Nou word ‘n forensiese oudit aangevra. Volgens mnr. Rudolph Phala, die ANC-voorsitter van die provinsie se staande komitee oor openbare rekeninge, oftewel Skoor, moet ons weet waarom miljoene rande vermors is op goed wat nie werk nie.
Blykbaar het hoëvlak-amptenare in die landboudepartement bande met die maatskappye wat die tenders ontvang het om die besproeiingstoerusting te verskaf en te installeer.
Mnr. Dries Joubert, president van die landbou-unie, TLU SA Noord, sê dat die belastingbetaler se geld gemors word.