr. Dan Roodt, leier van die beweging, gesê.

Lees ook ons vorige berig: Nederlandse Taalunie gevra om vir Afrikaans te veg.

Drie parlementslede van die PVV, M. Bosma; H Beertema en J Driesen, het gister ‘n beroep op die Vlaamse minister Pascal Smet en die Nederlandse staatsekretaris Halbe Zijlstra gedoen “om hulself te sterk om Afrikaans te red by die SA universiteite”. Bosma, wat ‘n skrywer is, is insgelyks voorsitter van die interparlementêre kommissie van die Taalunie. Hy het gevra dat die Taalunie die Suid-Afrikaanse regering “kragtig aanspreek” oor die institusionele agteruitgang van Afrikaans.

Insake die voortdurende polemiek rondom die kreeftegang van Afrikaans as onderrigmedium aan die Universiteit van Stellenbosch, het dr. Dan Roodt hom soos volg uitgelaat: “Ons verwelkom die pogings van oud-studente om ‘n mosie van wantroue in die universiteit se taalbeleid in te stel. Nietemin moet die taalprobleme van Suid-Afrika ook as ‘n regstreekse gevolg van die doktrine van die nasionale demokratiese revolusie gesien word. Die totalitêre denke onderliggend aan dié doktrine, wat na die voormalige Sowjetunie terug te voer is, belemmer ‘n sinvolle taalbedeling vir die land.”

Roodt het ook die Freedom Charter, wat deur die SA regering en opposisie onderskryf word, uitgesonder as ‘n dokument “wat kulturele sosiogeniëring as uitgangspunt het”.

Sedert sy besoek verlede jaar aan Nederland en Vlaandere waartydens die taalkwessie met die Nederlandse media en parlementariërs bespreek is, het dr. Dan Roodt verskeie onderhoude en meningsartikels in Nederlandse koerante gepubliseer. PRAAG is nou van plan om ook die Europese Unie te nader om sy steun vir taalgelykheid in Suid-Afrika uit te spreek. “Terwyl Europa groot moeite doen om taalgelykheid tuis te erken, moet hy ook die toepaslikheid van hierdie beginsel in Suid-Afrika bevestig.”

Nederlandse Taalunie gevra om vir Afrikaans te veg

DEN HAAG, Nederland. Drie Nederlandse parlementariërs wat die PVV-party verteenwoordig in die parlement se Nederlandse Taalunie, het in ‘n persverklaring hulle diep kommer uitgespreek oor die “inploffing” en uitwissing van Afrikaans op SA universiteite onder die ANC-regime.

Die drie, M. Bosma; H Beertema en J Driesen, doen ook ‘n beroep op die Vlaamse minister Pascal Smet en die Nederlandse staatsekretaris Halbe Zijlstra om hulself te sterk om Afrikaans te red by die SA universiteite. “Die taal kom al hoe meer in verdrukking. Op die universiteit van Stellenbosch probeer die studente nou hierdie ‘inploffing’ te keer deur te eis dat Afrikaans herstel moet word as die Universiteit se onderrig-taal.”

Martin Bosma, voorsitter van die interparlementêre kommissie van die Taalunie sê: “Sedert vorig jaar is Suid-Afrika lid van die Taalunie. Die posisie van Afrikaans bly egter sterk agteruit gaan. Die aantal Afrikaanstalige skole het vanaf 2000 skole 15 jaar gelede na 300 gedaal. Dit sou goed wees as Smet en Zijlstra hul Suidafrikaanse kollega in relasie tot die Taalunie hierop ‘kragtig aanspreek.'”

Bosma meen ook: “Die studente aan Stellenbosch verdien die entoesiastiese steun van die Taalunie wanneer hulle stryd voer vir die taal. Die Taalunie is die verdrag tussen Nederland, Vlaandere, Suriname en Suid-Afrika. Zijlstra en Smet vorm saam die Komitee van Ministers wat die Taalunie bestuur.

Hieronder volg die oorspronklike verklaring in Nederlands.

‘Gee terug ons taal’ ‘Inploffing’ en ‘uitwissing’ van het Afrikaans op universiteiten – PVV: steun de studenten van Stellenbosch

De PVV-fractie in de Nederlandse Taalunie wil dat de Vlaamse minister Pascal Smet en Nederlandse staatssecretaris Halbe Zijlstra zich sterk maken voor het Afrikaans op de universiteiten van Zuid-Afrika. De taal komt steeds verder in de verdrukking.

Op de universiteit van Stellenbosch proberen studenten nu het tij te keren en eisen herstel van het Afrikaans. Martin Bosma, voorzitter van de Interparlementaire Commissie van de Taalunie: “Zuid-Afrika is sinds vorig jaar lid van de Taalunie. De positie van het Afrikaans blijft echter achteruithollen. Het aantal Afrikaanstalige scholen is in vijftien jaar gedaald van 2000 naar 300. Ook op de universiteiten zit de taal in de verdrukking. Het zou goed zijn als Smet en Zijlstra hun Zuid-Afrikaanse collega in het kader van de Taalunie hier op krachtig aanspreken.

De studenten aan Stellenbosch verdienen de enthousiaste steun van de Taalunie als zij opkomen voor de taal.” De Taalunie is het verdrag tussen Nederland, Vlaanderen, Suriname en Zuid-Afrika. Zijlstra en Smet vormen samen het Comité van Ministers, het bestuur van de Taalunie.

Vragen aan het Comité van Ministers van de Taalunie door de fractie van de PVV: de leden Bosma en Beertema.

7 november 2011

Heeft u kennisgenomen van het bericht “Gee terug ons taal”*
Deelt u de waarneming van weekblad Rapport dat er sprake is van een “inploffing” en zelfs een “uitwissing” van het Afrikaans op Stellenbosch, de eeuwenoude universiteit die traditioneel een thuisbasis is van het Afrikaans?
Deelt u de mening van de PVV-fractie binnen de Taalunie dat universitair onderwijs in het Afrikaans van levensbelang is voor het overleven van deze minderheidstaal die zo nauw verbonden is het met Nederlands?
Deelt u de mening van de PVV-fractie dat herstel van het Afrikaans als volwaardige onderricht- en voertaal op Stellenbosch daarbij van groot belang is?
Bent u bereid onze verdragspartner Zuid-Afrika te wijzen op de uitkomsten van de commissie Gerwel die in 2001 uitsprak dat er in ieder geval twee volledig Afrikaanstalige universiteiten dienen te zijn, maar dat met dit advies de hand wordt gelicht?

SARU, Supersport minag Afrikaans!

Ope brief aan die bestuur van SARU en van Supersport

Ek het nooit werklik besef met watter minagting u as die South African Rugby Union en u agterryer Supersport ons Afrikaanssprekendes behandel nie. (Of is SARU die agterryer?) Eers met Donderdagaand se spektakel (en ek bedoel spektakel, nie spectacle nie) het dit behoorlik tot my deurgedring. Dit was met groot belangstelling toe ek die aand voor die TV inskuif om te sien watter rugbyspelers en -spanne en andere loop weg met die toekennings van Beste, Grootste, Mooiste, Gewildste, Jongste, Wat-ook-al-ste. Wat was my verbasing toe die seremoniemeester vir negentig minute lank die verrigtinge NET in Engels hanteer. Eweneens die bekendes en beroemdes wat die name van die wenners kom uitlees het en toe hand op die blaas saam-saam met die wenners vir die kameras reggestaan het.

Ek het nie fout te vind met SARU en Supersport se politiek korrekte benadering om allerhande bokspronge te maak ten einde die realiteit van die Suid-Afrikaanse samelewing te akkommodeer nie. Ook nie met die meriete van die toekennings nie, hier en daar ŉ verrassing ten spyt. Ek was wel verbaas oor die aard van die konsert wat met ŉ rugby-leefwêreld en tradisie maar weinig gemeen het. Maar ek was hoogs de foeter in oor die opsetlike en minagtende negering van Afrikaans. Ek sou raai dat die oorgrote gros rugbyspelers in Suid-Afrika Afrikaanssprekend is, dat 75% plus op die rugbypawiljoene en voor die TV’s Afrikaanssprekend is, maar dat Supersport en SARU nie eers ŉ poging aanwend om u talrykste klant en ondersteuner in ag te neem nie. Ons vra nie vir 50% Afrikaans tydens hierdie soort seremonies nie, nie eers 33% of selfs 25% nie, want ons verstaan dat ons in die Nuwe SA leef met nuwe vereistes. MAAR ons dring aan op erkenning, nie minagting nie. Moet tog net nie weer met die verspotte verskoning van elf tale en elf seremoniemeesters en elf konserte en elf ander soorte snert kom nie. U as SARU en Supersport moet u oë oopmaak en kyk wie speel en wie kyk en wie betaal.

Wat dus nou van die borge? Hulle en hulle miljoene? Weet hulle dat ons Afrikaanssprekendes nie miljoene rande aandra na hulle winkels toe nie, maar wel miljarde. Dis óns miljarde waaruit hulle skep en waarmee Supersport en SARU hierdie Engelse tempel van verering en aanbidding aan die gang hou. Want SARU en Super Sport teer op ons passie vir rugby, op ons passie vir ons spanne, ons Springbokke en ons spelers.

Besef u as SARU en Supersport dat gedurende die hele aand daar niks in Afrikaans oor iemand se lippe geglip het nie, nie ŉ liedjie nie, nie ŉ sinnetjie nie, nie ŉ woord nie. Wat die arme Sarel Pretorius besiel het om sy elektroniese boodskap in Afrikaans na hierdie Engelse sirkus toe te stuur, weet net hy. Onkundige, oningeligte, Afrikaanssprekende Super Rugbyspeler van die jaar, skaam hy hom nie!

Dis al erg genoeg dat ons Saterdag na Saterdag moet aanhoor hoe 100% Afrikaanssprekende skeidsregters en 100% Afrikaanssprekende voorrye mekaar in die rooitaal die stryd aansê in aksente so dik soos ŉ plaasdamwal. Terloops, is dit een of ander reël of regulasie in SARU se wetboeke dat hulle so moet kommunikeer?

Nou waar laat hierdie tirade ons nou? By die punt waar ons vir SARU en vir SUPERSPORT wil sê ons is gatvol en ons dring aan op ŉ openbare verskoning oor u Afrikaans in die asblik infoeter. En saam daarmee ŉ sinvolle verduideliking van u houding teenoor Afrikaans, beide in die verlede en in die toekoms. Want so kan dit wragtag nie aangaan nie. Is daar iets wat ons nie weet nie? Een of ander finansiële of politieke stuk inligting wat u noop om hierdie onverklaarbare ongeskikte pad te stap? Vertel ons daarvan dat ons ook kan verstaan, want ons wil graag.

Of wil u as SARU en Supersport eers ŉ paar honderd duisend handtekeninge op petisies, e-posse, Facebook en Twitter hê? Daar is genoeg energieke gatvolles en beledigdes onder Afrikaanssprekendes om so-iets aan die gang te sit. Saam daarmee ŉ dosyn of meer organisasies rondom Afrikaans as taal wat net so siek en sat is vir die huidige gemors. Ek weet, want ek het ŉ telefoon wat lui en lui. En dis ook presies net daar waar Afrikaanssprekendes en die Afrikaanse media na mekaar moet uitreik. Anders sterf altwee.

Zille moet bedank

“Die Vryheidsfront Plus verwelkom die bekendmaking van die Openbare Beskermer se verslag die week met bevindings oor wanbestuur en ongerymdhede in die DA-beheerde Midvaal-munisipaliteit in Gauteng,” het mnr. Jaco Mulder, VF Plus-LPW en provinsiale leier vir Gauteng, gesę.

Die VF Plus het reeds in April 2009 tydens ‘n mediakonferensie inligting oor korrupsie aan die media beskikbaar gestel en in November 2009 ‘n ondersoek daarna deur die Gautengse LUR vir plaaslike regering aangevra.

Volgens Mulder was die leier van die DA, me. Helen Zille, minstens sedert Januarie 2009 bewus van bewerings van ernstige korrupsie in Midvaal nadat mnr. Kobus Hofmann, toe ‘n burgemeesterskomiteelid vir Midvaal, sy besorgdheid oor korrupsie in die munisipaliteit aan haar openbaar het en sy ten spyte daarvan telkens tydens die parlementęre verkiesingsveldtog van 2009 en die plaaslike regeringsverkiesing van 2011 na die skoon administrasie van die DA in Midvaal verwys het.

Helen Zille, James Selfe, Ryan Coetzee en ander senior DA-leiers het telkens ontken dat daar enige vorm van korrupsie in Midvaal is ten spyte van talle ooglopende bewyse. Die VF Plus het ingegryp nadat talle inwoners van Midvaal die party genader het om hulp omdat hulle deur die DA-raad benadeel is.

Zille het selfs in die Volksblad van 21 Augustus 2011 ontken dat sy Hofmann ken en James Selfe, toe die voorsitter van die DA se Federale Raad, het aan dieselfde media gesê dat hy nie bekommerd is oor die aantygings nie en dat dit herinner aan iets uit ‘n Monty Python fliek, nadat Hofmann ‘n klag van regsverydeling teen Zille en ander DA-leiers by die Meyerton polisie aanhangig gemaak het.

Die omstrede leier van die DA in Midvaal, mnr. Andre Odendaal, het na die bewerings van DA-korrupsie in die openbaar boonop gedurende Februarie 2010 ‘n lasteraksie teen mnr. Corrie Pypers, VF Plus-raadslid in Midvaal, mnr. Kobus Hofmann, fluitjieblaser en mnr. Jaco Mulder, VF Plus-LPW vir Gauteng begin.

“Die DA en ANC is twee teenkante van dieselfde munt en die tyd sal leer dat die DA-beheerde Midvaal waarskynlik die mees korrupte munisipaliteit in Suid-Afrika is,” het Mulder gesę. Helen Zille, James Selfe, Ryan Coetzee en Martie Wenger is gevolglik medepligtig aan hierdie korrupsie omdat dit deurgaans onder hul aandag gebring is, hulle dit ontken het en versuim het om daarteen op te tree.

Die DA het die kieserspubliek herhaaldelik mislei en kan gevolglik geen geloofwaardige alternatief vir die ANC wees nie. Die DA eis telkens die bedanking van korrupte ANC-amptenare en daarom eis die VF Plus dat Helen Zille en elke DA-amptenaar wat by die korrupsie in Midvaal betrek word, bedank.

Александр Фильчаков

Midvaal se korrupsieballon

Stellenbosch móét Afrikaans bly!

Die Vryheidsfront Plus ondersteun die aankondiging van oud-studente van die Universiteit van Stellenbosch en verskeie toonaangewende burgerlike organisasies dat hulle teen die universiteitsbestuur gaan optree weens die stelselmatige afskaling van Afrikaans as primêre onderrigtaal aan die universiteit.

Volgens adv. Anton Alberts, VF Plus-parlementêre woordvoerder oor hoër onderwys, is die afskaling van Afrikaans in beide basiese onderwys by skole en in die hoër onderwys by universiteite nou besig om krisisafmetings aan te neem.

“Afrikaanse skole het sedert 1994 van nagenoeg 2000 tot minder as 300 verminder terwyl Afrikaans by tradisionele Afrikaanse universiteite met rasseskrede verminder of uitgefaseer is. Vandag is die voormalige RAU getransformeer tot ‘n Engelstalige ‘UJ’ en Stellenbosch is op dieselfde pad,” het Alberts gesê.

“Ek was self ‘n student by die voormalige RAU en dit is hartseer om te sien hoe die Afrikaanse taal en etos uit die instelling gehaal is. Ek is tans ook ‘n meestersgraadstudent aan die Universiteit van Stellenbosch en op hierdie vlak van onderrig is daar min Afrikaanse onderrig te bespeur.

Die probleem lê egter nie by individuele fakulteite of dosente nie, maar by die universiteit se bestuur wat nie deur befondsing en die skep van institusionele strukture Afrikaanse onderrig ondersteun nie. By Stellenbosch is dit des te meer skandelik omdat dit die een Afrikaanse universiteit is wat hom in Suid-Afrika midde in ‘n Afrikaanse meerderheidsdemografie bevind,” het Alberts bygevoeg.

Die VF Plus ondersteun steeds die aanbevelings van die Gerwel-kommissie dat daar ten minste een primêre Afrikaanse universiteit in die Noorde van die land moet wees en een in die Suide. “Die regering is dit aan die Afrikaanssprekendes verskuldig.

Die ANC het onlangs regsreëls die lig laat sien wat die kultuurgoedere van inheemse gemeenskappe beskerm deur wysigings te maak aan verskeie intellektuele eiendomsregwette.

Indien hierdie logika verder gevoer word, moet die regering ook immers kultuurgroepe self beskerm en so ook hul taal wat, onder andere, die draer is van kulturele uitdrukking en oordrag. Daarom gaan die VF Plus weereens hierdie saak onder die aandag van die minister van hoër onderwys bring,” het Alberts gesê.