Die minister van kommunikasie Ivy Matsepe-Casaburri het gesê die maatreëls sal verseker dat die kassies buite werking gestel word indien hulle gesteel of buite Suid-Afrika se grense geneem word.
Die beraamde koste van 'n kassie is R700, maar sommige huishoudings sal 'n 70%-subsidie ontvang.
Die kabinet het die verandering van die bestaande analoë na 'n digitale sein verlede week gemagtig.
Alle televisiekykers sonder satellietskottels sal die seinkassies nodig hê om die digitale sein te kan ontvang.
Die nuwe digitale sein sal in November vanjaar aangeskakel word. Die analoë sein sal eers in November 2011 afgeskakel word.