Suider-Afrika Archives - Page 9 of 164

Semenya sal in November haar geslag weet

Suid-Afrika se vroue 800m wêreldkampioen sal in November weet of die atletiekowerhede haar as 'n man of 'n vrou beskou.

"In beginsel sal die saak rondom 20 November voor die uitvoerende raad verskyn. Niks sal voor dit bekendgemaak word nie," het Pierre Weiss, sekretaris-generaal van die Internasionale Vereniging van Atletiekfederasies, IAAF, aan AFP gesê.

"Dit is duidelik dat sy 'n vrou is, maar dalk nie 100% nie. Ons sal moet sien of sy voordeel trek in vergelyking met ander atlete omdat sy moontlik tussen die twee geslagte is," aldus Weiss.

Die hoof van Atletiek Suid-Afrika, ASA, het intussen bewerings dat hulle weier om hul samewerking aan die IAAF te bied, ontken.

Die IAAF het tydens die kampioenskappe verskeie toetse op Caster Semenya uitgevoer om haar geslag te bevestig.

Die resultate is nou beskikbaar, maar die IAAF wil dit nie bekendmaak voordat hulle met Semenya gepraat het nie.

Volgens Nick Davies, IAAF-woordvoerder, probeer hulle met haar in verbinding tree.

Hulle sê die ASA geïgnoreer die pogings om haar te kontak.

Leonard Chuene, hoof van ASA, ontken egter dat die internasionale organisasie vir Semenya probeer kontak het.

“Dis absulute nonsens,” het hy gesê.

Hulle het blykbaar kommunikasie per e-pos gehad, maar “dit was oor iets totaal en al verskillend”, het hy gesê.

Spanning heers tussen die twee organisasies sedert die IAAF die ondersoek in Semenya se geslag aan die publiek bekendgemaak het.

Die IAAF is sedertdien in Suid-Afrika van rassisme beskuldig.

Gerugte doen die rondte dat Semenya geen interne vroulike organe het nie, en 'n hermafrodiet is.

NVG wankel onder personeeltekort

Die Nasionale Vervolgingsgesag, NVG, sukkel weens 'n reuse personeeltekort om die mas op te kom.

"'n Tekort aan ervare lede plaas 'n demper op die effektiewe en doeltreffende vervolging van misdadigers," lui die NVG se jaarverslag.

The Star het Donderdag berig dat dié verslag ook die werkstoestande by howe kritiseer en sê die slegte werkstoestande by die laer howe "neem ernstige afmetings aan".

Die ontbinding van die Skerpioene en die gebrek aan 'n permanente gesagsfiguur veroorsaak ’n baie lae moreel onder personeel.

Die NVG gaan die laaste paar jaar gebuk onder probleme soos "die groot aantal poste wat nie gevul word nie, ouditnavrae en -bevindinge, finansiële beperkings en dat mense in bestuursposisies dikwels bedank".

инструмент для

Telkom kla omdat duif internet wen

Telkom sê dis nie hulle skuld dat Winston die duif vinniger is as The Unlimited se internetkonneksie nie.

“Telkom wil dit net duidelik maak dat ons nie vir die maatskappy se stadige konneksie geblameer kan word nie,” het Troy Hector van Telkom aan die media gesê.

“Ons het al baie voorstelle aan die spesifieke maatskappy gemaak, maar hulle het tot dusver alles van die hand gewys.

“Dit is ook noemenswaardig dat Telkom nie hulle primêre internetverskaffer is nie,” het Hector gesê.

The Unlimited, ‘n inbelsentrum, het vroeër die week ‘n vier gigagreep databondel aan Winston die duif se poot in Durban vasgemaak en na hul hoofkantoor in Hillcrest laat vlieg.

Hulle wou bewys dat dié outydse metode vinniger is as Telkom se lyne.

Winston het hulle nie teleurgestel nie, en die databondel wat via die landlyn gestuur is, was slegs 4% deur toe Winston omtrent twee ure later in Hillcrest aankom.

Telkom het aan Kevin Rolfe van The Unlimited gesê dat as hy enige probleme ervaar, hy beswaar moet aanteken by Telkom se inbelsentrum.

“As daar ‘n groot probleem is, dan rapporteer ons dit.

“Probleme is egter so volop dat mense aanmekaar besware aanteken,” het Rolfe gesê.

освещение ванной и топкарго кидалы

Weermag gaan nie amokmakers nou afdank

Die weermag gaan nie dadelik die soldate wat aan 'n onwettige optog na die Uniegebou deelgeneem het, afdank nie. Die soldate sal ten minste nog twee maande aanbly.

Sandu (SA National Defence Union) het Woensdag die minister van verdediging Lindiwe Sisulu en die hoof van die Nasionale Weermag hof toe geneem om te keer dat sy lede afgedank word. Hulle voer ook aan dat die prosedure wat met die ontslag gebruik is, ongrondwetlik is.

Na verskeie ure se onderhandelinge, het die minister laat Woensdag onderneem om nie enige Sandu-lede wat aan die optog van 26 Augustus deelgeneem het, summier af te dank nie.

Volgens die ooreenkoms mag die weermag ook nie enige van die soldate se voordele opskort nie, maar hulle mag "herontplooi" word indien hulle in dieselfde geografiese gebied bly.

Dit mag beteken dat die soldate op spesiale verlof geplaas kan word met volle betaling, terwyl hulle voordele teruggehou kan word.

Die minister en hoof van die weermag is twee maande gegee om die aansoek teen te staan.

Die unie wil ook hê die hof moet die moontlike afdanking van hulle lede deur die weermag se interne stelsel verhoed. Volgens die weermag se kennisgewing aan die soldate wat aan die optog deelgeneem het, was hulle besig met kriminele aktiwiteite, het hulle die veiligheid van die land bedreig en is skuldig aan muitery.

Sandu se sekretaris Johannes Greeff sê die lede het om verlof aansoek gedoen, maar is verlof geweier omdat die unie reeds twee hofuitsprake in hulle guns gehad het.

Greef sê niemand het ooit aan hulle lede gesê dat die weermag op hoë veiligheid geplaas is nie. Die interdik om die optog te stop, sê Greef, is 'n halfuur voor die aanvang van die optog gelewer.

Teen daardie tyd was 3000 SANW-lede reeds voor die Pretoriase stadsaal saamgetrek.

Greef sê die weermaglede het onder polisiebegeleiding na die Uniegebou beweeg sodat hulle na die verklaring van die interdik kon gaan luister en het nooit aan 'n onwettige optog deel geneem nie.

Greef sê die prosedure van die weermag is "uiters onregverdig en onwettig" en die metodes om die ontslag van sekere lede te bewerkstellig "irrasioneel".

Hy sê ook die klagtes teen lede is so vaag dat dit antwoorde deur lede sal benadeel.

Greef het benadruk dat die "jammerlike optrede" van sommige lede by die Uniegebou nie aanvaarbaar was nie. Sandu sal hulle eie ondersoek na die voorval loods.

Cosatu het die besluit om die soldate te "herontplooi" geloof as 'n oorwinning vir menseregte.

Данильченео

Reigerpark-leerders met wapens gevang

Twee 16-jarige seuns is Woensdag in hegtenis geneem nadat hulle in besit van vuurwapens en ammunisie was op hulle skoolgronde in die bruin woonbuurt Reigerpark.

Volgens konst. Tsietsi Lamola, polisiewoordvoerder, is die polisie na die skool in die Oos-Rand uitgeroep nadat ander leerlinge die onderwysers in kennis gestel het dat die twee verdagtes vuurwapens by hulle het.

“Met die polisie se aankoms by die skool het hulle ‘n vuurwapen aan die een seun gekry en ammunisie aan die ander. Sake is intussen teen beide seuns oopgemaak. Hulle sal binnekort in Boksburg in die landdroshof verskyn,” het Lamola gesê.

topcargo

ANC-raadslid molesteer kinders

Kanono Kanono, ‘n ANC-raadslid vir die Mafube munisipaliteit het Woensdag in Frankfort se landdroshof in die Vrystaat verskyn op aanklagte van seksuele teistering van meer as tien kinders.

Kanono, ook ‘n onderwyser aan die Mfundo Thuto Hoërskool, het na bewering leerders van onder die ouderdom van 15 jaar na sy huis gelok waar hy vir hulle pornografiese videos laat kyk het, het die SAUK berig.

Hy het hulle glo daarna seksueel geteister.

Die uitsaaier het gesê honderde lede van die ANC-Vroueliga en leerders het voor die landdroshof betoog.

Sisi Ntombela, die voorsitter van die Vrystaatse Vroueliga, het gesê die party sal geen teistering deur hulle lede duld nie.

solots games

Twee wil duisende aanvalsoldate werf vir 2010

Twee mans is vasgetrek omdat hulle na bewering poste in die polisie en weermag in Nelspruit "verkoop" het, het die Mpumalangapolisie Dinsdag bekend gemaak.

Die twee het hulleself voorgedoen as werksaam by die polisie se menslikehulpbronnedepartement en was in besit van SAPD-vorms, Mbombela-munisipaliteit se werksaansoekvorms, drie CV's en posadvertensies van die City Press-koerant het kaptein Leonard Hlathi gesê.

Die mans het werksaansoekers gebel, hulle ingelig dat hulle die aansoeke ontvang het en hulle dan gevra om R3 000 in kontant na die afspraak te bring.

Die polisie het 'n lokval vir die mans gestel en hulle gearresteer.

In 'n soortgelyke insident, ook in Nelspruit, het die polisie 32 klagtes tussen Maandag en Dinsdag ontvang dat mense besig is om Nasionale Weermag poste te verkoop.

Die mense was besig om pamflette uit te deel wat poste in die weermag belowe en die weermag se embleem en die Suid-Afrikaanse vlag was op die pamflette afgedruk.

"Hulle het beweer dat die regering beplan om seker te maak dat daar 30 000 aanvalsoldate teen 2010 aansluit."

Mense wat gereageer het op die advertensie, het 'n teksboodskap ontvang wat hulle gevra het om R200 in 'n bankrekening te deponeer.

Daarna moes hulle Maandag buite die Promenade Hotel in Nelspruit gaan wag vir 'n bus om hulle te vervoer. Die bus het nooit opgedaag nie.

Hlathi het gesê hulle doen 'n beroep op mense om geen oproep of pamflet wat werk in ruil vir geld aanbied, te beantwoord nie. "Geen werk is te koop nie," het hy gesê.

Vyf polisielede geskors na kroegbesoek

Vyf polisielede van Pretoria is geskors nadat hulle in 'n kroeg aangetref is waar hulle besig was om te drink terwyl hulle veronderstel was om op diens te wees, het die SAUK Dinsdag berig.

Die vyf, waarvan twee inspekteurs is en twee sersante, is by die Sinoville-stasie en het hulle uniforma aangehad tydens die drinksessie.

Hulle vuurwapens is gekonfiskeer en hulle gaan ondersoek word.

Woordvoerder vir die polisie in Gauteng, direkteur Govindsamy Mariemuthoo, het aan die uitsaaier gesê "provinsiale kommissaris [Perumal] Naidoo het 'n streng waarskuwing gerig dat hierdie soort gedrag nie geduld sal word nie. Ons dien lede van die publiek en ons aanslag moet profesioneel wees".

VF Plus veroordeel rasaanval op Tuks

Die VF Plus het die ontwrigting van die Studenteraadsverkiesing op die Tuks-kampus vandag deur die Students Forum skerp veroordeel.

“Die Students Forum wat saamgestel is uit lede van PASMA, SASCO, Die Jong Kommuniste Liga en die ANC het vandag alle perke oorskry,” sê mnr. Jaco Mulder, LPW en VF Plus Leier in Gauteng. “Die Studenteraadsverkiesing word reeds vir meer as 10 jaar deur die VF Plus oorheers. Die ondemokratiese optrede van die Students Forum vandag wys op die totale politieke onvolwassenheid van die groep. Dit laat die rooi ligte flikker vir die toekoms van demokrasie in Suid-Afrika indien die komponent van die jeug hulself soos barbare gedra.”

Die VF Plus volg die weg van vreedsame demokrasie en ondersteun die aksies van die VF Plus-gesinde kandidate.

Die rasgedrewe aanval op die Kampus vandag waar vandalisme en aanrandings aan die orde van die dag was, word met minagting deur die VF Plus verwerp.

Die VF Plus eis dringende optrede deur die Universiteitsowerhede en die Suid-Afrikaanse Polisiediens.

Mnr. Charl Oberholzer, VF Plus-jeugleier op die Kampus, is ook in die proses aangerand en oorweeg kriminele klagtes teen lede van die Students Forum.

белое сухое вино цена

Polisielid in sy voertuig gekaap

‘n Polisieman van die Oos-Kaap is Maandag in sy duur polisievoertuig gekaap, het die polisie gesê.

Die man was nie in uniform nie, maar was in die polisievoertuig onderweg toe die voorval rondom 6:30 Maandagoggend in Mthatha in die Oos-Kaap plaasgevind het.

Die polisieman se identiteitsdokument, bankkaarte en selfoon is deur die verdagtes gesteel en hulle het in sy polisievoertuig van die toneel gevlug.

“Die owerhede is in kennis gestel en die verdagtes is ‘n entjie verder voorgekeer”, het supt. Mzukisi Fatyela gesê.

Twee mans is in hegtenis geneem en sal binnekort in die hof verskyn. Die polisieman se besittings is aan hom terugbesorg.