Stemgeregtigde kiesers het nog tot vanmiddag tyd om te registreer om in die algemene verkiesing op 7 Mei te stem.
President Jacob Zuma het Vrydag aangekondig dat hy en die nege provinsiale premiers die nasionale en provinsiale verkiesing vandag sal proklameer.
Die hoofverkiesingsbeampte van die Onafhanklike Verkiesingskommissie, Mosotho Moepya, sê die OVK sal bykomende personeel by plaaslike kantore ontplooi.
Hulle sal toesien dat alle stemgeregtigde kiesers wat vanmiddag om vyfuur in die tou is, kans kry om te registreer.