Die Vrystaatse polisie het vyf verdagtes tussen Kroonstad en Welkom met ‘n onwettige vuurwapen en ammunisie in hegtenis geneem.
Die vuurwapen is opgespoor nadat die polisie ‘n voertuig voorgekeer en deursoek het, het RSG berig.
Hulle het ‘n vuurwapen, ‘n magasyn en ses rondtes ammunisie gevind.
Die polisie het ook op ses selfone beslag gelê. Die verdagtes sal binnekort op Welkom in die hof verskyn.