Die konglomeraatmaatskappy Lonrho het aangekondig dat dit 'n buitengewone diamant van 18.39 karaat by sy Schmidtsdriftmyn in Suid-Afrika ontdek het.Net die vorige dag is 'n ander diamant van 9,9 karaat by dieselfde myn ontdek.
Verlede maand het Lonrho 'n diamant van 61,30 karaat ontdek wat net soos die 18-karaatdiamant 'n buitengewone geel perfekte oktahedron is wat waarskynlik 'n hoë prys sal behaal.
Die 61,3-karaatdiamant is onlangs as 'n pakket saam met ander diamante vir meer as een miljoen Amerikaanse dollar verkoop.