Die nuus dat ‘n boere-egpaar van Nylstroom, Jaco en Bess Bogaards, tans sonder verhoor op Warmbad aangehou word, is op sy minste kommerwekkend. Die Bogaardse word beskuldig van “hoogverraad, terrorisme en dat hulle glo hulp verleen het aan voortvlugtige verdagtes.”
Bogaardse: Waar is mev. Suzman nou?
Die nuus dat ‘n boere-egpaar van Nylstroom, Jaco en Bess Bogaards, tans sonder verhoor op Warmbad aangehou word, is op sy minste kommerwekkend. Die Bogaardse word beskuldig van “hoogverraad, terrorisme en dat hulle glo hulp verleen het aan voortvlugtige verdagtes.”
Die vyftiende Januarie 2007 was glo ‘n heuglike dag vir beide homself en die ANC, aldus die veroordeelde maar onboetvaardige misdadiger, Tony Yengeni. Waarskynlik was dit syns insiens ‘n heuglike dag vir die land as geheel, gegewe hoe die ANC hom klaarblyklik verbeel dat die party, nes Lodewyk XIV, die staat ís. Yengeni is vandag uit die Malmesbury-gevangenis vrygelaat, nadat hy ‘n hele vier maande van sy tronkvonnis van vier jaar uitgedien het. 
Onder groot druk van die media het Thabo Mbeki uiteindelik erken dat misdaad in Suid-Afrika bestaan. Maar so pas tydens ‘n onderhoud op SABC2 het die ANC-leier teruggekrabbel deur te beweer dat "misdaad in alle lande bestaan" en dat die hoë voorkoms daarvan in ons land "’n blote persepsie" verteenwoordig.
Albert Einstein het nie verniet gesê dat dit moeiliker is om vooroordeel te elimineer as om die atoom te splits nie. In sy rubriek