Dan Roodt, Author at praag.co.za

‘Ek’s nou baas…’

Die plaaswerker Chris Mahlangu en sy minderjarige medebeskuldigde het glo oor die moord op Eugene Terre’Blanche, AWB-leier, “gespog”, het die hof Dinsdag gehoor.

Albei getuies wat op ‘n buurplaas woon, het in die rondgaande hof op Ventersdorp gesê die twee het kort ná die moord erken dat hulle Terre’Blanche op 3 April verlede jaar vermoor het.

“Die twee mans het by my woonplek aangekom en Mahlangu het gesê ‘ek is vandag jou baas… Ek het Terre’Blanche vermoor’,” het Enie Matshediso getuig.

Mahlangu wou haar na die moordtoneel neem, maar Matshediso het geweier.

“Hy het toe my kêrel gevra om sy foon te leen om die Potchefstroom-polisie te bel,” het sy gesê.

“Ons het geweier en gesê hy moet weggaan. My pa het toe uitgekom en hom weggejaag.”

Nóg ‘n plaaswerker, Richard Silane, het gesê Mahlangu het dieselfde met hom gedoen.

Silane, wat op ‘n buurplaas werk, het die minderjarige in die hof uitgewys as die persoon wat die telefoonoproep gemaak het.

Die hof het gehoor dat Silane nie gesien het watter klere die minderjarige aangehad het nie, maar onthou dat hy bloed op Mahlangu se oorpak gesien het.

Hy het nie alkohol by die twee geruik nie, en het nie die gesprek met die polisie gehoor nie.

Silane het gesê die minderjarige “was in ‘n goeie toestand” en het nie bang gelyk nie.

“Toe hulle klaar is, het hulle gesê hulle gaan loop en dat die polisie hulle langs die pad sou kry. Hulle het toe in die rigting van Terre’Blanche se plaas gestap… Ek het hulle nooit weer gesien nie.”

Die twee word daarvan beskuldig dat hulle Terre’Blanche op sy plaas verlede jaar in ‘n loongeskil vermoor het.

Albei het onskuldig gepleit op aanklagte van moord, huisbraak en poging tot roof met verswarende omstandighede.

Die verhoor duur voort.

Лобановский Харьков

Getuie wys skuldiges uit in ET-moord

‘n Plaaswerker het Dinsdag getuig dat Chris Mahlangu en sy minderjarige medebeskuldigde erken het dat hulle die AWB-leier, Eugene Terre’Blanche gesteek het.

“Op 3 April 2010 het ek in my woonplek gesit en hulle het ingekom en gesê hulle het Terre’Blanche gesteek,” het Richard Silane in die rondgaande hof op Ventersdorp getuig.

“Hulle het ‘n telefoon gesoek en die jonger een het toe die polisie gebel.”

Silane, wat op ‘n buurplaas werk, het die minderjarige in die hof uitgewys as die persoon wat die telefoonoproep gemaak het.

Mahlangu en die minderjarige word daarvan beskuldig dat hulle Terre’Blanche op sy plaas in die Noordwes vermoor het. Albei het onskuldig gepleit op aanklagte van moord, huisbraak en poging tot roof met verswarende omstandighede.

прокурор Фильчаков

Blitsbukse! van Renault en Volkswagen

Wanneer ‘n mens aan blitsbukse dink, dan kom daar gewoonlik net een naam sonder inspanning in jou gedagtes op: GTi. Party ouens sal dalk nog Gsi of RSi onthou, maar GTi is die een wat altyd uitstaan.

{jathumbnail off}

Ons het in die gees van ‘n regte egte blitsbuks drie baie warm motors onder hande gehad. Nou kyk, die dae van goedkoop motors is al vyf jaar gelede verby so al is die karretjies almal buksies, kos hulle glad nie meer wat die GTi en GSi van ‘n paar jaar gelede gekos het nie. Ons kandidate is die Renault Megane RS, die VW Golf R en die wilde VW Polo GTi. Met die regering wat so belastings aan al wat leef en beef uitdeel, sal Pretoria ook nie soveel geld uit hierdie motors kan maak soos byvoorbeeld slegs twee jaar gelede nie. Al drie hierdie motors is toegerus met hoogs gevorderde hoëverrigtingenjins wat spaarsamig met die brandstof en baie suinig met die uitlaatgasse te werk gaan.

Renault Megane RS

Die RS is die breker van die hele Renault-reeks en jy kan hom in twee spesifikasievlakke aanskaf, die gewone RS of die RS Cup. Die motors se enjins verskil glad nie, maar die Cup-weergawe lyk bietjie rowwer met sy swart sierwiele en koolstofafwerking. Die rensitplekke en natuurlik die heelwat stywer vering sorg dat die Cup-weergawe beter klou in die draaie en sommer net die duiwel in lyk.

Ons het die gewone RS onder hande gehad en laat ek julle vertel, hierdie motor voel alreeds soos ‘n renstel op die teer. Daar is alles wat oop en toe maak en elektronies verstelbaar is sowel as verhitte sitplekke en ‘n TomTom-navigasiestelsel. Die hele kajuit is met swart leer uitgevoer en hy lyk en voel nie veel anders as enige ander Renault Megane waarin ek al gesit het nie. Ons toetsmotor is toegerus met ‘n 2-literenjin wat van ‘n hoëdrukturbo-aanjaer voorsien is; die eenheid ontwikkel 184KW en 340 NM. Die brutale krag word slegs na die voorwiele gestuur en in toom gehou deur ‘n 6-ganghandratkas. Die gevolg is ‘n vreeslike geblaas van die uitlaatpyp hier reg onder die bestuurder se sitvlak en dan die verbysterende vesnelling. Snaaks genoeg, is daar baie min wringstuur onder versnelling, want gewoonlik as daar soveel krag na die voorwiele gaan, sukkel die wiele om te gaan waar die stuurwiel wil hê hy moet gaan. Vesnelling van 0-100km/u is 6,1 sekondes en die RS se asem sal eers teen 250km/u opraak. Die motor voel glad nie so vinnig nie en hy klink ook nie wintie nie; hy lyk soos ‘n gewone Renault Megane-koepee met bietjie groter wiele en ‘n enkele uitlaatpyp in die middel agter, maar dit is dit.

Bougehalte is aanvaarbaar, maar volgens my wat self ‘n Renault-eienaar is, nie so goed soos die vorige generasie Megane nie. Hierdie is ‘n driedeurvoertuig, so daar is nie vreeslik baie spasie agter nie, maar vier mense kan redelik gemaklik in die motor rondrits. Wat my wel verbaas het, was die hoeveelheid bagasieruimte wat die RS bied. Vir so ‘n plat motor met ‘n lae daklyn het die RS ‘n baie diep bagasievloer en ek wil amper sê net soveel pakplek as die gewone luikrug-Megane. Die RS is ‘n goeie alternatiewe blitsbuks, maar val nie in almal se smaak nie. Hy is vinnig, maar skort iets iets waarvan die volgende motor wel baie het. Ons gee hom 3 uit 5.

VW Golf R

Die Golf R is soos die Megane RS die rowwe Golf in die reeks. Die verskil hier is net dat hierdie Golf R toegerus is met vierwielaandrywing sowel as ‘n hoëdrukturbo-aanjaer. Die gewone Golf GTi se enjin ontwikkel 155KW en 280 NM, die R lewer 188KW en 350 NM. Dit maak ‘n verskil van 1,4 sekondes van 0-100 km/u, dus 5,5 sekondes vergeleke met 6,9 sekondes vir die GTi en 250km/u vergeleke met die 238km/u van die GTi.

Dit is egter die geluid en die gevoel van die R wat hierdie motor so spesiaal maak. Dit voel kompleet of jy binne in ‘n vuurpyl sit! Die brute krag waarmee die motor versnel, is eenvoudig verstommend; die vastrap wat die vierwielaandrywing verskaf, is eintlik onwettig in ‘n standaardpassasiersvoertuig. Daarmee saam bied die Golf R nog vyf deure ook en dieselfde bagasieruim en been-en-skouerspasie as die bekroonde Golf VI.

Bougehalte is uitstekend en van luukses soos sitplekverhitting, elektriese sitplekverstelling, aanboordrekenaar met raakskerm en navigasie sowel as leer van voor tot agter en – dit het ons al gesê – vierwielaandrywing is alles standaard. Ons toetsmotor is die DSG Direct Sequential Gearing-weergawe met die outomatiese handratstelsel. Nou kyk, alles aan hierdie Volksie is indrukwekkend, maar niks het my meer laat glimlag as die geluid wat uit die motor se maag kom wanneer daar blitsig ratte verwissel word nie. Daar is amper so ‘n dowwe klapgeluid soos die nuwe rat geskakel word en dan die ongelooflike stukrag waarmee die onderstel die motor in die nuwe rat vorentoe beur is net iets wat elke entoesias self moet ervaar.

Wie wil nou ‘n S3 of ‘n 135i hê wanneer jy vir minder geld dieselfde bougehalte en verrigting en gevoel en glimlag en aandag kan ervaar? Hierdie is ‘n 5 uit 5.

VW Polo GTi

Die oorspronklike Golf GTi van die jare tagtig het die hele blitsbuksding begin. Die motor was klein dog prakties en maklik om te bestuur en terselfdertyd baie vinnig. Hy was regtig ‘n sportmotor in ‘n kortbroek en daarby was hy nogal bekostigbaar ook. Die nuwe Polo GTi kom vir ons die naaste aan wat die oorspronklike GTi was. Daar is hope karakter, krag en puik bougehalte in ‘n kompakte dog praktiese motor.

Die Polo GTi is toegerus met ‘n 1,4 liter TSI-enjin met turbo sowel as ‘n drukaanjaer. Die gevolg is 132 KW en 250 NM se krag. Ons toetsmotor was met dieselfde DSG-ratkas as die Golf R toegerus en dit het die Polo sommer brutaal laat voel. Om dit in perspektief te stel: die Golf VI GTi DSG versnel van 0-100km/u in 6,9 sekondes en dit is ‘n 2,0 TSi-motor. Die Polo GTi se 1,4 TSi laat die 100km/u merk ook in 6,9 sekondes verby blits. Grootboet se asem raak by 238km/h op waar die Polo Gti by 230 km/u sal halt roep.

Hier was vir my baie wringstuur want die hele 132 KW word na die voorwiele gestuur en as jy nie wakker is nie sal die Polo jou baie vinnig langs die pad laat beland. Bougehalte in die Polo GTi is ook van uitstekende peil en die kort leerratkierie sowel as die rooi steke wat om die nate van die sitplekke gewerk is, die driespeekstuurwiel met aluminium- GTi-kentekens laat jou weet jy is in iets spesiaals. Die Polo’tjie het ook vyf deure en ‘n bruikbare bagasieruim, egte groot speek GTi-wiele met rooi remknypers en ‘n rooi strepie à la 1985-Golf Gti om die sierrooster.

As jy nie een van die bogenoemdes se pryskaartjie van bykans R400 000 kan bekostig nie, is die Polo GTi teen R265 000 by verre die beste blitsbuks in die land. Ons gee hom 4 uit 5.

Motor-van-die-jaar 2012

Die tien finaliste in 2012 se Motor-van-die-jaar-wedstryd is so pas bekendgemaak. Die motors is:

Alfa Romeo Giulietta 1.4 125 kW MultiAir Distinctive
Audi A6 3.0 T TDI Quattro S tronic
Citroen DS4 THP 200 Sport
Ford Focus 2.0 TDCI Trend Sedan Powershift
Hyundai Elantra 1.8 GLS
Kia Picanto 1.2 EX
Mercedes Benz SLK 350 BlueEFFICIENCY
Peugeot 5008 2.0 HDi Active Man
Suzuki Kizashi 2.4 SDLX Man
VW Jetta 1.4 TSI 118 kW Highline

Die Gilde van motorjoernaliste sal in Februartie 2012 twee toetsdae hou om die koring van die kaf te skei.

Dene Smuts verkies wit DA

Die stryd om die parlementêre leierskap in die DA, is duidelik wit op swart.

‘n Senior wit DA-lid van die parlement, Dene Smuts sal Athol Trollip vir die party se parlementêre baas kies, teen Trollip se uitdager, Lindiwe Mazibuko.

Smuts, die party se hoë-profiel-woordvoerder oor justisie, het gister gesê sy sal vir Trollip in die partyverkiesing op 27 Oktober stem.

“Hierdie verkiesing is ‘n wedstryd tussen ‘n ongetoetste groen loot van die groei-jou-eie-hout kwekery teen ‘n boom wat getoon het dat dit nie buig nie,” sê Smuts.

“Athol Trollip het my steun, want hy vertel enige partybaas wat probeer om die demokratiese uit te haal [uit die Demokratiese Alliansie] om te gaan doppies blaas – en soos ek hom ken, in sterk taal.”

Sy het gesê dat die wedloop vir die parlementêre leierskap van die party nie gesien moet word as ‘n “transformasie-toets” vir die DA se parlementêre koukus nie.

“Daar is baie sterker swart LP’s as die kandidaat [Mazibuko],” sê Smuts.

Die Sunday Times het die naweek berig dat Trollip onder kwaai druk verkeer om die wedloop te laat vaar sodat Mazibuko onbestrede verkies kan word, maar het geweier om dit te doen.

Partyleier Helen Zille ondersteun Mazibuko, sê talle bronne in die DA, maar wil nie in die openbaar toetree om haar gunsteling te voor te stoot nie.

Mazibuko word in die openbaar deur die voorsitter van die DA-koukus James Masango, adjunk-voorsitter Marti Wenger en Kaapstad se burgemeester, Patricia de Lille ondersteun.

“Ek hoop dat enige LP’s wat onder druk voel, sal onthou dat hulle stem geheim is en hul salaris deur die belastingbetaler betaal word, en nie deur die party nie,” het Smuts gesê.

Smuts is geïsoleer want jong wit DA-LP’s, soos Geordin Hill-Lewis, David Maynier en Tim Harris, is van die Mazibuko-stal. Hulle het gehelp by die perskonferensie verlede maand, waar Mazibuko haar kandidatuur aangekondig het.

Hoewel die verkiesing ‘n interne DA-affêre is wat net die stemme van die 78 DA’s en vyf ID’s behels, het Mazibuko ‘n reklame-agentskap gehuur om persvrystellings oor haar veldtog uit te reik. Trollip daarenteen, het gesê die verkiesing is ‘n interne kwessie.

Maar Mazibuko se ander wit stukrag binne die party, Wilmot James, en ook ‘n Zille-vertroueling, het gesê die Mazibuko-ondersteuners het gevoel dit is “nuttig om kiesers te betrek”.

“Dit is ons openbare verteenwoordigers wat stem, daarom dink ons dit is belangrik om te kommunikeer met ons kiesers al die pad,” het James gesê.

Данильченко Харьков

Onderwysers dop laerskoolwiskunde

Baie Suid-Afrikaanse onderwysers kan nie wiskundevrae gebaseer op die kurrikulum een of twee jaar bo die graad wat hulle gee, beantwoord nie.

Slegs 53% van graad 4 se wiskunde-onderwysers kon drie jaar gelede ‘n eenvoudige breukvraag wat gebaseer is op die graad 6-kurrikulum, korrek beantwoord, het ‘n studie bevind.

Slegs 72% van graad 5 se wiskunde-onderwysers het dieselfde vraag, naamlik 1/4 + 3/5, reg gehad in 2009.

Die studie is gedoen deur die JET Education Services in 268 skole in agt provinsies, met Gauteng uitgesluit. Navorsers het 8 383 kinders oor ‘n tydperk van drie jaar vanaf graad 3 in 2007 tot graad 5 in 2009 gevolg.

JET se senior navorser dr Nick Taylor het gesê die gebrekkige vakkennis van onderwysers “moet ‘n diepgaande uitwerking op kinders hê”.

“Onderwysers kan nie oordra wat hulle nie ken nie nie,” het hy gesê.

Die impak van hul gebrekkige kennis word vererger omdat baie leerders nie behoorlike toegang tot handboeke het nie en “byna geheel en al afhanklik van hulle onderwysers vir kennis is”, het Taylor gesê.

Die studie maak deel uit van die 3Rs-projek waartydens verskeie organisasies, waaronder die Raad vir Geesteswetenskaplike Navorsing, gesyferdheid en geletterdheid in skole nagevors het.

Die studie het ook bevind dat die “oorweldigende meerderheid” van wiskunde-onderwysers uitdagende onderwerpe vermy. Gemiddeld slegs 24% van die onderwerpe in die wiskunde-kurrikulum is in Graad 4 en 5 gedek. Onderwysers dek die “eenvoudigste van onderwerpe” en die meeste gee klas in ‘n “meganiese [en] prosedurestyl”.

“Hierdie praktyk het rampspoedige gevolge op die wiskundige kennis waaraan leerders blootgestel word.”

Navorsers het bevind dat uitgebreide stelwerkoefeninge “baie selde in Suid-Afrikaanse klaskamers” voorkom, wat “een van die grootste tekortkominge van skole is”.

Graad 5’e in die Oos-Kaap het slegs twee keer per jaar paragrawe of langer skryfoefeninge geskryf, terwyl die Wes-Kaapse leerlinge dit byna agt keer ‘n jaar gedoen het.

Indien leerlinge nie genoeg behoorlike skryfoefeninge doen nie, sal hulle sukkel om inligting later te ontleed en te interpreteer, het Taylor gewaarsku.

Van Graad 4 se leerlinge het 44% en 32% van die graad 5-klasse nie enige paragrawe in ‘n jaar geskryf nie, wat “ontstellend” is.

Irak dreig om bande met VSA te verbreek

Bagdad dreig om sy militêre bande met Washington aan die einde van hierdie jaar te verbreek en privaatkontrakteurs te gebruik om sy gewapende magte op te lei. Die twee kante sukkel om ooreen te kom oor ‘n klein aantal Amerikaanse troepe wat in Irak sal aanbly nadat die VSA onttrek het.

Die twee partye het in beginsel ooreengekom dat ‘n paar duisend Amerikaanse troepe in Irak aan die einde van die jaar moet aanbly, maar hulle het vasgeval oor of Amerikaanse troepe immuniteit van vervolging sal geniet indien hulle misdade pleeg.

Die Irakse regering het reeds die opleiding van vlieëniers met Lockheed Martin uitgeklaar. Hulle het onlangs F-16’s aangekoop, het Ali al-Dabbagh, Irakse regeringswoordvoerder, Maandag gesê.

“As ons [militêre] toerusting koop, is daar ‘n moontlikheid dat … opleiding vorentoe” op “kommersiële” terme sal geskied, het hy gesê in ‘n onderhoud by ‘n Wêreld Ekonomiese Forum-geleentheid in Abu Dhabi.

Kommersiële opleiding sal egter onwaarskynlik die omvang van wat die VSA kan bied kan dupliseer. Irakese en Amerikaanse amptenare voer reeds maande lank gesprekke oor ‘n voortgesette teenwoordigheid as die missie op 31 Desember sluit.

“Ons is gereed om die opsies wat beskikbaar is sonder immuniteit te bespreek,” het mnr Dabbagh gesê

Maar immuniteit van vervolging onder plaaslike wetgewing is deel van alle Amerikaanse troepe se “status van magte ooreenkomste” (die sogenaamde Sofa) met gasheerlande, insluitend Japan, Suid-Korea, Duitsland en Irak.

Die ooreenkomste stipuleer dat die plaaslike howe nie Amerikaanse militêre personeel vir misdade, insluitend dié wat met voorbedagte rade gepleeg is, kan vervolg nie.

Dit is omstrede in baie gasheerlande, soos Japan, waar die Amerikaanse soldate van verkragting beskuldig word op die eiland Okinawa.

Die Pentagon het gesê dat hulle die Irakse standpunt oorweeg. “As ‘n algemene beginsel, het die VSA se troepe oorsee toepaslike wetlike beskerming nodig,” het ‘n woordvoerder gesê.

Фильчаков прокурор

Geweld teen Christene in Egipte veroordeel

Die dood van minstens 25 Koptiese Christene wat die afgelope naweek in Kaïro in geweld gesterf het, het Maandag ernstige kommer in Amerika en in Europa gewek. Spanning in Egipte tussen godsdiensgroepe is aan die oplaai.

Die slagoffers is Sondag dood toe Egiptiese soldate met pantservoertuie onder ‘n groep Koptiese betogers buite die nasionale TV-sentrum ingejaag het.

Meer as 270 ander is toe ernstig beseer.

Verskeie van die betogers is in hegtenis geneem en sal binnekort voor militêre howe verskyn.

Dit was die ergste geweld in Egipte sedert oudpres. Hosni Mubarak in Februarie vanjaar in ‘n volskaalse straatrevolusie sy amp gedwonge moes neerlê.

Die tussentydse Egiptiese eerste minister, Essam Sharaf, het Maandag in opdrag van die regerende militêre raad ‘n dringende ondersoek na die voorval gelas.

Die Koptiese betogers het in hul protesoptog beswaar aangeteken teen wat hulle bestempel het as volgehoue diskriminasie teen en aanvalle op hul kerke deur Islamitiese ekstremiste, onder wie die Salafiste en die Moslem-broederskap.

Sommige waarnemers wil dit hê dat die opstand teen Mubarak in Februarie sy oorsprong onder meer gehad het in beskuldigings deur Moslem-aktiviste dat hy die Koptiese kerk beskerm.

Verskeie Christene is op Kersdag in Desember en vroeg Januarie vanjaar in bomaanvalle op kerke in Heliopolis en in die middestad van Kaïro dood en beseer.

Die betoging Sondag in Kaïro was die gevolg van ‘n aanval verlede week deur Moslem-ekstremiste op ‘n Koptiese kerk in Aswan in die suide van Egipte.

Sowel Amerika as die Europese Unie het Maandag ‘n beroep op die Egiptiese owerheid gedoen om selfbeheersing aan die dag te lê.

Hulle het hul kommer uitgespreek oor die impak wat die onrus en gesê as dit voortduur, sal parlementêre verkiesings wat vanjaar nog in Egipte moet plaasvind, negatief geraak word.

Sowat 10% van Egipte se 80 miljoen mense is Christene, en die meeste daarvan is lidmate van die Koptiese Kerk.

Фильчаков

Asielsoeker byt vas

Brandon Huntley (32), die Suid-Afrikaner wie se vlugtelingstatus in Kanada in die gedrang is, het dié week gesê dat hy sy saak tot in die hoogste hof in Kanada sal voer.

Huntley het in 2009 ‘n opskudding veroorsaak toe asiel in Kanada aan hom toegestaan is nadat hy aangevoer het swart misdadigers teiken hom weens sy velkleur.

Drie regters in die federale appèlhof in Kanada het Woensdag Huntley se appèl teen dié hof se besluit van verlede jaar om sy vlugtelingstatus terug te trek, verwerp.

Huntley sal hom vervolgens tot die hooggeregshof in Kanada wend, het die Sunday Times berig.

Volgens sy regsverteenwoordigers sal dié aansoek die finale besluit of hy in Kanada kan bly of nie met sowat vier jaar uitstel. Hy is in 2004 uit Suid-Afrika weg.

AWB wag, moordenaar lag

Die moordverhoor van die twee mans wat beskuldig word van die moord op Eugene Terre’Blanche in Ventersdorp is deur ‘n groep AWB-ondersteuners in kakieklere bygewoon wat buite die hof gewag het.

Omtrent ses polisievoertuie was reeds vroegoggend buite die hof geparkeer, terwyl die klein groepie AWB-ondersteuners hulleself oorkant die straat onder ‘n gazebo tuisgemaak het.

Hulle het die dag in gebed begin, voordat een ondersteuner ‘n klankstelsel van ‘n motor met ‘n AWB vlag bedek, aangeskakel het om die lied De La Rey te speel.

Die woorde “Die boer is hier om te bly” is op plakkate met die ou Suid-Afrikaanse vlag vertoon.

“Ons wil geregtigheid hê,” het ‘n ander gelees met Eugene Terre’Blanche se gesig daarop afgedruk. Hulle was huiwerig om met die media te praat en het net skouerophalend op vrae gereageer.

Plaaswerker Chris Mahlangu, wat daarvan beskuldig word dat hy die AWB-leier op 3 April verlede jaar in sy Noordwes-plaashuis oor ‘n oënskynlike loongeskil doodgeslaan het, het ontspanne gelyk in die hofsaal. Hy verskyn saam met ‘n tiener wie se naam nie genoem mag word nie.

Dié besluit is geneem in weerwil daarvan dat die Skielik-skieter, Johan Nel, ook minderjarig was tydens die aanval in 2008 waarin 4 swartmense gedood is. Nel se aansoek om appèl is intussen ook afgekeur.

Terre’Blanche se moordenaars het in Mei verlede jaar in die hof verskyn. Mahlangu se eerste prokureur, Puna Moroko, het vroeër onttrek weens die gebrek aan befondsing van Regshulp SA.

Na aanleiding van Moroko se onttrekking, het Regshulp SA Advokaat Khomotso Tlouana aangestel om Mahlangu te verteenwoordig.

Die saak is toe vertraag omdat Tlouana tyd nodig gehad het om homself vertroud te maak met die gebeure.

Terre’Blanche se broer Andries was nie beïndruk met die vertragings nie.

Hy het ook gekla oor Mahlangu se houding.

“Jy kan sien hy lag. Hy is ‘n held.

“Aan die einde van die dag sal hy die straf wat hy verdien kry,” het ‘n emosionele Andries gesê, wat ‘n gordel met ‘n AWB-kenteken op die gespe gedra het.

Die saak duur voort.