Dan Roodt: Vrae aan Johann Rupert oor Afrikaans en ‘Voortrekkerwaardes’, ‘n ope brief

Geagte doktor Johann Rupert,

Uit onlangse mediaberigte blyk dit dat u u negatief oor Afrikaans en die huidige taalstryd sou uitgelaat het. Blykbaar het u gesê: ““Ek is jammer om dit vir julle te sê, maar ons het groter probleme as taal.” Asook die volgende:

“Die studente op die Universiteit Stellenbosch is meer bekommerd oor hul toekoms as oor die taal. Hulle is slimmer as ons, want hulle weet teen wie hulle moet meeding. Hul mededinging is nie in Pretoria en Johannesburg nie. Dit is wêreldwyd.”

Verder was u neerhalend oor “Voortrekkerwaardes”, sonder dat u vir ons omskryf wat u daarmee bedoel. Moontlik is u toespraak nie behoorlik weergegee nie, maar dit bied vir ons in die taalstryd meer vrae as antwoorde.

Waarom is “die jeug gepla oor hul toekoms”? Weens Amerikaanse regstellende aksie wat oorspronklik vir die swart minderheid in die VSA bedink is en in Suid-Afrika klakkeloos op ‘n verarmende blanke minderheid toegepas word; ‘n ideologie wat in Engels ontstaan het. Indien Engels en links-liberale Amerikaanse denke nie so ‘n toenemende groot rol in ons land gespeel het nie, sou ons regering moontlik minder fanaties oor regstellende aksie gewees het, nie waar nie?

Nou moet ons jeug wat van die arbeidsmark uitgesluit word seker verengels om te kan emigreer na “die laaste oorblywende blanke bastion”, Australië. Wat binnekort Chinees gaan wees, indien nie moslems nie, want dit is reg langsaan Indonesië, die grootste Moslemland ter wêreld, met 202,9 miljoen mense wat Islam aanhang.

U praat self in u toespraak van “die bedreiging van toenemende radikalisme”, weereens sonder om dit verder te omskryf. Oor die afgelope week of wat was daar feitlik elke dag ‘n terreurvoorval in Duitsland waarby Moslemimmigrante betrokke was. Salafisme word beskou as ‘n radikale vorm van Islam wat die terugkeer na die waardes van “die gelowige voorvaders” (die salaf) predik. Dit impliseer ‘n terugkeer na die tradisionele waardes van die sewende eeu na Christus toe Mohammed die Koran geskryf het.

U verwerp “Voortrekkerwaardes”. In ‘n sekere sin is “Voortrekkerwaardes” soos ons dit verstaan, ook Westerse waardes wat uit ons Christelike en sekulêre beskawing ontstaan het. Moet ek daarom verstaan dat u daarteen gekant is, en liefs die waardes van radikale salifisme of oer-Afrika wil sien seëvier? Of dalk ‘n soort postmoderne, anomiese dekadensie waar geen wette, reëls of etiese kodes meer geld nie?

As ons dus Voortrekkerwaardes sou moes opsom, kom dit op die volgende neer:

  • Christelike waardes soos naasteliefde, barmhartigheid, die monogame huwelik en respek teenoor menselewens.
  • Die waardes van die Europese Verligting soos gelykheid, waaronder gelykheid van man en vrou voor die reg, respek vir die reg wat ook in ‘n grondwet vergestalt word, republikanisme, selfbeskikking en soewereiniteit soos wat die Transvaalse Voortrekkers teen 1858 aangeneem het.

Volgens twee hedendaagse akademiese kommentators, W A Dreyer & S J Botha (“Kerk, volk en owerheid in die 1858-grondwet van die Zuid-Afrikaansche Republiek”, HTS 51/2 (1995)):

“is (dit) duidelik dat die Transvaalse ‘Afrikanen’ oortuigde republikeine was. Die heel eerste artikel van die grondwet stel dit duidelik dat die regeringsvorm van deze maatschappij zal zyn Republikeinsch. Hand aan hand met die republikeinse ideaal, loop die strewe na staatkundige vryheid wat in verskeie artikels aan die orde kom. Vir die Afrikaner in die Transvaal was selfbeskikking en politieke vryheid die hoogste ideaal. Dit blyk uit die feit dat van die artikels dikwels met die woorde ‘het volk wil’ begin. Die volk, en nie die individu nie, vorm die kern van die Transvaalse Afrikaners se politieke denke, want die yolk is volgens hulle soewerein en die hoogste gesag.”

Dieselfde twee skrywers meen dat die Voortrekkergrondwet van 1858 sterk deur ten minste twee ander elemente beïnvloed is: die Amerikaanse grondwet van 1787, asook die Patriottebeweging aan die Kaap in die 1790’s toe die denke van die Franse Revolusie tot Suid-Afrika begin deurdring het.

Uit u verwerping van “Voortrekkerwaardes”, wat dus sowel die Christendom as die Europese Verligting insluit, blyk dit dat u geheel ander waardes vir ons voorstaan. Watter waardes sou dit wees? Dié van Islam en die hedendaagse Salafisme wat dalk in u eie terme “ekstremisties” sou wees? Of is dit dalk die waardes van die revolusionêre kommunisme wat ook so sterk via die Engelse taal en Suid-Afrikaans-Engelse akademiese kultuur in ons land versprei is en steeds word?

Ek hoef u seker nie daaraan te herinner dat u eie aansienlike bates, waarvan ‘n gedeelte steeds in Suid-Afrika verkeer, deur die revolusionêre kommunisme bedreig word nie? Of is u as globalistiese miljardêr, soortgelyk aan mnr. George Soros, begerig om politieke onrus en onstabiliteit in ander lande, waaronder Suid-Afrika, te saai ten einde voordeel uit finansiële krisisse en dalings in geldeenhede te trek?

Verengelsing van kampusse en radikalisering gaan in Suid-Afrika hand aan hand. Dis nie verbasend nie, aangesien die meeste Engelstalige akademici in ons land – ten minste in die geesteswetenskappe – reeds tot een of ander vorm van marxisme of neo-marxisme verbind is en dit ook met die subsidie van die staat en die belastingbetaler aan hul studente oordra. Dis ongelukkig ‘n feit soos ‘n koei in Suid-Afrika: Engels en politieke radikalisme (“ekstremisme” in u terminologie) gaan hand aan hand.

U praat ook van mededinging in die globale markte. Dit wil voorkom asof u meen dat slegs die Engelse taal ons “mededingend” sou maak. Sou u sê dat die hoof van Volkswagen of Daimler wat Duits praat en in Duits opgevoed is, minderwaardig teenoor Britse motorvervaardigers voel? Sover ek verstaan, is daar nie veel Britse motorvervaardigers meer oor nie.

U maatskappy Richemont vervaardig luukse horlosies in Switserland, in die Genève-omgewing waar mense Frans praat. Sou u sê dat hulle nie internasionaal mededingend is nie omdat hulle nie Engels as enigste taal aanvaar het nie? Watter Britse of Amerikaanse horlosiemaatskappye verteenwoordig vir hulle ‘n bedreiging?

Sou u sê dat die Koreaanse maatskappy Samsung, wat die wêreld se grootste produsent van slimfone is en oor ‘n veel groter markaandeel as die Amerikaanse Apple beskik, ewe seer “onmededingend” is omdat hy Koreaans en nie Engels is nie?

Buite die VSA en die sogenaamde “Silikonvallei” in Kalifornië het Stockholm te voorskyn getree as ‘n stad waar van die grootste innovering sover dit programmatuur en die internet betref, plaasvind. Hoewel baie Swede ook Engels magtig is, is daar geen pogings om Sweedse skole of universiteite te verengels nie. Sweeds is ook nie ‘n baie groot taal nie en as Afrikaanse tweede- en derdetaalsprekers bygereken word, is Afrikaans selfs ‘n groter taal as Sweeds. Sou u sê die feit dat Swede aan hul moedertaal verknog is, maak hulle minder “mededingend”?

In die meeste veeltalige Westerse lande, soos Kanada, Switserland en België, geld federale politieke stelsels wat ook vir taalgelykheid voorsiening maak. Uit u toespraak blyk dit dat u nie so ‘n reëling aanvaar nie en van Engels ‘n soort “oppertaal” in Suid-Afrika wil maak, soortgelyk aan die situasie in die Britse kolonies (Kaap en Natal) tydens die negentiende eeu.

Gegewe dus u verwerping van Westerse waardes, want “Voortrekkerwaardes” is niks anders nie, asook die Westerse beginsel van taalgelykheid, watter waardes staan u self voor?

Ek glo u is aan elke Afrikaner en Afrikaanssprekende in die land ‘n antwoord verskuldig, en ek sien daarna uit om dit verneem.

Hoogagtend die uwe,

Dr. Dan Roodt
Pro-Afrikaanse Aksiegroep (PRAAG)

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • Kryger33

    Die waardes wat Rupert voorskryf is om gat te kruip by enige een uit wie jy geld kan maak. Die man verafgood geld so dis nou nie juis iemand by wie Afrikaners morele waardes wil leer. Wonder wat doen Rupert vir arm blankes in SA? … gee seker so ou paar randtjies elke maand vir ‘n weeshuis net om sy eie ego te streel. Vergelyk Rupert met Trump. Trump is nie skaam om op te staan vir Christen waardes, sy eie mense en hul land. Rupert probeer liewer niks se wat enige ANC minister gaan ontstel want netnou verloor hy geld. Rupert jy is in die klas van FW deKlerk!

    • doringroos

      Ek het respek vir mense wat die onmiskenbare positiewe rol wat die christelike geloof in ons land (en ander) gespeel het, nie slegs insien nie, maar openlik erken. Hulle kan net hiervoor geseen word.

      • ThysH

        Jy praat nou sekerlik nie van die “christelike geloof” van Johan Heyns en Beyers Naude wat ons in die huidige gemors laat beland het nie – en met mag en mening deur Rupert se vriende in die Kaapse NG Kerk voortgesit word met Belhar nie – of hoe?

    • Guest

      His “problem” is obviously Trump, so it’s the usual modus operandi of controlling the Afrikaners – ‘The 5Bs’, (bullshit, brainwashing, bribery, blackmail and bullying)

  • Karel Combrinck

    U sluit u skrywe af met “Hoogagtend die uwe” wat ook reg is as u ‘n ewe hoflike antwoord wil kry, wat ek betwyfel. Soos mnr Rupert sê, hy het belangriker sake om aan te dink. Persoonlik is my agting vir mnr Rupert miskien ‘n bietjie meer besadigd. Mnr Rupert beskik oor die vermoëns om iets betekenisvol vir ons saak te doen, maar hy het ander prioriteite wat sy aandag verg. “Ek is jammer om dit vir julle te sê, maar ons het groter probleme as taal”. Beteken dit nou as daar groter probleme is as taal, dat taal nie inderdaad lewensbelangrik kan wees nie. En terloops, mnr Rupert, dit gaan nie oor taal nie, dit gaan oor Afrikaans en vir baie van ons is dit lewensbelangrik. En wat is dan nou eintlik die probleme wat volgens mnr.Rupert groter is as taal? Ek dink die enigsgte werklike probleem wat mnr Rupert nog ooit gehad het en nog steeds het, is om net nog meer geld te maak. As hy hom dan in die kamp van Piet De Wet moet bevind ten einde hierdie probleem op te los, dan doen hy dit graag.

  • Cilliers van Niekerk

    Dankie vir die bewusmaking van die 1885-Grondwet, Dan; dis vir ander nuuskieriges gerieflik beskikbaar deur “1885 ZAR Grondwet” vir Google te voer en die tweede opsie te kies.

    Jammer Rupert se uitlatings is nie woordeliks te vinde nie, maar as hy wat jy sê kwytgeraak het is hy ons beslis verduideliking verskuldig, en is jou opmerkings oor Engels as die sleutel tot sukses veral geldig.

    “Voortrekkerwaardes” is m.i. dalk meer debatteerbaar, veral uit die oogpunt van Artikels 1 – 28 van die 1885-Grondwet.

  • jan

    Ek dink mens kan Rupert se ‘groter probleme ‘ vertolk as die groteske ramp wat gevolg het uit die moord op Verwoerd waarby Pa Rupert intiem betrokke was Tsafendas was in diens van Rupert.

    Almal sal saamstem daarmee indien Rupert sou bely dat hy self nou die gevaar loop om alles te verloor as gevolg van sy Pa se sondes.

    Rupert se ‘groot trek’ uit veelvolkige demokrasie en Piet Retief se groot trek uit die Koloniale integrasie is inderdaad vergelykbare rampe -.is baie duidelik.

    Rupert het sy Damaskus gesien. miskien.

    Maaaaar soos Dan tereg beskryf is ons redding verseker – soos destyds – te vind in die Gelofte.

    [‘Die laaste gedagte wat ek aan oorlede Riempies meegedeel net…..]

    Vraag watter ander raat kan ons voorstel wat hy maklik sal kan doen om homself en sy hele volk te red behalwe tabak en hospitale. ???

  • WhiteOak

    Daar is ‘n ou gesegde dat volk en taal ten nouste aan mekaar verbonde is. Die taal weerspieël die karakter en die geskiedenis van die volk wat dit praat; en ‘n volk gee alleen dan sy taal op, as hy nie meer as selfstandige volk kan of wil bestaan nie. Die mag van die volkstaal as ‘n middel om die volk te ontwikkel en aan te vuur, is ook oorbekend uit die geskiedenis van byna elke nasie ter wêreld. Eendrag maak mag, sê ons ou spreekwoord, maar tweedrag breek krag!; en die ou spreekwoord is nog altyd bewaarheid geword.

    Onderlinge verdeeldheid en tweespalk kan alleen tot gewisse ondergang lei, en is ook gevaarliker as die vuur en die swaard van die felste vyand. Dié dinge moet dan ook as dodelike gif vermy word – wat inderdaad makliker gesê as gedoen word in hedendaagse maklike media. Dis al reeds duidelik dat daar n aantal ‘hanskakies’ besig is om ons taal aan te val dus ook ons as boerevolk se karakter. Nou is ons ook al reeds vuisvoos gedonner deur die media en buiteland as gevolg van die groot ‘Apartheid sonde’ en wil niemand eintlik waag om die ‘bruin pak’ aan te trek nie juis vir die vrees van verkleineering en skuldigmaking wat dit sonder twyfel sal bring.

    Dr. Dan, kom ons hoop jou ope brief slaan n kol hou!

  • G

    Rupert besef nie dat die gety gedraai het teen hierdie vetkatte soos hy reg oor die wêreld nie. En dan is hy nog wit en manlik. Dom, dom, dom. Hy kan nie veel tussen die ore hê as iemand soos Marlene van Nierkerk en haar lesbiese juigkommando sy rolmodelle is nie.

  • Ciska

    Ek kry lekke(sonder die rrrrr) tot in my kleintoontjie as ek sien hoe ons mense hierdie arrogante wit Afrikaners in die bek ruk! Doe so voort seur, elke bietjie help.

  • Thys Du Plessis

    Die digter G.A.Watermeyer het Roepert en sy soort goed beskryf in sy gedig “STAD VAN BETON”

    STAD VAN BETON

    Op kraakbeen van kampkinders rus
    die krabbers wat jou sieraad is…
    Al lê hul krimpklein lykies ver
    in ander gate toegesper
    moes jy die hartklop in hul breek
    voor jy jou fondament kon steek,
    die môre in hul monde snoer
    om handelsheerskappy te voer.
    Nog roep my land se ruimtes wees
    na hulle wat nooit meer genees,
    nog tel my volk se kragte kort
    om hulle wat nooit vrugbaar word…
    Op kraakbeen van kampkinders rus
    die krabbers wat jou voorspoed is.

    (G.A.WATERMEYER )

  • Rutger

    As Rupert sê “Ons het groter probleme as taal” bedoel hy HY het groter probleme as taal. Moenie jou probleme ons s’n maak nie meneer! Jou probleme het niks met ons uit te waai nie.

  • Maus

    Rupert het ‘n probleem met Voortrekkerwaardes want dit staan lynreg teenoor die Mammonwaardes wat hy aanhang. Voortrekkerwaardes is waar wittes van wittes soos Rupert weggetrek het. Volgens hom is dit aardsonde en wat die dood verdien. Dit verteenwoordig ook die grootste bedreiging vir hulle, want hulle hele wereld is gebou op die beginsel dat mense geld bo alles sal najaag en daarin verlossing sal sien. In praktyk natuurlik. Jy kan steeds kerk toe gaan en simbolies jou verlossing in iets anders verklaar. Solank jy na die naweek terugkom en in praktyk voor Mammon buig.

  • Owen

    Krok’s tells me Rupert is now funding the DA from Stellenbosch together with his Rothschild friends.