Etiket: halssnoermoorde

Polisie ontplooi teen bendes op Oos-Rand

‘n Swaar polisieteenwoordigheid op Etwatwa en Daveyton aan die Oos-Rand sal na verwagting verseker dat onderrig sonder probleme kan voortgaan wanneer die skole vir die vierde kwartaal heropen, het RSG berig.

Dit volg na voorvalle van boendoegeregtigheid deur woedende lede van die gemeenskap wat ‘n plaaslike bende aangeval het wat na bewering die gemeenskap van Etwatwa geterroriseer het.

Die bendelede is met die halssnoermetode gestraf.

Die Ekurhuleni Metro sê die onbestendigheid in die gemeenskap het gelei tot ‘n hoë koers van afwesigheid in klasse aangesien meer jongmense vir hulle lewens gevrees het.

Die Polisie en die Ekurhuleni Metropolisie sal die gebied monitor.

Inwoners pleeg halsnoermoorde in Etwatwa

‘n Vierde swart seun is wreed aangeval in Etwatwa op Johannesburg se Oos-Rand, waar drie tienerseuns hierdie week dood is in sogenaamde bendegeweld.

News24 is meegedeel dat die seun, ongeveer 17, aan die brand gesteek is Donderdagmiddag in Etwatwa Uitbreiding 8.

Daar word vermoed dat hy met die berugte “halsband-metode”, met ‘n brandende buiteband om sy nek, vermoor is, het die polisie bevestig.

Ekurhuleni Metro Polisie het glo na die toneel gehaas.

Sondag, is die eerste tienerseun ge-“halsband”, en daarna is twee seuns vermoor op dieselfde manier Dinsdag. Hulle was 16 jaar oud.

Inwoners het aan EWN gesê dit is deel van die bendegeweld waarteen inwoners hulself verset het deur twee seuns aan die brand te steek van die OVL-bende.

Inwoners kla dat die bende hulle terroriseer. Die meeste tieners wat aan die bende behoort is glo tussen 14 en 18 jaar oud.

‘n Polisiewoordvoerder, Lungelo Dlamini het gesê hulle het nog nie enige verdagtes agter die moorde geïdentifiseer nie, maar die SAPD is bewus van die gevalle van boendoe-geregtigheid.