‘n Polisieman van KwaZulu-Natal is in hegtenis geneem nadat heroïne en kokaïne in sy besit gevind is by die Fifa-jolkol in Durban, het die polisie Donderdag gesê.
“Hy het die dwelms, vyf selfone en R10 000 in sy motor gehad,” het lt. kol. Vincent Mdunge, polisiewoordvoerder, gesê.
Die polisieman was glo nie aan diens gewees nie en onder die invloed van alkohol.
Na bewering sal die verdagte Donderdag in Durban in die landdroshof verskyn.