Die kinders se ma, Maice Moyo, het Sondag 7 Augustus ná die brand aan haar wonde beswyk.
Die tweelingdogter is ‘n paar dae later dood.
Die twee swartes en hul tweeling is aan die brand gesteek in ‘n aanval by ‘n huis in Olympicstraat waar Moyo as ‘n huishulp gewerk het.
Die polisie het vroeër gesê ‘n liefdesdriehoek is dalk die oorsaak vir die aanval en nie ‘n rooftog soos aanvanklik gedink is nie.
Verlede week het snr. supt. Eugene Opperman, ‘n polisiewoordvoerder, gesê die saak word ondersoek.
The Star het Dinsdag berig dat Moyo volgens haar broer, Robert, ses ander kinders gehad het.
Die kinders se ouderdomme is tussen agt en 20. Vier van dié kinders woon in Zimbabwe.
“Die eerste keer toe ek hoor Maice is dood kon ek dit nie glo nie. Ek het na die polisiekantoor gegaan en hulle het vir my haar verbrande paspoort en ander boeke gewys. Dít is toe ek besef het dit is waar,” het Moyo se broer gesê.
“Ek was geskok. Ek kan nie snags slaap nie. Ek het baie pyn,” het hy gesê.
Leave a Reply
You must be logged in to post a comment.