Die Namibiese dagblad Republikein berig dat dié land se regering Eugene de Kock, voormalige Vlakplaasbevelvoerder, sal aanvaar indien hy kwytskelding kry.
’n Hooggeplaaste uit Namibié het De Kock in die Pretoria-Sentraal-gevangenis besoek en ‘n uitnodiging aan hom gerig. Oudpres. Sam Nujoma is glo bewus van dié verwikkeling.
Die Namibiese minister van justisie, Pendukeni Iivula-Ithana, sê Namibië se beleid van nasionale versoening het hulle genoop om die stap te neem.
De Kock se vader was in 1989 die hoofkiesbeampte in Namibië terwyl hy as hooflanddros in Windhoek gedien het.