Dan Roodt, Author at praag.co.za

Verbied stakings in landbou

Die onstuimigheid waarin die land tans verkeer, en die gevolglike negatiewe ekonomiese implikasies daarvan, vereis dat staatsmanskap vereis word in die Staatsrede wat pres. Jacb Zuma eerskomende Donderdag gaan lewer. Mnr. Louis Meintjes, TLU SA se President, het die vertrou uitgespreek dat mnr. Zuma hom nie gaan laat bind deur kleinlike partypolitieke standpunte nie, en dat hy nie gaan toelaat dat volgende jaar se algemene verkiesing nou reeds gaan neerslag vind in propagandistiese uitsprake tydens sy Staatsrede nie.

“Wat die land nou nodig het is stabiliteit. Veral landbou moet gestabiliseer word nadat die Regering die fout gemaak het om die minimumlone met meer as 50% op te skuif.

“Ter wille van voedselsekerheid, en ter wille daarvan dat uiters noodsaaklike buitelandse valuta nie verlore gaan nie, mag ‘n herhaling van die gebeure by De Doorns nooit weer plaasvind nie.

“Die oplossing wat TLU SA daarvoor aan die hand doen, is dat landbou ook tot noodsaaklike diens verklaar word, wat sal beteken dat landbou-werkers ook in die vervolg nie meer sal mag deelneem aan stakings nie. Ons sou graag wil sien dat die President hierdie aankondiging in sy Staatsrede sou doen,” sê mnr. Meintjes.

‘n Swart pous?

Pous Benedictus XVI se bedanking het gelei tot oproepe dat sy opvolger uit Afrika moet kom, die tuiste van die wêreld se vinnigste groeiende bevolking en in die voorste linies van die belangrikste kwessies wat die Rooms-Katolieke Kerk in die gesig staar.

“Die wêreld is nou multi-kleur,” sê die Poolse priester Stanislaw Skuza.

Ongeveer 15 persent van die wêreld se 1,2 miljard Katolieke lewe in Afrika en die persentasie het aansienlik uitgebrei in die afgelope jaar in vergelyking met ander dele van die wêreld.

Name soos Ghana se Peter Turkson en die Nigeriese John Onaiyekan is genoem as potensiële pouslike materiaal, asook Francis Arinze, ook van Nigerië.

Sommige ontleders sien die kwessie as een van geregtigheid omdat Afrika bygedra het tot die Rooms-Katolieke Kerk tot so ‘n groot mate, sowel as ‘n weerspieëling van ‘n veranderende wêreld.

Voorstanders van ‘n swart pous wil ook ‘n “verstandhouding” met Islam en die Pinkster-beweging in die Katolieke Kerk sien.

SAA se waarnemende hoof geskors

Die Suid-Afrikaanse Lugdiens (SAA) het sy waarnemende hoof, Vuyisile Kona, geskors.

“Dit is gebaseer op sekere bewerings wat onder die raad se aandag gebring is en dit is die raad se fidusiêre plig om dit te ondersoek,” het die maatskappy in ‘n verklaring gesê.

“Dit moet benadruk word dat die raad nog nie ‘n besluit geneem het met betrekking tot die waarheid of andersins van hierdie bewerings nie.”

Kona is met onmiddellike effek geskors.

SAA het gesê sy raad van direkteurs is in die proses om ‘n permanente hoof- uitvoerende beampte aan te stel. Aansoeke is ontvang en die raad is besig om dit na te gaan.

“Die raad is vol vertroue dat die proses teen 31 Maart 2013 afgehandel sal word, wanneer aanbevelings aan die minister van openbare ondernemings [Malusi Gigaba] gemaak sal word.”

Die raad het Nico Bezuidenhout, hoof- uitvoerende beampte van Mango, gevra om die groep se werksaamhede te bestuur, het SAA gesê.

ANC gaan rekeninge van FNB skuif

Die ANC wil sy rekeninge by FNB sluit en na Postbank skuif, het die Sunday Times berig.

Die besluit is in Desember tydens die ANC se nasionale verkiesingskonferensie in Mangaung geneem, omdat die party meer “bekostigbare” bankkostes wil betaal.

Die party het gesê dit moet op voorwaarde geskied dat die staatsbeheerde bank sy banklisensie in ‘n handelsbanklisensie omskep.

“Ons is besig om ons aansoek af te handel en indien dit suksesvol is, sal Postbank ‘n handelsbank word,” het

Shaheen Adam, waarnemende besturende direkteur van die bank, gesê.

Meer as een miljoen ANC-lede deponeer hul jaarlikse ledefooi in die party se bankrekening by FNB.

Die ANC en sy geaffilieerdes het verlede maand FNB se jeug-advertensieveldtog gekritiseer en sê dit was ‘n aanval op die regering.

DA wil Mandela se visie vier

Suid-Afrika moet die herdenking van oudpres. Nelson Mandela se vrylating uit die tronk Maandag vier deur sy visie vir die land te onthou, het die DA gesê.

“Ons moet nooit die wonderlike visie van die toekoms en die grondwet vergeet wat hy aan ons gegee het nie en wat vandag sy grootse nalatenskap is,” het Helen Zille, leier van die DA, in ‘n verklaring gesê.

Sy het gesê Suid-Afrikaners moet hulle weer daartoe verbind om Mandela se visie van ‘n verenigde land te herbou deur ‘n einde te bring aan die “verval” wat volgens haar deur die huidige leierskap geskep is.

“Elke Suid-Afrikaner weet dat ons land ver weg beweeg van Madiba se visie van ‘n vredevolle, voorspoedige demokrasie waar elke persoon die geleentheid het om sy potensiaal te bereik,” het Zille gesê.

Volgens Zille deel pres. Jacob Zuma en die huidige leierskap nie daardie visie nie.

Sy het hulle ook daarvan beskuldig dat hulle nie die nodige belangstelling het om probleme soos armoede, werkloosheid en die vernietiging van families op te los nie.

Zuma het Mandela Sondag in Johannesburg besoek om goeie wense aan hom oor te dra.

Hy het gesê Mandela was gemaklik en ontspanne.

Mandela is in Februarie 1990 uit die Victor Verster-gevangenis in Paarl vrygelaat.

Die Pous se vyande haal hom in

Die aankondiging van die Pous om sy amp neer te lê, was seker te wagte, aangesien hy kwalik die mees onlangse inbreuk op sy privaatheid – sy lyfeienis wat sy persoonlike korrespondensie steel, die sogenaamde “Vatileaks” – sou kon oorleef.

Sy amp is gekenmerk deur sy vermoë om baie gedugte vyande te maak. Die aankondiging van sy uittrede is glo met blydskap in die VSA ontvang.

In 2008, het die Pous die Joodse gemeenskap ontstoke gelaat deur die bevordering van ‘n nuwe weergawe van die Goeie Vrydag-gebed wat vra dat die Jode “gered word van die duisternis”.

Kort voor sy verkiesing in 2005, het hy homself sterk uitspreek teen die misbruik van kinders in die kerk, en gesê: “Hoeveel vullis is daar in die kerk, en selfs onder diegene wat as priesters dien, hulle wat heeltemal aan Hom behoort te behoort!”

Dit was die oorheersende nuusstorie van die Katolieke Kerk van 2009-10. Slagoffers van seksuele misbruik het na vore gekom in Ierland, Oostenryk, Switserland, Italië, Nederland, Duitsland en die VSA, op uitnodiging van, en weens aanmoediging deur die Pous om die kerk te suiwer van hierdie euwel.

Sy pogings om die kerk te suiwer, is egter deur sy opposisie aangewend om hom in ‘n slegte lig te stel.

Benedictus XVI, oftewel Joseph Ratzinger is Beiere, Duitsland, gebore uit ‘n familie van die boere. Sy destydse lidmaatskap van die Hitlerjeug, waarby hy aangesluit het op die ouderdom van 14, is baie vinnig deur die media uitgelig na sy aanstelling.

Die Pous het nie net vyande in Joodse kringe gemaak nie, maar het Moslem-leiers woedend gehad na ‘n toespraak aan universiteitsprofessore tydens ‘n besoek aan Duitsland, waar hy verwys het na Bisantynse tekste wat die leringe van Mohammed as “bose en onmenslike” leerstellinge beskryf het. Hy moes daarna om verskoning vra.

Mahmoud Ashour, die voormalige adjunk van Kaïro se Al-Azhar-moskee, die Sunni-wêreld se magtigste instelling, het onmiddellik na die pous se versoenende toespraak egter gesê “Dit is nie genoeg nie. Hy moet om verskoning vra omdat hy die oortuigings van Islam beledig. Hy moet om verskoning vra in ‘n openhartige wyse en sê dat hy ‘n fout gemaak het.”

Die Britte het veral gesorg dat die Pous onder die indruk bly dat hy ‘n verleentheid is. Sadiq Khan, ‘n Britse junior Gemeenskapsminister, het gesê dat hy die aanvaarding van die eens uitgeslote biskop Richard Williamson “hoogs onsmaaklik” vind en dat die stap “groot kommer” wek.

Kahn, duidelik nie Joods nie, het in reaksie op kritiek van Pous Benedictus se besluit om die holocaust-ontkenner Williamson te verskoon, vir homself naam gemaak in die Britse parlement.

Mnr Williamson, ‘n lid van die ultrakonserwatiewe sekte, die Gemeenskap van St Pius X, is outomaties geskors 20 jaar gelede nadat hy as ‘n biskop aangestel is deur ‘n wegbreek-aartsbiskop sonder pouslike goedkeuring.

Die Pous het sy ekskommunikasie ongeldig verklaar, saam met drie ander wat ook georden is sonder pouslike goedkeuring. Williamson het herhaaldelik ontken dat Jode in die gaskamers gesterf het tydens die Tweede Wêreldoorlog.

‘n Sweedse televisiespan het tydens ‘n onderhoud met Williamson ondubbelsinning gehoor dat daar “absoluut geen historiese bewyse bestaan dat ses miljoen Jode doelbewus in gaskamers as ‘n doelbewuste beleid deur Adolf Hitler gestref het nie”.

VSA verwelkom Pous se uittrede

Die Amerikaanse Raad van Rooms-Katolieke Biskoppe het pous Benedictus XVI se onverwagse besluit om sy amp neer te lê, verwelkom as “nog ‘n teken van sy sorgsaamheid vir die Kerk.”

“Ons is hartseer dat hy aftree maar ons is dankbaar vir sy agt jaar van onbaatsugtige leierskap as opvolger van St Petrus,” het kardinaal Timothy Dolan van New York, president van die raad, gesê.

“Sy uittrede is net nog ‘n teken van sy sorgsaamheid vir die Kerk,” het Dolan in ‘n verklaring namens die biskoppe gesê.

‘n Woordvoerder van die Vatikaan het vroeër gesê die pous se bedanking was “onverwags”.

Dit kom ná die 85-jarige leier van die Rooms-Katolieke Kerk Maandagoggend tydens ‘n byeenkoms van kardinale aangekondig het dat hy sy amp neerlê.

“Die pous het aangekondig dat hy sy posisie teen 19:00 op 28 Februarie sal verlaat,” het Federico Lombardi, woordvoerder vir die Vatikaan, gesê.

Lombardi het gesê die pous se besluit het die Vatikaan verras, en het bygevoeg dat sy ywer “ongelukkig die afgelope tyd afgeneem het.”

Die pous het tydens die byeenkoms van kardinale gesê dat hy die besluit geneem het ná ‘n lang periode van selfondersoek.

“Ek het tot die gevolgtrekking gekom dat my krag, as gevolg van my gevorderde ouderdom, my nie toelaat om… my bediening na behore te volvoer nie,” het die pous gesê.

Hy het die verklaring in die Vatikaan se amptelike taal, Latyns, voorgelees.

“Ek is deeglik bewus daarvan dat hierdie bediening, as gevolg van die noodsaaklike en geestelike aard daarvan, nie net met woorde en dade uitgevoer moet word nie, maar ook met gebed en lyding.”

Georg Ratzinger, die pous se broer, het aan Sky News gesê dat sy broer se dokter aanbeveel het dat hy nie meer oorseese reise aanpak nie. Hy het gesê sy broer het sy bedanking maande lank oorweeg.

Hy het bygevoeg dat sy broer sukkel om te loop en dat sy bedanking ‘n “natuurlike proses” is.

“Sy ouderdom haal hom in,” het die 89-jarige oor Benedictus XVI gesê.

“Op hierdie ouderdom soek my broer meer rus.”

Lombardi het intussen bevestig dat die volgende pous voor Paasfees gekies behoort te word.

Mario Monti, die premier van Italië, het gesê dat hy geskok is deur die pous se bedanking.

topcargo кидалы

Wittes as teenpool vir swartes

Louise Mabille se skrywe, “Skuldstilte bevry niemand nie” (Praag, 6 deser), is te belangrik om gou in die vergetelheid te raak. Ek wil dit aanvul en vertolk. Mabille verwys na drie vorige deelnemers aan die debat.

Eerstens is daar Samantha Vice wat in 2010 in die Journal of social philosophy beweer het dat wittes gerehabiliteer moet word omdat bevoorregting hulle geestelik beskadig het. Wittes se welvaart is glo te danke aan die skade wat hulle nie-wittes aangedoen het. Volgens haar moet wittes onsienbaar en onhoorbaar word en na die swartes luister.

Tweedens is daar Pierre de Vos wat op 8 November 2011 op sy webwerf “Constitutionally speaking” beweer het dat wittes sedert 1994 nie benadeel is nie. Byvoorbeeld, die angs oor die afskaling van Afrikaans aan die Universiteit Stellenbosch is onnodig. Wittes moet glo nie vir hulle belange in die bres tree nie.

Derdens is daar die vars dwaasheid van Gillian Schutte in die Mail & Guardian van die 2de Januarie vanjaar. Onder die opskrif, “Dear white people”, dig sy al die geykte slegtighede aan wittes toe. En dan: “I call on white people to recognise that by jumping in on national debates that do not concern them they are usurping a platform for authentic black voices … White people please just shut up for once and listen.”

Veralgemenend kan gesê word dat hierdie drie mense van die veronderstelling uitgaan dat wittes sleg vir Suid-Afrika was en is; dat wittes liewer nie moet wees nie, of dat hulle in die openbare belang hulle ten minste sover moontlik onsienbaar en onhoorbaar moet maak. Dus, hoe swarter Suid-Afrika is, hoe beter.

Nêrens in hierdie drie uitlatings word iets goed van wittes of iets sleg van swartes gesê nie. Wittes word geëtiketteer as ‘n las, terwyl hulle in werklikheid oorwegend ‘n onontbeerlike bate is, onder andere omdat onder hulle leiding Suid-Afrika die ontwikkeldste land in Afrika geword het; iets wat ten minste in sommige opsigte tot voordeel van al die inwoners strek. Dit is in die openbare belang dat die positiewe aspekte van hierdie nalatenskap erken, gewaardeer en voortgesit word.

Vice propageer “that blacks must be left to remake the country in their own way.” Die afgelope twee dekades het die land onmiskenbaar en oorwegend in negatiewe opsigte al hoe meer soos ander Afrika-lande geword. Algerië en Zimbabwe ervaar nie groter welvaart sedert die wittes padgegee en stil geword het nie. Hoe groter die persentasie wittes in Suid-Afrika is, des te beter sal dit met die land gesteld wees.

Mabille verwys na Nelson Mandela en die Mandela-jare. Daar is deesdae ‘n neiging om daardie tydperk te veridealiseer omdat dit toe nie so sleg met die land gesteld was soos nou nie. Daardie beter toestande het myns insiens weinig aan Mandela te danke, al het hy baie gedoen om die wittes te probeer paai. Die land was in 1994 en enkele jare daarna in ‘n beter toestand as nou omdat die positiewe nalatenskap van die wittes toe nog duidelik sigbaar was. Verval word nie oornag oral sigbaar nie. Na verloop van bykans twee dekades word die verval egter al hoe meer opvallend.

Mabille verwys ook na die anti-koloniale uitsprake van Paulo Freire en Franz Fanon. Niks wat hulle geskryf het, kom naby die venyn en valsheid van die volgende stellings van Schutte nie: “It is the [black] poor who are the wretched fall-out from a more than 360-year history of white domination, slavery, subjugation and theft of livelihood … colonialism was a holocaust of epic proportions.”

Dan kom Mabille by die kern van haar betoog, naamlik dat swartes vanweë ‘n minderwaardigheidskompleks nie sonder verwysing na wittes handel nie. In hierdie proses word die wittes en veral die Afrikaners die sondebokke gemaak. Wat wittes gedoen het, word verdag gemaak. Hulle kry die skuld as swartes droogmaak. Dan word daar verwag dat die wittes verskoning moet vra.

Die punt wat gestel word, is dat wittes die model, ideaal of goudstandaard vir swartes bly. Swartes wil óf soos wittes handel óf doelbewus anders handel. In die bewussyn van swartes het daar nie ware bevryding van blanke oorheersing plaasgevind nie. Wat uit die oogpunt van swartmag nodig is, is dat swartes uit eie reg moet handel en grootmoedig self verantwoordelikheid vir die gevolge van hulle dade moet aanvaar.

Dit is onwaarskynlik dat die resulate dan beter sal wees. Myns insiens is die opkoms van sommige Oosterse lande sedert die Tweede Wêreldoorlog daaraan te danke dat sommige van die inwoners vindingryk genoeg is om die sukses van Westerse lande na te boots. Tersefdertyd slaag hierdie Oosterlinge daarin om hulle eie kultuur te behou insoverre dit nie strydig met voorspoed en vooruitgang is nie.

Фільчаков прокурор

Donkie-, én perdevleis in EU as bees verkoop

‘n Wet wat perde en donkies van Roemeens paaie verbied kan verantwoordelik wees vir die toename in die verkope van perdevleis op die Europese beesvleismark, het ‘n Franse politikus gesê.

Perdekarretjies was ‘n algemene vorm van vervoer vir eeue in Roemenië, maar honderde duisende van die diere is na die abattoir gestuur na die verandering in die padreëls.

Die wetsontwerp wat ses jaar gelede aanvaar is, maar slegs onlangs afgedwing is, verbied ook karre getrek deur donkies, wat lei tot spekulasie in die voedsel-industrie in Frankryk dat sommige “perdevleis” wat opgeduik het op winkelrakke in Brittanje, Frankryk en Swede is, in werklikheid, donkievleis kan wees. “Perde is verbied op Roemeens paaie en miljoene diere is na die slagpale gestuur,” sê Jose Bove, ‘n veteraan kampvegter vir kleinboere wat nou vise-president van die Europese Parlement landboukomitee is.

Die perdevleisskandaal is gesien as ‘n grootliks Britse probleem, maar die skandaal het oor die naweek verder uitgekring.

Die Franse verbruikersminister, Benoit Hamon, het gesê dat hy nie sou huiwer om regstappe te neem as bewyse na vore kom dat die twee Franse maatskappye wat die vleis hanteer bewus was van die bedrog nie.

Hamon het ook ‘n dwarsklap na die Britse regering gemik. Hy het gesê Londen kla oor die swak Europese regulering terwyl hulle die begroting vir die EU se voedselveiligheid in Brussel wil sny.

Een van Frankryk se grootste supermarkkettings het hul eie etiket gereg verwyder en Findus verwerkte geregte uit hul rakke gehaal.

Die vleis van die abattoirs in Roemenië is deur ‘n handelaar in Cyprus aangekoop, namens ‘n ander handelaar in Nederland wat die vleis aan ‘n fabriek in die suide van Frankryk verkoop het. Dit is daarna aan ‘n Franse fabriek in Luxemburg verkoop wat dit in bevrore etes gebruik het en in supermarkte verkoop in 16 lande.

VN-menseregtehoof geskok oor hoë voorkoms van verkragting in SA

Die Verenigde Nasies (VN) se hoof van menseregte, Navi Pillay, het haar skok uitgespreek oor die moord en verkragting van ‘n Suid-Afrikaanse tiener.

Sy het ‘n beroep gedoen op owerhede om meer te doen om die “pandemie van seksuele geweld” te beveg.

“Daar moet ‘n boodskap aan verkragters uitgestuur word dat seksuele geweld is absoluut onaanvaarbaar en dat hulle die gevolge van hul gruweldade moet dra.

“Die kultuur van seksuele geweld in Suid-Afrika moet stop.”

Pillay het reageer op die moord en verminking van die 17-jarige Anene Booysen, wat wreed aangeval en by ‘n bouterrein vir dood gelaat is. Sy het verlede Saterdagaand in die hospitaal gesterf.

Hoewel sy sterk reaksies van pres. Jacob Zuma en ander partye verwelkom het, het Pillay gesê: “Die afgryslike geval moes nie die dringende behoefte uitwys vir ‘n meer deeglike reaksie oor die hele spektrum van die Suid-Afrikaanse samelewing om die oorsake van die pandemie van seksuele geweld te beveg nie.

“Die feit dat tienduisende ander verkragtings jaarliks in Suid-Afrika plaasvind, is ‘n duidelike aanduiding dat die probleem op ‘n meer robuuste manier aangespreek moet word,” het Pillay gesê.

Volgens amptelike statistieke is sowat 65 000 seksuele oortredings verlede jaar in Suid-Afrika aangemeld. Die polisie sê egter slegs een in elke 36 verkragtingsake word aangemeld. ‘n Onlangse studie het bevind dat meer as een kwart van Suid-Afrikaanse mans erken dat hulle ‘n vrou of meisie verkrag het.

Pillay het haar woede uitgespreek omdat so min verkragters in Suid-Afrika veroordeel word.

“Dit is nie net ‘n skokkende ontkenning van geregtigheid vir die duisende slagoffers nie, maar ook ‘n faktor wat bygedra het tot die normalisering van verkragting en geweld teen vroue in die Suid-Afrikaanse samelewing.”