Hamilton het nou net ‘n plek in die top-5 nodig by die Brasiliaanse Grand Prix op 2 November om die titel in te palm. Robert Kubica se klein kansie om die titel te verower, is daarmee heen met die elfde plek wat hy behaal het. Dit was Hamilton se vyfde oorwinning vir 2008. Hy staan nou op 94 punte met Massa sewe agter hom en Kubica derde met 75. Hamilton het geen foute begaan nie en die wedren van begin tot einde oorheers met sy akkurate lyne en spoed. Alonso, wat die vorige twee wedrenne gewen het, het vierde geëindig.