Motornuus – Bladsy 2

Bugatti Veyron GT, nuwe monster in die buurt

Is die Bugatti Veyron nie vinnig of eksklusief genoeg vir jou nie? Wel die ouens by Bugati het ‘n spesiale uitgawe van dié monster

Die nuwe Veyron GT

bekendgestel. Hulle noem hom die GT en hy ontwikkel nou 980 Kw. Ja, 980, jy het reg gelees. Dit is meer as ‘n derde meer krag as die vorige Veyron.

Die topspoed van die motor is ook nie meer 402 kpu, maar 422 kpu, dit is ongelooflik. Om van rus tot 100 kpu te kom, neem nou net 2,4 sekondes en om dan van 100 kpu weer tot stilstand te kom ‘n verdere 2,2 sekondes. Ek meen hierdie ding is vinniger van 0 tot 100 en weer tot by 0 as wat dit ‘n Ferrari F430 neem om van rus tot 100 km/u te ry.

Nou, as jy een van daardie afgetrede ministers is of 'n goeie SEB-transaksie agter die rug het en jy het ‘n Bugatti Veyron bestel, kan jy die GT-pakket as ‘n ekstra bysit. Dit is beskikbaar as ‘n opsionele ekstra by alle bestaande Veyrons. Die pakket sal van 2009 beskikbaar wees.

Peugeot vat Toyota se Prius aan!

Peugeot Prologue

Die Franse vervaardiger Peugeot vat nou nie net die Audi's op Le Mans aan nie, maar ook sommer Toyota op die pad. Die Prologue is ‘n splinternuwe voertuig wat net soos die Prius van Toyota 'n groen motor.

Die Prologue word in Oktober by die Franse motorskou bekendgestel. Die foto's is van die prototipe , maar gee ons ‘n goeie idee van hoe die motor gaan lyk. Dit lyk baie na ‘n mensewaentjie die. Die enjin lewer 147 kw en die CO20-gasvlakke is slegs 109 g/km terwyl beide die elektriese en brandstofenjin gebruik word. Net die elektriese motor alleen se CO2-syfer is nul.

справка 1 прокурор Фильчаков

Nuwe Porsche op pad

Porsche Panamera GT

Porsche lok ons uit met die eertse amptelike beeld van sy splinternuwe Panamera Gran Turismo (GT) wat in 2010 in Suid-Afrika verwag word.

Al die jongste detail waaronder videos van versteekte prototipes op toetsbestuurders gaan op 'n toegewyde aanlyntydskrif vrygestel word. Ferrari het 'n soortgelyke roete gevolg met die onthulling van sy Kaliforniëee veranderbare hardekap.

Die eerste beeld van die vierdeur wys hoe die Panamera aan die res van die Porsche-familie voorgestel word. Sedert detail van die Panamera aanvanklik vrygestel is, het Porsche volgehou dat die GT nie sal toegee aan bestuursdinamika nie en dat daar genoeg ruimte vir volwassenes is om gemaklik te reis. Die volgende hoogtepunt op die Panamera-kalender is 'n advertensieveldtog wat laat in Oktober begin en meer kykies op die jongste Porsche-model sal gee.

Porsche het sy inset in Volkswagen uitgebrei en sy aandeel tot 35,14 % opgestoot wat hom effektiewe verkrygde beheer oor die Wolfsburg-gebaseerde groep gee. Porsche het Dinsdag die 4,89% gewone aandele verkry wat nodig is om dit meer as 35% van die stemreg in Volkswagen te gee. Die stap verseker Porsche se blywende meerderheid by VW se algemene jaarvergadering.

Dr Wendelin Wiedeking, bedryfshoof van Porsche sê : " Ons mikpunt is om ons inset in Volkswagen tot meer as 50% te verhoog. Vandag se stap is nog 'n mylpaal op daardie pad. Ons sien daarna uit om ons samewerking met die bestuursraad van Volkswagen wat op 'n gees van wedersydse vertroue gebaseer is, voort te sit en uit te brei en ons hoop vir 'n spoedige oplossing van die konflik tussen die werknemersverteenwoordigers van Porsche en VW".

As resultaat van die nuwe aandeelhouerstruktuur word Porsche deur wet verplig om 'n formele mandaat aan die VW filiaal-maatskappy Audi, binne die volgende vier weke voor te lê. Volkswagen sê egter dit sal nie die aanbod van sy 99,14% van Audi-aandele aanvaar nie. Derhalwe hou die mandaataanbod slegs verband met 'n vrye vloei van 0,86% wat ongeveer 370 000 Audi-aandele verteenwoordig.

Wiedeking sê hulle beskou Audi as 'n integrale deel van die Volkswagengroep en stel nie daarin belang om die maatskappy uit die groepstruktuur te verwyder nie.

Olimpiese rygoed

Mini Cooper-rieksja

Mini se bemarkingsmanne het met die briljante idee gekom om so 'n hand vol Minis op te kerf en rieksjas daarvan te maak. Hierdie was nie sommer geldmors nie; nee, dit was vir die bekendstelling van die nuwe Mini Clubman in Hong Kong. Die idee is toe voorgelê aan die Olimpiese komitee en siedaar die Olimpiese Spele in Beijing het rygoed bygekry. Hulle noem die karretjies “Rickimini's”.

Nuwe Hilux

Toyota Hilux

Die Hilux is al meer as 30 jaar ‘n gunsteling op plaaslike paaie. Dit is een van Toyota se mees suksesvolle reekse ooit. Met al die nuwegeslagbakkies wat uit alle oorde aanland, moes die manne van Toyota ook dan so bietjie rek en trek aan die voorkoms om die ou plooie weer mooi te kry. Wel, hier is ‘n foto van die ontrimpelde Hilux. Hy is nog nie amptelik vrygestel nie, en ons weet ook nie presies wanneer Toyota Suid-Afrika dit gaan doen nie, maar kry solank lekker want hy kom vir seker. Die veranderings is gering met die kantspieëls wat herontwerp is met ingeboude rigtingaanwysers. Die voorste buffer en sierrooster is ook aangepas en hy kry splinternuwe wiele.

Audi A6

Audi A 6

Audi se A6 is die topverkoper in die besigheidsklas van motors ter wêreld. Met die koms van die nuwe motors soos die Jaguar XF en Lexus GS het die ouens by Audi dit dan ook nodig geag om die A6 so bietjie op te kikker. Audi het nou die A6 se vorm in pas gebring met dié van die nuwe A4. Aanpassings aan die enjinreeks bring ook ‘n brandstofbesparing van 15% teweeg. Dit het hulle reggekry deur direkte brandstofinspuiting met klepreëling toe te pas. Audi noem die stelsel (AVS, Audi Valvelift System). Daar word gebruik gemaak van ‘n superaanjaer en ‘n nuwe 3.0-liter V6-enjin wat 213 Kw ontwikkel. Hy haal dan ook 250 kpu sommer toe-oë. Wanneer hy in Suid Afrika beskikbaar gaan wees, is nog nie bekend nie, maar wees maar op die uitkyk as jy in die mark vir ‘n Audi is.

topcargo кидалы

R14m-Bugatti

Oopdak-Bugatti Veyron Grand Sport

14:18:45 Bugatti het verras deur hulle nuwe oopdakweergawe van die Veyron 16.4, die Grand Sport bekend te stel. Die motor se dak kan afhaal, nie wegvou soos ander afslaankapmotors nie, maar afhaal en bêre. Natuurlik is die res van die bakwerk versterk om voorsiening te maak vir die verlies aan struktuur van die dak. Die nuwe Bugatit sal van die begin van die somer van 2009 beskikbaar wees. Dit is nou op al die ander plekke behalwe in Suid Afrika. Teen ongeveer R14 miljoen sal ons nie gou een hulle op die plaaslike paaie sien nie.

Nuwe Golf van Volkswagen

Nuwe Volkswagen Golf

Foto's van Vw se nuwe Golf, die Golf vi het so pas die lig gesien. Die motor word in Oktober tydens die Parys se motorskou bekendgestel en sal waarskynlik vroeg in volgende jaar plaaslik beskikbaar wees. Vw sê daar sal drie- en vyfdeurweergawes van die nuwe Golf beskikbaar wees, en die blitbuksweergawe in Gti-formaat sal dan ook sy verskyning maak. Dié keer met ‘n glasdak. Nou dit is goed vir Europa, maar in sonnige Suid-Afrika kan dit net 'n warm patat afgee. Vw se nuwe 1,4 liter TFSI-enjin sal ook deel wees van die nuwe Golf se enjinlys. Die enjin wat plaaslik in die Tiguan beskikbaar is, lewer 110 Kw, ongelooflik vir so ‘n klein enjintjie. Die feit dat die verplasing slegs 1,4 liter is, gee die eenheid uitstekende brandstofverbruik. Daar sal ook ‘n splinternuwe 1,6 liter TFSI-enjin met 147 Kw wees. Vir die ouens wat sportiewe Golfs wil hê, sal daar ‘n warm weergawe van die Gti en die R32 wees. Krag in beide hierdie motors sal meer wees as wat tans die geval is. Die Gti (169 Kw) en die R32 (194 KW).

S? lyk die Golf van agter…

Mahindra Hummer?

Mahindra, die Indiese motorreus, bou al jare lank vierwielaangedrewe voertuie vir hulle plaaslike mark. Mahindra wil nou glo vir Hummer by die Amerikaners koop. General Motors wil al lankal ontslae raak van Hummer en hierdie is dalk net die geleentheid vir hulle om ook ‘n voet in die Amerikaanse mark te kry. Daar word bespiegel dat Mahindra alreeds besig is om sowat 300 handelaars regoor Amerika te bou. Wie weet, dalk sien ons een van die dae ‘n Mahindra Hummer?

uk online лобановский обыск

BMW M3-ontrimpeling, die Quadski, en meer

Die BMW M3 is nog nie lank plaaslik beskikbaar nie en daar word al klaar aan sy voorkoms gestryk. Die agterliglense met

BMW M3-sedan

nuwe l tipe liggies en die buffers is so effens verander. Daar is ook aan die lippie op die kattebakdeksel verander. Binne in die kajuit is die veranderings ook maar baie klein, want net die middelste luginlaatroosters en die armleuning tussen die voorste sitplekke het verander. Die aansitterknoppie is vernuwe en die luginlaatverstellingsknoppe is ook nuut. Veiligheidskenmerke wat nuut is, is die botsingsaktiewekopstute wat verhoed dat jy ernstige nekbeserings opdoen tyden ‘n botsing van agter. Daar is ook splinternuwe kleure vir die bakwerk beskikbaar bekend as Le Mans-blou en metaalgrys.

Ford Ka

Ford Ka

Die Ford Ka was nog nooit ‘n mooi motor nie, maar een van die bestes in sy klas. Met die bekendstelling van al die nuwe generasie superminis, soos die manne in Europa van hierdie segment praat, moes Ford dan ook iets doen om die Ka meer aantreklik te maak. Die bekendstelling van die geheel nuwe Ford Ka gaan dan ook by die 2008 Parys motorskou in Oktober plaasvind.

Die nuwe Ka sal in Pole gebou word. Die onderstel word met die Fiat 500 gedeel. Ford en Fiat werk ook saam aan die die 1.25-liter petrol enjin, sowel as die 1.3-liter Multijet dieselenjin. Volgens Ford gaan daar later selfs ‘n kragtiger eenheid, soortgelyk aan die Fiat 500 Abarth, beskikbaar wees. Moontlik die Ford Ka RS.

Gibbs Quadski – let op die wiele

Quadski

As jy nou van amfibiese voertuie wil praat, is Gibbs Technologies Bpk die ouens wat regtig weet van. Hulle word gereken as die wêreld se hoëspoed amfibiese spesialiste. Die maatskappy het so pas die Quadski bekend gestel.

Die Quadski kan tot 80 km/u haal, dit is nou op land. Dan met die druk van ‘n knoppie kan die gevaarte net so in ‘n waterponie verander. Verskeie enjingroottes sal beskikbaar wees, maar wat presies die keuses gaan wees is nog nie bekend nie. Ons kon ook nie vas stel of die Quadski wel plaaslik beskikbaar sal wees nie, maar met ons ou boerenasie wat so van die watersport hou dink ek dit sal nogal ‘n wenner wees.

Nuwe Mazda 3

Mazda 3

Met die koms van die splinter nuwe Mazda 6 so ‘n maand gelede het ek gewonder wanneer die nuwe Mazda 3 sy verskyning gaan maak. Wel, hier is ‘n foto van die nuwe Mazda 3 wat binnekort die lig gaan sien. Die motor is op die onderstel van die Ford Focus gegrond en sal verseker ‘n bestuurdersmotor wees as ‘n mens na die foto kyk. Die Focus word wêreldwyd beskou as een van die motors op die pad wat die maklikste is om te beheer. Enjingroottes sal wissel tussen 1,4 liter en 2,0 liter vir die petrol modelle en 1,6 tot 2,2 liter vir die diesel weergawes. Sou ‘n mens die plaaslike situasie met diesel in ag neem, is dit onwaarskynlik dat ons meer as een diesel eenheid plaaslik sal ontvang. Dit sal dan waarskynlik eerder die kleiner 1,6 diesel wees. Daar is ook defnitief sprake van ‘n MPS-weergawe van die nuwe Mazda 3 met ongeveer 183Kw, presies soos die nuwe Ford Focus ST.

Stig, alias… (in wit)

Wie is die “Stig”?

Al die ouens wat graag Top Gear kyk sal weet dat daar ‘n gemaskerde ou in ‘n wit renoorpak rondloop. Die man het nie ‘n naam nie, maar almal noem hom “Stig”. Wel, gerugte oor wie hy nou eintlik is, doen nou al baie lank die rondte. Name soos Jenson Button en Daimon Hill word genoem. Hy kon nog nooit ontmasker word nie. Ons het egter steelfoto's van hom in die hande gekry. En raai wie….Dit is Ben Collins. Hy was al ‘n keer op die program toe hy ‘n waaghalstoertjie met ‘n motor gedoen het. Nou vra jy seker, wie is Ben Collins nou eintlik? Hy is 32 jaar oud en kom van Bristol in Engeland. Hy het Nascarrenne gejaag en is een van die Top Gear-span se eie bestuurders. Die vorige “Stig” het net swart gedra en hy is toe op die einde ontmasker as formule-een-toetsbestuurder Perry McCarthy. Ons foto's het die wit “Stig“ nou sonder sy kop helm gevang en wie weet dalk wil die ouens by Top Gear hê die publiek moet weet wie die “Stig” regtig is…

печи

Hyundai se antwoord op die brandstofkrisis

10:20:51 Hyundai het groot planne met die motortjie wat die Getz gaan vervang. Die motor sal die i20 genoem word. Aanhangers van Hyundai kan maar begin nader skuif, die i20 gaan in die helfte van 2009 sy verskyning maak en sal dalk moontlik kort daarna plaaslik beskikbaar wees.

Die i20 se enjin word die Kappa-enjin genoem. Dit is nou wel net ‘n 1,2-litereenheid, maar gaan 60 KW en 115 NM te lewer. Die enjin is oor ‘n tydperk van 48 maande ontwikkel spesifiek met die doel om die meeste uit elke druppel brandstof te tap en die beperking wat deur die Euro 4-riglyne bepaal word te haal. Brandstofverbruik is ‘n skrale 5 liter/100km en die CO2-gasse is slegs 119g per km, baie indrukwekkend. Die feit dat hierdie Kappa-enjin slegs 82,4 kg weeg, dra tot die goeie verbruiksyfers by.

SLK met 'n glasdak

Gaan Mercedes die nuwe SLK met sy glasdak een van die dae bekendstel? Wel, die motor is ‘n ruk terug tydens die Europese winter opgemerk waar die manne van Mercedes hom getoets het. Nou onlangs is hy weer in die woestyn in Amerika opgemerk, waarskynlik om hoë temperature te toets. Net die tyd sal leer.

Audi R8 V10

Audi R8 V10

Audi het uiteindelik besluit om ‘n V10-weergawe van hulle R8 te bou. Die feit dat die enjin baie hoog kan luier, bevestig dat hierdie nie die V10-dubbelturboenjin van die RS6 is nie. Die enjin is geheel nuut met sowat 368 Kw onder jou regtervoet. Die nuwe Audi R8 V10 sal van 2009 af in regterhandstuur gebou word en wie weet, dalk sien ons hom nog plaaslik voor die aanbreek van die sokkerwêreldbeker.

Lamborghini verklaar groot winste

Die manne van Lamborghini spog al te lekker dat hulle die sukkelende supermotor se winste met ‘n derde verbeter het. Hulle skryf die sukses toe aan beter produkte, groter winsgrense en natuurlik hoër verkoopsyfers. Die Lamborghini Gallardo is dan ook die maatskappy se topverkoper. Die nuwe Batman-fliek het ook bygedra tot die verkoopsyfers. Hierin speel die bekende Christian Bale die rol van Bruce Wayne wat met ‘n Murcielago LP640 rondrits. Lamborghini se winste het op 35 miljoen euro’s oftewel R350 miljoen vir die eerste helfte van 2008 te staan gekom. Dit is net kort van die 47 miljoen euro’s wat alle verkoopsrekords in 2007 laat spat het. Lamborghini het 1309 motors tot dusver vir 2008 gebou. Dit is sowat 5,6 persent meer as in 2007.

Jaguar XFR

Jaguar XFR: 3,8 sek. van 0-100, maar topspoed beperk tot 250

Ek het gewonder wanneer gaan Jaguar die warmer weergawe van sy XF loslaat. Wel, hier is hy nou, die XFR, met nie minder nie as 368 KW uit sy 5.0-liter-V8 met superaanjaer. Die super-Jag is gemik om teen motors soos die BMW M5 en Mercedes E63 AMG mee te ding. Klein veranderings aan die wielboë en kantskorte en laer vering laat die kat uit die sak. Voorlangs is die luginlate groter en daar is ook ‘n kragbult op die enjinkap. Jaguar gee verrigtingsyfers van 3,9 sekondes van 0-100km/h aan, en ja 3,9 sekondes, jy lees reg. Die topsnelheid is soos van ouds by 250 kpu beperk. Daar is ook ‘n nuwe wieltolbeheerstelsel wat al daardie krag sal moet dophou. Die XFR word tydens die Franse Motorskou in Oktober bekendgemaak.

Renault Alpine-sportmotor

Nuwe Renault Alpine

Onthou u nog die Renault Alpine-sportmotortjies van die sewentigerjare? Wel, Renault het besluit om die sportmotornismark weer vierkantig aan te vat met ‘n motor wat gegrond sal wees op die Nissan 350Z. Aangesien daar al klaar ‘n samewerkingsooreenkoms tussen Nissan en Renault bestaan, kan hierdie net ‘n sukses wees. Beide se reeks deel verskeie onderstelle en ander tegnologie. Niks is nog bevestig nie, maar so 'n motor kan so vroeg as 2010 al hier wees.

мойка оборудования

Bentley-skootrekenaar kos R150 000

Bentley se Ego Exclusive-skootrekenaar

Die Britse motorskou was nie net ‘n plek waar nuwe motors en tegnolgie bekendgestel is nie, nee samewerking tussen luuksegoederevervaardigers en motormaatskappye het ook ‘n hele paar interresante verskynsels na vore gebring. Bentley, die Britse aristokraat, het in samewerking met Ego die T3 Exclusive-skootrekenaar bekendgestel.

Die rekenaar word net soos die motors met die hand gebou. Die omhulsel is in egte Bentley tradisie met regte handgestikte leer oorgetrek. Die skootrekenaar word deur Microsoft Vista aangedryf. Daar is ‘n 64-greepmoederbord met ‘n 160-gigagreephardeskyf. Die blikbrein bevat ook 12 direktetoegangsleutels wat jou maklik en vinnig by dit wat jy soek kan kry. Die naam Exclusive spreek boekdele, want hierdie outjie sal jou sowat R150 000 uit die sak jaag. Nogal goedkoop as jy dink dit is ‘n Bentley.

Nuwe Renault Mégane

Steelfoto van nuwe M?gane

Die ouens wat nuus luister sou verlede week gehoor het dat die Franse polisie die kantoor van ‘n sekere motortydskrif beset het en deursoek het vir enige steelfoto’s van die nuwe Renault Mégane. Die polisie in Frankryk het wel seggenskap daar, maar ons het tog van die steelfoto’s in die hande gekry. Die nuwe Mégane sal later vanjaar by die Franse motorskou bekend gestel word. Daar is 3- en 5-deurmodelle in die nuwe reeks met veskillende weergawes soos die afslaandak en die stasiewa wat ook beskikbaar sal wees.

Die motor word op dieselfde onderstel as die Nissan Qashqai gebou. Motors waarteen die uwe Mégane gemik is, is die Peugeot 308, Fiat Bravo and VW Golf.

Chrysler is nou op sy eie

Die vennootskap tussen Mercedes en Chrysler is nou amptelik verby. Chrysler is nou ‘n private maatskappy. General Motors en Ford moet hulle aandele in die ope mark vrystel, maar nie Chrysler nie; hulle kan as hulle wil, maar is nie veplig nie. Die ander twee Amerikaanse motorvervaardigers het hewige verliese gely in die afgelope jaar en hulle moes dit openlik verklaar. Wel, Chrysler het net stilgebly want hulle is nie verplig om enige iets vir enige iemand te sê nie. Daar is net een probleem wat so 20% van Chrysler uitmaak en dit is Daimler; hulle verslag moes bekendgemaak word en volgens die verslag het Daimler sowat €373 miljoen (R3 357 000 000) se verliese gely as gevolg van Chrysler se aandeel. Chrysler wou juis nie die indruk skep dat hulle op die rand van die afgrond is nie deur die verliese as foute af te maak wat hulle toeskryf aan die verskillende rekenkundige stelsels in Europa en Amerika. Volgens hulle is die verliese meer in die omgewing van €65 miljoen oftewel R585 000 000.

Max Mosley glimlag

Max Mosley

Die bekende in die Formule-eenwêreld het skadevergoeding van £60,000 (R1 miljoen) gekry nadat hy die saak teen die “News Of The World” gewen het.

Mosley is afgeneem waar hy in ‘n seksorgie met vyf prostitute betrokke was, die video-opname is op die internet deur NOTW uitgesaai en as ‘n “Nazi”-optrede beskryf. Natuurlik het Mosley nie daarvan gehou nie.

Mosley het erken dat die dade wel plaasgevind het, maar ook bevestig dat daar geen “Nazi”-ondertone was nie en dat dit met die toestemming van alle partye geskied het. Mosley het ook gesê dat enige iemand op sy privaatheid geregtig is en dat NOTW sy privaatheid geskend het. Hy het verder aangevoer dat ‘n sterk uitspraak teen dié soort skending van privaatheid nodig was en dit het net vir die wêreld gewys dat koerante nie net kan doen wat hulle wil nie.

тамбов разъемы,

Nuwe Ferrari-horlosie, warm Imprezas

Panerai Ferrari-horlosie

Die bekende Italiaanse horlosiemaker,Officine Panerai, het so pas ‘n versameling van horlosies bekend gestel wat die Ferrari-embleem dra. Die nuwe reeks bestaan uit 16 stukke wat in twee versamelings ingedeel is: Scuderia en Granturismo.

Pryse is natuurlik slegs vir die ouens wat regtig Ferrari’s of Maserati’s besit. Dit begin by R133 000 vir die Ferrari 10 Days GMT (Scuderia-versameling) tot R424 500 vir die Ferrari Chronograph-spesiale uitgawe.

Warm Imprezas

Drie nuwe weergawes van die reeds baie gewilde Subaru Impreza is by die Britse motorskou bekendgestel.

Die eerste is die WRX-S wat toegerus is met die ou bekende 2.5-liter boxerenjin. Die motor gee syfers van 188 Kw by 5,400 opm. Die uiteinde van die syfers is dat die versneltyd van rus tot 100 kpu van 6,1 sekondes tot 5,5 sekondes verkort het.

Subaru Impreza

Die tweede weergawe is die STI 330S. Dié motor se krag word opgeskuif na 243 Kw, sowat 23 Kw meer as die standaard STI. Hierdie syfers plaas die STI 330S reg in die pad van die BMW M3. Hierdie STI het spesiale 90mm-uitlaatpype om die gewilde “Scooby”-klank na vore te bring. Toebehore soos Recaro-sitplekke van leer, satellietnavigasie, slim toegang en drukknoppie-aansitters is alles deel van die binneruim.

Die derde weergawe is basies dieselfde as die STI330S, maar hy heet die STI 380S (280 Kw). Subaru het wel gesê hulle gaan eers wag en kyk of daar wel belangstelling in dié meneer sal wees voor produksie sal voortgaan.

Nissan Qashqai 2+2

Nissan Qasjqai 2+2

Nissan het besluit dat hulle die res van die motorwêreld se voorbeeld moet volg en ‘n sewesitplekweergawe van die Qashqai bekendgestel. Die voertuig heet die Qashqai 2+2. Ander vervaardigers wat in die Nissan se teiken is met die bekendstelling is die Opel Zafira en Renault se Grand Scenic.

Die Qashqai is die soort voertuig wat anders is; mense hou van goed wat anders is. Dit is wel ‘n ou bekende in die sin dat dit wel ‘n Nissan is, maar tog anders omdat niks op die pad soos hy lyk nie. Enjins behoort onveranderd te wees van die huidige enjins in die reeks; dit is net dat die gesinsman nou met meer gemak sal kan vakansie hou.

Diesel Jaguar XK?

Jaguar XK Diesel

Die Britse motorpublikasie Auto Car het berig dat Tata, die nuwe eienaars van Jaguar, ‘n diesel-Jaguar XK beplan. Die motor sal deur Jaguar se 2,7 liter V6 TD wat opgegradeer is na ‘n 3,0 liter V6-dubbelturbodieseleenheid aangedryf word. Kraglewering is dan ook 183 Kw teen ‘n lae toerstrek. Brandstofverbruik sal dan ook in die omgewing van 10,6 l/100 km wees..

Nuwe Honda NSX

Honda NSX

Honda het ook aangekondig dat hulle in 2010 hulle nuwe NSX gaan bekendstel, die sportmotor word so geplaas word dat hy teen die Aston Martin V8 Vantage, Maserati GranTurismo en Jaguar XKR sal meeding. Krag sal verskaf word deur ‘n 5,5-liter V10-enjin wat 441 Kw teen 600 Nm se wringkrag ontwikkel. Die ratkas is ‘n sespoed met die dubbelkoppelaareenheid wat ratoorskakelings nie net blitsvinnig maak nie, maar ook seepglad sal hanteer. Honda sê insgelyks dat die nuwe NSX net 1 500 kg, sowat 250 kg ligter as Nissan se super GT-R, sal weeg. Hier kom ‘n ding!

хамам что это

Hockenheim behoort aan Hamilton

Lewis Hamilton op die podium

Die Britse fomule 1-rensensasie, Lewis Hamilton, lyk my is terug op sy beste. Hy het die afgelope naweek vir die tweede agtereenvolgende keer eerste oor die wen streep gejaag met sy Mclaren Mercedes.

Dit plaas hom nou eerste op die algehele bestuurder kampioenskap, en Mclaren-Mercedes in ‘n stewige derde plek om die vervaardigerstitel. Die seisoen is nog ver van gedaan en wie weet, dalk sal Hamilton nog die Mclaren F1 LM in sy motorhuis kan parkeer wat aan hom belowe is as hy die seisoen sou wen. Hockenheim was Hamilton se vierde oorwinning in 2008 en sy agtste in sy baie kort formule-eenrenloopbaan van net 27 wedrenne. Kovalainen, Hamilton se spanmaat by Mclaren, het hom laat verbygaan om sodoende die wedren te wen. Kovalainen was uiteindelik dan vyfde deur die wenstreep. Raikkonen van Ferrari was sesde en Massa, sy Ferrari-spanmaat het darem derde geëindig nadat Nelson Piquet junior van die sewentiende plek regdeur tot tweede gejaag het. Dit was Piquet se eerste podiumplek vir die seisoen.

Hockenheim 2008

A1 kry Ferrari-enjin

Die A1-wedrenne is nou nie juis formule een nie, maar volgens party mense is dit so naby as wat kan kom. Wel hier is ‘n idee presies hoe naby A1 aan Formule 1 is. Ons nuutse A1-motor gebruik die 2004 Ferrari-gebaseerde onderstel wat so suksesvol in die Schumacher-era was. Ja, dit is al amper 5 jaar later, nè! Die enjin is ‘n V8-enjin wat deur Ferrari gebou word, bande word verskaf deur Michelin. Die A1-kampioenskap begin op 19 Julie in Italië en sal dan ook na Suid-Afrika kom as een van 11 lande waar die reeks beslis word.

tiara hair band Фільчаков прокурор

Monstermotor van 1202 Kilowatt!

Die Mosler Red Devil

Al ooit gehoor van Mosler? Wel, dit is ‘n Amerikaanse spesialisvervaardiger wat eintlik Chev Corvettes ombou na monstermotors toe. Hulle peuter nie net met die enjin nie, maar het ook hulle eie bakontwerp. Hulle het die jongste Corvette 7.0-literenjin met net 404 Kw gevat en twee turbo's aangebout.

Wel, die uit einde is ‘n allemintige 1202 Kw. Ja, jy het reg gelees. Vir ‘n motor wat jy op die openbare pad mee kan ry, is dit skrikwekkend. Die motor sal die Mosler MT900 S Red Devil heet.

Ferrari-rooi Fiat 500

Fiat 500

Kort na die aankondiging dat die wêreldmotor van die jaar, die Fiat 500, plaaslik beskikbaar is, het Fiat nou ‘n spesiale weergawe bekendgestel. Die motortjie is gebaseer op die Fiat 500 Sport, maar daar is amper meer Ferrari-rooi items aan hierdie karretjie as in ‘n regte Ferrari. Hy kom in regte Ferrari-rooi, met rooi remknypers, sportrempedale, ‘n swart leerstuurwiel met rooi speke, leer binnekant en spesiale genommerde plaatjie in die deure. Die verrigting is ook so bietjie opgekikker met ‘n sportuitlaatstelsel deur Magneti Marelli, die Ferrari-onderdeelverskaffer.

Mitsubishi Dakar Rally

Mitsubishi se nuwe Rally Dakar-motor

Volgende jaar se Dakar-tydren sal nie in Dakar gehou word nie, maar in Suid-Amerika. Mitsubishi het so pas hulle planne vir volgende jaar bekendgemaak met die bekendstelling van die Racing Lancer wat hulle in die wedren wil gebruik. Die motor is ‘n superveldmotor wat spesiaal met die wedrenreëls in die oog ontwerp is. Hy sal aangedryf word deur ‘n 3.0-liter V6 met ‘n turboaanjaer wat sowat 191 Kw ontwikkel. Dit klink min, maar wag, die ding is diesel, ja diesel. Die ouens by Mitsubishi is braaf met so 'n skuif. Natuurlik is die motor dan ook vierwielaangedrewe en hulle sê die stelsel sal die grondslag vir die volgend Pajero se vierwielstel vorm.

DTM-veiligheidsmotor

R8 is DTM se Veiligheidsmotor

Audi het so pas aangekondig dat die R8-supermotor vars na sy rol as veiligheidsmotor by die Le Mans-wedren dan ook die amptelike DTM (Duitse toermotor) -veiligheidsmotor sal wees. Die motor moes minimale verandering ondergaan om die rol te vervul, want soos ons almal weet is die R8 alreeds ‘n supermotor.

Lewis Hamilton

Lewis Hamilton is baie ryk

Ja, dis nie net die ouens wat sokker speel wat baie ryk is nie. Die formule 1-jaer Lewis Hamilton het so pas 200 000 Britse pond vir ‘n spesiale nommerplaat wat lees “LEW 1S” betaal. Hamilton se basiese salaris by Mercedes Mclaren beloop sowat $27 miljoen (R205 000 000) per jaar. Dit is baie erg, maar dit is dan ook nie elke 23-jarige renjaer wat vir Mclaren se formule 1-span jaag nie, nè? Ons weet ongelukkig nie watter een van sy supermotors die nommerplaat gaan dra nie, maar dit kan moontlik die Mclaren F1 LM-motor wees wat hy belowe is as hy die 2008-seisoen wen. Die motor is sowat R4 miljoen werd.

Maserati Gran Turismo Spyder

Maserati het aangekondig dat hulle die baie gewilde GranTurismo se dak gaan laat waai. Die motor sal die Spyder heet. Dit deel ook dan onderdele met die nuwe Ferrari California wat so 'n maand gelede bekendgestel is. Die Spyder sal dieselfde 298KW V8-enjin van die Gran Turismo-koepee gebruik. Hy het ook dan ‘n 6-spoed-ZF outomatiese ratkas soos die koepee. Hierdie motor sal vroeg in 2009 beskikbaar wees en ons glo plaaslik sal hy baie gewild wees.

для аккумулятора

Opwindende motornuus

Die Top Gear-span

Wil jy graag in 'Top Gear' se ateljee wees tydens 'n opname? Lees meer oor Benz se 'Black Series', die Lotus Eagle en die SCC.

Benz se 'Black Series'

Die SL reeks wat ‘n maand gelede ‘n ontrimpeling ondergaan het het so pas ‘n nuwe heerser gekry. Dit is die SL 65 Black Series. Net om na die motor te kyk gee jou hoendervleis. Dit is so naby aan ‘n SLR Mclaren as wat kan kom. Die motor is ‘n voltydse koepee, met ander woorde sy dak kan nie afslaan nie. Hy staan breër op die teer en hurk laer op sy skokbrekers, hy het ‘n groot vlerk agter en sy wielboë is ook uit gebou sodat ‘n mens glad nie hierdie motor sal kan mis kyk nie.

Mercedes SL65 AMG

Dit alles is darem nie net vir die oog nie, die is ‘n monstermotor met syfers wat jou oë sal laat traan. Krag uit hierdie 6,0 liter V12 met twee turbo aanjaers is byna ongelooflik teen 493KW teen 5400 o/min en ‘n vestommende 1000 Nm teen 1800 o/min. Hierdie motor sal van 0-100km/h versnel binne 3,8 sekondes en hy sal maklik 320 km/h haal. Die motor is ligter met koolstofinsetsels in die dak en bak en ‘n superlige onderstel. Die prys $320 000 of sowat R2,5 miljoen.

Lotus Eagle

Lotus Eagle 2+2

Lotus het na baie bespiegelinge in die motorwêreld uiteindelik hulle nuwe midenjin 2+2 koepee aan die pers gewys. Die motor lyk soos ‘n Elise met ‘n slanker daklyn. Die enjin is ‘n Toyota 3,5 liter V6 met 205 KW se krag. Volgens Lotus kan die motor ‘n topsnelheid van 256 km/h haal en sal minder as 5 sekondes neem om 100 km/h te haal. Lotus sal nie net die 2+2 bou nie, maar daar sal inder waarheid vyf verskillende weergawes van die Eagle losgelaat word wat onder meer ‘n afslaan dak insluit. Produksie van die motors sal in April 2009 begin.

SCC

SCC Ultimate Aero EV

Al ooit gehoor van SSC? Dit staan nou vir Shelby Supercar en dit is amptelike die wêreld se vinnigste produksiemotor. Die SSC Ultimate Aero het 412 km/h in twee rigtings aangeteken en dit vir ‘n standaard padmotor. Daai ouens het nou ‘n groen monster bekendgestel, naamlik die Ultimate Aero EV (Electric Vehicle) en soos die naam voorstel word hy deur elektriese krag aangedryf. Die motor sal aangedryf word deur twee 367 KW elektriese enjins, ja twee sowaar. Verder sê die ouens van SSC dat hierdie motor net elke ses jaar gelaai hoef te word. Ongelooflik!

Wil jy in 'Top Gear"se ateljee wees tydens 'n opmame?

As jy ‘n regte motorentoesias is weet jy dat Top Gear die program is wat jy nie mag misloop nie. Wel met kykersgetalle van bykans 200 miljoen mense elke week is dit verseker een van die gewildste tv-programme, maar wat julle dalk nie geweet het nie is dat jy ‘n hele 21 jaar sal moet wag om ‘n opname by te woon. Die drie manne van Top Gear is so gewild met hulle snaakse sêgoed en kinderlike speelsheid met al die duur en skaars motors dat jy nou al sal moet bespreek as jy eendag dalk in die ateljee wil wees tydens ‘n opname. ‘n Mens kan darem nie regte passie koop nie!

Данильченко Харьков

Luukse gemengde petrol-elektriese motors vir Suid-Afrika

Gemengde Lexus

Die Japannese motorvervaardiger Lexus het aangekondig dat dit gemengde petrol-elektriese modelle in Suid-Afrika gaan bekendstel.

Die twee modelle sal na verwagting in September vanjaar geloods word.

Lexus sê dat beide modelle die verrigting van petrol V8's bied met die ekonomie van soortgelyke dieselmodelle.

Die enjin gebruik elektriese krag, enjinkrag en 'n kombinasie van albei sover dit die eise en toestande van die pad betref.

Die gemengde enjin bereik 'n topspoed van 250 kpu terwyl dit gemiddeld 7,9 liter per 100 km verbruik.

Отрадная теннис

Franse motors verloor hul glans

Volgens 'n Britse verbruikersopname is die beste motors Japannees.

Ses uit die tien slegste motors is Frans. Eienaars kla oor onbetroubaarheid, goedkoop binneruime en skurende ratkaste.

Aan die onderpunt van die leer is die Renault Espace gevolg deur die Renault Laguna.

Sewe uit die top 10-motors is Japannees. Maar die nommereenmotor is die sportiewe Duitse Porsche Boxster.

Die opname is gebaseer op 90 000 eienaars at gedurende Januarie en Februarie 2008 ondervra is.

сайт игрушки

Nuwe Hilux

Audi A6

Nuwe Volkswagen Golf

Mahindra Hummer?

SLK met 'n glasdak

Audi R8 V10

Lamborghini verklaar groot winste

Jaguar XFR

Renault Alpine-sportmotor

Nuwe Renault Mégane

Chrysler is nou op sy eie

Max Mosley glimlag

Warm Imprezas

Nissan Qasjqai 2+2

Diesel Jaguar XK?

Nuwe Honda NSX

Hockenheim 2008 A1 kry Ferrari-enjin

Hockenheim 2008

A1 kry Ferrari-enjin