Binnekort nie meer rooivleis in Kwazulu-Natal nie?

Daar kan binnekort ’n ernstige tekort aan rooivleis in Kwazulu-Natal ontstaan as die veediefstalprobleem in die provinsie nie vinnig aangespreek word nie. Dit is die prentjie wat die Kwazulu-Natalse Rooivleisvereniging Dinsdag aan die provinsiale regering geskets het.

Vee word oor die grense na Lesotho en Swaziland gesmokkel en het die bedryf reeds ’n ernstige knou toegedien. Volgens die vereniging se segsman, Herman de Wet, het die situasie vererger toe die militêre kommando’s ’n ruk terug ontbind is. “Die onttrekking van SANW-troepe aan die Lesotho-grens het die situasie verder vererger. Misdadigers smokkel vee uit sonder vrees dat hulle gearresteer gaan word.“

Die vereniging het Dinsdag ’n beroep op die provinsiale regering gedoen om ’n reaksie-eenheid op die been te bring wat vinnig kan optree in areas wat die meeste deur veediefstal geraak word. Volgens De Wet is slegs 9 751 diere teruggekry uit die 22 432 wat die afgelope twee jaar in die provinsie gesteel is. Boere het diere ter waarde van meer as R95 miljoen verloor.

Volgens ’n onlangse verslag van die Instituut van Veiligheidstudies aan die Universiteit van Pretoria kos veediefstal die nasionale landboubedryf sowat R230 miljoen. Die plundering van oeste beloop skade ter waarde van R444 miljoen, gewone diefstal R100 miljoen en diefstal van landbou-implemente sowat R205 miljoen. Die diefstal van voertuie, saad, petrol en wapens beloop ongeveer R221 miljoen per jaar.

баня #ИМЯ?Данильченко Юрий Брониславович Харьков

Maak 'n opvolg-bydrae